رواية جبروت انثي وسطوة رجل (كاملة جميع الفصول) بقلم الاء الرحمن
ال1
في اجمل الاماكن الموجودة في القاهرة
فتحت نور عينيها الزيتونية
نور بخضة :اااااااااع يخرب بيتك مش هتبطلي هبلك ده
ندى :ههههههههههه طب والنعمة اتخضيتي انتي اتخضيتي
قامت نور من النوم وجريت وراها وهي بتتحلف ليها انها هتوريها النجوم في عز الظهر
منال بضحك :في ايه على الصبح بس
نور بغيظ :اووف شايفة يا ماما خضتني ازاي مش هتبطل قلة ادبها دي ابدا
منال قربت من بنتها وباستها :اطلعي بره يا بت طب والله ما انا عارفة انا جبتك الدنيا دي ازاي
ندى وهي بترقصلها حواجبها :جبتيني بالحب يا مومو
نور مسكت الوسادة وخبطتها فيها :اجري يا بت البسي هتتأخري على جامعتك
ندى بغيظ :يوووه امتى بس اتخرج واجي اعكنن عليكي في الشغل اووف امتى اليوم ده بس
نور بصتلها بقرف :ده انتي لو اخر وحده مش هتودسي شركتي فاهمه انتي كبيرك عندي تنظفي اوضتي
ندى طلعتلها لسانها وهربت منها
منال :ادخلي يا بنتي فوقي خالتك على شان تفطر
نور :حاضر يا ماما
نور خبطت ودخلت على خالتها :خالتوا فوقي صباح الفل
مروى :صباح النور يا بنتي انا فايقة بس متسطحة شوية
نور :ماما بتقول الفطار جاهز
مروى :اهو لاحقك يا بنتي
خرجت نور لوالدتها :اهي هتحصلني
منال :ماشي يا حبيبتي ادخلي جهزي روحك للشغل على ما احضر الفطار
نور باست ايدها :تسلم ايدك يا ست الكل ميت مرة قولتلك اجيبلك حد يساعدك في شغل البيت لكن انتي ما بتسمعيش الكلام
منال بحنية :ما بحبش حد يشاركني لحظة تخصكم
نور :ربنا يخليكي ليا يا ماما
وصدقيني يا امي هكونلك عن ميت راجل
منال :ربنا يحميكي يا حبيبتي وانا متأكدة من ده انتي اماني وحمايتي بعد ربنا انا فعلا لو خلفت راجل مش هيكون سند ليا زيك
نور ابتسمتلها ودخلت
...........................................................
في مكان اخر
وفي اجمل القصور المصرية الجميلة
يترأس الجد الكبير طاولة السفرة
وابناءة
كامل ونبيل
وابناءهم
الجد سامي : عندكم ايه يا اولاد النهاردة
كامل :انا هروح الشركة النهاردة مع ادهم في شركة جديدة ونازلة بقوة السوق ولازم نضيفها لشركاتنا حتى لو دفعنا مبلغ اكبر
الجد : مين صاحبها يا ادهم
ادهم ببرود (ابن كامل) : صاحبها مش معروف ومش ظاهر ودايما في مندوب عنه في كل الندوات
نبيل :بيشتغلوا في اي مجال
ادم (اخ ادهم ): بيشتغلوا في نفس المجال تصميم الازياء
نبيل :طيب وليه بينافسوا بقوة بما انهم نفس المجال
سيرين :اصله يا بابا بيقولوا انه عندهم ديزاينر شاطر جدا وكل تصاميمه خارجية وغير مألوفه
نبيل :اهاا حلو اووي عايزين في الشركة حد شاطر كده لانه في الفترة الاخيرة تصاميمنا عادية جدا
ادهم بغضب :تقصد ايه يا عمي اني مش مالي عينك ولا اية
فريدة (زوجة كامل) بسخرية :اصل عمك من لما قدم تقاعده من الشركة بيفكر انه مفيش غيره بيعرف يصمم ومن بعده الشركة خلاص هتتدمر
الجد خبط على الطاولة :اييييه هو انا مش مالي عينكم ولا ايه بتتخانقوا قدامي
سناء (زوجة نبيل ): اهدا يا عمي صحتك
فريدة بصتله بغيظ :هتعمل فيها دلوقت العاقلة
كامل قرب منها :خلاص اختصري يا فريدة بلاش اتجنن دلوقت ميت مره اقولك لمي لسانك
فريدة كانت بتبصلهم بحقد وغيرة وغضب
نادر باحترام :بابا انا هروح الجامعة دلوقت
نبيل :ربنا معاك يا ابني
سناء :خد بالك من روحك يا حبيبي ولما ارنلك ترد على طول هاه
فريدة :ده مش فاضل غير انك تديه الببرونة
الجد بصلها بغضب وهي اتأففت وطلعت جناحها
الجد بغضب :اقسم بالله ان ما لميت لسان مراتك يا كامل لكون مخرجك من النعيم الي عايش فيه ده كله
ادم قرب من ادهم :انا هفلسع قبل ما اسمع موشح كل يوم عن الست الوالدة
ادهم قام ببرود : عن اذنكم انا اتأخرت
ادم :وانا كمان خدني معاك
سيرين بتهرب :خدوني في سكتكم
..........................................................
عند كامل طلع لفريدة بعد ما سمع موشح والده
فتح الباب وهو متعصب
كامل بغضب :هو انا هفضل لامتى اسمع كلام بسبب حضرتك ما تلمي لسانك انتي مش هتعقلي خالص
فريدة بغيظ :ده الي طلع معاك بدل ما تدافع عني جاي تقطمني كالعادة لو كان نبيل اخوك مطرحك كان سكت الكل لو حد جاب سيرة مراته لكن انت دايما كده محدش بيديك اي احترام من الكبير للصغير
كامل مسك شعرها بغضب :اقسم بالله كلمة تانية لارمي عليكي اليمين وارميكي لكلاب السكك تنهشك وارجعك تخدمي من تاني بعد ما خليتك هانم فاهمه
فريدة بخوف :فاهمه فاهمه بس سيبني
كامل سابها وهو متعصب :تعرفي الي مصبرني على قرفك ولادك بس لولا ادهم وادهم عمري ما اخليكي على ذمتي لو يوم واحد
وبصلها بقرف ومشي
فريدة بغضب :والله وبقيت راجل يا كامل وليك ايد بتتمد عليا ان ما وريتك يا ابن ال..
............................................
عند نور
كانت في الشركة
دخلت عليها السكرتيرة وقالتلها على العرض المتقدم من شركة الادهم
نور بصت للاسم واستغربت تشابه الاسماء
السكرتيرة :اديهم موعد حضرتك ولا ايه
نور بشرود
السكرتيرة :نور هانم
نور :هاه لا ما تديهمش حاجة على ما اقولك ولو حد اتصل قوليله بندرس الملف
.................................................
عند ادهم
دخل عليه ادم
بعتلهم الديل وقالوا هيدرسوا ويردولنا خبر بمعاد المقابلة لو في موافقة مبدئية
ادهم بنفاذ صبر :ايه هو كمان حضرته لسه هيدرس الملف انا مش فاضي للقرف ده
شركة بضخامة شركتنا ما تستناش موافقة شركة صغيرة زيهم فاهم انا مش محتاج حد
مازن (صديق ادهم المقرب ):انت بتضحك على روحك ده تالت عرض شركة نور المنال تاخده يعني باين جدا انها شركة قوية وما نزلتش السوق غير لما ثبتت رجليها في الارض
ادهم بص لادم :لو ما ردوش خبر ليومين انسى الموضوع
مازن :طيب ننتظر ونشوف مش يمكن يوافقوا
خرج مازن وادهم طلب قهوة ومسك الصورة الي جنبه
ادم :ياااه يا ادهم كل يوم تمسك الصورة دي وكانها امبارح يا عم دول ممكن يكونوا
ادهم بغضب :اوعى تقولها نور عايشة وانا متأكد من ده
ادم :لو كانت عايشة فينها احنا ما خليناش مكان ما دورناش فيه
ادهم :هلاقيها صدقني هلاقيها وهنتقم من كل حد كان السبب انه يفرقني عنها في يوم
.....................................................
عند نور
روحت البيت وهي شاردة
منال حست ببنتها :فيكي ايه يا حبيبتي من لما جيتي وانتي شاردة
ندى بهزار :بتفكر تديني فلوس وخرجيه زيادة اكيد صح
نور بصت لوالدتها :ماما هو احنا فعلا مقطوعين من شجرة ومالناش لا اعمام ولا اهل
منال توترت :ليه بتسألي السؤال ده
نور بصت لوالدتها وعرفت انه في حاجة مخبياها ادت لمنال الملف
شوفي الملف ده يا ماما
منال شافت الملف وشافت مين اصحاب الشركة
نور :ايه ده يا ماما مهو مستحيل التشابه بأسم الاب والجد والعيلة كمان
ادهم كامل سامي العمري
وادم كامل سامي العمري
وسيرين نبيل سامي العمري
وانا اسمي نور نبيل سامي العمري
منال دمعتها نزلت
نور مسكت ايدها :اتكلمي يا امي في ايه
منال بصت لبناتها ومسكت ايديهم :انا هقولكم دلوقت حاجة خبيتها عنكم السنين الي فاتت دي كلها لكن انا بقسملكم اني مضلومة واي حاجة عملتها كانت غصب عني
هنا تدخلت اختها مروى :ابوكم نبيل عايش ما مامتش زي ما كنتوا فاهمين
نور وندى :انتي بتقولي ايه يا خالتوا
منال بدموع :من 18 سنة تقريبا
كنت مع ابوكم وكنا بنحب بعض جدا اكتر من ما تتخيلوا
وكان ليا سلفة اسمها فريدة من يومها حقودة وبتكره الناس تقدروا تقولوا ما بتحبش حد كانت بتغير من علاقتي بنبيل
في يوم شفتها خارجة من مكتب ابوكي وباين عليها متبهدله جامد طبعا اتجننت ودخلت لنبيل وقلي انها عرضت نفسها عليه وهو ضربها وقلعها
فضلت ورايا وورا ابوكي وتحاول توقع ما بينا وتبعتلي رسائل من ارقام غريبة على انه عشيق لكن نبيل كان اوعى من كده
لحد ما في يوم صحيت لقيت نفسي بقميص النوم وجنبي راجل غريب والعيلة كلها بتبصلي بكره وقرف حلفتلهم كتير اني ما اعرفش الي حصل
لكن محدش فيهم صدقني
نبيل في وقتها ضربني ضرب يوصل للموت وبعدوه عني بالعافية بعد ما كنت خلاص قربت اقطع النفس والكلب الي كان جنبي هرب مع الزيطة الي حصلت
بعد ما خرج الجميع
دخلت عليا فريدة وبكل حقد قالتلي الكلمتين دول
مش هتبقي يا منال انتي المحترمة وانا الخاينة
لا اصحي شفتي عملت فيكي ايه دلوقت انا بحلفلك دلوقت لاموتلك بناتك وحدة ورا التانية
كلمت خالتك مروى ساعتها كانت بره البلد وقلتلها الي حصل وخدتكم بعد ما الكل نام وهربت بمساعدة وحده من شغالات القصر ورحت لخالتك وعيشتكم وكبرتكم لحد ما بقيتوا كده
وبدموع والله ما كدبت عليكم ولا بحرف ووالله اني مضلومة ولا عمروا حد لمسني الا ابوكم والي حصل ده كله بسبب مرات عمكم كامل
نور بدموع :يعني بابا كل ده عايش وما فكرش حتى يدور علينا ونسي لو عنده بنات جابهم الدنيا دي
منال :ما تضلميهوش يا بنتي حرام نبيل كويس جدا وانا متأكد انه دور عليكم جدا
وانا اسفة سامحوني لو بعدتكم عنهم لكن والله كان بسبب الزفتة ربنا ينتقم منها وجدكم الظالم
ندى :ياااه من زمان قوي كان نفسي يكون ابويا عايش واحضنه واسند عليه زي ما صحباتي بيعملوا
نور وقفت ومسحت دموعها :ما تعيطيش يا ماما وخديها كلمة من بنت ان ما جبتلك حقك مش هكون نور بنت منال
.................................................
في الصباح
نور قالت للسكرتيرة تبعت ايميل لشركة الادهم اننا عازمينهم على افتتاح الفرع التاني للشركة في القاهرة
السكرتيرة :حاضر يا فندم
عند ادهم
فتح الايميل بتاع الشركة وشاف الايميل
ادهم باستغراب :ادم
ادم وهو بيلعب بالفون :اممم
ادهم :شركة نور المنال عازمينا على افتتاح فرعهم التاني في القاهرة
ادم :انا مستغرب دول بيكبروا بطريقة غريبة جدا
طيب وايه هتروح
ادهم :مش عارف هما باعتين لينا ولعمي وجدي
مازن :حلو اوي المفروض نروح وننتهز الفرصة دي
ادهم ببرود :انا مش عارف انتوا مبسوطين على ايه دول هتلاقيهم شو عالفاضي لسه فرحانين بالكم صفقة الي خدوهم بكره هتلاقيهم بيكرروا نفسهم
ادم :يبااااي نفسي تعترف في يوم انه في حد عنده حاجه حلوة غيرك
ادهم : مش غرور على قد ما هي ثقة
ادم ابعتلهم خبر اننا هنحضر بكره الافتتاح اهو نتعرف على الايتاذ نور عامل ازاي
.............................................
روحت نور
وما خبرتش والدتها انها عزمت عائلة الادهم على الافتتاح
في اليوم التالي
لبست فستان احمر مبين جمال دراعاتها طويل على قد الجسم
ورفعت شعرها ذيل حصان وميك اب خفين
وندى لبست فستان ازرق عاكس على عنيها
وفردت شعرها
ومنال لبست طقم رسمي مبين وقار سنها ومروة كذلك
ركبوا العربية وراحوا مكان الحفل
عند عائلة الادهم
الجد :الحفل حلو اوي والتنسيق رائع
كامل :فعلا كل حاجة حلوة
ادم :نفسي اشوف الراجل الي بسنتين دوخ السوق كله بعروضه
هنا دخلت مقدمة الحفل واعلنت عن دخول صاحب الشركة
نتشرف دلوقت بسماع كلمة صاحبة الموهبة العبقرية والمصممة الرائعة صاحبة شركة نور المنال
نور نبيل العمري
الكل اتصدم واولهم نبيل واودهم ووقفوا
ودخلت نور بيهبتها ووقارة بابتسامة جذابة
