رواية وقعت في حب مراهقة الفصل الثالث 3 بقلم رودي عبد الحميد

 رواية وقعت في حب مراهقة الفصل الثالث 3 بقلم رودي عبد الحميد

سمعت صوت المسدج ، راحت مسكت الفون وبصِت فيه لاقتو كاتبلها  " قوليلهم إنك نازلة تتمشي شوية وجايه أو رايحه لِواحدة من صحابك ومتخافيش مش هأخرك " 

بعتتلو مسدج وقالت  " تمام هظبط أموري بس هتوديني فين ؟ " 

رد عليها وقال  " فين دي سيبيها عليا لما تنزلي ، وأنا 7 بالدقيقه هرن عليكي أقولك نتقابل فين " 

سابت الفون من إيديها ودخلت لِمامتها وقالت : بقولك يا ست الكل 

ردت سعاد وقالت : مفيش نزول 

قربت سندس وبا|ستها من خدها وقالت : ماما من فضلك ، مخنوقه والله من قاعدة البيت ، أنا من مدرسه لِبيت ومن بيت لِمدرسه فَعلشان خاطري خليني أروح أتمشي شوية أفك الخنقه اللي أنا فيها دي من فضلك..

فضلت تبو|س في خد سعاد لِحد ما قالتلها : هوفف يخربيتك خلاص هتنزلي إمتي ؟ 

إبتسمت وقالت : 7 يا قمرايه 

هزت سعاد راسها وقالت : خلاص ماشي بس وقت ما أرن عليكي وأقولك ترجعي تلفي وترجعي مفهوم!

با|ستها سندس من خدها وقالت : مفهوم يا ست الناس مفهوم

سابتها سندس ودخلت أوضتها وهي بتنقي طقم حلو ومُناسب تلبسو وتنزل بيه وهي بتفكر فيه كتير 

| الساعه7 مساءً |

كانت واقفه قدام المرايه بتظبط شعرها ولقِت فونها بينور وهو بيتهز علي التسريحة 

مسكت الفون وفتحت وقالت : ألو..

جالها صوت حمزة وهو بيقول : هي مدرستك بعيدة عن البيت بتاعك ؟

سندس : تؤ مش بعيدة ولا حاجة 

حمزة : تمام تعالي عند الكافيه اللي بتقعدي فيه دا نتقابل هناك 

كشرت وقالت : هنقعد فيه ؟

ضحك حمزة وقال : الصبح بقولك متجيش فيه ودلوقتي أخدك فيه! ، أكيد لأ طبعاً ، بس هنتقابل هناك قدامو وهاخدك وأمشي

إبتسمت وقالت : تمام ، مسافة السكه

قفلت معاه وبصِت بصه أخيره علي شكلها وخرجت من الأوضة وقالت بِصوت عالي : سُعاد 

ردت سُعاد وقالت : خلاص روحي معاكي فلوس الأول ؟

فتحت سندس شنطتها الصغيرة وبصِت فيها وقالت : معايا ، يلا باي 

فتحت باب شقتهم ونزلت وهي مبسوطة أوي 

ركبت تاكسي ونزلت عند الكافيه اللي جمب مدرستها 

أول ما نزلت لقِت حمزة واقف ساند علي عربيه وباصص للسما 

قربت منو وكحت 

نزل راسو وبصلها من فوق لِتحت بإعجاب وقال : إزيك ؟

إبتسمت وقالت : تمام 

بعد عن العربيه وقال وهو بيفتحلها الباب : إركبي

بصِت لِباب العربيه المفتوح وبصتلو قام هو قال : دي عربيتي متقلقيش هنستعملها بس نروح بيها مكان 

هزت راسها وركبت وهو قفل الباب ولف وركب هو كمان

بصتلو وقالت : هنروح فين ؟

إبتسم وقال : هوديكي كافيه بحب أقعد فيه دايماً 

هزت راسها وبصِت ناحيه الشباك وهي ساكته بس بتفرك في إيديها 

ضحك حمزة وقال : متوترة ليه يا سندس ، متقلقيش مش هخ|طفك 

بصتلو وإبتسمت وقالت : مفيش بس..يعني أول مره أخرج مع شاب وكدا فَبالنسبالي الموضوع أول مرة وتوتر وكدا 

إبتسم وقال : متقلقيش ، أنا مش من شباب اليومين دول ، مش هعمل فيكي حاجة وحشه 

إبتسمت ومردتش وبصِت للشباك تاني

وقف العربيه قدام كافيه ونزل وفتحلها الباب ونزلت 

مد إيدو ليها وقال : تسمحيلي 

بصِت علي إيديه وبعدها بصتلو ومدت إيديها وحطتها في إيدو 

دخل بيها جوا الكافيه لاقتو كافيه كلو إزاز وبيطل علي البحر إبتسمت وهي سامعه صوت الموج الشديد مع الميوزك الهاديه وحاجة في منتهي الهدوء والروقان 

دخل وقعد بيها علي ترابيزة وقال : تحبي تشربي إيه ؟

إبتمست وقالت : مع الجو دا عايزة كوباية قهوة

طلب حمزة إتنين قهوة ليهم وفضل باصص ناحية الإزاز علي البحر وسندس كانت باصه بس من الوقت للتاني بتبصلو بِطرف عينيها لِحد ما هو قال فاجأه : ليه وافقتي أخرجك ؟ 

سندت خدها علي إيديها وهي بصالو وقالت : مش عارفه بس حسيتك جدع ، إستجدعتك من يوم ما سيبتني أمشي ومروحتش فتنت عليا وكمان ضر|بت الولد علشاني ، إنت ممكن تفتكر بسبب إن وافقت يبقا حصلت كتير لأ بالعكس ، دي أول مره أنزل مع شاب وأتعامل مع شاب أساساً ، صحابي كلهم بيكلمو ومرتبطين بس أنا دايماً بقولهم لأ النصيب والرسمي أحلي علشان معشمش قلبي وأوجعو 

إبتسم وقال : عجبني تفكيرك 

جات القهوة وفضلو قاعدين يهزرو ويضحكو سوا ويحكو عن ذكريات ليهم وهي إتعلقت بيه جداً 

خرجو من الكافيه وفضلو يتمشو جمبو شوية لِحد ما مامتها رنت وقالتلها ترجع

بصتلو وقالت : أنا لازم أمشي علشان ماما ، بس بجد شكراً أوي علي الوقت دا 

إبتسم حمزة وقال : متشكرنيش ، دا عادي 

طلعت فونها وقالت : ممكن طلب ؟

هز راسو وهو باصصلها قامت قالت : ممكن نتصور صورة يعني نختم بيها اليوم اللطيف دا ؟

ضحك وقال : تمام 

فتحت سيلفي موبايلها وقربت منو بِتوتر وإتصورو صورة والتانيه والصورة التالته حط إيدو علي وسطها وسند راسو علي كتفها وقربها منو وهو مبتسم هي كانت متوترة ومكسوفة جداً ومش قادره حتي تبتسم علشان الصورة 

قال حمزة بِهمس جمب ودنها وهي باصص للكاميرا : إبتسمي يا سندس علشان الصورة تطلع حلوة 

إبتسمت بِتوتر وهي بتاخد نفسها بالعافيه وإتصورو الصورة 

أول ما خلصو تصوير بعدت لِورا وقالت بِتوتر : ش..شكراً 

حط إيدو في جيبو وقال : قولنا مفيش شكر يا ستي 

كانت هتمشي مسك إيديها وقال : إستني أوصلك 

قالت سندس بإعتراض : لأ مش هينفع 

رد حمزة ببساطة وقال : طب عند مدرستك مكان ما أخدتك كدا مش هينفع أسيبك تمشي كل دا لوحدك في وقت زي دا 

هزت راسها ومشيت معاه ، ركبت العربيه وقلبها بيدق جامد وقاعدة مبسوطة جداً

حسِت بيه بيمسك إيديها وهو بيقول : متسرحيش ، السرحان بيبقا وحش ساعات 

بصِت علي إيديها اللي هو ماسكها وقالت : وساعات بيبقا أحلي لما أتخيل حياه جميله..

بص فِعيونها بِتركيز وقال : وليه منخليش التخيل دا حقيقي ؟ 

قالت تلقائي : مدام إنت فيه ياريت يكون حقيقي 

إبتسم وقال : ليه هو أنا فيه 

فاقت عن اللي قالتو وودت وشها الناحيه التانيه وسحبت إيديها من إيدو ، ضحك وكمل سواقه ومتكلمش 

* عدا إسبوعين وحمزة وسندس بدأو يقربو من بعض جداً لِدرجة إن كل واحد فيهم إتعلق بِالتاني ويومو مش بيعدي غير بيه ، إسبوعين وسندس بدأت تنزل مع حمزة كتير وبقِت بتحبو لِدرجة إنها متقدرش تعدي لحظة من غير ما تكلمو وهو كمان لِحد ما في يوم رن عليها وقالها : سندس..

ردت سندس وقالت : نعم

إتنهد حمزة وقال : عايز أشوفك ضروري ، إلبسي وإستنيني عند الكافيه وأنا جاي 

قامت وقفت وفتحت الدولاب وقالت : حاضر 

لبست وطلعت لِسُعاد وقالتلها : ماما أنا نازلة أتمشي شوية 

طلعت سُعاد من المطبخ وقالت : مش ملاحظة إن خروجاتك كترت ؟

ردت سندس وهي بتلبس الكوتشي : مش أحسن ما أكون متوحدة ومكتئبه في أوضتي ، عموماً مش هتأخر ، باي 

خلصت ونزلت راحت عند كافيه المدرسه لاقتو جه بِالعربيه 

قربت وركبت وقالت : قول يا سيدي فيه إيه ، صوتك مكانش مريحني

إتنهد وقال : إنتي بتحبيني ؟ 

سؤالو خلاها متوترة ومعرفتش ترد عليه بس هو مسك إيديها وقال : سندس بلاش نخبي علي بعض ، أصل أنا مباقتش مُجرد حارس لِمدرستك ولا إنتي بقيتي مُجرد طالبه في مدرسة أنا بحرُسها ، إحنا بقينا أكتر من كدا بِكتير 

بصتلو وقالت : يعني إنت كمان حاسس بِحاجة من ناحيتي !

ساب إيديها وقال : للأسف..

كشرت وقالت : ليه للأسف ، إنت مكونتش عايز تحبني ؟ ، إنت كنت عايز تتسلي!

هز راسو بِرفض وقال : مش بتسلي والله ، ولا كان في نيتي تسليه بس مينفعش 

دموعها نزلت وقالت : ليه مينفعش ، هو أنا وحشه ؟ ، هو إنت متجوز طب ولا خاطب ولا فيه واحدة في حياتك علشان تقولي مينفعش!

بصلها ومسح دموعها وقال : ولا حاجة من دي ، بس لإسباب خاصه مينفعش 

زعقت وقالت : الأسباب الخاصه دي تبقا حاجة من اللي قولتهم ، مفيش حاجة غير كدا تمنعك إنك تحبني أو تبقا معايا أو تسلملي قلبك بس الواضح إنك كنت بتتسلي 

حط إيدو علي راسو وقال : قولتلك مش بتسلي ومفيش أي سبب من دول 

زعقت أكتر وقالت : إيه مانعك تحبني ، إيه خلاك تقول مينفعش 

زعق قصادها وقال : علشان أنا هربان وتقمصت دور الحارس علشان أعيش وممو|تش ، علشان مينفعش تعلقي مصيرك بِواحد ميعرفش لما يلاقوه هيسيبوه عايش ولا يمو|توه

فضلت بصالو بِصدمه وقالت : مين اللي عايزين يقت|لوك وهربان من إيه ؟ 

فضل يضرب علي الدريكسيون جامد وهو بيقول : مش هينفع وخلاص ، قولت مش هينفع 

بصلها وقال : شوفي حياتك يا بنت الناس بعيد عني ، حبي وإتحبي ، أنا مينفعش أحب ولا أتحب ، أنا من ساعة ما المشاكل بدأت وأنا قلبي قافل عليه 

مسكت إيديه وعيطت وقالت : علشان خاطري ، بلاش تعمل فيا كدا ، أنا إتعلقت بيك أوي بلاش ، وأنا معاك ، أنا راضيه أكون معاك في أي مكان ولو هيمو|توك يمو|توني معاك بس فهمني وقولي فيه إيه ، وليه مروحتش بلغت ولا عملت محضر !

مسح علي وشو بِضيق وقال : أعمل محضر في أخويا ومراتو!! 

شهقت وحطت إيديها علي بوقها وقالت : أخوك!! ، أخوك عايز يمو|تك ليه؟

رد بِحزن وقال : الورث وسنينو وقرفو ، أبويا ما|ت وساب الشركه كاتبها بإسمي بسبب إن أخويا مستهتر ومراتو ممشياه ، وأخويا عايز يمو|تني علشان يورث هو مكاني الفيلا والشركة ..

كانت مبرقالو بِصدمه وهي مش مصدقه وقالت : علشان ورث يق|تلك!

ضحك بِحزن وقال : ومراتو مقوياه علشان عايزة كل حاجة والغبي اللي هو ميعرفهوش إن هي بتسخنو علشان هو ياخد الورث وهي تخلص منو وتاخدو ليها ولإبنها..

حطت إيديها علي بوقها بِصدمه وقالت : فيه ناس كدا!

هز راسو وقال : أكتر من كدا 

حطت إيديها علي إيدو وقالت : خليني معاك ، هنعدي كل دا والله بس ، بس بلاش كلمة مينفعش دي ، بلاش البُعد

فضل باصصلها وباصص علي إيديها وساكت..

يتبع..

#وقعت_في_حب_مراهقه

#رودي_عبدالحميد

            الفصل الرابع من هنا

لمتابعة باقي الرواية زوروا قناتنا على التليجرام من هنا

تعديل المقال