.jpeg)
رواية احببت نادلة الفصل الرابع عشر 14 بقلم اميرة مراد
البارت ١٤
رواية أحببت نادلة
زينة: انا بحبك زي اخويا، ومش هستحمل حد يكلمك الكلام ده، انا كان نفسي دايما بأخ واخت وربنا رزقني
بيكم، انا مش هسمح لاي حد يديقك انت او دينا غيري انا، انت فاهم
حامد بخجل:فاهم
دينا وهي تمسح دموعها: انا عمر مكان عندي اخوات
بس الحمدلله اني اتعرفت عليكم، بجد انا بحبكم
وضمت حامد واخذت تبكي في حضنه
حامد: ايه القرف ده ابعدي عني خدي منديل احسن، وبطلي قرف، وانتي بتعيطي ليه يا زينة
زينة:عشان انا بحبكم اوي، انتوا عمركم ما تخليتو عني
واخذت هي ايضا تضم حامد وتبكي في حضنه
حامد:هي اتقلبت غم ليه.
واخذ يضمهم هو ايضا.
بعد فتره من الوقت~
حامد:زينة مقولتليش كنتي فين الصبح
زينة:انا كنت هقولك بس لقيت البت الصفرة دي ال مش عارفة اسمها ايه
حامد بضحك:نادية....اسمها نادية
زينة:مش مهم، انا لقيت شغل
حامد بغضب:نعم، هتتخلي عن المطعم ولا ايه
زينة:لا طبعا انا اصلا مهددة بالطرد قبل مابدا اصلا هههههههه
دينا:وفرحانة يختي، اتنيلي
حامد بحده:ايه هو بقا الشغل ده
زينة:سكرتيرة لمدير في شركة للهندسة
دينا بضحك:اوبا المدير بقا حلو ؟!
زينة بسرحان:ده قمر، ده يقول للقمر قوم واعد بدالك
، بس صعب التعامل معاه
حامد بضحك:عشان كده مهددة بالطرد
زينة بحزن:بس بقا متفكرونيش
حامد:صحيح من زياد ده
زينة:ده واد مز يشرح القلب كده ياه لطيف اوي
حامد بغضب:بس يا ماما روحي علي الشغل
زينة:متزقش طيب
ونظر حامد الي دينا نظرة حاده
دينا بخوف:ايه بشتغل اهو حتي بص
........... ...............
في اليوم التالي ~
في الشركة ~
مروان بحده:بصي بقا يا مصيبة هقولك علي شوية قوانين تمشي عليها تمام
زينة بتوتر:ح.....حاضر
مروان:شطورة، بصي بقا مشفكيش قدامي غير لما اطلبك، دي اول حاجه، رقم اتنين متدخليش المكتب ده خالص، رقم تلاتة لما تلاقيني ماشي في طريق تمشي في طريق تاني خالص، مفهوم
زينة بقرف:هو انا سم يعني ولا ايه
مروان بزعيق:مفهوم
زينة:متزعقش كده
وقام مروان بغضب وهو يمسك ياقة قميصها:انا
مبحبش اكرر كلامي مرتين
زينة بغضب: هو كل لما تشوفني تمسكني كده ليه
مروان بضحك من منظر زينة: عشان انتي قوزعة
زينة بسرحان: اول مرة اشوفك بتضحك، ضحكتك حلوة اوي
مروان بخجل: امشي من قدامي
زينة بغضب: متزقش طيب
اوف بقا التعامل هيبقا صعب اوي.
...... ...........
بعد فترة من الوقت~
مروان: انتي يا مصيبة
زينة: عايز ايه
مروان: اسمها نعم
زينة وهي تقَفقِف: اوف... حاضر
مروان: شطورة
انا عندي اجتماع مدخليش حد اوكي
زينة: حاضر
بعد دقيقتين ~
زينة:ايدا ايدا ايدا، هو القمر رايح فين
نعم؟!!!!
زينة:مش في بني ادمة قاعدة قدامك هنا ولا كيس جوافة.
انتي بتكلميني انا كده؟!
زينة بغضب:امال بكلم نفسي يعني و لا ايه ها
انتي تعرفي انا مين؟!
زينة باستفزاز:لا والله عرفني بنفسك
انا محمد الصاوي
زينة باستغراب:ايوه تطلع مين بردوا
محمد:انتي هبلة انتي متعرفيش مين انا
زينة:لا والله معرفش ومش عايزة اعرف ،ثانيا تستأذن مني قبل متدخل، اصل هي مش خرابة تمام
محمد باستغراب:انتي مجنونة
وتركها وتابعة طريقة
زينة:انت يا اخ....انت يا محمد.....يا محماااااااه خد بس الله يخربيتك أنت وحلاوتك كده
واخذت زينة ترقض خلفه تحاول الامساك به ولكن في هذا الوقت فتح مروان بابا المكتب ولم تستطع زينة ان توقف نفسها فسقطت علي مروان.
ودخل محمد المكتب عادي جدا 😐
مروان بغضب:انتي غبية انتي متخلفة علي فكره، مكانك مش هنا، مكانك في مستشفي المجانين .
زينة وهي تحاول اخفاء وجهها خجلا من الموقف :انت فتحت الباب فجاه وانا اتزحلقت مش ذمبي .
والاخ ده كان عايز يدخل من غير استأذان وانا بحاول امنعه، وأنت وقفت في طريقي فجاه والسراميك بيزهلق و..
مروان بغضب:بس كفاية رغي ارحميني بقا
ونهض مروان من علي الارض:معلش يا بابا دي سكرتيرة جديدة ومش عارفة مين حضرتك
محمد ببرود:مش مشكله
زينة وهي تنهض من الارض وتقول باستغراب:بابا ؟!
يلهوي ايه ده اب ازاي انا حسبت عنده حاجة وعشرين،لا مستحيل يكون بباك
(محمد صاحب عينان بنيتان تشبه عيون زياد، وطويل، وجسد رياضي ، وشعره اسود)
مروان:غوري من هنا
زينة بطلقائية:بس يا حبيبي خليني اشوف القمر ده
بقولك ايه يا سي محمد متتبناني، او تتجوزني انا مش هرفض.
محمد باستغراب:نعم؟؟!
زينة:هو الحلو مش ناوي يقلع النضارة عشان نشوف عنيه.
محمد بخجل من كلام زينة:بصي....انتي اسمك ايه
زينة:انا اسمي زينة
محمد بتذكر:ياه انا بحب الاسم ده، ده كان اسم مراتي
زينة:كان؟؟!
محمد بارتباك:لا هو مزال بس.....
مروان:بابا الشغل اهم، فكك من البت المجنونة دي هتهبلك وانت قاعد، فكك منها
زينة وهي تنظر لمروان بحده:متغاظ بقا
واخرجت له لسانها واخذت تركض خارج المكتب.
بعد فترة من الوقت خرج محمد من مكتب مروان
زينة:بقولك ايه متديني رقمك كدا
محمد:ليه؟
زينة:مش انت ابو مروان
محمد باستغراب:اه
زينة:يعني انت كمان ابو زياد
محمد:؟؟؟؟؟؟
زينة:وانا صديقة زياد يعني صديق صديقي صديقي
محمد: صديق صديقك يبقي هو كمان صديقك ده ال تقصديه
زينة: الله ينور عليك
محمد بضحك: خدي الرقم اهو *********
وهنا خلع محمد نظارته الشمسية
محمد باستغراب: زينة... زينة؟؟!
زينة بصدمة: اه انا معاك اهو
محمد:تلفونك
زينة:اه شكرا
بعد انتهاء فترة دوام زينة: الو يا حامد انا في الطريق اهو، حاضر مش هتاخر
زياد:زينة استني
زينة:زيزو ازيك يا واد بقالي كتير مشفتكش
زياد:نفسي احس انك بنت مرة مش جعفر
زينة:ههههههههه ومالو جعفر
زياد بخجل: المهم ايه رايك نتغدي بكره
زينة:تمام اعتبره حصل
يلا سلام لازم اروح الشغل
زياد باستغراب:شغل ايه؟؟!
زينة:في المطعم
زياد باستغراب:انتي مسبتهوش
زينة:لا احتياطي عشان مش ضامنة مروان
زياد بضحك:مروان طيب والله
زينة:مضحوك عليك، اه والله ده كل لما اشوفه بحس انو عايز يقتلني، شوفت ال حصل
زياد:ايه ال حصل
زينة:مش انا وقعت حته دين وقعة فوق مروان واتخبط في المكتب، الخبطة بتوجع اوي
واخذت زينة تحكي لزياد عما حدث وزياد مستمع اليها
.......... ..........
في الڤلا~
نادية:بابا عشان خاطري انا بحبة
الاب(سليم):طب اعمل ايه يعني
نادية:قول لعمو محمد، بابا انا ممكن اموت لو راح مني
الام(منة):فيه ايه يا سليم مش انت اخوه، كلمو
والبنت تبقي لابن عمها
سليم:مش عارف هو اصلا شكله بحب....
نادية بمقاطعة:لازم الحقو يا بابا، اهم جم
سليم:طيب اصبري
محمد:مروان انا عايز اعرف شوية معلومات عن زينة
مروان بضحك:اسال زياد هتلاقيه عارف كل حاجه ههههههه
محمد باستغراب:زياد؟!هي سكرتيرة زياد ولا انت
مروان:هو ال موظفها
محمد :اه صحيح ، حتي زينة قالتلي انها صحبته
محمد:زياد....زياد
زياد:نعم يا بابا
محمد:انا كنت عايز اسال عن......
سليم:محمد انا كنت عايزك في حاجه مهمة
محمد:جي اهو
سليم: ايه رايك نجوز نادية ب........
.....:لا مش هينفع انا بحب واحده تانيه وناوي اتقدملها
الكل بصدمة:..........
يتبع.....
#اميرة مراد
#احببت نادلة
#البارت الرابع عشر
