رواية ماذا ان احببتك مرة اخري الفصل الثالث 3 بقلم نجمه

 رواية ماذا ان احببتك مرة اخري الفصل الثالث 3 بقلم نجمه

#ماذا_إن_احببتك_مره_اخرى

• هي مين دي يا ادهم 

يلتفت ادهم لمصدر الصوت

" انتي اي اللي مصحيكي وبعدين انتي واقفه بتسمعيني وانا بتكلم هي وصلت الدرجة دي، انتي هنا علشان كليتك مش علشان تقوليلي بتكلم مين وبتعمل اي انتي فاهمه

• بس انا مقصدش حاجة

" تقصدي أو لا انا قولت اللي عندي وبعد اذنك علشان انام و بيسيبها و يمشي يدخل اوضته

بتفضل فاطمة واقفه مكانها هي مش فاهمه هي عملت اي لكل ده 

في الاوضة عند ادهم 

 كان بيتكلم مع نفسه 

 غبي غبي لي عملت كدا انت كل مره تنيل الموضوع اكتر من الاول، ادهم بيتخيل أن قلبه و عقله بيكلموه

 قلبه: انت بتحبها يا ادهم فوق 

 عقله: احبها اي دي عيله انا لو كنت اتجوزت كنت خلفت قدها 

 قلبه: مش للدرجادي اي انت عندك ميت سنه ده انت عندك ٢٦ سنه هتخلف قدها ازاي بقا انت بتوهم نفسك بحاجات تافهه

 عقله: متسمعش كلامه 

 ادهم: بس بس كفايه بس 

عند مريم...

كانت قاعده بتحاول ترن على فاطمة بس الفون غير متاح 

' يووو يا فاطمة لازم تتعبيني لعند ما تردي على الزفت

بتلاقي علي بعتلها رسالة

" الجميل أخباره اي

' تمام بخير 

"وانا كمان بخير على فكره

' انا مسالتكش

" يلهوي على الرخامه

' يعني انت شايفني رخمه 

" لا شايفك قمر 

' شكرا

" شكرا ! مفيش وانت كمان قمر 

' لا مفيش 

" شكلك مضايق 

' لا انا بخير 

" طب هو ممكن ارن نتكلم 

بتتردد مريم كدا بس بتوافق

' تمام 

بيرن عليها و بيفضلو يتكلموا في حاجات كتير اوي لعند الساعه ٤ الفجر

" احنا اتكلمنا كتير اوي 

' الكلام معاكي بينسي الواحد نفسه 

" شكرا يلا انا هقفل دلوقتي تصبح على خير

' وانتي من اهل الخير 

بتقفل مريم و بتبقى فرحانه و مطمنه ل علي بس هي لسه خايفه بتقعد تفكر لعند ما تروح في النوم 

تاني يوم الصبح

ادهم كان قاعد مع أمه و خرجت فاطمة و مريم و قعدوا كلهم يفطروا

ادهم كان عمال يبص على فاطمة وفاطمة كانت متجهلاه تماماً

' ادهم يابني ممكن تبقى تنزل مع فاطمة و سارة عايزين يشتروا شويه هدوم للكليه

قاطعتها فاطمة

• لا يا خالتو انا و سارة هننزل سوا هو عنده شغله علشان منعطلوش

" لا مش هتعطلوني هاجي معاكو

فاطمة بتستغرب هو ازاي وافق بالسهوله دي 

سارة: بجد طب يلا يلا يا توته نلبس قبل ما يغير رأيه 

" لا ياختي مش هغيره على مهلكو

' شكلك رايق انهارده يا دومي 

فاطمة في نفسها ( ايوا مهو رايق علشان مسح بكرامتي الأرض امبارح معرفش شايف نفسه على اي اكمنه قمر يعني في احسن منه يجي اي جمب احمد عز)

سارة: بتقولي حاجة يا فاطمة

• ها لالا بقول يلا علشان نلبس 

' يلا بينا 

بيدخلوا الاوضه 

توته كنت عايزه احكي معاكي على حاجة

• قولي يا حبيبتي في اي 

" بصراحة كنت ا انا يعني بحب حد 

• بجد مين مين قوليلي يا جزمه مخبيه عليا

" بس انا خايفه من ادهم اوي 

• خايفه لي 

'بصراحة هو يبقى المنافس بتاعه في الشغل

• طب فيها اي 

' فيها أن لو ادهم عرف اني بتكلم معاه هتبقى مشكله انتي متعرفيش ادهم ولا اي ده عنده يطيق العفريت ولا يطيق عاصم انا خايفه اوي 

• متخفيش يا حبيبتي هو اكيد هيفهمك بس انتي متاكده أن عاصم ده بيحبك بجد 

' ايوا بيحبني طبعا و عايز يجي يتقدملي بس مستني مشاكله مع ادهم تتحل 

• طب خلاص فرفشي كدا و قومي يلا نلبس هنجيب هدوم كتير اوي 

' انا بحبك اوي يا توته

• وانا كمان بحبك يا مريوم انا ليا مين غيرك يعني 

في مكان تاني كان قاعد عاصم و اتنين صحابه 

" بس انت شكلك وقعت يا معلم و مع مين مع اخت ادهم الصاوي 

بيضحك عاصم بسخريه

• احب مين ياعم انت مصدق ولا اي 

: تقصد اي 

• اقصد أنها لعبه يعني علشان اجيب رجل أخته و رقبته تتجاب معاها 

' ايوا بس ده ادهم الصاوي ممكن يقتلك يا عاصم لو عرف 

• مش هيلحق يعمل حاجة انا في دماغي خطة و هنفذها قريب اوي 

عند مريم 

كانت لسه صاحيه من النوم لقت علي بيرن عليها 

• الو

" صباح الخير يا قمر 

• صباح النور 

" بقولك اي

• اي

" في حد هيرن الجرس دلوقتي قومي افتحي 

• مش فاهمه انت عرفت ازاي 

" عرفت اي قومي بس قبل ما مامتك اللي تفتح الباب ويبقى شكلك وحش 

• طيب طيب 

مفيش ثواني وكان الجرس بين 

مريم: اللي يخربيتك انت ساحر 

بيضحك و بيقولها افتحي الباب 

بتفتح الباب بتلاقي بوكيه ورد من نوع الورد اللي بتحبه 

مريم : الله اي ده 

" عجبك 

• ده حلو اوي وبعدين انت عرفت اني بحب النوع ده من الورود ازاي 

" ده شغلي بقا 

• انت مين بجد 

" انا علي 

• لا انت فاهم انا بسال على اي انت ظهرت في حياتي فجأة عارف حاجات كتير عندي اكيد مش صدفه 

" اكيد ولسه في حاجات اكتر اعرفها عندك 

• ازاي 

" هتعرفي كل حاجة في معادها بس كل اللي عايزه انك تديني فرصه انت فعلا بحبك اوي 

• ماشي يا علي 

" مينفعش ماشي يا حبيبي

• حبك برص اتلم 

" لا برص اي انتي احلى 

• تقصد اي 

" ها مقصدش حاجة خالص 

بيفضلو يتكلموا سوا 

عند فاطمة و سارة كانو لبسو و مستنين ادهم 

' ما يلا بقا يا ادهم ده كله انت رايح تتجوز ولا اي

• بس بس يا سارة لاحسن يقلب علينا

" ايوا صح اسكت احسن 

بيطلع ادهم من الاوضه

" بتقولوا حاجة

الاتنين في صوت واحد 

لا مبنقولش

'طب يلا ياختي انتي و هي قدامي 

بينزلو يركبو العربيه و يمشوا، بعد شويه بيوصلو 

' انزلو هركن العربيه و اجي 

بيفضلو يلفوا شويه 

" توته تعالي ندخل المحل ده شكله في حاجات حلوه اوي 

• ايوا شكله حلو اوي تعالي 

بيدخلوا و بيفضلو يقيسوا في الهدوم 

فاطمة بتقيس بنطلون و بلوزه و سارة بتقيس دريس 

' اي رايك في الدريس يا ادهم 

" حلو اوي عليكي 

' الله الطقم ده حلو عليكي اوي يا توته 

بيبص ادهم لفاطمة بيلاقي أن البنطلون ضيق و البلوزه قصيرة شويه 

" لا طبعا مش حلو خالص 

• مخدتش رايك اصلا 

' بس يا ادهم ده حلو اوي 

" اي اللي حلو انتي مش شايفه ضيق عليها ازاي ولا انتي عايزه الكل يبص عليكي 

• انت قليل الادب مسمحلكش

" بقولك اي كلامي قولته الطقم ده لا 

• اوووف رخم 

• بتدخل تغير الطقم 

" مش ارخم منك 

' اي يا ادهم مالك 

" تعالي هنا يعني انتي عاجبك شكلها وهي لابسه الطقم 

' انت بتغير ولا اي يا معلم و بتغمزله

ادهم وهو بيحاول يداري غيرته 

" اغير!!! اغير على مين 

' اممم هعمل نفسي مصدقه 

" بت انتي هضربك

' خلاص خلاص هروح اكمل قياس 

"طيب ياختي 

بيفضلو يلفوا لعند ما بيتعبوا وكانت كل وحده جابت اللي هي محتجاه بيروحوا مطعم و بيتغدوا وبعدين رجعو على البيت

على الساعه 12  فاطمة نامت و سارة بتتكلم مع عاصم في الفون و فونها بيفصل ف بتاخد فون فاطمة علشان تتكلم منه 

' معلش يا حبيبي بس الفون فصل 

" ولا يهمك يا قلبي، تعرفي انك وحشتيني اوي 

' وانت اكتر 

" طب يلا نامي دلوقتي و نتكلم بكره 

' ماشي يا حبيبي تصبح على خير 

" وانتي من اهله يا قمري 

بيقفل معاها و بيبقى جنبه بنت اسمها جنة

' احنا مش هنخلص من حوار البت دي ولا اي يا عاصم 

" هنخلص يا بيبي بس الصبر 

' هفضل صابره لعند امتا

" في اي يا جنة متبوظيش ام الليلة 

بتقرب منه 

' طب خلاص حقك عليا يا حبيبي

" ايوا كدا خلينا نتبسط

بتضحك جنة ضحكه مايعه و بيخلص البارت بتاع النهاردة.

            الفصل الرابع من هنا

تعديل المقال