.jpeg "رواية لم يكن طريقنا واحد البارت الرابع 4 بقلم رحمه محمد")
رواية لم يكن طريقنا واحد الفصل الرابع 4 بقلم رحمه محمد
اتكلمت بصدمه
يالهوي انا مش لسه سيباك هناك
بصلي بتقيم وقال
حلوه هتبسط معاكي
انت عبدالله
انا اخوه التؤام
اي اخوه هو عنده اخ تؤام اصلا
اتكلم بضيق
منغير رغي كتير ا
قاطع كلامه دخول امه
نورتي ياايسل
اتكلمت بزعيق
اي ده انتوا مين وانت شبه عبدالله ازاي وكمان تؤامه
ضحكت بسخريه وبصيت ليها
ناقص تقولي ان انتي امهم
اتكلمت بغرور
ايوه انا ام عبدالله ويوسف
اتكلم ببرود
انا خارج ابقي فهميها بقي
.............
مسكت ايدي وقعدت تفهميني
بعد كم ساعه وهي بتفهمني
طب انا هطلق امته بقي
وانتي تتطلقي ليه
انا وافقت عشان ارجع البنت بس انا عوزه ارجع بيتي
انتي بقيتي مرات ابني انتي فاهمه ملكيش دعوه ولا ببيتك ولا بعبدالله يوسف بقا جوزك
جت تخرج لفتلي تاني وقالت
اه صح الخدامه هتطلع توديكي علي اوضتك احنا لسه هنعمل فرح كبير يليق بيوسف باشا
بصتلي من فوق لتحت
وبكره هتجي معايا هشتريلك هدوم تليق بمرات يوسف بدل القماش القديم ده
اتكلمت بتكبر
ومالو لبسي بقا ان شاءلله بقولك اي محدش ضربكم وقال لكم
جوزوني ليه
اتكلمت بشويه لطف
صدقيني ياايسل انو انا لولا بحبك لله في الله كنت اتكلمت معاكي باسلوب مش كويس
خرجت وانا قعدت علي السرير
يالهوي اومال لو مكنتش بتحبني كانت هتكلمني ازاي
جت العامله وودتني الاوضه اللي هقعد فيا كانت كبيره اوي كنت بتلفت يمين وشمال وبتفرج علي كل ركن
عجبتك
اتكلم بشرود وانت مش باصه اصلا
اوي ديه تحفه
بصتله
اعوذ بالله خضتني
امم بعد تلت ايام هتكوني في الاوضه بتاعتي
لا شكرا ديه عجباني
هو بمزاجكك
يعني طبعا بمزاكي
هنشوف بمزاج مين
رمي كلمته وخرج
وانا قعدت وربعت علي السرير وحطيت صباعي علي دماغي
افهمي ياايسل دلوقتي خالو كان متجوز طنط الشياكه ديه وهي خلفت يوسف وعبدالله وبعد ٥سنين اطلقت بس مقلتليش ليه بردو انا عوزه اعرف يعني
ولما انفصلوا طنط خدت يوسف وخالو خد عبدالله
وطبعا انتي ياايسل ياغبيه مكنتيش اتولدتي ف لما جيت علي الدنيا مكنش موجود غير عبدالله وطبعا عيلتي الكرام محدش كان بيجيب سيره
ويوسف ده راجل غني ليه بقا لانو ابو طنط الشياكه ديه غني وورثه اداه لابن طنط اللي هو يوسف اللي المفروض جوزي وطبعا شركاته واملاك جده كلها بقت بتاعت يوسف
ويوسف ده اتجوزني بس ليه يعني ليه اناااا انا لازم اعرف
امم انا حاسه اني فهمت قصه يوسف
نمت والصراحه نمت نوم عميق حتي اني اول مااتجوزت عبدالله اول يوم مكنتش عارفه انام
في الصباح
صباح الخير ياايسل
مين حضرتك
انا ابو يوسف
اتكلم بتفكير
ازاي بس ونبي انتوا هتجننوني
ضحك قصدي انا جوز ام يوسف بس انا اللي ربيت يوسف ف هو يعتبر ابني وانا ابوه
اتشرفتك بمعرفتك
نزلت طنط اللي عرفت لما انكل ناده عليها انها اسمها مروه
باسته من خده وقالت
صباح الخير ياعامر
صباح الخير يامروتي
قعدت معاهم علي السفره
وبداءو اكل كانوا بياكلوا بالشوكه والسكينه
يالهوي علي الفطار بياكلو بالشوكه
تاكدت اني في مكان غير مكاني
انا من عيله بسيطه ناس علي قدها يعني مش فقرا ولا اغنياء اوفر من طبقه متوسطه طريقه اكلي غيرهم وحتي طريقه كلامي هما بيتكلموا برقي
ايسل يابنتي
اه ها
بتفكري في اي كلي
ولا حاجه
حبيبه قلب مامي
بصيت علي السلم
لقيت بنوته عسوله اوي نازله
باست امها من خدها وابوها
صباح الخير يامامي صباح الخير دادي
مين الاموره
شاورت عليها طنط الشياكه
ديه ايسل مرات يوسف
ايه هو ابيه يوسف اتجوز
ابتسمت واتكلمت ببرود
وهيطلقني قريب
تبقي اكيد بتحلمي احلام العصر
اتكلمت بعصبيه.......... يتبع
صلوا علي شفيعكم يوم القيامه
#لم_يكن_طريقنا_واحد ٤♡
