رواية شمس وراغب الفصل التاسع 9 بقلم زهرة الربيع

رواية شمس وراغب الفصل التاسع 9 بقلم زهرة الربيع

 

9

شهد كانت واقفه بهدومها الدا*خليه لما فتح عمر الباب ودخل عليها بالمنظر ده بس كانت لسه مفتحتش الميه

عمر اتنهد بارتياح انها متأذتش وشدها لحضنه بقوه ومش واخد بالو انو فتح عليها الحمام او انها مش بكامل هدومها كان مخضوض عليها قوي وقال انتي بخير كويسه حصلك حاجه

شهد زقتو بقوه وضربتو قلم بادها الصغيره وبقت تداري نفسها وهيه مش مصدقه الي عملو شدت فوطه لفت بيها جسمها وهيه بتتنفض من الخوف وبترجع لورا برعب

هنا عمر خد بالو من الي عملو بلع ريقه بتوتر وقال..بصي..هفهمك...اهدي الي حصل ان

بس قطع كلامو لما سمع صوت راغب بيقول..عمر..عمر فيه ايه عمر

عمر اتوتر وشهد نزلت دموعها من الخوف وبقت تبصلو باستغراب وهي مش فاهمه ايه الي بيحصل

عمر قرب منها وقال...متخافيش انا هخرج وانتي البسي واطلعي

شهد اتسعت عنيها بدهشه وشاورتلو بمعنى تطلع ازاي وفيه حد بره

عمربصلها بابتسامه وقال..ده راغب صاحبي انا هشرحلو الوضع واكيد هيساعدنا

شهد بقت تبكي وتهز راسها بالرفض وخايفه جدا بقت ترجع لورا ورافضه تماما انها تخرج وحتى عمر حاول يقرب لها يطمنها بس بقت ترجع لورا وبتبصلو بتحزير انو ميقربش بس فجأه كانت هتقع وسندت ايدها على مفتاح الميه بالغلط

عمر شدها عليه بسرعه البرق ونزلت الميه على الأرض سخنه بتغلي لدرجه انها عامله بخار جامد وصوت شديد

راغب اتخض وجري على الحمام واتصدم من الي شافو وشهد اول ما شافتو اتخبت في عمر اكتر وبقت تبكي 

عمر بص مكان ماهي بصت شاف راغب واقف بصدمه 

راغب حاول يهدى علشان يفهم وبص الناحيه التانيه وقال...ابقى حصلني

شهد اول ما مشي خرجت من حضن عمر بارتباك وكسوف وشاورت على الميه باستفهام

عمر قال...فيه عطل ١٠ دقايق ويصلحوه انتي تمام مش كده

شهد نزلت راسها بكسوف وشاورتلو بمعني اسفه

عمر ابتسم وقال..انا الي اسف على الموقف ده كلو ومش عايزك تقلقي من راغب انا هحل كل حاجه معاه خليكي واثقه فيا

شهد هزت راسها بأيوه وابتسمتلو ابتسامه تسحر

عمر بلع ريقه من منظرها الي تقريبا يادوب خد بالو منو لافه الفوطه بطريقه مغريه وشعرها المفرود وابتسامتها كل حاجه فيها تتعب الاعصاب 

شهد اتكسفت جدا من نظراتو ونزلت راسها في الارض

عمر خد بالو وبعد نظرو عنها بارتباك وقفل الميه بحذر وقال..احم..خلصي لبس ...انا ...انا هخرج عن اذنك 

عمر خرج وكان راغب مستنيه قدام الاوضه اول ما طلع قال بعصبيه...مين دي 

عمر قال...اهدى يا راغب لو سمحت هحكيلك كل حاجه

راغب اتنهد وقال..امشي قدامي ونزلو سوا قعدو على طاوله يتكلمو بهدوء

راغب قال..ها ادينا قعدنا وطلبنا قهوه كمام اتنيل قولي مين دي الي في حمامك يا شيخ الشيوخ طب مدام ليك في العك قولي

عمر اتنهد وقال...بلاش كلام فاضي يا راغب الموضوع مش زي ما انت فاكر..الي فوق دي اسمها شهد امها اتوفت وهيه طفله وابوها اتجوز ومن كام سنه مات وسابها مع مرات ابوها ست مش كويسه كانت بتشغلها تخدم في البيوت كانت كل حاجه تمام لحد ما وقعت عند ناس ولاد حرام ابنهم استغل وضعها وانها مش هتقدر تفضحو وحاول يعتدي عليها

راغب بصلو باستغراب وقال..ايه..يعني ايه استغل انها مش هتفضحو متفضحوش ليه يعني

بقلمي...زهرة الربيع

عمر قال بحزن..اصلها خرسا مش بتنطق ولا كلمه

راغب بصلو بانتباه وقال...وبعدين

عمر قال..هو اول ما حاول يعتدي عليها ومقدرتش تهرب منو ضربتو بسكينه وجريت انا يومها كنت معدي الشارع وهيه كانت بتجري جامد وحالتها صعبه خبطتها من غير ما اقصد واخدتها على المستشفى وهناك  سألتها عن الي عمل فيها كده وكتبتلي الي حصل معاها وانا مقدرتش اسبها البنت ملهاش حد ابدا

راغب اتنهد وقال...طب ليه مرجعتهاش لمرات ابوها 

عمر قال...هيه رفضت بتقول..انها حاولت كتير تقولها انو بيتهجم عليها وهيه رافضه انها تسيب الشغل علشان الفلوس

راغب قال..تمام لنفترض ان كل الي قالتو صح هيه قاعده معاك باي صفه مدام شريفه قوي كده وليه جبتها هنا من غير ما حد يعرف ليه مخبيها اصلا

عمر قال...البنت غلبانه اوي يا راغب وانا كنت ماجر لها مكان قاعده فيه لوحدها وكل فتره كنت بطمن عليها بس لما انت اصريت اني اجي جبتها معايا في الصندوق مكنتش اقدر اسبها لوحدها ولا اقدر اخلي حد يعرف بوجودها... اصلها

راغب بصلو بانتباه اكتر وقال...اصلها ايه قول الي فيها

عمر قال..اصل بصراحه كده الشاب الي ضربتو ده بلغ عنها انها كانت عايزه تسرق وحاولت تقتلو والبوليس بيدور عليها

راغب قال بزهول..يا انهار ابوك اسود 

.هتجيب لنفسك مصيبه يا غبي..انت عارف ده اسمو ايه ده تستر على مجرم انت اهبل ايه الي يورطك الورطه السوده دي مش يمكن تكون كدابه وفعلا كانت هتسرق و

عمر قاطعو بعصبيه وقال...لا يا راغب انا شوفتها وهيه بتجري ومرعوبه وكانت حالتها صعبه بتتنفض من الخوف وهدومها متقطعه والعنف واضح عليها ..المسكينه بالعافيه هربت منو ..وانا  قولتلك البنت ملهاش حد وانا مش هسبها ياراغب مش هسبها ابدا حتى لو هتحبس تمام

راغب بصلو بابتسامه وقال...بتحبها ولا ايه

عمر بلع ريقه بتوتر وشرب من قهوتو وهو بيهرب بعيونه وقال..ايه الي بتقوله ده البنت صغيره اصلا دي طفله...لا طبعا انا بس صعبانه عليا

راغب قال..امممم  صدقتك انا كده..على العموم محلوله نروح لشاب ده ونتفاهم معاه ونخليه يتنازل بس

عمر بص بعيد وقال...احم..مش هينفع

راغب قال...اهااه انا كده خوفت لما بتمرجحلي عنيك رايح جاي كده بتقلقني بيجي بعدها مصيبه لا محاله انطق مش هينفع ليه

عمر قال بنفس الارتباك....لامو مش هيرضى..بص بصراحه كده الشاب ده يبقى ماجد

راغب بصلو بصدمه وقال..ماجد...ماجد الراوي

عمر قال..ايوه هو الحيوان بعد الي عملو معاها  مصر يحبسها لمجرد انها رفضتو

راغب اتنهد ومسك دماغو وقال..هو انا كل مصيبه الاقيه قدامي..طيب بص انا الاول كنت شاكك في كلامها بس مدام بتتهم ماجد يبقى صادقه..لانو يعملها ويعمل ابوها انا عارفو واطي...خلاص انا هاتصرف في الموضوع سبهولي ومتقلقش

عمر بصلو بفرحه وقال..بجد يا راغب 

راغب ضحك وقال بتريقه...يا عيون راغب...والله انت واقع وواصله معاك لاخرها ..عن اذنك هروح اشوف المجنونه الي فوق اصل دي متتسابش لوحدها ابدا 

 

عمر ضحك وقال ليه عملت ايه تاني

راغب اتنهد وقال...هيه معملتش انا الي هعمل...وكمل بحزم وقال..انا هطلقها

عمر بصلو باستغراب وقال..ليه..مهمتها تمت ولا ايه

راغب اتنهد وقال..ولا تمت ولا زفت ليه ملمستهاش بس حاسس انها ابتدت تتعلق بيا انهارده كانت غيرانه من نانا جدا وانا مش عايز كده يفتح الله لا عايز احب ولا اتحب تاني ومش عايز اذيها تاني كفايه الي عملو ابن عمها هطلقها واخلص من الموضوع ده 

عمر ابتسم وقال..قول انك خايف تحبها

راغب سرح شويه وفتكر عيونها ضحكتها وكل ملامحها بس فاق لنفسه وقال..بلاس هبل انا اتجننت علشان احب تاني ..سيبك من الكلام الفاضي ده انا هروح اريح عن اذنك

..راغب لسه هيطلع اتفاجأ بشده لماشاف اخر شخص يتوقع يقابلو وكان سلمان الصفتي والدو

راغب فضل واقف مكانو بصدمه حقيقيه وسلمان كان بيبصلو بدموع وقال...اذيك يا ابني

راغب بصلو بغضب وكره ومردش ولسه هيمشي سلمان قال..استني يا راغب..با ابني حرام عليك اديني فرصه اتكلم معاك 

راغب وقف مكانو واتنهد بضيق بيحاول يتحكم في اعصابو وبصلو وقال ببرود...اتفضل..عايزني اسمعك...اتكلم سامعك

سلمان بصلو بدموع وقال..انا ابوك يا راغب ..ابوك يا ابني هتفضل زعلان مني عمرك كلو انا...انا تعبت يا راغب وعايزك جمبي يا ابني

راغب قال بجمود ...خلصت...اقدر امشي دلوقتي

سلمان قال بزعيق. انت بتعمل معايا كده ليه..علشان مقدرتش استغنى عن شقى عمري..كنت عايزني اعمل ايه..استغني عن كل ما املك في لحظه كنت عايزني اخسر كل حاجه بسهوله كده

راغب ابتسم باستهزاء وقال...انت فعلا خسرت يا سلمان بيه خسرت كل حاجه ...مبقاش حلتك حاجه ان شاء الله تكون انبسطت بالفلوس الي بعت ابنك ومراتك بيها ..بس انا بشكرك قدرت تعلمني درس حياتي..علمتني ان الفلوس تشتري اي حاجه وتشتري القلوب كمان عن اذنك وقتك معايا خلص انا دلوقتي وقتي مش ببلاش

راغب مشي وسابو واقف بحزن وألم شديد 

عمر تتنهد بحزن وقال...متيأسش اكيد هيجي يوم وينسى

سلمان نزلت دمعه من عيونه وقال...مفيش حاجه هتتغير عمره ما هينسى بالعكس الوقت بيذيد من قسوة قلبو ربنا يحميه من نفسو

راغب طلع على البار وبقى يشرب بشراهه وهو بيفتكر اصعب لحظات حياتو

فلاش باك

في قصر الصفتي كانت منيره قاعده جمب سلمان بدموع وقالت...متزعلش يا حبيبي بكره ربنا يعوضك احنا صحيح خسرنا كل حاجه بس ربنا كبير وزي ما عملت الفلوس دي تقدر تعمل غيرها

سلمان بصلها بضيق وعيون مليانه دموع وقال..لا يا منيره ..لا ده شقى سنين..انا ازاي .ازاي ارجع على الحديده بعد ما كنت ملياردير..لا مش هقبل بكده ابدا واحمرت عيونه من الغضب وقال...كلو منها انا هوريها مش هرحمها

ولسه هيخرج جات عليه دي طبعا والده ماجد وقالت باستفزاز...انا جتلك لوحدي مفيش داعي تتعب نفسك

سلمان قرب منها بغضب وقال....انتي ازاي تعملي فيا كده ازاي تخدعيني وتخسريني كل حاجه ده احنا صحاب من سنين و

عليه قالت بغضب..لا يا سلمان...لا احنا مش صحاب..احنا عمرنا ما كنا صحاب...انت حبيبي يا سلمان انا بحبك بس انت فضلت عليا الزفت دي وانا حاولت انساك...حاولت واتجوزت وخلفت..بس..بس مقدرتش انساك..بس يا حبيبي كامل جوزي مات ونقدر دلوقتي نعيش انا وانت ونتجوز وانا هرجعلك كل فلوسك قولت ايه

سلمان اتحولت ملامحو لصدمه حقيقيه ومنيره كمان بس كان فيه الي متابع الحوار كلو وعيونه بتشع غضب ده طبعا راغب وكان عمره وقتها ١٥ سنه قال..اخرجي بره بابا مستحيل يتجوزك وانا هرجعلو كل فلوسو انا موجود بابا مش لوحدو اخرجي من هنا

عليه قالت..تمام ياحلو ابقى وريني ازاي هترجعلو فلوسة وانت يا سلمان انا هديلك وقت تفكر ...تطلقها ونتجوز..وارجعلك كل فلوسك ده عرض ميترفضش

عليه مشيت وسلمان قعد على الكرسي بصدمه مش مصدق الي سمعو منيره قربت منو وقالت بدموع وصدمه...متزعلش يا حبيبي...اوعى تزعل نفسك..كل شيئ هيتصلح و

بس قطعت كلامها  لما قال بدموع..انا اسف يا منيره

منيره ابتسمت ونزلت دموعها وقالت بتوتر..على..على ايه..يا حبيبي..ا

بس وقفت بصدمه حقيقيه اما قال بدموع.. انتي طالق يا منيره...سامحيني

بقلمي..زهرة الربيع

منيره كانت ساكته ودموعها بتنزل بغزاره اما راغب وقف وقرب منو وعيونه بتلمع بالدموع وقال..هيه يمكن تسامحك..بس انا مستحيل اسامحك..مش هسامحك ابدا..ابدا يا بابا

سلمان وقف قصادو وقرب منو وقال بدموع..يا راغب يا ابني افهمني انا 

راغب قال.. اششش مش عايز اسمع منك حاجه اخرج بره حياتنا مش عايزينك لا انت ولا فلوسك الي بعتنا  علشانها القصر ده قصر جدي واحنا هنفضل فيه غيره مش عايزين حاجه منك اخرج بره ...واياك تفكر ترجع هنا

سلمان لسه هيتكلم منيره قالت بدموع...اطلع بره يا سليمان...اطلع بره

سليمان..اتنهد بوجع وخرج واول ما طلع منيره وقعت على الارض بانهيار شديد وبقت تبكي بكل قوتها راغب بقى يبكي اكتر منها ونزل لمستواها واخدها في حضنو وهو بيقول ببكا وشهقات عاليه..انا..انا معاكي..مش هسيبك يا ماما انا معاكي

راغب فاق من شروده على صوت بكاها الي لسه في ودانو شرب كاس دفعه واحده وحاول يقف مقدرش من كتر السكر...شرب بطريقه سيئه جدا بقى يتسند بالعافيه وصل اوضتو

اول ما فتح الباب كانت شمس لسه نايمه ولابسه بيجامه رقيقه جدا وشكلها كان رهيب زي العاده 

راغب قفل الباب وقرب منها بسكر شديد ومشي ايده على جسمها وووووووو

          الفصل العاشر من هنا

تعديل المقال