رواية احببت دكتوري الفصل الثامن 8 بقلم حبيبه سيد
#الجزء الثامن
#أحببت دكتوري
رحمه بتسيب يوسف وبدر وبتروح تشوف ريم
ف غرفة ريم
رحمه بتدخل بتلاقيها نايمة ومتعلق لها كلونه بتقعد جنبها شوية وبعدين بتخرج
بدر اول ما بيشوفها بيجري عليها
رحمه : يظهر انها مكنتش بتاكل
بدر : هو ف اي أنا قلقت اوي كدا
رحمه : ريم عندها أنيميا حادة وباين عليها الارهاق أوي مش هينفع تطلع من هنا غير لاما الحاله تتحسن شويه ومش هتفوق دلوقت إما تتحسن شويه ممكن تبقي تاخدها
بدر : هي ممكن تفوق امتا
رحمه : حاليا هنركب محاليل عشان تفوق شويه وهتابع حالتها مع دكتور يوسف هتبقي كويسه ان شاء الله متقلقش
ف مكتب يوسف
داليا : ليه مش بتدي نفسك فرصه تحبني او تشوفني حتي
يوسف : هو انتي مدركه الي انتي بتقوليه ازاي اشوف واحده عرضت نفسها عليا و.........
داليا : عشان بحبك يا يوسف
يوسف : الراجل بيحب الواحده الي عندها دم وكرامة الي مغليه نفسها بيحب الواحده الي يجري وراها وميطولش منها حاجة غير ف الحلال الي تبقي معاه اها بس قدام ربنا مش بيحب الواحده هي الي تجري وراه
داليا : يعني بتعاقبني عشان حبيتك عشان قولتلك تحت امرك
يوسف : رخصتي نفسك ف نظري حتي لو كان ف فرصة او ممكن اشوفك دلوقت لاء اتفضلي بقا يا دكتوره علي مكتبك شوفي شغلك احسن
داليا بتستأذن وتخرج ورحمه بتخلص كلام مع بدر وبتروح لي يوسف بتخبط علي باب المكتب
رحمه : ممكن ادخل ولا حضرتك مشغول
يوسف : اتفضلي يا رحمه
رحمه : واضح ان حضرتك مدايق
يوسف : ممكن نخرج نتغدي ونرجع نكمل شغل ولا عندك مانع
رحمه : مانع اي لا مانع ف الاكل حصلني
يوسف : 😂😂ايوا ادام فيها اكل هلاقيكى قبلي ف المطعم طب علي حسابك بقا
رحمه : طب انا بقول احنا عندنا شغل لازم يخلص
يوسف : 😂😂😂دا انا لسه مكملتش الكلمة يخربيتك
رحمه : الله ليه كدا بقا هتخربوا ليه يعني مش ناقصه
يوسف : طب يلا بينا علي الكافتيريا او المطعم علي حسابك برضو
رحمه : عادي علفكره بس انا بقول يعني ان منظرك هيبقي وحش لاما تبقي معايا وانا الي ادفع الحساب
يوسف : لا ملكيش دعوة وبيخرجو الاتنين من المستشفي بيروحو مطعم قريب بيوصلو المطعم
يوسف : تاكلي اي
رحمه : معاك فلوس الاول ولا هتسوحنا
يوسف : لا متقلقيش 😂
رحمه : بس كدا انا اطمنت بعد الضحكة دي
يوسف : ف اي
رحمه : عرفت انني هناكل وندخل نغسل الاطباق وبيضحكو هما الاتنين
يوسف يخرب عقلك اي الفصلان دا بجد بقا تاكلي اي
رحمه : خليك فاكر ان انت الي مصمم اهو ادام مصر بقا يبقي سندوتش برجر متوسط وبطاطس وساقع
يوسف : الله واكبر انا ايه الي خلاني اتسحب من لسانى بس والله وضاع مرتبك يا يوسف هتكمل باقي الشهر علي باب الجامع
رحمه : 😂😂😂اي الفصلان دا كل دا عشان وجبه هااا هتاكل اي
يوسف بينده الجرسون وبيطلب وجبتين
يوسف : هاااا مش هتقولي بقا
رحمه بإستغراب : اقولك اي يا دكتور
يوسف : احنا هنا ف مطعم مش ف المستشفي قوليلي يوسف بس
رحمه : اقولك اي يا يوسف بس
يوسف : اول مره اشوفك قلقانه ومهتمه بمريضه او والد مريضه انتي تعرفي
رحمه : قصدك بدر
يوسف : واضح انك عرفاه من زمان
رحمه : ايوا أعرفه من زمان اتربينا مع بعض هو صحيح اكبر مني بس عادي يعني وسافرت مع اهلي ورجعت تاني عيشت معاه فترة
يوسف : بتحبيه
وهنا بقا الجرسون بيجى يحط الاكل علي الترابيزا
رحمه : تعرف ان البرجر دا بيبقي طعمه يجنن إما تاكله وهو سخن كدا وطازا
يوسف : شكلك بتاكلي منه كتير
رحمه : جرب
بيبدوء اكل وهما بيتكلمو ويهزروا وبيخلصوا ويرجعو علي المستشفي تاني يخلصو شغلهم وكل واحد بيروح علي شقته بيعدي كذا يوم علي الحال دا من الشغل للشقه ومن الشقه للشغل
وريم بتكون بدأت تفوق شويه وبتبقي محتاجة متابعه او ممرضه تكون معاها عشان الحاله تتحسن
بدر بيكلم يوسف عشان ياخد ريم الشقه وبيطلب يبقي معاها ممرضه عشان تقدر تتابع الحاله كويس
يوسف : رحمه انتي عندك شغل النهارده زيادة
رحمه : خير يا دكتور
يوسف : ف حاله محتاجة متابعه وصراحه زي ما قولتلك قبل كدا انتي اشطر ممرضه عندي وانا عايزك ترفعي راسي
رحمه : تمام يا دكتور اخلص بس مرور علي باقي المرضي واخد العنوان واروح
وفعلا رحمه بتخلص شغلها ف المستشفي وبتاخد حاجتها وبتروح الحاله الي هي ريم الي محتاجة متابعه عشان تتحسن اكتر
يارب شويه الرغي دول يكونوعجبوكم والله عارفه اني بتكلم كتير بس اعمل اي بقا بحبكم بزيادة 😂😂😂 وبحاول اعوض التاخير الي بيحصل كمان 😎يلا بينا نشوف المغامرة الجديده واي الي ممكن يحصل لاما بدر ورحمه يتجمعوا تاني جاهزين 🙃
رحمه بتوصل شقه بدر علي الباب
بدر : اتفضلي
رحمه : متشكره هي ريم صاحبه ولا
بدر : لاء نايمة مش بتبقي فايقه علطول اكيد عارفه
رحمه : طيب بعد اذنك بقا انا هدخل ليها
بدر : اتفضلي بيتك
رحمه بتدخل عند ريم وبتفضل قاعده جنبها حوالي ساعتين وبدر بيبقي قاعد ف الصاله رحمه بيجيلها فون وبتخرج بهدوء من عند ريم
يوسف : الوووووو
رحمه : ايوا يا دكتور
يوسف : دكتور اي مش قولنا يوسف
رحمه : بس احنا دلوقت ف شغل يا دكتور يوسف
يوسف : قوليلي بس انتي عامله اي
رحمه بإستغراب : المفروض تسأل عن الحاله مش الممرضه
يوسف : ماهي لو الممرضه كويسه يبقي هتعرف تاخد بالها من الحاله صح
رحمه : ف دي عندك حق يا يوسف هو انت معندكش شغل ولا اي
يوسف : هبدا اهو انا قولت اكلمك الاول قبل ما ابدا الشغل تاني
رحمه : تمام روح بقا اشتغل بدل ما حد من المرضي الي عندك يقولك دعوة حلوة
يوسف : لاء وعلي اي روحي كملي شغلك وانا هرجع لي شغلي يلا
رحمه : باي وبتقفل
وبتيجى ترجع لي ريم
بدر : رحمه
رحمه : ايوا يا فندم ف حاجة
بدر : فندم
رحمه : حضرتك مستغرب ليه كدا
بدر : وحضرتك كمان اتغيرتي اوي
رحمه : ههههههه لازم اتغير سنة جواز و سنه ونصف ممرضه يبقي لازم اتغير
بدر: هو كامل خلاكى تكملي
رحمه : لاء اطلقت منه وبعدها بي فترة عرفت يوسف وشغلني معاه
بدر : عشان كدا انتي ف المستشفي بتشتغلي ممرضه
رحمه : ايوه بعد اذنك بقا عندي شغل
بدر : ممكن نتكلم شويه
رحمه : هنتكلم ف اي مفيش بينا كلام
بدر : هكلمك عن حاله ريم وازاي وصلت للحاله دي
و.......يتبع
ياتري هيحصل اي بين رحمه وبدر وهيحكي لها اي وشروق حصل لها اي كل دا
