انت عوضى الفصل الثاني بقلم الكاتبة عشق

 

انت عوضي الفصل الثاني بقلم الكاتبة عشق

الفصل الثاني

الاب : يعني انت خنت بنتي وجاي تصالحها 

تامر : ايوة ي عمي موافق 

الاب بهدوء : اطلع برة 

تامر : بتقول ايه ي عمي 

الاب : بقولك اطلع برة بيتي 

تامر : اديني فرصة اشرحلك بس 

الاب بعصبية : تشرحلي ايه دا ايه البجاحة دي ي اخي اطلع برة احسن ما انا اطلعك بمعرفتي بس الغلط مش عليك الغلط علي بنتي اللي خبت عليا واستحملت واحد واطي وزبالة زيك اطلع بدال ما تطلع من هنا جثة واعمل حسابك ورقة بنتي توصلها واتفضل غور من هنا يلا 

تامر : طلاق انا مش هطلق ي عمي وانا همشي بس هرجع تاني وهاخد مراتي حتي لو بالغصب 

مشي تامر وهو متعصب وبابا ندالي طلعتله بسرعة واترميت في حضنه وانا بعيط 

الاب : اهدي ي بنتي متعيطيش دا واحد حقير ميستهلش دمعة وحدة من دموعك بس احكيلي كل حاجة 

بدات اشرحله كل حاجة بالتفصيل وكمية الخيانة اللي اتحملتها 

اميرة : بس 

الاب : بس ايه ي بنتي 

اميرة : هو كان مفهمني ان انا مبخلفش والعيب فيا انا وانه عمل التحاليل واتاكد وكملت وانا بعيط كان دايما بيذلني بكدة وداه اللي خلاني اتحمله اكتر عشان اني عقيمة استحملت اهانته ليا وسكت بس انا في الاخر رحت عملت التحاليل واكتشفت ان المشكلة فيه هو كان معيشني في كذبة لمدة 3 سنين ي بابا وانا زي الغبية صدقته واتحملته وهو بيذلني بموضوع الخلفة 

الاب : الواطي وعد مني ي بنتي اني هاخدلك حقك وهندمه علي الساعة اللي فكر بس يزعلك فيها بس استني عليا 

اميرة : بابا انا مبقتش عاوزة منه حاجة غير الطلاق بس وبعدها يغور 

الاب : هيطلقك ي بنتي ورجله فوق رقبته حتي لو رفعنا عليه قضية بس مش هسيبك تعيشي مع حيوان بالشكل دا بس انتي غلطانة ي حبيبتي ليه متكلمتيش من الاول 

اميرة : انا مكنتش عاوزة مشاكل ولا اني اخرب بيتي بس انا اتاكدت انه عمره ما هيتغير ابدا وكان لازم اني اعمل كدة 

الاب : طب انتي ناوية تعملي ايه ي بنتي 

اميرة : انا هشتغل بشهادتي ي بابا هبدا حياتي من جديد ومش هعتمد علي حد 

الاب : اعملي اللي يريحك ي بنتي في النهاية دي حياتك وانتي مش صغيرة ادخلي دلوقتي ارتاحي ونتكلم بكرة في الموضوع دا 

اميرة : تصبح علي خير ي بابا 

حضنته وقومت دخلت اوضتي وانا بفكر في اللي جاي اولي ما دخلت فتحت التليفون وبدات ادور علي شركات عاوزين عاملات فضلت شوية لحد ما لقيت شركة منزلين اعلان عاوزين فيه مساعدات قدمت وجالي رسالة اني اروحلهم بكرة سيبت التليفون ونمت وانا هموت من الارهاق 

في اليوم اللي بعده صحيت بدري وجهزت فطار لينا فطرنا كلنا وانا حكيت لبابا علي موضوع الشغل 

الاب : انا قولتلك تعمل ي اللي انتي عاوزاه وانا جمبك ي بنتي 

اميرة : احلي اب في الدنيا انا هقوم اروح الشركة بقي عشان متاخرش 

الاب : ربنا معاكي ي بنتي 

اميرة : مع السلامة 

رحت الشركة دخلتها لقيت فيها ناس كتيرة اوي رحت لسكرتيرة وسالتها علي المكان دلتني عليه رحت وانصدمت من الاشكال اللي انا شايفاها وفي بالي اني يستحيل اتقبل لاني كنت لابسة دريس سماوي وطرحة لونها ابيض وحاطة ميكب خفيف جدا استنيت لحد ما جيه دوري دخلت لقيت شاب وسيم جدا قاعد علي المكتب 

الشاب : اتفضلي اقعدي انتي اكيد جاية عشان الاعلان 

قعدت وقولت : ايوة ي فندم 

الشاب : طب وايه مؤهلاتك ي انسة 

اميرة : دا ال CV بتاعي ي فندم 

اخده مني وكان بيقرا فيه وهو مبهور كل دا ومكنشي رفع نظره ولا شافني ولا بصلي حتي اخيرا رفع راسه وبصلي اولي ما شافني فضل متنح شوية انا اتحرجت جدا وهو اولي ما شاف كدة بعد عينه عني بسرعة 

الشاب بهمس : اخيرا شفت وحدة حاسة انها جاية شغل مش جاية عرض ازياء بس حلوة اووي انا ايه اللي حصلي 

اميرة : بتقول ايه ي فندم 

الشاب : انتي اشتغلت في مكان قبل كدة 

اميرة : لا ي فندم 

الشاب : وايه اللي منعك 

اميرة : لاني بعد التخرج علي طول ...يعني .

الشاب : بعد التخرج ايه ي انسة 

اميرة : ...........

الفصل الثالث من هنا 

تعديل المقال