.jpeg)
رواية انا وانت الفصل الثامن 8 والاخير بقلم فاطمه حسن
8
قومت فتحت الباب لقيت بابا واقف اترميت في حضنه
- بابا حبيبي واحشني اووي
= و إنتِ كمان يا حبيبة ابوكي
و بعدها سلمت على خالتو و مروة و بعدين ماما
- مكنتش اعرف انك هتوحشيني بالشكل دا
قولت بعتاب
= و مكنتش بوحشك قبل كدا
دخلنا قعدنا في الصالة و قالت
- أيام يا بنتي الأم مبتكرهش ولادها ابدا و انا عارفه إني غلطت لما سبتك،كنت صغيرة وقتها و لسه طايشه و حلمي مهم بالنسبالي و قولت لما ارجع هخليها تقرب مني لكن حسيت انك بتبعدي عني و إنك قريبه اوي من ابوكي و بعيده عني ،و غير إن اكتشفت ان بالرغم من كل تعليمي إلا اني جاهله ان مش عارفه افهمك و لا عارفه اخليكي تقربي مني فكنت بتعصب و كلامي كان بيجرحك..... عيطت و كملت
- حقك عليا يا أيام يا بنتي
عيطت و حضنتها و ايجا بابا حضنا احنا الاتنين
كنت حاسه إني محتاجه لحضنها اوي ،محتاجه احس بوجودها أنا من غيرها حاسه إن حياتي ناقصه كتير اوي
بصيت على يونس لقيته واقف بيبصلي و هو مبسوط و عيونه بتلمع بحب حسيت إنه هو اللي اتصل بيهم فبابا قال
- شكرا يا يونس يا ابني انك اتصلت بينا و عرفتنا إن ايام تعبانه و بالمناسبة هنقولكوا خبر هيبسطكوا
قولنا بفضول انا و يونس
- في أي
= مروة و علي فرحهم الاسبوع الجاي
رديت بصدمه
- وواااو بجد الف مبروك يا حبيبتي
= الله يبارك فيكِ يا روحي
يونس راح حضنها و باركلها و بعدين استأذنوا علشان يمشوا
قولت و أنا حاضنه ماما
- خليكي بايته معايا يا ماما النهارده
= مينفعش يا حبيبتي احنا هنبقى نيجي نزوركوا تاني
سلمنا عليهم و بعدين مشيوا
يونس دخل البلكونه و أنا دخلت عملت كوبايتين شاي بالنعناع و دخلت لقيته قاعد حطت كوبايتين الشاي و قعدت
- مش عارفه اشكرك ازاي بجد يا يونس ربنا يديمك ليا
رد بحب
= بتشكريني على أي أنا معملتش حاجه دي اقل حاجة اقدر اعملها علشانك و اوعدك ان عمري ما ازعلك او اخذلك و اخليكي في يوم تندمي على وجودي
بصيت ليه و أنا مبتسمه بحب فقال
- بحبك
قولت بطريقة بلهاء
- ايه؟
= بحبك
حسيت وشي مطلع سخونه فقومت من قدامه بسرعه و دخلت اوضتي و قفلت الباب و حطيت ايدي على قلبي لقيته بيدق... قولت
- اهدى بقى إنت بتدق ليه
روحت انام كل شوية اتقلب و انا بفتكر كلامه
يونس جميل اوي كل حاجه فيه جميله ؛قلبه مشوفتش أطيب منه ،و ملامحه قريبه من ملامحي ،بحسه أقرب ليا من نفسي
فات يومين و بعدين جهزنا حاجتنا و سافرنا البلد علشان فرح مروة و علي
ركبت انا و يونس و مروة مع بعض و ماما و بابا و خالتو و ماما مع بعض
كنت سانده راسي على الشباك و افتكرت الحوار اللي حصل بينا فابتمست فبصلي و قال
- بتضحكي على أي
ضحكت بصوت عالي و قولت
= على آخر حوار ما بينا
ضحك بصوت عالي و قال
- و هروبك مضحك اكتر
لقيت مروة ردت و قالت
- اااه كنتوا مستنيني انام بقى
= محصلش و الله و بعدين بقى دا إنتِ طلعتي واقعه يا مروة يا بت بتحبيه من ورايا
قالت بكسوف
- هو انا كنت اعرف
ضحكنا انا و يونس عليها
و بعدين وصلنا البلد
كانوا كلهم مبسوطين و أنا كنت فرحانه اوي بفرحتهم و قعدنا نرقص سوى و بعدين طلعنا على اوضنا
و لسوء الحظ أنا و يونس اتجمعنا في مكان واحد
حطينا هدومنا في الدولاب و بعدين اضطرينا نحط مخدات تفصل بيناعلشان نعرف ننام و من كتر التعب نمنا و محسناش بالوقت غير صحيت من كتر الخبط ع الباب
قومت فتحت لقيت مروة جايالي و على وشها مسك فصوت من خضتي و يونس صحي
- اسفه و الله يا حبيبي خضيتك
قال ببلاهه
- قولتي اي
= اسفه
- متستعبطيش
= خضيتك
- ايام
= حبيبي
اتدخلت مروة
- اي يا عم روميو ع الصبح مس فاضيين ورانا هم كبير
قال بمشاكسه
= ملكيش دعوة بمراتي
شدتني منه و روحنا اوضتها كان في بوكس كبير فتحناه كان فستان جميل اوي و رساله مكتوب فيها "بحبك يا اجمل ما ضمت اقداري"
حضنتها و قولت
- ربنا يديمكم لبعض يا عيوني
و انشغالنا بقى في الماسكات و الميكب و البنات ايجوا و لبسنا و جه الليل و كتبوا الكتاب و صوت الزغاريط ملى المكان
نزلنا علشان العروسة تمضي
و أنا روحت حضنت جدو و انا مبسوطه اوي
و كلنا كنا فرحانين و اليوم خلص و كله راح على النوم و علي و مروة سافروا على القاهرة في نفس اليوم
طلعت اوضتي لقيت ورد جوري و رسالة مكتوب فيا
" إليك سيدتي الأول وقعت في حبك لأول مرة و لم أكن اقصد ذلك،و لكن اليوم اقع في حبك للمرة التي لا عدد لها برغبتي،كل يوم أحبك و كأنني أحبك لأول مرة. "
حضنت الورد بحب و لقيت حد بيحط ايده على كتفي لفيت كان يونس
حضنته بحب و قولت
- يونس شكرا اوي أنا بحبك اوي بجد
قال بزهول
= قولتي اي؟!
داريت وشي بأيديا و قولت
- بحبك اوي
حضني كأنه خايف اهرب منه
فات سنتين على اليوم دا و النهارده بقى معانا عمار
نسخه مصغرة من يونس
كنت شايله عمار و قاعده في البكونه و يونس ايجه من الشغل و قعد معايا
- اي القمر دا كل يوم بتحلوي يا أيامي
= يولا
ضحك و قال
- قلب الولا
=يونس
-قلبه
=بحبك
- اي!!
- اي.
كنت أنا يوما ما و الآن كلي أنت♥️
تمت
#أنا_و_أنت.
#Fatma_Hassan.
