رواية جارح القلب الفصل الثالث 3 بقلم هاجر سلامه
البارت التالت.
رانيا بحقد..اي القمر دا ياغزل
غزل ابتسمت..تسلمي وانتي زي السكر كمان
رانيا..حبيتي اومال فين عايشة
غزل..هتنزل كمان شوية وفجاة شافت مراد استغربت وقالت رانيا ثواني
رانيا..نعم
غزل..هو دا مراد اللي هناك داا
رانيا بغيرة..اها ماله
غزل..اي اللي جابه هنا مين عزمه
رانيا..انا عزمته ليه في حاجة
غزل..ليه مكنتش عايزاه يجي بسرعة بس ماشي مش مشكلة
رانيا..انا قولت لازم عزمه لانه مدير معقول المستشفى كلها تيجي الا هو مينفعش ولا اي
غزل..طيب هطلع اشوف عايشة واجي
رانيا..محتاجة حاجة
غزل..لا ياروحي تسلمي وطلعت
رانيا بتكلم في سرها وقالت حته ف اليوم دا احلا مني ربنا ياخدك ياشيخة
((اكيد هتقولوا ليه الحقد دا كله هتعرفوا ليه مع الاحداث لانها هتكون صدمة😂))
________________________________
=مش معقول مراد الرفاعي هنا ياض وحشني
مراد بضحك..عمر اي الصدفة الحلوة دي تعال ياض وحضنوا بعض
عمر..أنت مش جدع مش بتسأل ولا حته بقينا نسهر مع بعض زي زمان وأيام الجامعة فينك ياعم
مراد..حقك عليا يابا كنت ف تركيا من سنة ونزلت وفتحت عيادة بس فقلتها امبارح لاني بقيت مدير في المستشفى بتعت بابا
عمر..بجد بس اوع تقولي مبقتش بتسهر زي زمان
مراد..مين يا عم قال كده لا انا بسهر بس وبروح لوحدي ابقى تعالى نسهر النهارده مع بعض اه صح انت بتعمل ايه هنا
عمر..انا معزوم على الحفله ماانا من الدكاتره اللي ف المستشفى وصاحب غزل وعايشه
مراد..انت تعرف غزل
عمر..ومين ميعرفش دي مشهوره اها اعرفها هي صديقه ليا بس مش مقربه اوي بس بامانه معجب بيها.
جيت بنت وقالت هاي عمر
عمر..اهلا ياروحي عاملة اي
=الحمدالله فينك مش بنشوفك غير ف الحفلات بس
عمر بضحك..نصيب
=طيب اي مش هتعرفنا
عمر..اها طبعا مراد الرفاعي
مراد مد ايده وقال انا مراد.
شوق..ونا شوق مراد انت مش فكرني
مراد..لا والله مش واخدة بالي
شوق..انا شوق مصطفي اللي عملت حلفة عيد ميلاد اسيل اختك
مراد..اها نسيت اهلا بيكي ياشوق
شوق..مرسي .
مراد..بتقول ياعمر انك معجب بي غزل طيب ظبطلك معاها لاني عارف انك وشك فقر ماتعرفش تقول كلمتين على بعض قدام البنات.
شوق بتسمع وتضحك.
عمر..بس عيب مش قدام الناس كد اهدا
مراد..ياعم مالك مفيش غير شوق قول قول باين من عينك انك بتموت فيها طيب خليها تيجي اهي جيت
غزل..عاملين اي الحلفة عجبتكوا
عمر..اها جميلة هي فين عايشة
غزل..هتنزل كمان شوية
اشتغلت الموسيقى.
مراد..شوق تحبي نرقص
غزل..ثواني ثواني انتو تعرفوا شوق منين
عمر..دي صديقتي تعرفت عليها في الحفلات كد ومراد لسه اعرفها دلوقتي
شوق بضحك..اصل غزل تبقي بنت عمي مفاجأة حلوة صح
مراد تصدم هو وعمر.
عمر..مكنتش عرف انكو ولاد عم
غزل ابتسم.. اديك عرفت شوق صديقه طفولتي واختي وبنت عمتي.
مراد سكت.
شوق..يلا يامراد نرقص
مراد..تمام يلا
مراد وشوق رقصوا مع بعض.
عمر..اي رايك نرقص
غزل..تمام يلا ورقصوا.
مراد..شوق ياريت اللي سمعتيه يفضل بينا
شوق بضحك..متقلقش سرك ف بير بس نصيحة متحاولش تجمع غزل وعمر مع بعض او تكلم غزل ف الحوار دا لأنك هتزعل اوي
مراد..ليه
شوق..غزل مش بتحب الحوارات دي عمر بيحبها يروح يكلمها هو فهمني
مراد..هي غزل دي قوية اوي كد
شوق..جداا
مراد..مممم
فجاه الموسيقى اتوقفت وكل الانوار اتوجهت على السلم اللي كانت فيه عايشه وبدات تنزل زي الاميره
عايشة كانت لبسة فستان ازرق فاتح قصير وليه ديل طويل من ورا وعملت شعرها ديل حصان ولبست حلق وعملت ميكب خفيف وهيلز شفاف.
بدات الناس تروح تسلم عليها وتديها هدايا.
غزل..يلا ياجماعة نقطع التورته.
بدو يحتفلوا بالعيد ميلاد وكانوا مبسوطين جدا
مراد مشالش عينه من على غزل راح وقف جمبها وقال بصوت واطي شكلك يبين انك بريئه لكن وشك الحقيقي محدش يعرفه غيره وبيضحك.
غزل بصتله بقرف وقالت لأنك تستاهل الوش دا يامراد
مراد بغيظ..والله
غزل ابتسمت...اها يلا ابعد من قدامي كد ومشيت
مراد بضحك..شريرة بس جميلة ولايق عليها.
(((خلص اليوم)))
________________________________
مراد دخل الفيلا لاقي مامته قاعدة.
مراد..ماما مساء الخير قاعدة كد ليه
سلطانة..كنت مسنتيك كنت فين
مراد..كان عندي حلفة
سلطانة..حلفة مين
مراد..في اي ياماما هو تحقيق
سلطانة..لا ياحبيبي بسأل بس لاني خايفة عليك
مراد..متقلقيش كانت حلفة عيد ميلاد واحدة معانا ف المستشفي
سلطانة..تمام ياحبيبي ابوك اجي من شوية وطلع ينام ريهام قالتلي انها بتذكر وعلي نايم صح خالتك وعيالها جاين بكرة
مراد..اهلا بيهم وانا كمان تعبان هطلع انام
سلطانة باستغراب..غريبة يعني فتكرتك هتطلع تسهر
مراد..لا هنام لاني تعبان وعندي شغل بكرة بدري
سلطانة..ربنا يوقفك تصبح على خير
مراد..وانتي من اهله وطلع.
سلطانة بفرح..الحمدالله يارب يتفضل علي كد هو مش هيتغير غير لما يتجوز بردو وقعدت تفكر.
________________________________
((يوم جديد))
غزل بتنزل من اوضتها بتلاقي ابوها بيحضر الفطار
غزل..اوووه الباشا احمد اصلان بيعمل فطار
احمد بضحك..يابت يابكاشة يلا تعالي اكلي
غزل..صباح العسل والجمال علي عيونك الحلوين ياحلى اب ف الدنيا
احمد..صباح النور ياحبيتي يلا تعالي عملتلك الفطار اللي بتحبيه
غزل..حبيبي يابابا تسلم ايدك.
بداوا ياكلوا.
________________________________
عند فيلا مراد محمد الرفاعي.
ريهام..صباح الخير
محمد..صباح النور ياحبيت قلبي شكلك ريحة الكلية
ريهام..اها عندي محاضرة مهمة مش هقدر اخصرها اونلاين
سلطانة جيت من المطبخ وقالت ربنا يوقفك وتحققي اللي انتي عايزاه
محمد..معاكي مصروف
ريهام..معايا ياحبيبي متقلقش اومال فين اخواتي
مراد وعلي..احنا جينا
ريهام..ياصباح الخير يابشوات ايه صحيتو متاخر ليه.
علي..اي يابت المعاملة دي كنك امي
سلطانة..ولد عيب
علي راح حضنها..هي دي امي اللي بحبها محدش يحقق معايا غيرها ابداا
سلطانة بتضحك
محمد..هو كل الحب الامكو طيب ونا
مراد وريهام.. ازاي كد أنت حبيبنا بردو وراحوا حضنوه
وبعد احضان كثير😂😂😂 بداوا ياكلوا.
________________________________
غزل ركبة العريبة وركنتها جمب المستشفى وفجاه لقيت عربيه في وشها قالت اي دا مين الغبي دا ونزلت وقالت بصوت عالي انت ازاي تيجي ف وشي كد افرد خبطت العربيه وحصلي حاجه وانا جواها.
مراد نزل من العريبة وقال لا متقلقيش مش هيحصل
غزل بغضب..هو إنت انت اي مش بتتعلم ابدا
مراد.. والله انا كنت جايه اركنها لقيتك في وشي.
غزل..مليش دعوة انا بركن عربيتي في المكان ده من ساعت ماجيت من المستشفى روح شوفلك حته تانيه انا هدخل لو عرفت ان العربيه حصلها حاجه صغيره قد كده خربوش حتى هوديك في 60 الف داهيه انت حر ودخلت
مراد بصوت عالي.. لا متخافيش انا مش مريض نفسي زي ناس كده بتقعد تخبط في العربيات.
غزل بصتله بقرف وكملت طريقها.
مراد بيضحك.
نهاية البارت التالت من مسلسل جارح القلب.
الكاتبة هاجر سلامة.
