.jpeg)
تعلق قلبي بمحتاله الفصل الاول بقلم مريم الشهاوي
الفصل الاول
ظهرت بنت قدامه فجأة خبطها بعربيته
اتضحله انه خبطها لان البنت اترمت علأرض ودماغها جابت د م نزل بسرعة من العربية والخوف تملكه
الناس في الشارع اتلمت وأسد بقا عمال يحاول يفوقها ولكن البنت اغمى عليها بلع ريقه وبقا بيهمس بوجع/لا لا مش هيتكرر تاني لا...
صرخ بأعلى صوته/اطلبوا الاسعاف
وفجأة ظهرت عربية اسعاف ونزل منها تلت دكاترة واخدوها للمستشفى
أسد بقا رايح جاي بيفتكر الي حصل وضميره مأنبه اوي الدكتور طلع
أسد بخوف/هي كويسة
الدكتور/اتطمن اتطمن كويسة الحمد لله تقدر تدخلها هي قربت تفوق م البينج
أسد دخل الاوضة واتفاجئ بملاك نايمة علسرير وراسها مربوطة بشاش قعد علكرسي وبقا بيفتكر ذكريات مؤلمة ليه حط ايديه الاتنين على وشه بضيق وفجأة سمع صوتها بتتأوه
شال ايده وبصلها /انت كويسة... حاسه بألم
البنت اول ما بصتله انهارت من العياط
أسد قلق عليها/انت بتعيطي ليه... موجوعه اطلب الدكتور؟
اتعدلت البنت وقعدت علسرير وهي بصاله ومش مصدقة/انت خالد.... انت خالد صح... جاوبني...
ومرة واحدة رمت نفسها في حضنه وضمته جامد /خالد حبيبي.... وحشتني اوي.... وحشتني اوي يا خالد... كنت عارفة انك عايش.... احساسي عمره ما يخيب ابدا... وحشتني يا خالد اوي اوي
أسد اتصدم وبقا مبرق من رد فعلها ومش عارف مين خالد الي بتتكلم عنه دا بعدها عنه براحه/مين خالد؟
البنت باقت بتلمس بايديها وشه /انت خالد... انا متأكدة
أسد كشر وافتكرها مجنونة ومشي من قدامها لكن هي قامت بسرعة من علسرير وحضنته تاني/لا لا مش هسيبك تمشي تاني يا خالد.... حرام عليك كل الغيبة دي ولما الاقيك تمشي.... لكن المرة دي لا يمكن اسمحلك تمشي... بقلم مريم الشهاوي
أسد بعدها عنه وقال بضيق/ااسمعي... على الحادثة فانا اسف وهتكفل بكل مصاريف علاجك انما انا معرفش مين خالد الي بتتكلمي عنه دا... وايا كان مين فانا مش هو........تمام
خلص جملته والبنت اغمى عليها فجأة ووقعت بين ايديه أسد شالها وحطها علسرير تاني وهو مش مستوعب مين البنت دي واي قصتها ومين خالد الي بتتكلم عنه طلع بره الاوضة ياخد نفسه بصعوبه
قابل الدكتور الي كشف عليها /دكتور ممكن ثواني
الدكتور وقف /ايوة اتفضل
أسد/عرفت اهل البنت دي واسمها اي وساكنه فين
الدكتور/اسمها سارة محمد نبيل 20 سنة بنت يتيمة الاب والام وحيدة كانت متجوزة وجوزها ما ت من فترة واسمه...
أسد/خالد
دكتور /ايوة... بس عرفت منين حضرتك تعرفها
أسد~لا معرفهاش بس ذكرته كتير لدرجة انها افتكرت اني هو
الدكتور استغرب /ممكن عقلها الباطن خلاها تفتكر حبيبها الي فقداه وتعتبر انه قدامها وتخيلتك هو
أسد/ازاي بقا
الدكتور/ازاي دي انا معرفهاش انا طبيب جراحة ممكن تتواصل مع الدكتور النفسيه نور اهي الي هناك دي ممكن تقولها على الي حصل وهي هتشخص حالة المريضة اي
أسد بص للدكتورة وراحلها فعلا واتكلم معاها عن حالة سارة ونور تفهمت الموضوع/حضرتك بتقول انها اول ما شافتك نادتك باسم حد تاني... وقولت ان دا اسم جوزها الي ما ت
أسد بضيق/ايوة
نور/البنت مصا بة باضطراب وهمي واتوهمت ان جوزها الي مات هو انت... وممكن لو اختفيت من حياتها فجأة تتسبب في انتح ارها
أسد اتفاجئ/يعني اي الكلام دا انا معرفهاش اي الي هيخليني افضل في حياتها
نور/ممكن اشوف البنت دي
أسد وجهها لاوضة البنت ودخلت الدكتورة لسارة تتتكلم معاها واستنتها لما تفوق وبدأت تعرف منها تفاصيل أسد رن عليه صاحبه/انت فين محضرتش الاجتماع ليه
أسد~حصلتلي مشكله كده... خبطت بنت بالعربية
/يالهوي وعملت اي
أسد/اهي في المستشفى اما نشوف اخرتها دي معتبراني جوزها الي ما ت
ضحك/الاه اي الحوار دا
أسد/والله معرف عماله تقول انت خالد انت خالد واقولها يا ستي مش انا والله مانا لحد ما اغمى عليها تاني
/هههه انا لو منك اخليني خالد لو هي حلوة
أسد /ياربي عليك اقفل ياعم مهياش نقصاك
قفل السكة معاه والدكتورة نور طلعت من الاوضة
نور/زي ما قولت.. اضطراب وهمي
أسد/ودا علاجه اي
نور/بيمشي مع الوقت مع تقبل الحقيقة واحدة واحدة هي متعرضة لصدمة عصبية من ساعت مو ت جوزها وتخيلت انك هو او اتوهمت انك انت الي واقف قصادها فالحقيقة حالتها صعبه جدا طب عرفت توصل لأهلها
أسد بأسف/ هي يتيمة ومكانش ليها حد غير جوزها في البلد دي
نور/هي حاليا متعرفش حد غيرك
أسد/غير خالد... انا مالي؟
نور/القرار قرارك يا استاذ... انت ممكن تفضل معاها الفترة دي لحد ما تتحسن... ولو قولتلها الحقيقة مرة تانيه ممكن تصاب بصدمة عصبيه تاني وتدخل في نوبة شديدة تمو ت فيها هي لسه مفاقتش من الي حصل ودا مخليها بتتوهم وممكن كمان يوصل لهلا وس عقلها الباطن مهيألها ان خالد عايش وانها لسه معاه
أسد رفع شعره ونفخ/ياربي... انا كان مالي بس...تمام انا اخدت قراري
دخل للبنت الي ابتسمت اول ما شافته/انت مجبتليش ليه الشوكلاته الي نفسي فيها... مش لما قابلتني امبارح قولتلي انك هتجبلي شوكلاته وانت راجع من الشغل زي كل مرة
أسد/قابلتك امبارح... الله
سارة ربعت ايديها وقالت وهي زعلانه/هاتلي شوكلاته يلا...
أسد قرب منها وزعق /اسمعي يا بت انت....
سارة بسرعة سدت ودانها/مش هسمع حاجه الا لما تجبلي شوكلاته.... عايزة شوكلاته
أسد طلع برا الاوضة/عندها عشرين سنه لكن تصرفات طفلة مكملتش العشر سنين
مشي ونزل وفعلا جاب شوكلاته وهو طالع وقف لحظة~طب ما تمشي... سيبها في المستشفى وامشي انت تعرفها منين بلاش تدبس نفسك مع المخلوقة دي وفعلا رجع لورا ونزل وركب عربيته ومشي رن على صاحبه/انا جاي الشركة
/عملت اي في البنت
أسد/مشيت وسيبتها... مريضة نفسيا ياعم... وعندها اضطراب وهمي لجوزها الي مات وفكراني هو... لما اعالج نفسيتي الاول ابقى اروح اعالج الناس
راح شركته وخلص شغله على بليل ركب عربيته والدنيا مطرت بغزارة
أسد/اللهم ارزقنا صيبا نافعا وعملا متقبلا
كان ماشي بعربيته مروح ووقف في الاشارة وشاف شخص بيزق واحدة برا محل/اطلعي برا يا انسة
سارة بعياط/معلش بس انا جعانه اوي ومش معايا فلوس هاتولي اكل واوعدكوا جوزي اما القيه هيدفعلكوا حق الاكل دا
الراجل بص لشكلها /انا آسف يا انسة في مطاعم بتتكفل بالناس الغلابه تقدري تروحيلهم انما هنا مطعم بيدخل فئة معينه من الناس ومنظرك مش مناسب خالص للمكان اتفضلي امشي بهدوء وبلاش شوشرة
سارة باقت ماشيه في الشارع ضامه نفسها/انت فين يا خالد... سيبتني ومشيت ليه
أسد حس بالذنب اما شاف شكلها وهي بتترعش كده باين عليها بنت على نياتها ومتعرفش حد غيره فعلا
سارة وقفت تحت تاندا تتحاما من شدة المطر وقعدت علأرض ضامه رجليها وبتترعش ومرة واحدة لاقت اسد واقف قدامها بشمسيه وبيبتسملها
سارة بفرحه/خالد
قامت مرة واحدة وحضنته بقوة/كنت عارفة انك مش هتسيبني
أسد اتبسط بفرحتها دي اول ما شافته
سارة بعياط/اما قالولي انك مشيت قعدت اعيط كتير اوي... بس كان قلبي حاسس انك هتيجي وتاخدني تاني
أسد/مشيتي من المستشفى ليه.. انت لسه متحسنتيش
سارة بعياط/هربت... لاني كنت بدور عليك افتكرت اني مش هشوفك تاني وانك هتبعد عني
أسد طبطب على راسها/اهدي متعيطيش
هو ليه حاسس بشعور غريب وهي مقربة منه.... يا ترى اي الشعور دا ليه فرحان بقربها ليه!
حس بجسمها بيرتعش بعدها عنه ومسك ايديها/ايديكي زي التلج امسكي دي
مسكت سارة الشمسيه وأسد قلع الجاكيت بتاعه لبسهولها ومسكها من دراعاتها الاتنين ومشي بيها لحد عربيته
سارة ركبت العربيه وعماله تفرك في ايديها وتنفخ فيها
أسد/شوية وهتدفي
سارة/لو كنت اعرف انك هتتأخر على ما تجيبلي الشوكلاته كنت مخلتكش تجيبها... وتلاقيك نسيت اصلا
أسد ابتسم وجاب شنطة من ورا فيها شوكلاتات كتيرة/خدي... جيبتلك كل الانواع الي لقتها وآسف لو اتأخرت عليكي
سارة بصت للشوكلاتة وصوتت من الفرحة/الله دول كتير اوي حضنته بحب وفرحة/حبيبي شكرا ليك بجد.... انا مبسوطة اوي
أسد ابتسم لطريقتها الطفولية اول ما شافت الشوكلاته
سارة بعدت عنه ومرة واحدة با سته من خده بحب/بحبك
أسد فضل ساكت تماما منطقش بكلمة ومتنح مش مصدق الي هي عملته وقال بصدمة /اي الي حصل دا؟
سارة قربت منه بخبث وهمست/مش هينفع اكتر من كدا... اما نروح بيتنا بقا
قعدت تضحك وفتحت الشوكلاته وباقت بتاكلها وهي مستمتعة
سارة/يلا على بيتنا... يلا بسرعة عشان... هااااتشي.... بردت خالص
أسد حس انه اتدبس في البنت دي ومش عارف يسيبها بسبب ضميره ومش عارف قربها دا هيجلبله الخير ولا هيجي على دماغه في الأخر
طلع بعربيته على فيلته
أسد فتحلها الباب/ الحمد لله المطرة وقفت انزلي وصلنا
سارة/اي دا.. بس دا مش بيتنا
أسد/اصل هو....
سارة/استنى... دا بيتنا الجديد؟
أسد استسلم وقال زي ما تيجي تيجي بقا/ايوا يا سارة هو بيتنا الجديد
سارة نزلت وهي فاتحة بوقها من وهلة جمال الفيلا/متهزرش.... دا بيتنا انا وانت
أسد ابتسم بضيق/ايوا
سارة نطت بسعادة وجريت علبوابة بس الحارس وقفها/اي دا... انت متعرفش انا مين
الحارس /اسف حضرتك اول مرة اشوفك
سارة علت صوتها/انا مرات سيدك وسعلي
أسد جري وبص للحارس/افتح الباب دي تبعي
الحارس بصدمة/هو حضرتك متجوز
أسد/ هفهمك بعدين
سارة باقت بتجري وبتصوت من السعادة /الجنينه كبيرة... دا كان بيت احلامنا
بصت لأسد بسعادة/في بسين... متقولش لا ونبي دي امنية حياتي ان يبقى في بسين في بيتي
أسد ضحك على منظرها/في ايوا... ورا الفيلا
سارة جريت علطول زي العيل وهي فرحانه وأسد جري وراها /استني متجريش وانت حافية كده هتتعوري
سارة اول ما شافت البسين نطت فيه
أسد/يالهوي عليا وعلى سنيني.... طيب يا سارة... اطلعي يلا... انت بردانه اصلا... سارة.... سارة!
راسها فضلت تحت وباقت بتحاول تطلع لفوق من عارفة البيسين كان غويط عليها
أسد بصدمة/دي بتغرق
قلع القميص بتاعه ونزل المايه بسرعة وشدها رفعها لفوق وهي اتشعلقت في رقبته وباقت بتكح جامد
وأسد بيطبطب على ضهرها/بس خلاص... انت كويسة
سارة /شربت مايه كتير اوي كح كح كح
اسد/في حد ينط مرة واحدة كده
سارة ضربته في كتفه/قولتلك... قولتلك متعملوش غويط.. انت بتعرف تعوم انا لا.... خلي يا سيدي حتة غويطة وحتة على مقاسي منتا عارفة اني متر ونص
أسد ضحك/والله مفيش بنت بترفع عينيها في عيني وتتكلم بالجراءة زيك كده
سارة قربت منه /عشان مفيش بنت امتلكت قلبك غيري
باقت مقربه وشها ليه ومبتسمه عم شوية صمت علمكان وضربات قلب أسد اتسارعت وحس بشعور غريب للمرة التانيه وانفاسهم اختلطت ببعض
ومرة واحدة سمعوا صوت بنت بتشهق /أسد
أسد فاق من شروده وبصلها لقاها هدى صاحبته المقربه/هدى استني
هدى بغيرة/مين دي يا اسد...
أسد/استني هفهمك...
سارة بصتلها باستغراب/مين دي ياخالد
أسد /استني هفهمك
شال سارة وطلعها من المايه
هدى /قالع قميصك ونازل البيسين مع واحدة وتقولي هفهمك مين دي
أسد بتوتر /تعالي هفهمك... تشربي اي الاول... نورتي
سارة وقفت قصادها/استنى انت يا خالد... انا عارفه اتعامل مع الاشكال دي كويس... انت الي مين يا حبيبتي... وداخله بيتنا منغير استإذان ولا خبطتي حتى وقطعتي علينا اللحظة
هدى بعصبية واشمئزاز/اي الطريقة دي وانت مين اصلا عشان تتكلمي معايا بالاسلوب دا.. مفيش بنت دخلت الفيلا دي غيري انت مين انت
سارة /انا مراته يا حبيبتي
رفعت ايديها وورتها الدبله انها مراته
لكي يصلك البارت فور نزوله اكتب في بحث جوجل رواية تعلق قلبي بمحتاله عشاق الرويات وستصلك الرواية كاملة
الفصل الثاني من هنا
لمتابعة باقي الرواية زوروا قناتنا على التليجرام من هنا
جاري كتابه الفصل الجديد للروايه حصريا لعالم عشاق الرويات اترك تعليق ليصلك كل جديد أو عاود زيارتنا الليله
