رواية خلخال حليمه الفصل السادس 6 بقلم اية عرفات
خلخال حليمه البارت السادس
وفجاه راشد جه من وراها
حليمه انا جيت حسب الميعاد
راشد برافو عليك هتفضلي واقفه بره كده ادخلي تعالي
حليمه دخلت القصر اول ما دخلت انبهرت من جمال وحلاوه القصر
راشد اتفضلي اقعدي
حليمه طب ممكن اعرف اي اللي هيحصل دلوقتي حالا عشان اكون بس مستعده للي هيحصل
راشد اتفضلي غيري هدومك ولما تغيري هدومك الاول وترتاحي بعد كده هيجي الماذون وهنكتب كتب الكتاب النهارده ان شاء الله
حليمه طب ليه السرعه دي مش ممكن ناجل كتب الكتاب شويه يعني اسبوع ولا حاجه
راشد مافيش وقت انا طيرتي بكره بالليل ولازم قبل ما اسافر اكون مطمن على ابني
حليمه خلاص اللي حضرتك شايفه بس ممكن اطلب منك طلب
راشد اتفضلي طبعا
حليمه انا عايزه 10000جنيه من تحت الحساب تبعتهم على رقم اختي هم عايزين مصاريف دلوقتي
راشد حاضر يا انتي اسمك اي
حليمه انا اسمي حليمه
راشد كل ده وما اعرفش اسمك اسمك حلو يا حليمه حاضر النهارده باذن الله هبعتلهم الطلب ده
حليمه شكرا لحضرتك
راشد ممكن اعرف هو انت اصلك منين يا حليمه
حليمه انا من الاسماعليه واهلي هناك وانا جيت هنا عشان اشتغل
راشد نورتي القاهره يا حليمه
حليمه شكرا جدا لحضرتك
حليمه طلعت عشان تغير هدومها بس كانت محتاره الاول ومش عارفه تخش انهي اوضه ومش لاقيه حد في القصر يعرفها طريق الاوضه بتاعته قررت تدخل اوضه من الاوض اول ما دخلت ما كانش فيها اي حد
حليمه الحمد لله ومره واحده سمعت صوت حد بيقول مين
حليمه اتجمدات مكانها
عزيز قلت مين
حليمه..........
عزيز مين اللي دخل الاوضه انا متاكد ان حد دخل انا سمعت صوت خلخال اللي دخل الاوضه يرد ويقول مين
حليمه.............
عزيز قام واقف وبدا يدور في الاوضه
حليمه كانت في ركن ومرعوبه قررت تتسحب وتطلع بره الاوضه من غير ما هو يحس
عزيز كان بيحسس على حيطان الاوضه لانه اعمي ومره واحده حليمه طالعه من باب الاوضه عزيز مسك ايديها
حليمه ماكانتش قادره تاخد نفسها من كتر الرعب
عزيز هو انا مش قلت مره واتنين وثلاثه مين انتي ما بترديش ليه
حليمه انا اسفه دخلت الاوضه غلط
حليمه كانت بتكلم وصوتها كانت بيتهز كانها مرعوبه وكان ايديها بترعش في ايد عزيز
عزيز مين انتي
حليمه ما كانتش قادره تتكلم مره واحده شدت ايديها وفتحت الاوضه وطلعت تجري
حليمه دخلت اوضه تانيه وفضلت تترعش من الرعب
حليمه ده اكيد اللي هيبقى جوزي كمان شويه عمو قالي ان هو مابيشوفش وده فعلا ما كانش بيشوف بس هو طلع شكله حلو اوي وله نجم من نجوم السيما
نرجع بقى لعزيز
عزيز شاب وسيم طويل عنده عضلات بارزه من جسمه بشرته قمحاوي عيونه خضراء شعره بني
عزيز مين اللي دخلت وكانت مرعبه جدا انا ما بقتش فاهم حاجه في البيت ده
حليمه لبست فستان حلو اوي ونزلت من على السلم وكانت مرتبكه جدا
راشد اتفضلي يا عروسه انتي جاهزه
حليمه بصوت واطي ايوه جاهزه
راشد طب الماذون على وصول هطلع اجيب عزيز وهنزل
حليمه ماشي
راشد طلع عشان يجيب عزيز اول ما دخل من الباب
عزيز اتفضل يا بابا
راشد نفسي اعرف انت بتعرف ازاي اني انا الي دخلت
عزيز انت مش محتاج اني انا اعرفك كفايه قلبي بيحس بيك
راشد ان شاءالله يا ابني هترجع احسن من الاول وهتشوف باذن الله
عزيز انت بقلك 10 سنين بتقولي كده يا بابا واهو مافيش اي حاجه بتحصل غير اني انا بفضل برده قاعد على الكرسي ده وحياتي عباره عن سواد
راشد خلي املك في ربنا كبير يا ابني ان شاء الله ربنا يحميك وهيرجعلك نظرك تاني وهترجع احسن من الاول
عزيز باذن الله يا بابا خير في حاجه
راشد كنت عايزك معايا تحت
عزيز انت ما بتعرفش تخبي عني حاجه يا بابا قول على طول في اي
راشد انت عارف اني انا المفروض اسافر بكره ان شاء الله سفريه تبع الشغل
عزيز ايوه طبعا عارف وعارف كمان انك ما كنتش عاوز تطلع السفريه دي علشاني وانا اللي صممت انك تطلع لاني ده السفريه الوحيده اللي هتنقلنا في شغلانه جامد جدا
راشد وانا سمعت كلامك وحجزت التذكره
عزيز طب كويس
راشد بس عندي طلب واحد بس
عزيز اتفضل
راشد تتجوز النهارده
عزيز نعم
راشد بقولك تتجوز والنهارده
عزيز اي اللي انت بتقوله ده يا بابا
راشد ده السبب الوحيد اللي هيخليني اسافر وانا مطمن عليك ولو رفضت انا هلغي السفريه دي لان انا ما ينفعش امشي واسيبك لوحدك عزيز يا بابا انا مش عاجز علشان خاطري بلاش تاخد قرار في يخص حياتي
راشد انا قلتلك اللي عندي ولو رفضت انا هلغي التذكره دلوقتي انت ماينفعش معاك اي خدامه كلهم بيطفشوا منك من اول يومين لازم واحده تبقى معاك وتستحمل تصرفاتك ودي عمرها ما هتكون خدامه دي هتكون زوجه هي اللي هتبقى جنبك لحد ما ارجع ولما ارجع ساعتها ابقى اعمل اللي انت عايزه ولو عايز تطلقها طلقها مش مشكله وانا كمان متفق معها على كده
عزيز بس ده مش اسمه جواز يا بابا ده اسمه صفقه
راشد سميها زي ما تسميها بس اهم حاجه اكون مطمن عليك
عزيز ولو رفضت يا بابا
راشد عادي براحتك بس ساعتها انا هلغي التذكره وهلغي كل الشغل وهقعد جنبك لان انا عمري ما اقبل اني انا ابني يبقى كده واسيبك لوحدك
عزيز فضل يفكر في كلام أبوه
راشد يلا يا ابني ربنا يهديك عشان الماذون زمانه على وصول
عزيز ما كانش بايده اي حاجه غير ان هو يوافق
عزيز بس زي ما قلتلك يا بابا الجواز ده هيبقى صفقه
راشد انا موافق ولما تخلص 6شهور ممكن تطلقها عادي
عزيز ماشي يابا وانا موافق
عزيز مسك في ايد ابوه ونزله من على السلم
حليمه اول ما شافته كانت قلبها مرعوب
الماذون جه وكتبوا كتب الكتاب
الماذون بارك الله لكما وبارك عليكما وجمع بينكما في خير
عزيز انا عملت اللي انت عايزه يا بابا يارب تسافر وتكون مطمن عليا
راشد ربنا يباركلي فيك يا ابني ان شاء الله هتبقى احسن من الاول
عند حازم في البيت
حازم فضل يفكر في الكلام اللي قاله اصحابه
حازم هو ده الحل الوحيد ده اللي هيخليني اكسرها واحط عينها في الارض
حازم رن على دينا دينا بس مكانتش بترد عليه
خد عربيتو قدام بيتها وبعتلها رساله انها تنزله وفعلا دينا نزلت
دينا هو انت عايز تفضحني انت عايز مني اي
حازم انا عايز اعتذرلك على اللي حصل
دينا تعتذر عن اي اللي قولته ليا مينفعش فيه اعتذار خالص لو سمحت ابعد عني وماتجيش هنا تاني
حازم حتى لو قلتلك ان ده كان اختبار ليكي واني بحبك وعايز اتجوزك على سنه الله ورسوله
دينا وقفت مكانها كان هتم*وت من الفرحه
دينا انت بتتكلم بجد حازم
ايوه بجد كل ده كان اختبار ليكي ولو كنت وفقتي تتجوزيني عرفي ماكنتش وافقت بيكي وكنت سبتك فورا بس طلعتي فعلا ب 100 راجل
دينا اخص عليك وقعت قلبي
حازم سلامه قلبك انا خلاص كلمت ماما وهي وافقت اني احنا نعمل خطوبه وبعد سنتين هنتجوز وكمان هي موافقه انها تقابل ابوكي وتكلمه
دينا بجد انا مش مصدقه نفسي انا عايزه اطير من الفرحه
حازم هتطيري ان شاء الله على بيتي وتبقي مراتي مبروك يا احلى عروسه
دينا الله يبارك فيك يعني احدد ميعاد مع بابا
حازم لا لا مش دلوقتي انا بس ماما تعبانه اول ما تقوم بالسلامه هخليكي تحددي ميعاد مع بابا يعني اسبوع او اتنين بالكتير
دينا خلاص ما فيش مشكله الف سلامه عليها
حازم الف سلامه لوحدها مش كفايه انت لازم تاخدي بوكيه ورد وتروحي تزوريها
دينا ازاي يعني
حازم هي خلاص بقت حماتك ولازم تروحي تطمني عليها يا اما والله العظيم هتزعل منك
دينا لا فعلا ما اقدرش ازعلها بس انا فعلا ما ينفعش اروح بيتكم انا وانت لوحدنا
حازم خلاص مش مهم اروح معاكي انا اديكي العنوان وانتي روحي لوحدك خبطي عليها هتلاقي اخويا هيفتحلك الباب هتخشي هتسلمي على ماما وتقولها الف سلامه وتروحي على طول حاجه بسيطه يعني
دينا يا حازم ماينفعش انا هكلمها في التليفون وهقولها الف سلامه وخلاص
حازم يبقى انتب عايزاني وعايزه ماما تزعل منك
دينا انا بس خايفه حازم
حازم ما تخافيش انا مش هكون معاكي عشان تخافي احددلك ميعاد ان شاء الله بكره الساعه 3:00 تمام وآله اي
دينا خلاص ماشي يا حازم انا ما اقدرش على زعل ماما ولا زعلك
الساعه 3:00 ان شاء الله هكون في البيت عندكم
حازم ضروري ماما تعبانه لازم تروحي تطمني عليها وتشوفيها
دينا خلاص بقى يا حازم حاضر هروح اطمن عليها واشوفها يلا روح وانا هطلع اشوف ماما
حازم ربنا يخليكي ليا يا حبيبتي
حازم ركب عربيته ومشي وكلم اصحابه في التليفون واتفق معاهم على كل حاجه هيروحوا يستنوها الساعه 3:00 واول ما تيجي هيغت*صبوها
في القصر عند راشد
رجاء خلاص عملت اللي في دماغك جبت لابنك واحده من الشارع وجوزتهاله
راشد ما انا لو شايفك تعرفي تحافظي عليه كنت سبتهوالك بس انتي اصلا ما بتحبوش
رجاء وانا احبه ليه هو ابني عشان احبه وانا مش ناقصه حمل عليا وابنك ده اكبر حمل
راشد اديني ريحتك وما لكيش دعوه اعمل اللي انا اعمله
رجاء هترجع تندم على اللي انت عملته ده
راشد الي عملته هو الصح لما يبقى عنده زوجه هتخلي بالها منه وانا فعلا كنت غلطان لما فكرتك هتبقى ام ليه وهتخلي بالك منه
رجاء هو انت كنت متجوزني زوجه وله خدامه لابنك
راشد خلاص يا رجاء الكلام انتهى واللي حصل حصل وربنا رزقنا بعمرو ودلوقتي بقى هو الي رابط بيني وبينك ياريت ما تتكلميش في اي حاجه خليني اقضي ليله حلوه قبل ما اسافر بكره
رجاء ماشي
راشد بس عايز اقولك خلي بالك من حليمه لما امشي هي حاليا ملهاش غيرك فاهميه كل حاجه واحده واحده
رجاء يااااااع اي الاسامي البيئه دي كمان اسمها حليمه
راشد خلي بالك منها في غيابي
رجاء سافر وانت مطمن ان شاء الله كل حاجه هتمشي زي ما انت عايز
في الغرفه عند عزيز
عزيز دخل وقف قدام الشباك وحليمه واقفه على الباب
عزيز واقفه ليه يا تدخلي يا تطلعي تنامي في اي اوضه تانيه
حليمه بتخطي خطوه خطوه كانت مرعوبه
عزيز اقفلي الباب
حليمه حاضر
عزيز بصي انا هقولك كلمتين عشان نقضي المده بتاعتنا علي خير طبعا بابا فهمك على كل حاجه
حليمه ايوه
عزيز انت هتكوني هنا مش مجرد زوجه انت هتكوني هنا مجرد خدامه تحت رجلي انسي خالص حكايه الزواج ده مجرد عقد وخلال كام شهر هيتقطع
حليمه انا عارفه كل حاجه
عزيز انتي هتنامي معايا هنا في الاوضه بس مش هتنامي على السرير هتنامي على الارض لان الارض ده مكان الخدامين اللي زيك
حليمه دموعها بدات تنزل منها
حليمه حاضر
عزيز مش عايزك تدخلي في اي حاجه في حياتي انتي موجوده هنا علشان ارضي بابا لكن انا مش عاجز علشان بابا يجيب واحده تخلي بالها مني طبعا فهمتي قصدي
حليمه ايوه حاجه تانيه
عزيز لا
حليمه ماشي انا هنام عايز حاجه
عزيز لا نامي
حليمه ما كانتش قادره تقف من كتر التعب نامت على الانتريه
حليمه في نفسها/ كده كده هو مش شايف حاجه انا هفرد نفسي هنا عشان ارتاح علي الانتريه
عزيز انا ما بحبش اللي يكسر كلامي قولتلك نامي على الارض
حليمه قامت وقفت مره واحده
حليمه هو انت بتشوف ولا لا
عزيز قلتلك ما تدخليش عن اي حاجه في حياتي انا لو كنت بشوف ماكانش زمانك بقيتي هنا دلوقتي
حليمه فرده نفسها ونامت على الارض
عزيز كان سهران وسرحان وحليمه راحت في النوم
عزيز قرر ينزل يعمل كوبايه قهوه لنفسه وهو بيمشي في الاوضه مره واحده اتكعبل وقع في حضن حليمه
حليمه قامت مفزوعه مره واحده
عزيز كان حاسس بخوفها وجسمها بيرتعش
عزيز قام واقف مره واحده
عزيز انا اسف ما خدتش بالي انك نايمه على الارض
حليمه لا حصل خير
عزيز بدا يتجه ناحيه الباب
حليمه ممكن اعرف انت رايح فين
عزيز قلتلك ما تدخليش في حياتي
حليمه لا هتدخل في حياتك انت لو عايز حاجه انا ممكن اعملهالك مش بصفتي زوجه لا بصفتي خدامه ممكن تقولي انت عايز اي وانا اعملهولك
عزيز انا هعرف اعمل كل حاجه لوحدي
حليمه وانا مش هسيبك تعمل كل حاجه لوحدك انا عارفه اني انت مش عاجز وانك انت بتعرف تعمل كل حاجه بس ممكن اي حاجه انت عايزها تطلبه مني يا عم بصفتي خدامه هاخد اجري كمان كان شهر وهمشي ممكن تقولي انت كنت رايح فين
عزيز انا كنت عايز قهوه
حليمه حاضر انا هنزل اعملهالك اقعد ارتاح وانا هعملهالك
عزيز قاعد على الكرسي وكان مصدوم من رد فعلها
حليمه نزلت عملت كوبايه قهوه واديتها لعزيز
عزيز اول ما شرب اول بق من القهوه بدا يحس احساس غريب كان القهوه طعمها غريب قوي
عزيز فنجان القهوه ده زي بتاع ماما شميت فيه ريحه امي
حليمه بتقول حاجه يا استاذ عزيز
عزيز هو انتي لسه صاحيه نامي
حليمه رجعت نامت تاني وعزيز فضل سهران
تاني يوم الساعه جت 2 كان ميعاد دينا الساعه 3:00
دينا جتلها مكالمه من مامتها بتقولها انها لازم تكون في البيت لان ابوها تعبان
دينا ما كانتش عارفه توصل لحازم عشان تعتذرله لاني حازم كان تليفونه مقفول
دينا قررت ترن على نور اخت حازم
دينا معلش يا نور انا اسفه اني انا ازعجتك
نور لا انا كنت في المحاضره في حاجه
دينا ممكن اعرف حازم فين
نور مااعرفش هو فين ما شفتوش النهارده
دينا طب بصي انا كنت متفقه مع مامتك هروح اقابلها دلوقتي لانها تعبانه جدا بس انا حصلتلي ظروف وبابا تعبان لوحده في البيت ممكن تعتذري لمامتك بالنيابه عني
نور ماما مالها عندها اي
دينا انا مااعرفش اخوكي هو اللي قالي انها تعبانه وحدد معايا ميعاد
نور الميعاد الساعه كام وماما فين بالظبط
دينا ادت لنور العنوان ونور قررت تروح عشان تشوف مامتها في العنوان
ده
...........................
