رواية سجينة الحازم الفصل السادس عشر 16 بقلم ديدا الشهاوي
16
#سجينة_الحازم
#ديدا_الشهاوي
في كافيه المستشفى كان اكمل وجاكي قاعدين وفجاءه حسوا بتوتر في المستشفى حتي القلق وصل عندهم وهما قاعدين ممرضات نازله طلعه والحرس ودكاتره الاستقبال في كل حته اكمل حس بقلق
اكمل
هو في اي الدنيا اتقلبت كده في المستشفى مره وحده تعالي نطلع بقي
جاكي
مش عارفه انا لحظت كده يلا نطلع نطمن علي علا ونشوف في اي
واكمل وجاكي طالعين كان اكمل حاسس بشعور جواه مش عارف يفسره وجع في قلبه دقات سريعه مش فاهم في اي ولاقي ممرضه بتجري
اكمل..
انسه هو في اي المستشفي مالها مره واحده هاجت كده ليه
الممرضه
مريضه مش لاقينها ممكن تعمل في نفسها حاجه
اكمل اول ماسمع كده بنفس مخلوط بخوف وحيره وقلق ورجاء متكنش هي علااااا. جري بسرعه الاسناسيرات كانت مشغوله مقدرش يستني اسانسير يفضي بقي يجري علي السلم وطلع في اسرع وقت وفي نفس الدور اللي فيه اوضه علا اول ما طلع قلبه اتاكد ان علا في خطر لاقي ممرضات ومشرفات الدور بره اوضتها وبص في اوضتها وعلي سريرها اللي كان فاضي
اكمل
في اي واقفين كده و علا فين
ممرضه
مدام علا مش موجوده والامن بيتابع الكاميرات
وفجاءه حارس الامن طلع الدور اللي فيه الممرضات وكان اكمل واقف وجاكي
حارس الامن
المريضه طلعت الدور الاخير السطح الكاميرات بينت دا
اكمل اول ماسمع مستناش وبسرعه طلع بالاسانسير لدور الاخير وهو من جواه بيدعي ربنا ان يلحق علا
وصل اكمل الدور ودخل السطح واتصدم من اللي شافه لاقي علا بتعيط وقاعده علي ركبها وماسكه هدومها من صدرها وموطيه وشها في الارض
اكمل.
علا ليه بتعملي في نفسك وفيا كده ليه عاوزه تموتيني معاكي
علا
بدموع وانهيار عاوزه اخلص من حياتي من الوجع اللي بشوفه من الظلم من اقرب الناس ليا عاوزه انهي كل دا هنا رفعت وشها لاكمل وكملت بس مقدرتش مقدرتش اغضب ربنا
اكمل
اتحرك اقصدها بهدوء ونزل علي ركبته وقعد اقصدها ورفع وشها بايده وخلي عيونها اقصاد عينه طب وانا كنتي هتسبيني لمين لو في ظلم اكيد ليه اخر وبعديه امل ربنا كبير ياعلا عمل كده عشان يكشفلك حاجات كنتي مخدوعه فيها
علا
انا اتصدمت في حياتي في اللي الانسان اللي حبيته اللي هو ابن عمي ذلني وكسرني واغتص*بني انا بقيت اكرهه مش عاوزه اعيش معاه مش عاوزه اشوفه عاوزه حياه تانيه ارجع فيها علا
اكمل
تعالي معايا اقومي وكل حاجه هتنحل انا جنبك ومعاكي واهلك مش ابن عمك وبس في والدك ووالدتك واللي بيحبوكي واللي بيزعلوا علي زعلك
علا
هنا حست بدوخه ونفسها بدا يضعف يمكن ربنا هيحلها من عنده
اكمل
ياعني اي وبدا يلاحظ وش علا الازرق ونفسها اللي بيروح وفجاءه خدها في حضنه علي متسبنيش عملتي اي في نفسك حرام عليكي ليه بتعملي فيا كده وهنا علا غابت عن الوعي وشلها ولاقي الممرضات والدكاتره واقفين بالسرير المتنقل وخدوها علي علي العنايه
المستشفى كانت في حاله ذعر من اللي حصل لعلا واللي كانت في العنايه المركزه واكمل وجاكي مش فاهمين حاجه
اكمل
يادكتور عاوزه اعرف في اي وايه اللي حصل لعلا
الدكتور
اطمن كله هيتحاسب ومدام علا بقت احسن هي خدت جراعات كبيره من دوا ليها عملها هبوط حاد والحمد لله لحقناها بالاسعافات
فلاش باااك
علا قامت مفزوعه ماسكه هدومها ومن غير ماتحس لاقت ادويه جنبها فتحت كل العلب وخدتها كلها وقامت مش حاسه بنفسها ولا حد حاسس بيها وطلعت من اوضتها
بااااك
اكمل
رجاء محدش يقول اللي حصل دا لوالدها لان المستشفى هتتأذي والدها واصل وحضرتك عارف وياريت كمان جوزها اهم حاجه جوزها ميعرفش
الدكتور
اطمن وشكرا لحضرتك وانا هحاسب كل مقصر في اللي حصل دا
نهار جديد وصباح جديد ونهي بتفتح عيونها عشان تشوف حازم اللي صحي من بدري ودا مش عوايده وبيلبس
نهي
رايح فين كده بدري مش عاويدك ياحازم
حازم
رايح اشوف مراتي وارجعها البيت انا مش هفضل مش عارف عنها حاجة كده
نهي
جري اي ياحازم كلامك وطريقتك معدتش بطمني هو في اي بالضبط احنا مش قولنا هتخلص من حوار علا دا لما تاخد حقك يلا سومهم خد حقك وطلق ولا هي عجبتك عاوزه افهم
حازم.
وهو بيفتكر ليله الحمام اللي كان مع علا فيها ااه هطلق وهاخد حقي انا مش اهبل وعبيط لازم ادوخهم شوي زي ماابوها دوخني علي حقي
نهي
كلامك غير افعالك ياحازم ودا مش حلو ياخوفي لو لعبت بديلك من ورايا هموتك فاهم يانا ياالست علا دي انا بقولك اهو
علا طلعت من العنايه المركزه بعد ملحقوها ونقولها لاوضتها وكانت جاكي قاعده جنبها ومسكه ايد علا وهي متأثره باللي علا فيه
جاكي
علا متستهلش اللي بيحصلها دا والله حرام
اكمل
ان شاءلله ربنا هيحلها بإذن الله انا واثق ربنا جنب الطيبين بس عاوزك ياجاكي تكوني جنبها طول الوقت
علا بدأت تفتح عيونها وبتحاول تتطمن من اللي حوليها وبصوت هادي وضعيف
علا
انا فين جاكي انا فين اعدليني ياجاكي زهقت من النوم
جاكي
انتي هنا وان شاءلله هتخفي وتطلعي بإذن الله قريب وبدات تعدل علا عشان تقدر تقعد
اكمل
حمدالله على سلامتك ياعلا
علا
بنظره مريحه وبحب كانت بترد علي عيون اكمل اللي كانت بتقول كلام تاني وفحاءه
الباب خبط كان حازم اللي دخل بكل ثقه
حازم
صباح الخير انتم لسه موجودين من امبارح واتجه ناحيه اكمل
وبكل نظره غرور وثقه لو حابين تمشوا وترتاحوا اتفضلوا انا هفضل معاها واتجه نظره لعلا صباح الورد يااحبيبتي
حازم قعد جنب علا علي السرير ومسك ايدها وباسها وعلا خايفه منه وحازم متعمد انه يضايق اكمل
حازم
علا حببتي مش تقولي مبروك لاكمل وجاكي اتخطبوا
علا
بنظره استغراب لاكمل ولجاكي مبروك ليكوا
اكمل كان مضايق ان الموقف دا حصل وكان نفسه يفهم علا ليه عمل كده بس مكنش قادر عشان حازم
حازم
كلها يومن ياقلبي ونروح شقتنا
علا
بكسره وبنظره حزن اللي تشوفه
ومع استغراب اكمل من رده فعل علا كان غضبان من قرب حازم لعلا وطريقته المستفزه
اكمل
لسه الدكتور كان هنا وقايل ادامها اسبوع
حازم
قام من جنب علا واتجه ناحيه اكمل اللي حس انه انتصر علي اكمل في مضيقته وهنا اتاكد حازم ان اكمل عينه من علا وكمل حازم وهو باصص لاكمل لا هتكمل علاجها في بيتها وهنسافر عشان نبدا شهر عسل جديد وبجد لوحدنا
علا باستسلام عدلت عشان تنام ووادت ظهرها ليهم وغمضت عينها باستسلام
اكمل
عن اذنكم جاكي ساعه وهرن عليكي عشان اروحك ترتاحي حببتي
جاكي
اوكي حبيبي هستناك متتاخرش عشان علا هترتاح
علا سمعت حوارهم وهي مغمضه وحست ان الحياه عمرها ما هتضحك ليها ولازم تشيل اي فكره ناحيه اكمل اولا عشان هي متجوزه وعشان جاكي صحبه عمرها
اكمل طلع من الاوضه متعصب والغليان في عروقه اضايق ان علا فهمت خطوبته من جاكي غلط وعشان حازم اللي انتصر عليه وهنا اكمل كلم والد نهي انه لازم يجي عشان حازم ناوي ياخد علا ويروحوا
نهي وسامر كانوا قاعدين في مكان عام
نهي
عاوزين نشوف حل تاني ناخد اي حاجه من البنت دي البت وراها فلوس كتير وكمان مش مطمنه لحازم شكله حبها
سامر
امال فين قدراتك لازم ترجعي حازم لكي تاني ويكون تحت امرك عشان ناخد اللي وراه
نهي
هيحصل متقلقش استني عليا وهسمعك اخبار حلوه
والد علا جه المستشفي واطمن علي بنته وطلب من حازم انهم ينزلوا الكافيه بتاع المستشفى
والد علا
حازم زي ما دخلنا بالمعروف نطلع بالمعروف واللي انت عاوزه
حازم
حقي اللي هو حق ابويا
والد علا
ابوك مالوش حاجه عندي حقه خده من زمان وهو صرفه انما اللي انت هتعوزه ادهولك بس قباله حريه بنتي بنتي ملهاش عيش معاك
حازم
عشان اطلق بنتك نص اللي عندك ومن ضمنهاالقريه السياحيه
والد علا
انت مجنون صح انت اصلا ملكش حاجه عندي
حازم
وانت ملكش بنات عندي وقام حازم وسابه وطلع من المستشفى
وصل حازم البيت ولاقي نهي قاعده بتتفرج علي tv
نهي
حمدالسلامه اطمنت علي حبيبه القلب
حازم
ااه اطمنت
نهي
نعم ياعني هي حبيبه قلبك صح انا كان قلبي حاسس
حازم
اهدي انتي ياقمر اللي حبيبه قلبي وهي البنك بتاعي اللي عمره ماهيخلص من الفلوس
نهي
والله واكمل بتاعها هيسكتلك
حازم
حازم انتبه لكلامها والتفت ليها بغضب ماتحسبي علي كلامك
نهي
قامت نهي بغضب لا ياستاذ انا محاسبه اوي لو انت مفكر ان التمثليه اللي عملوها في شرم دا خالت عليا كل حاجه كانت باينه اصلا وشكلها في حاجه بينهم
حازم
بغضب وبصوت جحيمي بين مين ومين
نهي
بين الست علا بتاعتك واكمل
حازم
دا اكمل خطيب جاكي هما عرفوني دا امبارح
نهي
عشان شيفينك مغفل وبيضحك عليك وياعالم في شرم اي اللي حصل بينهم لما كنت بتجي عندي
حازم
اخرصي وضرب نهي اول مره قلم علي وشها
نهي
بتضربني عشانها ياحازم عشان واحده زي دي عامله فيها شريفه وهي مقضيها مع اكمل ودخلت اوضتها وقفلت عليها الباب وهنا بدا تمثل انها بتعيط بحرقه
وحازم بدا شيطانه يصحي ويسقف لنهي انه بيتعلم منها وبدا يوسوس ليه ان اكمل علي علاقه بعلا وبدا يفتكر من ايام شرم ورحله الصحرا اللي تاهت فيها علا وكان قلقان ازي عليها وازي انقذها وازي فضل طول الليل جنبها هنا اتاكد ان عدو جديد انضم لدايره الانتقام
حازم
اهلا بيك يااستاذ اكمل اللعبه هتحلو وهنشوف مين اللي هيكسب علا ويكسب فلوسها
.في المستشفى وفي اوضه علا كان والدها معها بيطمن عليها وجاكي جالها مكالمه طلعت تتكلم بره
والدعلا.
انا مش هسيبك تاني مع حازم كفايه اللي انتي شوفتيه منه انا عرفت اللي حصل منه وجوازه من الست دي
علا كانت بتسمع ودموعها مغرقه وشها وكانه شريط ذكريات ادامها وكان اكمل ملاحظ دا علي علا وكان قلبه بيتوجع وكان حاسس انها مش عاوزه تبصله بعد معرفتها بخطوبته علي جاكي
وهنا والد علا استأذن عشان يطمن من الدكتور علي حاله علا وفضل علا واكمل لوحدهم
اكمل
علا ليه مش عاوزه تبوصيلي ليه بتعذبيني
علا
لا ابدا بس مقصدتش انا اصلا... وقطع اكمل كلامها وقعد علي الكرسي اللي جنب سريرها ومسك ايدها
اكمل..
علا موضوع الخطوبه دا كدب عملناه عشان حازم ميشكش فيا ويفهم وجودي معاكوا ليه
علا
ياعني جاكي مش خطبتك
اكمل
لا عشان انا مرتبط وبحب حد تاني
علا
بصتله بصدمه.. حد تاني
اكمل
حد مش ملكي وهعمل كل اللي اقدر عليه عشان يكون ملكي وحقي وعشان اقدر اقوله اني بحبه
علا
مين يااكمل
اكمل
انتي ياعلا بس انا مقدرش اقولك اللي جوايا الا ماتكوني حره
علا
انااا انا منفعكش بحالتي دي
اكمل
انا بحبك ياااعلا ومقدرش اسيبك مع حازم دا لازم اخلصك منه
ساعديني ياعلا ارجوكي ساعديني
فجاؤه
الباب اتفتح
الله الله اجبلكم اتنين لمون احسن
يتبع
ديدا الشهاوي
#سجينة_الحازم
#ديدا_الشهاوي
