رواية جبروت انثي وسطوة رجل الفصل الرابع والعشرون 24 بقلم الاء الرحمن
24
دخل ادهم وبص لمروى ببرود :مساء الخير
نور سكتت
مروى :مساء النور اسيبكم انا
خرجت مروى
وادهم قرب من نور :انا اسف اتعصبت عليكي النهاردة معلش
نور بعدت عنه واتجهت ناحية الشباك وفضلت باصه ناحية اللاشيء
ادهم قرب منها وحضنها من ظهرها :انا عارف اني جرحتك النهاردة قوي
نور لفتله وبصت في عينيه ببرود ونظرة خالية من المشاعر :طلقني
ادهم سكت وفضل باصلها ببرود
نور بصتله بقهر : دموعي عمرها ما نزلت يا ادهم لكن من لما عرفتك وهي بتنزل على طول كنت عارف ان الحب ضعف ومع كده جازفت واديتك فرصة لكن طلعت ما تستاهلهاش
ad
ادهم 🤨:ياااه انا وحش للدرجة دي من لما عرفتيني ودموعك بتنزل ما شفتيش معايا حاجة حلوة خالص لا ده انا باين راجل ما اتعاشرش
طنشها وقلع قميصه
نور بغضب :قولتلك طلقني
ادهم قرب منها ببرود ولفها ناحية الشباك ونور مستغربة هو بيعمل ايه
ادهم اشرلها للنجوم الي بالسماء
شايفة النجوم الي بالسماء دي
نور بصتله بغضب
ادهم همس في ودانها :الطلاق ابعدلك منها انتي ملكي انا وعمرك ما هتبقي لغيري
وسابها وهي هتتجنن ودخل ياخد شاور
نور اتجننت من بروده وخرجت التراس وهي هتفرقع
خرج ادهم بعد مدة ما شافهاش لكن عرف انها في التراس
لبس شورت وفضل عاري الصدر وخرجلها
نور ما بصتلوش
ادهم بغضب مكتوم :انتي ازاي خارجة كده مش شايفة نفسك لابسة ايه
نور كانت على وشك الانفجار
ادهم بغضب :بكلمك انا مش كده
نور بغضب وصراخ : ادهم انت واعي لنفسك بتعمل ايه انت بتخنقني بتكرهني فيك وبس
فين الحب الي كنت بتقول عليه فين عشقك الي وهمتني فيه
ادهم بسخرية :اوعي تكوني فاكرة لاني بحبك هسمحلك تهيني رجولتي لا فوقي انا مش جدي انا بعشقك اه لكن بعشقك بقوانيني انا
ad
وقرب من وشدها ومعاها لجوا الاوضة ونور مصدومة منه
ادهم بجنان :انا بغيييير وجدا على حاجتي يعني مراتي ملكي انا ومش من حق اي حد يشوفك بهيئتك دي غيري
عايزة تخرجي ما قولتش لا لكن تديني خبر مش تخرجي ولا كأنه ليكي راجل له كلمة عليكي
صوتك ما يعلاش على صوتي ابدا
وحاجة اخيرة سيرة الطلاق لو جبتيها على لسانك مرة تانية هتلاقي ايدي معلمة على وشك وبصراخ فاهمة
نور هزت دماغها بلأ واتكلمت بأسف وندم : يا ريتني ما اتجوزتك يا ادهم يا ريتني فضلت ماشية ورى عقلي وما انخدعتش بالعشق الوهمي الي صورتهولي ووجهت صباعها لوشه بتهديد
اوعدك زي ما دخلت روحي لجهنمك هعرف ازاي ارجع لجنتي من تاني
وسابته وكانت هتنام
ادهم مسك دراعها بغضب : عيشتك معايا جهنم كل ده على شان موقف حصل النهاردة طلبتي الطلاق وخليتي عيشتك معايا جهنم وبقيت انا الراجل المتسلط ياااه للدرجة دي
نور نزعت دراعها منه وخدت ملاية وادهم مصدوم منها :هتعملي ايه
نور ببرود :زي ما انت شايف
ادهم مسح على وشه بغضب:اخزي شيطانك يا نور
نور طنشته
ادهم بغضب :نوووور
نور مددت على الكنبة لكن ما وعيتش لروحها غير وهي بين ايدين ادهم
نور حاولت تنزل :سيبني يا ادهم نزلني
ad
ادهم بمراوغة : انا ما صدقت بقيتي مراتي وفي حضني عايزة تبعديني عنك ليه ما اقدرش
نور بغضب :بقولك نزلني
ادهم نيمها على السرير وحضنها جامد :لو عايزة تنامي نامي مفيش مهرب من حضني
نور عضته جامدد
ادهم :اااااه يا بنت العضاضة
نور بغضب: مش عايزة انام جنبك فاهم
ادهم بنفاذ صبر :وبعدين مع ام الجنان ده نور انا مش هصبر كتير عدي الليلة ونامي
نور اتجننت منه ونامت على طرف السرير
ادهم بمكر :اووووف بس اوووف جواز قال ما انا كنت عايش ملك برنس ايه الي جبرني بس
نور قامت وخبطته بالمخدة :ايه الي جبرك هاه ايه الي جبرك
ادهم ضحك جامد واعتلاها وبص في عينيها : شوفي مهما تعملي هفضل اعشقك واعشق جنانك
نور هربت بعنيها منه بعتب
ادهم باسها على خدها وحس انه فعلا جه عليها جامد عدل نفسه خدها في حضنه وباس دماغها
انا اسف بغييير يا نور بغييير عليكي من هدومك بعشقك اكتر من اي حاجة في الدنيا دي
هحاول اغير من نفسي لكن اديني وقت
ادهم حضنها جامد ونام
نور فضلت فايقة لحد ما حست نفسه انتظم بعدت عنه بالراحة ولبست حاجة عليها وخرجت التراس تفكر هتعمل ايه معاه
ad
..........................................
عند مازن
رجع البيت متاخر
دخل اوضته اتوقع تكون سيرين نامت لكن كانت بتذاكر
مازن :مساء الخير
سيرين ما ردتش
مازن :سيري
سيرين من غير ما تبصله :نعم
مازن :عملتي ايه النهاردة
سيرين:ولا حاجة
مازن :يعني ما خرجتيش
سيرين باقتضاب : لا
مازن :انزلي حضريلي العشاء
مازن كان عايزها تصرخ تتعصب اي حاجة سكوتها وبرودها مخليه زي المجنون
سيرين اتنهدت وقفلت الكراسة ولبست الروب بتاعها ونزلت تحت نظراته
مازن 🤨:مالها دي ما بقتش يعني فارق معاها ولا ايه
مازن دخل خد شاور وخرج
دخلت سيرين ومعاها صينية الاكل وحطتها قدامه
ad
ورجعت لمذاكرتها
مازن :سيري تعالي كلي
سيرين :مليش نفس
مازن :انتي حامل ومايا قالتلي مكلتيش حاجة من الصبح
سيرين طنشته
مازن بصوت عالي :سيييري بكلمك
سيرين بغضب :ما قولت مش عايزة اتزفت اهمك في ايه انا اكل ولا لا
مازن باستفزاز :انتي ما تهمينيش الي ببطنك يهمني
سيرين حاولت تتمالك اعصابها هو عايز يخرج اسوا ما فيها هو عايزها تتعصب وتتجنن هي عارفة طبعه كويس
مازن :اييييه شردتي روحتي فين قولت تعالي كلي
سيرين قربت منه بمكر :حاضر يا مازن
كانت نفسها بتلعي من ريحة الاكل كلت كم لقمة لكن شوية رجعت في حجر مازن
مازن بقرف :يعععععع ايه القرف ده
سيرين مسحت بوقها وكتمت ضحكتها :قولتلك مش عايزة اكل انت الي اصريت هو الحمل كده
مازن سبها بنفسه وراح الحمام خد شاور
سيرين :ههههههه هو انت لسه شفت حاجة ان ما ربيت امك على الي عملته فيا ما بقاش سيرين
ad
...........................................................
عند مروى كانت رايحة لاوضتها
سمعت صوت سناء بتتخانق مع نبيل
نبيل بغضب وصراخ :انا قرفت وزهقت منك انتي من يوم ما اتجوزتك وانتي بتقارني نفسك بمنال حتى وهي مش موجودة
سناء بدموع وصراخ وقهر :لانك كنت بتندهلي باسمها اكتر ما بتندهلي باسمي
نبيل بنفاذ صبر :انتي عايزة ايه دلوقت انجزي ليكي عندي اتقي ربنا فيكي غير كده ما عنديش
سناء بدموع :طلقها يا نبيل طلقها وسيبها وانا اوعدك اكون خدامة تحت رجليك
نبيل بسخرية :اطلق مين منال ده انا مستعد اتخلى عن العالم ده كله على شانها انا ما صدقت رجعتلي
مروى بنفسها :منال لازم تيجي تعيش هنا ما ينفعش تفضل بعيدة
وكملت طريقها لاوضتها
كان سامي قاعد وراكي على العكاز بتاعه ومستنيها
سامي بغضب :كنتي فين
مروى بلا مبالاة :عند نور
سامي بغضب من برودها :مروى انا بكلمك ما تتعامليش معايا بالاسلوب ده
مروى :اسلوب ايه مالك حامي كده هو انا عملت حاجة
ad
سامي وقف وقربها منها بتهديد :اوعي تفتكري اني مش فاهم دماغك دي كويس ههههههه لا انا فاهمها قوي انتي الي داخلة حامية قوي وعايزة تفككي عيلة تعبت قوي على بنيتها
وبص في عينيها انا بعشقك اه وبحاول اسايرك لابعد الحدود لكن لحد عيلتي ولا يا مروى
مروى حطت ايدها على صدره وبصت في عينيه :وانا عملت ايه يا سامي
سامي بغضب من نفسه ومنها اتكلم بصراخ :انتي ازاي كده انتي عمرك ما كنتي كده
مروى :الحمدلله بقيت كده بسببك كل حاجة بعملها وهعملها هتكون بسببك انت انت دمرتني دمرت حياتي خدت شبابي واهو اجبرتني اتجوزك دلوقت على شان ابني واديك هتدمرلي الايام الباقية ليا
سامي بغضب وصراخ :انا بحبك بحبك اقولهالك باي لغة انا قلبي مش في ايدي ما قدرتش انساكي من يوم ما عرفتش
انا ملمستش ست غيرك من يوم ما عرفتك
مراتي ماتت بحسرتها من برودي معاها
كل ده ما بخليكيش تشفعيلي وتسامحي الغلط الي عملته معاكي
مروى بصتله بغضب وكره وحقد وألم :ولا حاجة هتبررلك يا سامي انك في يوم خدتني غصب عني واغتصبتني وقتلت الانسان الوحيد الي عشقته
سامي شدها عليه بغضب وقبلها بعنف ومروى بتحاول تبعده عنها
سامي بعد عنها لما حس انها هتفقد النفس وزقها وهو متعصب من نفسه :اجري من قدامي يا مروى لا اقسم بالله اكمل الي كنت بعمله وده الي بتمناه من سنين
مروى بغضب :انت حيوان ازاي تعمل كده
سامي مسك فكيها بأيده بغضب وهي خافت جدا من هيئته لاول مرة تشوفه متعصب بالطريقة دي وخاصة معاها :قولتلك اخفي من قدامي لادمر اخر حاجة هتكون بينا
ad
مروى زقتها عنه ودخلت الحمام اتنفست جامد ومسحت أثار قبلته عنها وبصت لنفسها في المراية :مهما حاولتي تباني قوية هيبقى ليه رهبة عندك هتفضلي تخافي منه يا مروى انتي بتضحكي على روحك ولا عليه
خرجت مروى بعد مده كان سامي نام على السرير وطنشها
اتأففت بغضب وخدت ملاية ونامت على الكنبة
..............................................
في الصباح
فاق ادهم وبص حواليه كانت نور مش موجودة
دخلت نور من التراس طبعا ما نامتش طول الليل
ادهم :صباح الخير
نور ببرود :صباح النور
نور خدت طقم رسمي اسود من الدولاب ودخلت تبدل هدومها
ادهم خد سيجارة وهو بيبصلها بتعمل ايه
خرجت نور كانت لابسة راحت تسرح شعرها
ادهم :على فين العزم من الصبح كده
نور وهي بتحط روج :رايحة الشركة
ادهم حاول يتمالك اعصابه :مش المفروض واخدين اجازة اسبوعين
نور :لو واخدين اجازة ما رحتش انت امبارح الشركة
ادهم 🤨:انتي بتتحديني بقى وبتساوي نفسك بيا
نور بغضب مكتوم :في ايه يا ادهم في ايه هو خناق وخلاص ولا ايه
ad
نور خدت شنطتها وهتخرج
ادهم بسرعة البرق قام ومسك دراعها بغضب وهو بيجز على سنانه :مش بكلمك انا
نور بوجع :سيب دراعي
ادهم سابها واتكلم بغضب وتهديد :لما اكون بكلمك اوعي تسيبيني وتمشي مرة تانية فاهمة واقلعي هدومك مفيش شغل النهاردة
نور بغضب مكتوم :ادهم عدي اليوم انا بحاول اتعامل معاك لحد دلوقت بما يرضي الله ما تخلينيش اتجنن واوعى تفتكر اني ما اقدرش اوقف جنانك ده لا اقدر لكن انا مش عايزة انهي حياتنا من اولها كده
ادهم ببرود :هاتي اخرك
نور خبطت شنطتها في الارض وانهارت :عايز هاه عايز ايه عايز توصل لايه بلي بتعمله انا مش اللعبة الي امتلكتها يا ادهم فوووق انا نور نور الي فضلت تجري وراها لحد ما قبلت اديك فرصة واتجوزك نور الي اول ما امتلكتها خلاص نسيت مشاعرك تجاهها وكأني لعبة كنت حابب توصلها ولما بقت ملكك بقت خلاص زيها زي غيرها
وزقته من صدره فوق انا نور الي لا انت ولا غيرك ممكن يهزوا شعره وحده من دماغي
ادهم شدها عليه من وسطها وبص في عينيها :وانا ادهم الي بيعشق نور ادهم الي ما شافش ولا هيشوف غيرها ادهم الي عايش لانها عايشة وبيتنفس لانها بتتنفس اوعي تفتكري ان الي بعمله ده لاني ملكتك زي ما بتقولي لا
لكن انا بغير يا نور بغير عليكي من نفسك من هدومك هتسميني مجنون غبي اي حاجة انا موافق لكن عمري ما هبطل غيرة وحب
نور بدموع :غيرتك بتقتل اي حاجة حلوة جوايا ليك انت عارفني يا ادهم انا بتخنق من التحكمات اتكلم بالعقل لكن القرف ده انا مستحيل اقبل فيه
ad
ادهم وهو بيمسح دموعها بصباعه بحنية :اوعدك اتحكم في روحي اكتر من كده لكن مش عايز اشوف دموعك دي مع انه شكلك تحفة وانتي بتعيطي
نور ابتسمت من بين دموعها على كلامه
ادهم قرب منها وخد شفايفها بقبلة شغوفها بثلها فيها كل عشقه وشغفه وغيرته
وغابوا مع بعض لعالمهم
....................................................
عند ندى
لبست فستان ابيض قصير وسابت ادم نايم ونزلت كانت عايزة تجيبله الفطار لعنده
ما كانش حد بالصالة غير فريدة
ندى طنشتها ولسه هتدخل المطبخ
فريدة :استني عندك هنا مش شايفاني قدامك ولا اتعميتي ولا ايه
ندى بلا مبالاة:عايزة ايه
فريدة بغضب :بت انتي انا افعصك بايديا دول لو قللتي احترامي مرة تانية فاهمة تحترمي اني حماتك
ندى بصتلها ببرود :يعني عايزة ايه مش فاهمة
فريدة قربت هتضربها لكن مروى كانت الاسرع ومسكت ايدها
مروى بغضب :اقسم بالله ادفنك مطرحك لو عرفت انك رفعتي ايدك على وحده من بناتي فاهمة
ندى بدفاع :والله يا خالتوا انا معملتلهاش حاجة هي الي فايقة مش طايقة روحها من الصبح
فريدة نزعت ايدها منها وبتهديد :مروى انتي مش قدي ابعدي عني لو حطيتك في دماغي مش هرحمك
ad
مروى :هههههههه ومسكتها من رقبتها بغضب كانت هتخنقها بصي يا وليه انتي تبعدي عن بناتي احسن اقسم بالله لاخلي كامل يطلقك واكشف المستور وانتي عارفة المستور ايه
فريدة بتأتأه :هتخنق ابعدي عني
ندى كتمت ضحكتها من منظرها
ادم بغضب :ايه الي بيحصل هنا
مروى سابتها ببرود
فريدة بدموع :الحقني يا ادم مراتك وخالتها هيقتولوني
ادم حضنها وبص لندى ومروة بغضب :ايه الي بتعملوه ده انتوا اتجننتوا ازاي تقربوا عليها بالشكل ده ومين الي اداكم الحق بده
مروى ببرود :لما تلم لسانها ابقى احترمها وعلى فكرة انا جيت ووالدتك الحلوة رافعة ايدها وهتضرب مراتك
ادم بغضب :انتي كذابة وبص لندى اطلعي اوضتك على ما اجيلك
ندى :ادم انا ما عمل
ادم بعد عن والدته زما سابهاش تكمل :قولتلك اطلعي على الاوضة وبصرااخ يااالله
لاول مرة ندى كانت بتشوف ادم عصبي
ندى جريت لاوضتها
مروى :مراتك ملهاش دعوة ما تجيش عليها والدتك هي السبب بلاش تعمل حاجة تندم عليها
وسابته وطلعت الجنينة
فريدة بتمثيل ودموع :محدش بيحبني هنا يا ادم
ad
ادم حضنها ودخلها اوضتها لحد ما هديت وراح اوضته دخل وخبط الباب جامد وراه
ندى اتفزعت :في ايه
ادم مسك دراعها بغضب :بصي بقى الا امي انا متحضر في كل حاجة لكن لعند امي وخط احمر فاهمة الي تقولك عليه تعمليه من سكات
ندى بعدت عنه بغضب :انا ما عملتش حاجة فاهم مامتك هي الي عملت مشكلة من اللا شيء انا كنت نازلة اعملك فطار وهي الي ابتدت بالخناق
ادم بغضب :يعني امي كدابة وبتتبلى عليكي هاه وخالتك الي جيت وهي ماسكة في خناقها مسكينة وبتدافع عنك
وضربها بخفه على وشها :الا امي فاهمة الا امي
وزقها ودخل الحمام
وندى مصدومة منه على اول موقف ملهاش حتى دعوة فيه اختار امه
......................................................
عدا شهرين
ادهم بيحاول ما يضغطش على نور ويديها مساحة لحياتها ولشغلها
ادم وندى حياتهم بتتأثر بشكل جامد من فريدة
مازن وسيرين على وضعهم واعلنوا خبر الحمل بتاعها
سامي ومروى بيعندوا في بعض وسامي اخر رجوع مالك عندا في مروى على شان ترضخله
منال ما قبلتش تنقل على القصر واختارت تفضل بعيدة عنهم
.......................................................
عند نور في الشركة
داني :تقريبا كل حاجة جاهزة يا نور مش فاضل حاجة
نور بتعب :على ما تخلص المناقصة دي هتطلع روحي
داني بقلق :انتي كويسة سلامتك
ad
نور :دماغي بتوجعني قوي
داني :معايا دوا صداع تاخدي
نور بتعب :يا ريت ده حتى اليوم طويل ولسه النهاردة هيجي عمي مالك وتحضيرات وميت حاجة وحاجة
هنا ضربلها ادهم
ادهم بابتسامة :نور عيني بتعمل ايه
نور بابتسامة : بشتغل على المناقصة الجديدة
ادهم بقلق :نور انتي كويسة صوتك تعبان
نور :شوية تعب هيروحوا
ادهم :انا جايلك حالا اخدك نروح للدكتور لانه التعب ده مش طبيعي بقالك يومين تلاته كده
نور :ملوش لزوم يا ادهم انا كويسة
ادهم :عشر دقايق وهكون عندك قفل معاها وخد مفاتيحه ومشي
نور بصت للموبايل وابتسمت لاهتمامه
داني:خدي يا نور
نور شربت الدوا
داني :تروحي للدكتور
نور :ادهم جي في السكة هروح معاه
ad
داني شد على ايده بغضب مكتوم :ما كانش له داعي ما انا موجود في الشركة قلقتيه ليه دلوقت
هنا دخل ادهم الي باين عليه القلق وقرب منها :نور انتي كويسة فيكي حاجة
نور بابتسامة :ما تقلقش يا حبيبي انا كويسة
ادهم سندها :قومي لازم تروحي للدكتور دلوقت ومش هقبل اي اعتراض
نور اومأتله بدماغها
ادهم طنش داني
داني ببرود :ازيك يا ادهم
ادهم بصله ببرود مشابه :كويس
ادهم مشي مع نور
في العربية
نور :احرجت داني قوي انا مش عارف انت مش طايقه ليه
ادهم شد على الدريكسون بغضب من سيرته الي مش عايزها حوار ما بينهم :ما بحبوش ما بستريحش ليه نور 😏
ادهم طنش تعاليم وشها وخدها المشفى ودخلها لدكتورة
الدكتورة خدت منها عينة دم
ادهم بقلق :هي كويسة فيها ايه
الدكتورة :ان شاء الله خير يمكن شوية اجهاد هنستنى تحليل الدم وعلى حسب التحليل هيبان معانا هي فيها ايه
نور بصت لادهم وهي بتعدل نفسها :قولتلك انا كويسة
جت الممرضة وادتها نتيجة التحليل
الدكتورة بصت لنور :ايه هو نوع حبوب منع الحمل الي بتاخديها
نور اتصدمت وبصت لادهم بقلق ما توقعتش يكون ده السبب
ادهم بعدم فهم :تقصدي ايه
الدكتورة :مراتك بتاخد حبوب لمنع الحمل ويمكن النوع الي بتاخده مش مناسب لجسمها
