.jpeg)
رواية ادهم وملك الفصل العاشر 10 بقلم مليكه مالك
#ادهم_وملك 10
-ادهم انت فاهم غلط ارجوك اسمعني والله انت فاهم غلط
=انتي خاينه لي عملتي فيا كده ، كنتي بتكدبي عليا طول الفتره دي لي ، انا أجلت شغلي واشتريت دبلتين وجاي فرحان عشان انتي وحشاني وانتي بتخونيني لي
"سابها وركب عربيته وكان بيسوق بسرعه جنونيه ، كان هيعمل حادث كذا مره ، ملك اخدت الدبله وجريت وراه لحد موصلت البيت ، دخلت لقته متعصب وبيكسر ف البيت ، اول ماشافها اتعصب اكتر ودخل اوضته وقفل عليه وفضل يكسر فيها ويزعق ، ملك حاولت تكلمه بس هو مسابش فرصه وكان بيزعقلها فسابته لما يدي ، شكريه ورزان متابعين من بعيد
*يلا اطلعي
" الباب بيخبط "
-انا مش قولت مش عاوز اكلم حد سيبوني فحالي بقااا
=افتح يا ادهم انا رزان
-سيبيني دلوقتي
=هوريك حاجه بس وبعدين همشي
"فتح ادهم الباب وسابها واقفه ودخل وكان بيشرب سجاير بغباء ، عاوزه اي
*عاوزه اكشفهالك علي حقيقتها انت معمي يا ادهم
-اخلصي يا رزان وقولي ف اي انا مش ناقصك
" طلعت رزان الموبيل وادته لي "
-خد اتفرج علي ست ملك الل كنت بتقول مفيش زيها مثيل اتفضل
"مسك ادهم الموبيل وقلب ف كذا صوره وقري اسكرينات مكتوب فيها كده "
(بتحبيني يا ملك ...ايوه يا احمد بحبك انت وبس ...طب وادهم ...ادهم ده مجرد وسيله هوصل بيها لفلوسه بس بعدين هنبقي سوا ...ههههه ده ادهم ده متغفل حتت تغفيله ...ههههه طبعاً ي حبيبي ...طب انتي كده مش ظلمتيه ...لا هو يستاهل انا اصلاً بكرهو ....بحبك يا ملك ...وانا كمان يا احمد )
"خلص الشات وبيقلب لقاها باعته صور ليها لاحمد وغيروا مستحملش يكمل مسك التليفون وخبطه ف الحيطه كسره وفضل يزعق ، جريت ملك علي اوضته ، اول ما شافها مسكها من شعرها ولوي دراعها انتي انتي واحده خاينه ومتربتيش ، انتي كدابه انا مش عاوز اشوف وشك الغبي ده ولا عاوز اسمع صوتك ، ملك بتتوجع وبتعيط
-والله يا ادهم انا معملت حاجه انت فاهم غلط والله
" مسمعش ادهم منها وراح زاققها برا الاوضه وقعها علي وشها اتعورت وقفل الباب ف وشها وفضل يشرب سجاير ،شمس قومت ملك من علي الارض واخدتها ودخلت الاوضه وفضلت تهدي فيها وتطهرلها الجرح الل ف وشها ،
*لي كده يا ملك عملتي كده لي
-حتي انتي يا شمس م مصدقاني
*مصدقاكي يا ملك
"عدي يومين وادهم مش بيكلمها وكل مايشوفها يزعقلها ، ملك مش فاصله عياط ، دموعها نازله طول الوقت بتعيط لحد متنام بتقوم تعيط ، حالتها النفسيه اتدمرت وخست وبان علي وشها المرض ، راحت المدرسه لقت الكل بيبصلها ويضحك ومش فاهمه في ايه ،عمرو قابلها ف الطرقه
-ملك انتي كويسه
=بصتله ودموعها نازله وسكتت
-روحي يا ملك متحضريش النهارده
=لي يا عمرو في ايه
" لارا البنت الل اتخانقت معاها قبل كده ماسكه موبايلها وبتلف علي كل الطلاب تبعتلهم فيديو اللقطه الل ادهم ضرب فيها ملك ورمي الدبله ف وشها ،عمرو فرج ملك علي الفيديو فسلت تعيط ووقعت اغمي عليهة ف الارض ، شالها ودخلوها اوضه فضلوا يفوقوا فيها وطلبوا ادهم علي الموبيل وحكوله قال ليهم ، متقربليش ومش اعرفها ، استغرب المدير ،وعمرو اخد ملك وصلها البيت ، وهي داخله ادهم قابلها اخد مفاتيحه ومشي وسابها ،طلعت ملك تتكلم معاه ف اوضته وتفهمه
-عاوزه اي مش كفايه الل عملتيه ، انا عامل احترام لعمي بس لولا كده كنت رميتك ف الشارع ، ولا تكوني عاوزه فلوس مَ انا مغفل ،...ملك واقفه تعيط وماسكه قلبها وبتبكي بدل الدموع دم ، فتح ادهم الدرج وطلع منه فلوس ورماها ف وشها ...خدي فلوس اهي عاوزه تاني خدي ..وسابها ومشي ...ملك وقعت علي الارض وفضلت تعيط وقلبها فضل يوجعهااا ..قررت ترجعله كل حاجته ..دخلت تديله الموبيل واللاب ..اخدهم منها ورماهم علي السرير
-خلاص اخدتهم اطلعي برا
=طلعت ملك وفضلت تعيط وعيونها دبلت والهالات السودا ملت وشها ، دخلت البلكونه لقته واقف بيشرب سجاير ،وخافت عليه
-لو سمحت يا ادهم حرام عليك ماشربش سجاير
=انتي مالك خايفه عليا اووي هي فلوسي ولا فلوسك وبعدين انا سايبلك البلكونه وداخل اقفي بقي فكري ف حبيبك وسابها وهو طالع خبط فيها وقعت علي الارض ملتفتش يشوفها حتي ، عدي اسبوع علي الحال ده وملك بتتعذب وكل يوم ادهم يقسي عليها اكتر واكتر ، ف يوم كانت نازله شكريه نادت عليها
*انتي يابت انتي
-نعم يا طنط
*اسمي شكريه هانم يا قليله الربايه
"ملك كانت بتسمع وساكته ودموعها نازله ، خلاص مبقتش حاجه فارقه ، عايشه ومش عايشه "
*امشي اعمليلي قهوة
-حاضر هقول ل داده حليمه تعمل لحضرتك
*انا بقولك انتي امشي انجررري
-حاضر
"فضلت شكريه تعاملها معامله خدامين وتزعق فيها لدرجت انها خلتها تلبس لبس الشغاله وطلبت منها تخرج الزباله ، وهي طالعه بالزباله ادهم شافها ودموعها نازله كان داخل مع رزان وهي ماسكه ف ايده ، شافها ومتكلمش ،رزان استغلت الفرصه
*اي ي ملك ي حبيبتي لقيتي مكانك خلاص ، انتي تستاهلي الل بيجرالك كنتي بتخدعي الانسان الل حبك وبتضحكي عليه ، آه مش تباركيلي انا وادهم اتخطبنا ، ماك برقت ودموعها نازله وبتتوجع بصمت وادهم بصلها وبص الجمب التاني وسابها ودخل ، ده يا حبيبتي عشان متبوصيش للي اعلي منك تاني ، وسابتها ودخلت هي كمان "
"دخل ادهم وبص لامه ، مين الل خلي ملك تعمل الشغل ده ؟!
*والله ي حبيبي هي فجاه طلبت لبس من اسعاد وقالت انها هتشتغل باكلها وانا حاولت كتير امنعها بس مقدرتش هي مصممه وبتقول مش هتكسروا عيني بالاكل والعيشه
" ادهم اتعصب وطلع اوضته ، ملك كانت معظم الوقت قاعده علي الارض جمب السرير وحطه راسها بين رجليها وبتعيط بحرقه ، شمس عارفه ان ملك مظلومه وعاوزه تثبت ده بس مش عارفه ،
، ف مره رزان وشكريهقاعدين يتكلموا
-اخيراً يا طنط دي كانت كابوس
=الحمد لله خلصنا منها ولسه هنخلص منها خالص قريب
-ايوة بقا ياريت
"وهما بيتكلموا حكوا كل الل عملوه والخطه القذره الل نفذوها وفجاه لمحوا خيال بيجري جريت رزان عشان تشوف ملقتش حد قفلت الباب
-انا خايفه ليكون حد سمعنا
=اسكتي خالص وانسي الموضوع ده
"في يوم الكل كان متجمع علي الاكل وملك موجوده بتقلب ف الطبق وخلاص عيونها مبقاش فيها دموع عشان تنزل ، شيء كلها سبق س
يتبع
