رواية خادمة قلبي الفصل العاشر 10 الجزء الثاني بقلم زهرة عصام

 رواية خادمة قلبي الفصل العاشر 10 الجزء الثاني بقلم زهرة عصام

رواية خادمة قلبي 2 الحلقة العاشرة

حازم نايم و ملوك و ملك بيتسحبوا على اوضته

ملوك ميلت رأسها و باقي جسمها ورا الباب و ملك فوقها و بصوا لبعض و ملك همست:-

كله تمام يا ملوكة الجثه نايمة مش حاسة بحاجة

ملوك :- حلو أوي كدا إليك الخطة يا ملك أنا هتسحب احط الصاروخ في رجله و أخرج جري و انتي تتسحبي تو.لعي فيه و تجري على بره نحط البتاع الأبيض دا على وشنا أول ما يخرج نفجعه و لما نشيلة يلاقي دبل جميلة في وشه

ملك بصت ليها بفخر و قالت:-

طبعاً لازم تطلعي ذكية مش بنتي جينات هي جينات و انتي اخدتي جينات الذكاء مني

ملوك بسخرية:- و يا ريتني ما خدتها دا انتي اذكي خلق الله

ملك ضر.بتها في كتفها و قالت:- طب ادخلي يختي حطي الصاروخ في رجله خلينا نخلص من الخطة الهباب دي

ملوك بعضب طفولي:- متقوليش على حطتي هباب أحسن ما أخطط ضدك انتي

ملك :- طب اخلصي ادخلي

 

 

ملوك اتسحبت و هي متوترة جدا و بتلف يمين و شمال كانها في مهمة فعلاً

حاولت تحط الصاروخ بين صوابع رجلة لكن حازم اتحرك فجأة و ملوك نزلت تحت

ملك كانت مرقباهم من على الباب و حازم أول ما حرك رجلة حطت ايديها على بوقها بخوف و بعدين لما الوضع هدي حطت ايديها على صدرها و خدت نفس

ملوك قامت تاني بالراحة و حطت الصاروخ بين صوابعه و خرجت تتسحب

أول ما خرجت من الاوضة خدت نفس و قالت بسعادة :-

لقد فعلتها فعلتها و بقت تعمل حركات تعبر بيها عن فرحتها

ملك بصت ليها و بصت للاوضة و دخلت تتسحب و الولاعة شغالة لحد ما ولعت الصاروخ و خرجت جري و بصت لـ ملوك و الاتنين حطوا صوابعهم في ودانهم و عدوا على صوابعهم واحد اتنين تلاتة و لقوا صراخ حازم خارج من الاوضة

الاتنين ضربوا اديهم في ادين بعض و قالوا:-

تمت المهمة بنجاح

حازم خارج شايط و على آخرة لقي قدامه اتنين لابسين أبيض فـ أبيض اتخض و رجع لـ ورا بصراخ و قال:-

أعوذ بالله من الشيطان الرجيم انا موت وإلا اية

قرب منهم و اديه بتترعش و شال من عليهم الغطا الأبيض بص لقي الاتنين محولين بطريقة تخوف و تضحك في نفس الوقت قال بخوف مصطنع بعد ما استوعب الموقف:-

جميلة تاني في البيت و اتين مش واحدة كدا كتير

فجأة حازم لقي كف نازل على قفاه و ملك يتقول:-

جميلة هانم يا كلـ ـب أنت هتنسي نفسك وإلا اية

ملوك شدت حازم من البنطلون بصلها بصدمة من الكف اللي خده

رفعت اديها و قالت:-

شيلني يا حازم عاوزة أقولك على سر

حازم شالها و ملوك قربت من ودنه و قالت بصراخ و صوت عالي:- توووووووت

حازم حدفها على الأرض و هو بيقول:-

يلا يا بنت الكلـ ـب من هنا و حط ايدة على ودنه

ملوك مسكت ظهرها و قالت:-

كسرت ظهري روح يا شيخ منك لله

و رفعت ايديها للسما و قالت:-

يا رب يا حازم تتجوز واحدة أهبل من ملك و منه ها

و قامت دخلت اوضيتها و هي بتبرطم

ملك بصت ليه لقته مصدوم رفعت اديها و قالت بصوت عالي:- آمين يارب آمين

حازم بصلها و ملك بصتله من فوق لتحت و قالت:-

وريا يا كريم شانيه على المطبخ ورانا شغل كتير و سابته و مشيت و هي بتغتي

حازم:- دا اية بيت المجانين اللي أنا دخلته برجلي تاني دا مش كنت مستريح من الهبل دا

ملك :- حازم سمعاك

حازم :- وراكي عشان المطبخ هو انا أقدر و كمل بصوت واطي ربنا على الظالم المفتري

❈-❈-❈

منه قاعدة باين عليها التعب و منال قاعدة قصادها بتحضر في الغدا

منال :- تاوليني يا بت معلقة من عندك

منه جت تقوم مش قادره و الضرب أشتغل في بطنها

منه بصراخ:- الحقوناي أنا بولد يا بشر يا اللي عايشين في البيت أنا مش قادره حد يكلم سبع البرومبة بتاعي يجي

ملك دخلت على صوتها و قالت بسخرية:-

و سبع البرومبة بتاعك هيعملك اية يختي هيشد رأس العيل

حازم جه جري على صوتها و قال:- اية في اية

منه بصراخ:- هولد هولد

ملك :- انت لسة هتسال و تنبهر شيل يلا إرميها في أي عربيه من اللي برة و على المستشفى عدل

حازم شال منه فعلاً و الكل جري وراه و ملوك نزلت جري عشان تروح معاهم

ملك لسه جاية تركب حازم وقفها و قال:- انتي هتروحي إنتي و بنتك كدا الناس هتترعب من شكلكم

ملك بفخر:- لا متخافش جبت اسيتون معايا و المناديل كدا كدا في العربية أخلص البت هتولد مننا في الشارع

حازم ركبهم و طار بالعربية و ملك اتصلت بمالك و هي بتشيل الميكب

ملك بابتسامة:- اية يا حبيبي عامل ايه يا روح قلبي

حازم بص لـ ملك و رفع نص شفته و قال في نفسه:-

اية النيلة دي يا ربي

مالك :- اية يا حبيبتي عاملة اية و الدنيا معاكم عاملة اية

ملك لسة هترد سمعت صوت جمبه فقالت بغيرة:-

مين أم صوت عرسة اللي بتتكلم جنبك دي ؟

مالك بحزر:- السكرتيرة يا روحي

ملك :- اممم قولتلي السكرتيرة

منه صرخت جامد و قالت:-

هو دا وقته يا بنت الصر’مة

منال :- ما تسيبي البت تلقت رزقها و تنكد على الراجل

ملوك سقفت و قالت:-

البطيخة بتاعت منه هنفرقع هيه هيه و هتجيب بيبي ألعب بيه و اضربه هيه هيه

ملك :- حازم اطلع بينا على الشركة دا بيقولك سكرتيره و صوتها مسرسع

منه :- اية و وليد معاه

ملك بخبث :- أكيد يعني هو دا بيفوت أي حاجة فيها موزز يا منه ما انتي عارفه جوزك

منه صرخت من الوجع و قالت:-

مهو المشكلة إني عرفاه اطلع على الشركة يا حازم لازم اقفشة متلبس

ملك نسيت إن مالك لسة على التليفون فقفل و رن تاني

ملك :- اية يا بتاع السكرتيرة متقولش حاجة إحنا هتيجي نعاين البضاعة بنفسنا

مالك :- طيب طيب منه بتصر.خ ليه ؟!

ملك بلا مبالاة:- مفيش أصلها بتولد أهي على الحالة دي بقالها ربع ساعة لحد ما خرمت طبله ودني يرضيك يا لوكا

مالك بخضة:- اية بتولد طب انتوا فين دلوقتي

ملك بانشكاح:- حازم جايبنا و جايين نقفشكم متلبسين في الشركة

مالك لطم على وشة بصمت و قال في نفسه:-

ينهار أ.سود ينهار ا.سود أنا مش عارف هيعملوا فيا اية تاني ؟

تمالك نفسة و قال لـ ملك:- حبيبتي اديني حازم ثواني

ملك :- حاضر يا حبيبي

ملك مد اديها بالتليفون لـ حازم و قالت:-

خد أخوك عاوز يكلمك

ملوك شدت التليفون منها و قالت بفرحة:-

بابي شوفت منه البلونة بتاعتها هتفرقع و يطلع منها نونو صغير

مالك :- كانت نقصاكي انتي كمان

و كمل بهدوء و قال:-

ملوك حبيبتي إدي التليفون لـ حازم

ملوك مدت التليفون لـ حازم و قالت:-

خد كلمه يخويا أصل انت أخوه و أنا لقيني على باب جامع

حازم كلم مالك و قال:- ها يا مالك

مالك بزعيق:- انت إزاي تسمع كلامهم و تجيبهم على الشركة طير بيهم على المستشفى

حازم :- انت بتزعق كدا ليه و كمل بزعيق و قال:-

ما أنا متنيل على عين أمي اهو و واخده و ماشي اية في اية بقي

مالك :- انت بتعلي صوتك عليا طب لما اجيلك يا إبن الكـ ـلب

حازم قفل في وشة و هو بيقول:-

ناقصة عطلة هي وإلا تهديد

منه شدت حازم من شعرة و قالت:- أخلص يا كلـ ـب انا تعبانة قوي والله

حازم :- ما أنا شايق على أعلي سرعة اهو انتي اللي مش صابرة

❈-❈-❈

وليد قاعد في المكتب ولا في دماغه اي حاجه فجأة لقي اللي دخل عليه المكتب بسرعة

وليد بغيظ :- اية في اية حد يدخل على حد كدا ؟

مالك :- اخرس و يلا قدامي

وليد وقف مكانة و قال:-

لا أنا مش هتحرك من مكاني غير ما أعرف إحنا رايحين فين و شوح بايدة

ملك :- انت هتردحلي يا إبن الكـ ـلب قدامي مراتك بتتنيل بتولد

وليد اتصدم و قال في سره:-

منه بتولد إزاي و لية و بص لـ مالك و قال:-

بس يا عم بقي بطل هزار ورايا شغل

مالك سحبه من قميصه و قال:-

انت لسة هتتصدم أخلص يا إبن الكـ ـلب البت زمانها ولدت أصلا

و خده جر لحد العربية و هو بيقول:-

يا رب الصبر على أم العيلة دي بدل ما انتحر

❈-❈-❈

حازم وصل على المستشفى و كلهم نزلوا و حازم شال منه و دخلها على جوه

حازم :- دكتور بسرعة

الدكتوره جت و قالت: حطها هنا

كشفت عليها بسرعة و قالت:-

دي لازم تدخل العمليات حالا دي خمس دقايق و هولد

منه :- أبدا مش هولد غير ما الباد بوي بتاعي يجي و اشرده زي ما ملك عملت مع مالك

ملك بصدمة:- اه يا بنت الجذ مة وخداني قدوه ليكي اخلصي يا بنت الصر’مة الواد اللي في بطنك هيجراله حاجة

منه بصت للدكتورة و قالت:-

هو مينفعش نستني شوية صغيرين

الدكتوره للتمريض اللي واقف يضحك :-

خدوها دي شخلها مخبولة جهزوا العمليات بسرعة على ما أجهز و أجي

التمريض خد منه اللي بتصرخ و بتقول:-

ملحقتش اشتمه و اعضه محظوظ من يومك يا وليد بس انا وأنت و الزمن طويل

و بصت للممرضة و قالت:-

جري بالراحة يختي بدل ما أنزل اجيبك من حواجبك دي و أنا لا بيهمني حمل ولا نيلة

يدوب منه دخل العمليات و مالك و وليد جم

وليد بقلق:- ها منه حصلها حاجة ؟!

ملوك بزعل:- اه دخلت تفضي كرشها و هي زعلانة

وليد :- زعلانة ؟! لية

ملوك :- عشان ملحقتش تشردك يا وليد و تعض فيك بس انا مش بحب منه زعلانة هات ايدك كدا

وليد اداها ايدة باستغراب و ملوك عضته جامد

وليد :- آه يا بنت الكلـ ـب بقي أنا أخلص منها و تجيلي إنتي ؟

ملوك :- متشتمش يا وليد بدل ما اضربلك البيبي أول ما يجي

وليد بصلها من فوق لتحت و قال:- قادره و تعمليها يا ملوك

منه جوه عمالة تصرخ لحد ما ولدت و قالت:-

الحمد لله جعبل شرف بالسلامة أنام أنا بقي و نامت فعلاً

وليد واقف بره أول ما سمع صوت البيبي جري على باب الاوضة و هو مش مصدق

أول ما الممرضة خرجت أخد منها الولد بلهفة و قال:-

حبيبي نورت الدنيا يا روح قلبي و بقي يبوس فيه و عيونه دمعت أخد الولد و راح لـ مالك و قال:-

أنا بقيت أب يا مالك

مالك هز رأسه و قال:-

مبروك يا حبيبي يتربي في عزك و حياتك يا رب

وليد ناوله البيبي و قال:-

أذن في ودن مالك الصغير يا مالك

مالك بصله بصدمة و قال بصوت مهزوز:- يعني اية ؟

وليد :- يعني أنا قررت أسمي ابني على اسمك يا مالك و اتمني من ربنا أنه يطلع شبهك في كل حاجه و باس على ايد مالك و هو بيقول:-

انت بالنسة ليا مش أخ و خلاص انت صاحبي و اخوايا و أبويا كمان علطول في ظهري من غير ما أطلب و الأهم من كدا إنك بتحبنا زي ولادك بالظبط مش أخواتك

مالك ناول مالك الصغير لـ ملك و حضن وليد و هو بيقول:-

انت فعلاً مش أخويا انت إبني و صاحبي و كل ما ليا في الدنيا يا وليد

حازم بدموع من الموقف:-

طب ما تحبوني معاكم

التلاتة حضنوا بعض و ملك دمعت و منال جت لقتهم كدا شهقت و قالت:-

في المستشفى يا كلاب هتتفهموا غلط يا ولاد الكلـ ـب

التلاتة بصلوها و ضحكوا لأن كلامها مش ماشي مع الموقف

ملوك عمالة تحاول مع ملك عشان تاخد منها مالك

ملوك :- يا مامي بقي عاوزة ألعب معاه هاتية أشيلة شوية

ملك :- تؤ تؤ غلط عليه اخرك بوسه و من بعيد كمان و هتدفعي حقها

ملك ضربت رجليها في الأرض و راحت لـ حازم و قالت:-

حازم عاوزة أشيل النونو

حازم بغمزة:- هخليكي تشلية بس متقوليش لحد

ملوك هزت راسها بفرحة و قالت:- ماشي

حازم شال ملوك و باسها و هو بيقول:-

يخربيت طعامتك يا بنت انتي

منه خرجت من العمليات و الكل التلف عليها

منه بخطرفة:- ملحقتش أضر.بة و ا.شتمه لازم نعيد الولادة من الأول

ملك:- البت اتهبلت كفاية مره واحده يختي أنا طبلة ودني خلاص

مالك شال مالك الصغير و أذن في ودنه و ملك اخدته منه تاني و قالت:-

بسم الله ماشاء الله الخالق الناطق خالتك ياض هات بوسة بقي و قعدت تبوس فيه

الكل بصلها باستغراب لأنه مفهوش شبه منها و كله ملوك

منال :- شبهك منين بقي الواد هيطلع وحش كدا دا طالع قمر للبت ملوك

ملوك بفرح :- انا شبهي أنا يا تيتا

منال :- أيوة يا قلب تيتا من كتر مناكفتك في منه و هي حامل الواد طلع شبهك بالظبط

ملوك بقت تتنطط و تقول هيه هيه هيه

منه بخطرفة:- يلا يا وليد يا إبن الكـ ـلب انت السبب في الاي أنا فيه دا

انتي يا أم حواجب مش حواجب جري السرير عدل بدل ما اقوملك

فتحت عنيها و قالت:- وليد انت فين

وليد بضحكه مكتومة:-

أنا أهو يا منه عاوزة حاجة يا روحي

منه بصت لـ ايديها و قالت:-

وليد صوابعي يا وليد الدكتورة بنت الصر’مة خدت منهم صوبع

وليد بضحك :- لا يا منه صوابعك كاملين

منه بخطرفة:- لا خدت صابع من ايد حطته في الايد التانية

مالك همس لـ ملك و قال:-

شايفة كانت عاوزة تعمل زيك

ملك :- أنا محدش يقلدني يا حبيبي

مالك:- فاكرة يوم ولادتك يا لوكا

ملك هزت راسها و قالت:- و هو دا يوم يتنسي و ضحكت و قالت:-

من أوله و هو باين

مالك ابتسم للذكري و قال:- بس جاتلي فيه أجمل هدية في العالم

الفصل الجاي نعرف ملك حصلها اية

يتبع....

    الفصل الحادي عشر الجزء الثاني من هنا

لمتابعة باقي الرواية زوروا قناتنا على التليجرام من هنا

تعديل المقال