%20(1).jpeg)
رواية تزوجت اخت زوجتي الفصل السادس عشر 16 بقلم جنه الفردوس
أحمد دخل الاوضه في الوقت ده ومسك في دراع رائد وقال قبل ما رائد ينطق الكلمه اللى كانت على أفواه
"في أي مالك استهدا بالله وبعدين المشاكل مش بتتحل كده"
أحمد خد رائد بره الغرفه بصعوبه ولمار كانت في حاله صدمه وده مش بسبب وجود أحمد لكن بسبب رائد اللى كان في لحظه وهيطلقها
لمار غمضت عينها وحاولت تحبس دموعها لكن مقدرتش عشان تخونها وتنزل عالطول
اما في الخارج أحمد كان بيحاول يهدي رائد اللى كان متعصب أوى من اتهام لمار ليا وانها ازاى تقوله ان هو معندهوش كرامه ؟!
أحمد: رائد متخلنيش اندم انى جيت وبعدين الأمور مش بتتحل كده مش ده صاحبي اللى اعرفه اهدااا كده
رائد بغضب: ده بتقولى لو عندك كرامه طلقنى يا أحمد انت مستوعب الكلمه ؟!
أحمد ربت على كتف صديقه وقال: اهدااا يا صاحبي وبعدين أي رأيك نمشي ونتكلم في الطريق
رائد هز رأسه بهدوء وطلع مع أحمد لكن ده ميمنعش ان رائد كان موجوع من جوه
في الطريق
رائد كان ساكت تماماً عشان أحمد يبصله ويقول: طب ممكن اعرف أي اللى حصل عشان تقولك كده ؟!
رائد هز رأسه وقال: مبقتش فاهم حاجه يا أحمد مش ده لمار اللى حبتها ده واحده معرفهاش
أحمد: طب من امتى وهى متغيره كده ؟!
رائد: من ساعه ما راحت عند والدتها وقعدت هناك يومين وانا مش عارف اي اللى حصل معاها ده قالتلى انها حابه تقعد بعيد عنى تخيل انها مش طايقه وجودي جنبها
أحمد: اهدااا يا رائد وصدقنى الأمور بتتحل بالهدوء مش كده يا صاحبي
رائد: لو هى عايزه تطلق فعلا يا أحمد انا مستعد اطلقها بس مش هرضا تعيش معايا وهى مغصوبه
أحمد: بتحبك !!!
رائد: هى مين
أحمد: لمار
رائد ضحك واتكلم بسخرية: لو العالم كله اجمع انها بتحبنى صدقنى مش هصدق
أحمد انتبه للطريق وقال: وانا بقولك اهو لمار بتحبك يا رائد وبكره تقول ان صديقي كان معاا حق
رائد: ولو كلامك صح ليه طلبت تطلق وليه قالت انها حابه تقعد بعيد عنى ؟!
أحمد: يمكن عشان حبتك يا رائد ٠٠٠يمكن شافت حبها من طرف واحد وان مشاعرها من طرفها هى وبس لازم حد فيكم يغامر يا صديقي ويعترف للتانى والا الأحوال هتسوء اكتر واكتر
رائد: خايف يا أحمد خايف لما اقولها على اللى جوايا اندم بعدين انت متعرفش هى عملت في قلبي أي لما قالتلى انها عايزه تطلق انا حسيت للحظه ان روحى بتتسحب منى
أحمد بحزن: حاسس بوجعك ما انا اصلى مجرب
رائد اتنهد وقال: على جنب يا أحمد
أحمد وقف العربيه على جنب وصاحب العماره خد منه المفتاح ودخل العربيه في الجراج اما أحمد ورائد طلعوا على الشقه اللى اشتروها من اربع سنوات
رائد طلع المفتاح من جيبه وفتح الباب عشان أحمد يدخل ويقول: الشقه عايزه تتنضف يا رائد
رائد قعد على الكرسي وقال: فكك من الشقه دلوقتي وخلينا في اللى جاي
أحمد قعد جنبه وقال: واللى جاي مش اهم من حزنك ده يا صاحبي
رائد أبتسم غصب عنه وقال: متقلقش انا بخير وبعدين انا مريت بمواقف زي ده كتير
أحمد: بس الموقف ده مختلف لان أول مره أشوفك مضايق بالشكل ده ٠٠٠مش عايزك تزعل منى بس انا مكنتش متوقع انك هتحب بعد أسماء
رائد: ولا انا يا أحمد انا لحد الآن متفاجى من نفسي مش مصدق انى قدرت احب غيرها ومين اختها اقرب حد ليها
أحمد: بعد ما نتخلص من العصابه ده لازم تصارح لمار بمشاعرك يا صاحبي ولو انت معملتش كده انا هروح بنفسي اقولها انك بتحبها
رائد قام وقال بتعب: الموضوع مش زي ما انت فاكر يا أحمد انا رايح انام تصبح على خير
رائد دخل الاوضه وساب الباب مفتوح لأحمد اللى بدأ يفكر في كل كلمه قالها رائد
أما لمار معرفتش تنام خالص بعد اللى قالتوا لرائد وانها ازاى تقوله انه معندهوش كرامه
لمار وقفت قدام المرايا وقالت: أنا ليه بتكلم معا كده ؟! رغم انه بيعاملنى بكل إحترام
لمار بصت لتحت وقالت: يمكن عشان حبتوا وهو محبنيش طب هو أي ذنبه انى حبتوا اي ذنبه اتكلم معا بالطريقه ده
لمار: لمار انتى لازم تراجعى نفسك كويس ٠٠انتى اتجوزتى رائد عشان سيليا مينفعش تفكري في حاجات من المستحيل تحصل
لمار قعدت على طرف السرير واتكلمت ببكاء: ليه مينفعش هو انا مستحقش اعيش زي أي واحده بتحب جوزها
لمار حطت وشها بين ايدها وقالت: بس حالتك خاصه يا لمار انتى وافقتى على الجواز ده لازم تستحملى العواقب مهما كانت قويه عليكى لازم تستحملى
في صباح يوم جديد
رائد قال لأحمد انه رايح يشوف بنته عشان يطلع ويركب عربيته متجها الى شقته
لمار: سيليا عشان خاطري لازم تأكلى عشان علاجك
سيليا ربعت ايدها وقالت: لمار قولتلك انا مش جعانه وبعدين بابا فين ؟!
لمار سكتت وسيليا بصتلها وقالت: انتى ساكته ليه يا لمار
لمار كانت رايحه تتكلم لكن رائد دخل في الوقت ده وقعد جنب بنته وقال: انا جنبك يا سوسو
سيليا بعياط: لا انت مش جنبي يا بابا انت عالطول سيبنى لوحدي
رائد بص للمار وقال: انتى اللى قولتلها الكلام ده صح ؟!
لمار بصدمه: رائد انت بتقول أي انا مستحيل اقولها كده
رائد بزعيق: آمال مين اللى قال هى اي عرفها بالكلام ده ؟!
دموع لمار نزلت عالطول عشان تقوم من على السرير وتطلع من الاوضه اما سيليا قامت هى كمان وقالت: لمار مقالتش حاجه وقولتلك قبل كده بلاش تزعلها
رائد قام وقعد على ركبته ومسك ايد بنته وقال: أنا اسف يا حبيبتي بس صدقيني الفتره ده انا مشغول أوى
سيليا بصت لتحت ورائد حط ايده على خدها وقال: عايزانى امشي طيب ؟! عايزه تخلي بابا يمشي زعلان يا سيليا
سيليا حضنته وقالت: عايزاك جنبي يا بابا انت دايما في الشغل ولمار بتروح الجامعه وانا ببقا قاعده لوحدي
رائد باسها على رأسها وقال: فتره وهتعدي يا حبيبه بابا وأن شاء الله كل حاجه هترجع زي الأول
سيليا ابتسمت واتكلمت بهمس: طب عشان مزعلش منك روح صالح لمار ٠٠٠لمار مقالتش حاجه يا بابا
رائد شال سيليا وقال: حاضر بس ناكل الأول عشان ناخد علاجنا
رائد حط سيليا على السرير وبدا يأكلها وباله كان مشغول بالمار وبالوضع اللى بدأ يسوء بينهم
سيليا بعد ما كلت وخدت علاجها نامت في حضن رائد اللى حط المخده تحت راسها وقام طلع من الاوضه
رائد دخل الاوضه ووقف مكانه لما شاف لمار بتقطع الطماطم والدموع على خدها
رائد مسك ايدها وخد منها السكينه وحطها على الرخام وقال: انا آسف
لمار بصت لتحت ورائد باس أيدها بكل حنيه وقال: لمار انا بجد اسف صدقيني الفتره ده انا في ضغط كبيرر مش كفاية كلامك اللى بيقطعنى من جوه
لمار بصتله وقالت: وانا مش عارفه ازاى كنت بتعامل معاك كده انا مش عارفه أي اللى حصل معايا فجاه رائد انا أسفه مكنش قصدي اجرحك باي كلمه قولتها بس وجودي هنا مالوش لازمه وصدقنى سيليا مش محتاجانى اكتر ما هى محتاجاك
رائد: ان كان سيليا مش محتاجاكى انا محتاجاك يا لمار محتاجاك جنبي
ضربات قلبها ازدادت أوى اما رائد كمل كلامه وقال: صدقيني مقدرش اعيش من غيرك انا اتعلقت بيكى اتعودت على وجودك
لمار ابتسمت بهدوء ورائد حط ايده على خدها وقال: انا بحبك يا لمار !!!!
في نفس الوقت
أدريان: الواد اللى اسمه حسن قال موضوع مهم أوى قبل ما اموته
_موضوع أي يا بيه
أدريان أدار ضهره ناحيه الشباك وشرب من السيجاره وبعد ما نفخ الدخان ناحيه الشباك قال: قال ان الظابط رائد هو السبب في موت مراته الأولى
_ازاى يا بيه
أدريان رمى السيجاره على الأرض وداس عليها وقال: مش مهم ازاى الاهم دلوقتي ازاى هنبعد الظابط ده عننا بالخبر ده
_انا مش فاهم حاجه يا أدريان بيه انت عايز توصل لأي بالظبط
أدريان بشر: انا عرفت انه متجوز اخت مراته اللى اتسبب في موتها اكيدا مراته لو عرفت ان جوزها اتسبب في موت اختها مش هتسكت ساعتها هتطلق منه وهو هيبعد عننا وبكده نكون ضربنا عصفورين بحجر واحد
_واي المطلوب منى عشان ده يحصل ؟!
أدريان: انت قولت انها بتروح الجامعه عايزك تروح وتقولها الكلام ده واوعك تقف معاها بعد ما تقولها الكلام اللى هقولك عليااا
_واي هو الكلام
أدريان بصله وقال بخبث: __________________
#يتبع
#تزوجت_اخت_زوجتى_16
