.jpeg)
فين خالى وفين عمي الفصل الثاني بقلم مني ابو نوفل
الفصل الثاني
شهد: انتي بتعيطي ليه يا فاطمة؟ هي ماما مش هترجع تاني؟
محمد: متعيطيش يا فاطمة بابا هيجي وهيضرب عمك عشان ضربك انا لو كنت طويل كنت ضربته
فاطمة بحزن شديد: مش بعيط انا بس عيني وجعاني ف دموعي بتنزل غصب عني، بابا وماما مش راجعين يا شهد انتي ومحمد هما عند ربنا هما في مكان احسن من هنا، الباب بيخبط يا شهد افتحي شوفي مين بيخبط جامد كده
فاطمة بثقه وعزه نفس: سالم؟ اي جابك هنا؟ ابوك يعرف انك هنا
سالم: انا ابن عمك ومن حقي اجي اطمن عليكي لو محتاجه حاجه انتي واخواتك
فاطمة: ههه عمي؟ لا والله يا استاذ سالم انا مليش قرايب، كل عيلتي الاطفال دول ومفيش بديل، اتفضل بره البيت من غير ما استخدم اسلوب يزعل حد
سالم: دي فلوس ابويا باعتها ليكي شوفي نفسك انتي واخواتك
فاطمة: فلوسكم تحرم عليا ليوم الدين
سالم بغضب وهيضربها بالقلم: انتي نسيتي نفسك ولا ايه؟ عشان بعاملك كويس..
فاطمة: اقطع ايدك قبل م تتمد عليا، بره البيت بره مش عايزه اشوف وشك تاني..
قفلت الباب وانا خايفه علي اخواتي وسط الديابه دول واخاف في يوم بيتنا ياخدوه دول قادرين ناس مبترحمش حسبي اللهَ وكفي.. هأكل اخواتي ازاي؟ اصرف عليهم ازاي؟ مبقتش عارفه اعمل ايه!!
فاطمة: لو سمحت حضرتك انتوا طالبين ناس تشتغل ف محل الملابس ده انا في ست جارتنا قالتلي انكم محتاجين ناس ممكن اشتغل؟
صاحب محل الملابس: اه طبعاً يا؟
فاطمه: فاطمة اسمي فاطمة يا عم الحج، انا تحت امرك..
صاحب محل الملابس:
الأمر لله وحده يبنتي
شكلك متبهدل اوى ولازم عشان تشتغلي تظبطي نفسك عشان الزباين تقدر تتعامل معاكي انتي شكلك حلو أوي، خدي الفلوس دي
فاطمة بإبتسامة: انا مش عارفه اشكرك ازاي؟ بس دي فلوس كتيره أوي أوي..
صاحب محل الملابس: بكره تيجي الساعه 7الصبح تروقي المكان وتشوفي شغلك
فاطمة: ربنا يكرمك يا عم الحج
سالم: هنسيب بنت عمي كده يا بابا؟ افرض حد لعب عليها وخد البيت اللي قاعده فيه؟ انت عارف البيت ده يساوي كام؟
خالد عمها: محدش يقدر يقرب من البيت ده وهيجي يوم وناخده عشان كده عايزك تلعب عليها لعبه الحب ولما تديك الأمان تمضيها البيت بيع وشراء من غير ما تعرف حاجه..
سالم: لا دي مش طيقاني،
خالد عمها: امال ايه نسيب خالها يضحك عليها وياخد البيت؟ ويوسف ابن خالها ممكن يضحك عليها؟
شهد: الله لبس جديد وشوكلاته..
محمد: الله حاجات حلوه كتيره
فاطمة: مبسوطين؟
شهد: اه
محمد: اه يا بطه
فاطمه: طب يلا عشان نتعشي ونام عشان عندي شغل الصبح بدري.. محمد خلي بالك من شهد ومن نفسك وانا بره البيت ماشي؟ ولو حد خبط عليكم متفتحوش..
محمد: حاضر..
صحيت الفجر صليت وفضلت أقرأ قرآن لحد م النهار طلع، جهزت الفطار عشان اخواتي لما يقوموا م النوم، وروحت ع شغلي عشمي ف ربنا يرزقني
..
صاحب محل الملابس: فيكي كل الوجع ده يبنتي!!!!
فاطمة: واكتر ي عم الحج واكتر
صاحب محل الملابس:عمك وخالك!! يظلموكي ويموتوا والدك ووالدتك بحسرتهم كده! هي الدنيا جرالها اي!!!!!
فاطمة: الحساب يجمع ي عم الحج وانا مش هسيب حقي
صاحب محل الملابس: تعرفي يبنتي انا كل يوم في البيت لوحدي قبل م انام اعيط
فاطمة: ليه يا عم الحج فين مراتك واولادك!!
صاحب محل الملابس بحزن ونظره للسما: كان عندي توأم جميل يارا وتانا، وامهم كانت ست عظيمه وتامر الصغير،
فاطمة بقلق: بتعيط لي! هما راحوا فين!
صاحب محل الملابس: كانوا طالعين مصيف وانا مقدرتش اروح عشان شغلي عندي محل غير ده كبير، راحوا يبنتي مرجعوش تاني وانا روحي من وقتها بهتانه..
فاطمة بدموع : ربنا يرحمهم ي عم الحج
صاحب محل الملابس: قدر الله ماشاء فعل الحمدلله،
مشيت وانا قلبي واجعني راجل كبير في السن زي ده كل يوم يبكي ع اللي راحوا وسابوه ف الدنيا لوحده..
فاطمة: خالي! جاي تعمل ايه؟ وفين اخواتي شهد ومحمد؟
خالي سامح: تعالي معايا البيت وبيعي البيت ليا بدل قعدتك ولفك ع الشغل مقدرش اسيب لحمنا يتبهدل؟
فاطمة : لحمك؟ يااااه وقتلك لماما كان اي؟ هي مش برضو لحمك؟
خالي سامح: احنا مقتلناش حد، ولو البيت مش بعتيه برضاكي هناخده غصب عنك فاهمه ولا لا؟
فاطمة: يعز عليا اعلي صوتي ع حد أكبر مني لكن ميعزش عليا لو اللي قدامي عيل،
خالي سامح: عيل! القلم ده علشان تعرفي تردي عليا تاني؟
فاطمة: القلم ده مش هزني وهتدفع تمنه غالي اوى..
شهد: فاطمة بتعيطي ليه؟
محمد: فاطمة تعالي ندخل البيت
فضلت باصه لخالي وهو باصصلي
فاطمة بنظره قاتله: شرفت يا خال
خالي سامح: ماشي يا بنت الكلب
