رواية حب القلب الفصل الثاني 2 بقلم حبيب نور

 رواية حب القلب الفصل الثاني 2 بقلم حبيب نور

حب القلب ❤

البارت الثاني 

وفي الليل صحيت على صوتهم تحت وكانو بيصرخو انا اتخضيت وطلعت جري على تحت وانصدمت من الى شوفته 

عمامي وولاد عمامي جابو محمود على كرسي متحرك وكان في شاش على عيونه كده ومرات عمي بتصرخ وتعيط عليه وماما ومرات عمي التانيه بتهدي فيها وجدي كان قاعد مصدوم اوي وبنات عمي برضو بيعيطو عليه 

كريمه بعياط:لا لا ابني ماله كده حصله ايه هم جايبينه كده ليه 

اجه احمد عمي قرب منها:اخرسي ياوليه مش عاوز اسمع صوتك ابنك كويس اهو قدامك مالك بتفولى عليه اطلعي فوق فورا 

كويمه:لا لا انا مش حمشي من هنا لازم اطمن عليه الاول 

احمد بغضب:بقولك اطلعي فوق فورا مش وقته الكلام ده 

فريده:تعالى ياكريمه هو كويس متخافيش اطمني عليه بعدين مش دلوقتي..واخدتها وطلعت فوق 

جدي بقلق:هو ماله ياحمد يابني حصله ايه 

احمد بتوتر:مش وقته يابابا محمود دلوقتي تعبان ولازم يرتاح الاول وبعدين حقولك كل حاجه 

وخد محمود وطلع بيه اوضته علشان يرتاح 

انا بصيت عليهم كانو زعلانين اوي فقربت من امير علشان يقولي حصل ايه 

ملك:بس بس امير تعالى هنا عاوزاك 

تقدم امير:عاوزه ايه دلوقتي ياملك

ملك:عاوزه اعرف الي حصل لمحمود 

امير بتعب:مش وقته حتعرفي بعدين وسيبيني علشان تعبان مووت 

وسابني ومشي ونعم الاخويه فعلا بصيت تاني مالقتش قدامي غير طه اسئله فناديت عليه ياجي 

ملك بوشوشه:بس بس طه تعالى هنا عاوزاك 

اجه فورا عندي وسئل:عاوزه ايه ياملك 

ملك:بصراحه عاوزه اعرف محمود حصله ايه

 علشان امير مرضيش يقولى وانا عاوزه اعرف 

طه بحزن:بصي ياستي محمود عمل حادث والمشكله انه اتصاب في دماغه اوي وده سببله في عمى والدكتور قال لازم يرتاح مده ثلاث شهور وبعدها حيحدد اذا كان حيعمله عمليه تاني والا لا 

ملك بصدمه:ايه بقى أعمى انت متأكد من ده 

طه:ايوه متأكد

ملك بحزن:مامته حتزعل اوي دلوقتي وجدى وعمي كمان بس ان شاء الله حيبقى كويس وحيرجع زي الاول واحسن كمان 

طه:ان شاء الله عاوزه حاجه تاني بقى علشان عاوز ارتاح تعبان 

ملك:لا سلامتك اتفضل وشكرا ياطه 

ومشى وانا روحت لبنات عمي علشان اقولهم الي حصل 

فاطمه بصدمه:انتى متأكده ياملك من كلام ده 

ملك:ايوه طه هو قالي كده والله 

نوره بدموع:يعني ايه حيبقى أعمي لا لا محمود حيخف ان شاء الله وانا حبقى جنبه اساعده علطول 

فاطمه بتوتر:اهدي ياحبيبتي احنا كلنا حنبقى جنبه ومش حنسيبه انا عارفه انه عزيز عليكي علشان ابن عمك برضو 

وللمره التانيه احس فاطمه بتخبي عليا حاجه برضو في سر بين نوره ومحمود فاطمه عاوزه تخبيه قدامي معرفش ليه بس مش مهم ده دلوقتي 

خرجت من عندهم وروحت اساعد ماما وفي اليل العيله كلها اتجمعت على العشاء بأمر من جدي 

جدي بحزن:طبعا كلكم دلوقتي عرفتو الي حصل لمحمود هو في الفتره دي محتاجنا اوي جنبه واحنا مش حنسيبه ابدا وحيرجع احسن من الاول كمان 

رد عمامي:اكيد يابابا 

وولاد عمامي:اكيد ياجدي 

ومرتات عمامي وماما:اكيد ياعمي 

وانا وبنات عمامي:اكيد ياجدو 

جدي بصرامه:بقى كده تمام وانا قررت قرار والكل حيوافق عليه طبعا 

رد عمي احمد:خير يابابا قررت ايه 

رد جدي:انا قررت اجوز محمود علشان يلاقي حد يساعده في جميع الوقت 

ردت مرات عمي كريمه:مالهوش لزوم ياعمي انا حاخد بالى كويس من ابني ومش حسيبه ابدا 

رد جدي:انا قررت القرار ده بعد تفكير وده انسب حل دلوقتي لحاله  محمود وقراري مفهوش اعتراض محمود حيجوز ملك 

حلت الصدمه على الكل واولهم انا طبعا من قرار جدي ده انا ليسا صغيره وعاوزه اكمل تعليمي مش بفكر في الجواز دلوقتي فجئه لقيت حد بيرد بغضب بان عليه 

طه بغضب:بس ياجدي ملك ليسا صغيره ومتنفعش للجواز  والمسئوليه دلوقتي انت كده حتظلمها معاه 

جدي بغضب وهو بيضرب العصايا بتاعته في الارض:

يتبع...

           الفصل الثالث من هنا

تعديل المقال