.jpeg)
رواية حرم اليزيد الفصل الثاني عشر 12 والاخير بقلم حياة
البارت الثاني عشر والاخير
#حرم_اليزيد
خديجه : ايه ده ده بيتصل تاني اعمله بلوك ولا ارد دلوقتي.... هرد اشوفه عايز ايه بعدين اعمل بلوك
يزيد بابتسامة : شكراً لأنك رديتي كنت فاكرك مش هتردي
خديجة بتوتر وجمود : عايز ايه بسرعه؟!!
يزيد : انزلي انا تحت البيت وخلي قمر تنزل معاكي
خديجة : واحنا ننزل ليه انت اتجننت استحاله نساعدك انا هتصل بالشرطة
يزيد بنبرة حزينه : انا هروح اسلم نفسي عايز اطلق قمر وو.... بيتنهد وبيكمل...... واشوفك لآخر مرة
خديجة : هتسلم نفسك بجد!!!
يزيد : اه
خديجه : ليه؟؟؟
يزيد بابتسامه : عشانك
خديجه بتوتر بتقفل الخط بسرعه
خديجة : قمر يا قمر اصحي
قمر بنوم : في ايه يا خديجه؟؟؟
خديجة : يزيد تحت
قمر بصدمه : تحت بيعمل ايه ده انا حتصل بالشرطة
خديجة : جاي عشان يطلقك قبل ما يسلم نفسه
قمر : يسلم نفسه اكيد بيكدب مستحيل يعمل كده انا هتصل بالشرطة
خديجه : لا هو هيسلم نفسه بجد متتصليش
قمر : وانتي ايه يضمنلك؟؟؟
خديجة بتأكيد : هيسلم نفسه عشان خاطري اسمعي كلامي وانزلي
قمر بتنهد : ماشي
يزيد بابتسامة : خديجة
قمر بعصبيه : وانت مالك بيها؟؟؟.... طلقني بسرعه!!!
يزيد : قمر انتي طالق
قمر : بالتلاته!!!
يزيد : انتي طالق طالق طالق بالثلاثه
قمر : لولولوووووولي كده خلصت يلا يا خديجه عشان نطلع
يزيد بتوتر : عايز خديجه في كلمتين
قمر : وانت تعوزها في كلمتين ليه يا اخويا؟؟؟.... مراتك؟!!
خديجة : خلاص روحي يا قمر وانا هشوفه عايز ايه
قمر : بس
خديجة : عشان خاطري
قمر بتنهد : ماشي
خديجة : بسرعه عايز ايه؟؟؟
يزيد : انا اكتشفت ان انا بحبك وعمري ما حبيت غيرك بس كنت بكابر
خديجة بجمود : مالوش لازمه الكلام ده دلوقتي!!!
يزيد بترجي : ارجوكي اسمعيني للآخر..... وعمره محدش حبني بجد غيرك انا اسف على كل حاجه وحشه شوفتيها مني واتمنى تسامحيني يمكن النهارده يكون آخر يوم ليا ويمكن بكره ويمكن بعده مش عارف عشان كده طالب منك تسامحيني
خديجة : متقولش كده هما بس هيسجنوك تاخد مدتك وتخرج
يزيد : مظنش انا علقت مع اللواء وعلقة كبيرة كمان مظنش ارجع منها تاني
خديجة وحست دموعها هتنزل بس مسكت نفسها بالعافيه : مسامحاك كده انت خلصت كلامك صح؟؟!
يزيد بابتسامة : انتي طيبة اوي يا خديجة...خلصت كلامي كده مع سلامه..... وبيمشي وهو كل شويه بيبص عليها لحد ما اختفت
خديجة بتقعد على الأرض وبتسمح لدموعها تنزل
قمر وهي بتربت على كتفها : كده احسن لينا كلنا
خديجة بتهز رأسها بالموافقة وبتمسح دموعها
الشرطي : اتفضل حضرتك عايز تقدم شكوى في ايه؟؟!
يزيد : انا عايز اسلم نفسي!!!
الشرطي : تسلم نفسك انت بتهزر؟؟!..... وبيدقق في وشه....... انت رجل الأعمال يزيد أحمد جوز بنت اللواء !!!........يا شرطي خدوه على الحبس!!!
يزيد بابتسامه وهو رايح مع الشرطي : كده احسن علشانها
محمود : ايه؟؟؟................ سلم نفسه....... طب تمام انا جاي
مروة : في ايه يا بابا؟؟؟
محمود : يزيد سلم نفسه
مروة بصدمة : يزيد سلم نفسه!!!
محمود بجمود : متخافيش يا بنتي المرادي مش هخليه يطلع منها!!!
مروة بخوف : يعني ايه؟؟؟
محمود : يعني هخليه يسلم على ابوه برضو
مروة : بابا لا مش للدرجادي عشان خاطري خليه بس ياخد فتره حكمه
محمود بجمود : لا
مروة ببكاء : طب عشان خاطر الاولاد وابنه اللي انت عايز تيتمه من قبل ما يجي للدنيا
محمود بيبصلها وبيطلع سايبها وراه منهارة من العياط من اللي هيعملوا في يزيد
مر يومين وطلع الحكم على يزيد.....
بسنت : يلا اولاد لموا حاجتكم احنا هنروح
علي : احنا رايحين فين يا ماما؟؟!
بسنت : مبقاش عندنا حاجه هنا هنرجع لبيت ابوك!!!
عبد الحميد ابن بسنت الأصغر من يزيد : وبابا مش هيجي معانا؟؟!
بسنت بتنهد : لا هو دلوقتي مسافر زي ما كان يسافر دايماً ويرجع بعد فتره بس لما يرجع اكيد هيجي يلا روحوا لمو حاجتكم
عبدالحميد وعلى : ماشي
بسنت بتنهد : حسبي الله ونعم الوكيل فيك يا يزيد كان عندي هم واحد دلوقتي بقي اتنين بس المرادي اخدت درس اللي ربنا يكتبه خير
بعد 20 سنه من دلوقتي
قصي وبيخبط في بنت بالغلط بالعربية : انتي كويسه يا انسه
تاليا بوجع : اييييي ما بتشوفش انت يا اهبل وجاي تسأل بدل ما تساعدني
قصي بعصبيه من كلامها : وانتي تجري في نص الشارع ليه مجنونة؟؟؟
تاليا : وانت مالك اجري ولا ارقص كمان ان شاء الله ؟؟!....... انت اعرف سوق صح الأول وصلح اسلوبك البيـ ئة ده!!!
قصي : انتي هبلة بجد وبيسيبها وبيركب العربية وبيرجع العربية لورا مسافه ومرة واحدة بيجي قدام بسرعه
تاليا بصدمة : ايه ده ده اتجنن...... وبتزحف للجهة التانيه بسرعه لأنها مش قادرة تقوم على رجليها من الخبطة
بيمشي بالعربية بسرعه وهو بيمشي كان في طين جنبها بيمشي عليه متعمد عشان يرشها وبيجي عليها
تاليا بصدمه : ايه ده بقيت كلي طين والورق كله باظ
بعدين بتلاقيه رجع مرة تانيه
قصي : الطين ده قرصة ودن ليكي على اسلوبك الوحش انا كنت هساعدك واوديكي المستشفى أو الحته اللي انت عايزاها بس عشان اسلوبك الوحش ده خليكي في مكانك في الشمس دي وبيمشي
تاليا بنرفزه وعصبيه : مغروووووور هشوفك تاني اكيد ووقتها هعرفك مين تاليا سليم
البارت الثاني عشر.....حرم اليزيد
اللي بعد عشرين سنة ده قصي ابن يزيد من مروة لو مش فاكرينه والبنت دي يمكن تكون بنت واحده انتو عارفينها كويس لو عرفتوها اكتبوها في التعليقات طبعا ممكن تكون احداث اللي بعد 20 سنه دي مألوفه ليكم لأن صحبتي كانت ناشره اول فصلين بعدين أهلها مرضوش تكمل كتابه فقالتلي اكملها لها فعمل شويه تغيير في الأحداث وهربطها مع الروايه دي وهنزلها لو انتو عاوزين جزء تاني لو مش عاوزين مش هنزل اكتبولي انزل جزء تاني ولا لا؟
تمت
