.jpeg "رواية داخل المشرحه البارت السادس 6 بقلم زينب رشدي")
رواية داخل المشرحه الفصل السادس 6 بقلم زينب رشدي
#داخل_المشرحه
#البارت_السادس
~غيث~
معرفش ليه اول لما روحت البيت افتكرت كلام يقين على اسلام وقد ايه هى بتحبه وبتحترمه ممكن تكون بتحبه اكيد لا هي كانت بتقول انه زي أخوها بس اكيد مش هتيجى تقولك انا بحبه مش عارف ليه اضايقت من كلامها ده بس دي حاجه متخصنيش نومت بعد تعب تفكير
~~~~~~~
صحيت تانى يوم متأخره لبست ومشيت بسرعه روحت المشرحه لقيت عمرو مستنينى
عمرو:اتاخرتى ي يقين
يقين:معلش صحيت متأخر وبعدين انا لسه ممسكتش شغل جديد
عمرو:حماسك قل مبقاش زي الاول
يقين:ليه بتقول كده
عمرو:سبتى القضيه من غير متفكرى حصل فيها ايه ولا ايه إلى لازم تعمليه عشان تساعدي
يقين:مش عارفه مش متحمسه ليه ممكن بسبب احمد باشا وبعدين هو مش عايز حد يساعده
عمرو:على العموم احمد باشا بيقول ان عايز يقابلنا ضرورى وجاى فى الطريق
يقين:طيب اطلبلنا قهوه كده عشان افوق عشان بجد مصدعه ومش مركزه
شربت القهوة وفكرت فى كلام عمرو ممكن فرحتى ان خلصت القضيه الأوله تخلينى أهمل شغلى ومفكرش اخلص القضيه التانيه واعمل اللى عليا وخلاص لا طبعا أنا داخله المجال ده عشان محدش يحصله زي بابا وماما وعدت نفسى ان اى قضيه مهما كانت صعبه مش هسيبها إلا لما تخلص بعد شويه دخل عمرو و احمد
يقين:اهلا ي احمد باشا
احمد:ما بلاش باشا دى انا محبش الرسميات
يقين:معلش انا متعودش اتكلم مع حد من غير رسميات
عمرو:خير ي باشا قولت ان فى كلام جد فى القضيه
احمد: كلامك طلع صحيح
يقين:اي كلام؟!
احتمالاتى تقصد
احمد وهو بيحط شنطه على المكتب:شوفى كده
يقين:ايه ده
احمد:افتحى وانتى هتعرفى
يقين فتحت الشنطه واول ما شفتها صرخت: آآآآآآه
احمد:اهدى اهدى
عمرو وهو بيقفل الشنطه:يا احمد باشا يقين جديده ومش متعوده تشوف المناظر دى
احمد:جديده ايه هى شغاله فى شركه دى مشرحه واكيد فى اليومين اللى اشتغلتهم شافت حجات زي كده
يقين:بشوف وفى كل مره بتفجاه المهم راس مين دى
احمد:دى شنطه جاتلى النهارده على مكتبى ومكتوب فى الورقه انها راس صاحب الجثه اللى عندكم
يقين فتحت الشنطه تانى عشان تتاكد إنها صاحب الجثه ولا لإ وراحت المعمل واتاكده فعلا انها صاحبه الجثه
يقين:طيب وبعد ما عرفنا ان دى راسه استفدنا ايه
احمد:عارفه مين الراجل ده
يقين:مين
احمد:دكتور ****
يقين:وبعدين
احمد:انتى قولتى ان احتمال اللى عمل كده ي دكتور ي حد من تجار الأعضاء صح وده دكتور فايه
يقين:معنى كده ان احتمالين معانا
احمد:تمام وانا عايزك تساعديني عشان نوصل للحقيقة انا عارف انك دكتورة شاطره وسمعت من غيث انك ساعدتيه عشان يكسب القضيه
يقين:قضيه غيث باشا مكنتش صعبه غير ان كان فيها غلطات كتير من القاتل
احمد:بصى ي دكتوره يقين مفيش قاتل مهما كان شاطر مبيغلطش
يقين:خلاص هحاول
احمد:النهارده ي دكتوره انتى توصلى لمعلومات وانت ي عمرو ساعدها
مشى احمد وانا بفكر ايه اللى ممكن يغلط فى القاتل اقدر أوصله
عمرو:هتعملى ايه
يقين:مش عارفه انت ممكن تكون عارف حاجه اكتر منى فكر معايا ايه اللى ممكن يكون غلط فى القاتل عمرو:مش عارف اي حاجه كان ممكن شوفنها ومفيش حاجه
يقين:مفيش غير ان اعرف معلومات عن الدكتور ده
عمرو:ده شغل البوليس ملناش فيه احنا
يقين:مفيش حاجه اسمها ملناش فيه أدام نقدر نساعد انت اشتغل هنا وانا هحقق فى الموضوع
روحت المستشفى بتاعت الدكتور وجمعت اكبر معلومات ممكن أوصلها وقررت اروح لاحمد باشا ممكن يكون وصل ل حاجه لما وصلت وقعده فى المكتب مستنيه احمد كلمت اسلام
يقين:وحشتنى على فكره
اسلام:كاخوكى صح
يقين:اسلام انت لسه زعلان على فكره احنا مش متعودين نقعد متخاصمين فتره كبيره كده
اسلام:ممكن المره دي مش زي اي مره
يقين:وبعدين
اسلام:ولا حاجه باااى
مش عارفه اراضيه ازاى مش معقول اتجوز اخويا يعنى وبعدين هو نفسه مش هيقبل ان اتجوزه وهو عارف مشاعرى نحيته
احمد:اتاخرت عليكى
يقين:.....
احمد:دكتوره
يقين بانتياه:ها ايه
احمد:لدرجادى القضيه شغلاكى
يقين: جدا المهم الدكتور ده عرفت عنه معلومات كتيره
احمد بأستغراب:معلومات طب ما كنتى طلبتى منى
يقين:مكنتش هتعرف تجيب اللى جبته المهم الدكتور ده معا مستشفى المستشفى دى المرضه الفقره اللى فيها حتى لو مرضهم عادي وأقل من العادى كمان بتخرج ميته اما الاغنيه والغريب فى كده بيكون عندهم أمراض زي الكليه فيها مشكله عملوا حادثه ومحتاجين عضو من أعضاء بيخرجوا كويسين مش غريبه دى
احمد:تقصدى ان هو كان بياخد أعضاء الناس دى ويستفاد بيها
يقين:بالظبط كده ولما سألت ممرضين هناك عرفت انه غنى جدا وغير كده ليه معارف كتير وانه كمان واحد مش محترم
احمد:برافو عليكى ي دكتوره احنا بنقرب كتير
يقين:ومش بس كده
احمد:ايه
يقين:من فتره فى حاله اتوفت تحت ايد الدكتور ده ولد المتوفية قلب الدنيا فى المستشفى وهدده بالقتل
احمد:ودى عرفتيها ازاى انا سألت كتير ومعرفتش
يقين:مفيش ناس بتحب تدخل فى المواضيع دى وبعدين انا دارسه علم نفس مخصوص عشان اعرف مين الى ممكن اخد منه معلومه ومين معرفش
احمد:برااافو ي دكتوره
الباب كان بيخبط واحمد استأذن ليه بدخول
احمد: غيث تعال شوف مين هنا
غيث: يقين انتى بتعملى ايه هنا
احمد:تصدق الدكتوره يقين قولتلها تساعدني فى القضيه زي مساعدتك مشاء الله عليها وصلت لمعلومات فى وقت قياسى
غيث:المفروض تكون شغالة معانا
احمد:وعارف ممكن تقنعك بحاجات مكنتش ممكن تتقنع بيها لا وايه بتعرف تاخد معلومات
احمد: انت هتقولى على اقناعها ولا على شغلها عن اذنكم
احمد:قوليلى ي دكتوره يقين اسمه الولد ده ايه
يقين:احمد باشا ثانيه واحده ورجعالك عن اذنك
يقين:غيث غيث
يقين: انت زعلان
غيث:وازعل ليه انتى ضحكتى عليا مثلا وقولتيلى انك مش بتشتغلى معا ومش أصدقاء
يقين: على فكره انا مبكدبش بس هو زارنى النهارده انا وعمرو وقالنا نساعده وانا عملت كده وقابلته بس عشان مصدقت ان لقيت حاجه توصلنا
غيث:على فكره دي حاجة متخصنيش عن اذنك
مشى غيث وانا بفكر انا زعلت ليه لما شفنى مع احمد او خوفت يفهمني غلط او كدابه وليه بررتيله اصلا انا فى العادى مبحبش ابرر لحد واللى يفهم يفهم اشمعنا غيث خوفت على زعله اضايقت جدا من اللى عملته وقررت اكمل شغل تانى ومحاولش اكون أصدقاء جدد رجعت ل احمد تانى
احمد:اتاخرتى
يقين:هتعمل ايه
احمد:بحاول اعرف مين الولد
يقين:طب وتعرف ليه ده ملف عنه وعن امه
احمد بصدمه:ي لهوي عليكى مفيش حاجه فيتاكى دا انتى المفروض تشتغلى معانا
يقين:على فكره انا عندى مشكله ان مبحبش اسيب حاجه غير لما اخلصها وبحب اوصل للحقيقة وبالاخص لو فيها قتل وموت وكده
احمد:طب وعرفتى تجيبى الملف ازاى
يقين: معلش ده سر المهنه اينعم كلفني كتير بس فداء ارض الوطن
احمد:متقلقيش اوعدك انك ليكى هديه حلوه
يقين:تسلم
احمد:تحبى تحضرى معايا التحقيق
يقين:لو مكنش يضايقك
احمد:ولا يضايقني ولا حاجه بكره اكلمك قبل منبدا
يقين:تمام عن اذنك
روحت البيت ونومت من التعب
~غيث~
مش عارف انا حبكتها كده ليه هى بتعمل شغلها وبعدين انا كلمتها بطريقه مش كويسه هى قدرتنى وخرجت ورايا وانا كلمتها بالاسلوب ده خلاص بقا احاول اكلمها
~~~~~~
صحيت تانى يوم روحت المشرحه الاول قبل القسم
يقين:ها عملت ايه ي عمرو
عمرو:ولا حاجه زى ما احنا
يقين: خلاص كده كده الموضوع قرب يخلص
عمرو:ازاى
يقين:هحكيلك بس لما ارجع باااى
روحت القسم ولقيت احمد باشا مستنينى
احمد:اهلا اهلا ي دكتوره اتفضلى
يقين:اظن جايه فى معادى مظبوط
احمد:تمام تشربى ايه
يقين:مرسى ولا حاجه
احمد:لا ازاى لازم
يقين:بجد مرسى مش قادره
احمد:زى ما تحبى .....نبدأ
يقين: اااه اكيد
احمد: دخله ي عسكرى
احمد:انت الاستاذ صلاح
صلاح:ايوه وانا اللى قتلته
يقين بصدمه:انت بتعترف
صلاح:ايوه وعشان كده بعت راسه هديه منى عشان توصلولى
احمد:وقتلته ازاى بقا
صلاح:قطعت راسه وبعدين بطرت ايده اليمين إلى اذت ناس كتير وامى منهم اللى اخد كليتها وبعدها كذب عليا وقال حلتها خطيرة وممكن تموت واخد أعضاء كتير منها
يقين بغموض: ليه انت شغال ايه
صلاح:سواق
يقين:طب استنا شويه برا
احمد:معترضه ليه اعترف
يقين:قولتلك قبل كده ان اللى عمل كده دكتور او محترف مش سواق بيخلص ثار امه
احمد:تقصدى انه كداب
يقين:الواد ده فى حد باعته ولو هو اللى عمل كده يبعت راسه ليه ميجى يسلم نفسه من الاول
احمد:طيب سبيني عليه دخلوا ي عسكرى
صلاح:افندم
احمد:من وراك يلا
صلاح ببرود:محدش
احمد وهو بيزعق وبيمسكه من لياقته:ولا انت متعرفنيش انطق مين قتل الدكتور وباعتك عشان تشيلها انطق
صلاح:بقولك انا اللى قتلته
احمد:ولا اقسم بالله لو منطقت لاكون قتلك متنطق يلا
يقين:احمد باشا سبهولى
احمد:انتى اتجننتى عيزانى اسيبك مع ده
يقين:متقلقش ده انسان متحضر وهنعرف نتكلم سبني معا بس
خرج احمد وهو متعصب وانا فضلت اتكلم مع صلاح
يقين:انت متخيل انك كده بتاخد ثإر امك انت كده بدارى على واحد مجرم ممكن يكون مشارك الدكتور المتوفى اصلا
صلاح:اللى موت امى خاد جزائه ي دكتوره
يقين:غلط اللى قتل امك مش شخص واحد ده اي واحد ممكن يشتغل شغلانه زي دى اللى قتل امك لسه عايش برا وممكن يعمل كده فى اي حد غير امك
صلاح:لا ي دكتوره
يقين:ي خساره كنت فكراك راجل وتعرف تجيب حق امك وحق اى واحده مكانها
صلاح: لو قولت هتعرفوا تعملوا معا حاجه
يقين بامل: اكيد
صلاح: انا بعد موت امى فعلا كنت ناوي اقتله وعرفت ادخل فلته واول لما وصلت عند مكتبه لقيته بيتخانق مع حد وسمعته بيقوله بعد ما عملتك هتكبر عليا انا اقدر اخلص منك واعمل غيرك ف الدكتور (يقصد المقتول) قاله لو عملت كده بعدها بدقايق هتتفضح انت وكل اللى معاك وخرجله ورق اعتقد ماسك عليه حاجه وفجاءه مسك الراجل ده سك*ينه كبيره اوى تشبه لس*طور وراس*ه وق*عت من ج*سمه شوفت المنظر هربت فورا بس رجاله الراجل شفونى وخطفونى وقلولى اعمل كل حاجه وعرفت ان قط*ع ايده عشان لما اجى اقولكم ان عملت كده لما اتصدمت يعنى زي الحاله النفسيه والله هو ده كل اللى حصل
يقين بدموع: ومكنتش عايز تتكلم شوفت الراجل ده قط*ع راسه بكل د*م بارد وفي الاخر عايز يلبسهالك ويروح حق امك وحق ناس كتير
اخدت منه كل المعلومات وخرجت ليقته واقف مع غيث بصتله بصه عتاب ووجهت كلامى لاحمد
يقين:احمد باشا اعترف على كل حاجه
احمد: ازاى
يقين: دي طريقتى بقا بس انا وعدته ان هيبقى في حماك وانه مش هيتاذى وهيجى حقه
احمد: اي الموضوع
يقين: الموضوع الكبير يستحسن تسمع بنفسك
دخل احمد واخد كل المعلومات وجهز مؤمريه عشان يروح يقبض على اللى عمل كده
يقين:انا عايزه اروح معاكم
غيث:تروحى فين هى رحله
يقين مردتش ترد على غيث ووجهت كلامها ل احمد: لو سمحت ي احمد باشا
احمد:دكتوره يقين متقلقيش انا هقبض عليه بس انتى عارفه احنا رايحين نقبض على اسم تقيل ويا عالم هيحصل معانا ايه روحى انتى وانا هطمنك وانا اوعدك انك ليكى هديه لو خلصنا القضيه وانتى اللى خلصتى القضيه وتستاهلى الشكر
يقين:انا عملت واجبى
احمد:تسلمى ي دكتوره روحى انتى
روحت البيت قاعدة سهرانه لحد ما اعرف اخبار بس موصلتش ل حاجه لحد منمت وصحيت وروحت الشغل على طول ممكن يكون عرفوا حاجه
ليندا بصوت عالي: يقييييييييين
وفجاءه
عايزه اعرف رايكم فى البارت وتوقعاتكم ليندا عايزه من يقين اي وكمان اي المكافاه اللى هيقدمها احمد ل يقين
#بقلمى_زينب_رشدي
