.jpeg)
وحيدته الفصل العاشر بقلم نيره وائل
الفصل العاشر
كنت لسه هدخل بس اتسمرت مكاني من اللي سمعته
_انا مكنتش مصدق نورا يومها و قلت اكيد كانت بتحلم خصوصاً لما راجعت كاميرات المراقبة و ملقتش حاجه و في الآخر طلعت حاذف التسجيلات انت اتجننـ'ـت يا خالد حاولت تقتـ'ـلها و فاكرني مش هعرف
_ انا...
_ انت مر'يض نفسي من بعد مو'ت اختك
كنت فاكرك اتعالجت.... انت مش قولتلي انك اتعالجت
مصدقتش اللي بسمعه و لا قادرة استوعب اللي بيحصل قدامي
فجأة باب المكتب اتفتح و كان خالد اول ما شوفته مشيت كذا خطوة لورا
_ نورا انتى هنا من امتى
قال كلامه وهو بيقرب مني لكن وقف لما صر'خت فيه
_ ابعد.... ابعد عني
حاول يقرب تاني و يلمس ايدي... كان جسمي كله بيرتعش
وللمرة التانية اتقلب الامان لخوف
_ ابعد ما تلمسنيش.... اوعى تقرب مني
_ طيب اهدي ارجوكي... اهدي يا نورا
_ انت مين.... انت... انت بتعمل كدا ليه
مادام بتكر'هني كدا قربت مني ليه اصلا...انت ميييين
_ انا اسف.... ممكن نتكلم بس
انا مش هأ'ذيكي متخافيش مني
_ و هو انت لسه مأ'ذتنيش.... انت كنت هتقـ'ـتلني
_ نورا ارجوكي اهدي انتى فاهمه غلط
_ فاهمه ايه غلط انا سمعت كل حاجه بوداني.... انت ازاي قدرت تخدعني كدا... "كملت بعياط" انا كنت صدقتك
_ نورا...
مقدرتش اسمعه اكتر من كدا جريت على اوضتي و قفلت عليا
وانا خايفة يمكن اول مرة اخاف بالطريقة دي
بجرب الخذلان للمرة التالتة بابا، محمد، خالد
كل الرجالة اللي في حياتي كسروني
خالد كان بالنسبالي المنقذ في الفترة الاخيرة.. ليه مواقف كتير معايا عمري ما هنساها كان بيهون عليا كتير... كفاية انه الوحيد اللي خلاني احس انه مرغوب فيا واني اتحب... حتى لو كان كداب بس حسيت معاه بحاجات حلوة اوي
قطع تفكيري صوته وهو بينط من البلكونه اول ما شوفته كنت هصر'خ
لكنه حضني وهو بيردد"انا اسف "
حاولت ابعد لكن مسابنيش
_ انا مش عايزك تخافي مني... مش هستحمل اشوف في عيونك خوف مني متخلينيش اكرهه نفسي
محاولتش ابعد تاني بالعكس مسكت فيه اكتر معرفش ليه عملت كدا
بس كان جوايا حاجه عايزة تصدقه
_ انا اسف يا نورا.... انا بحبك
_ انت كداب
قلتها من وسط عياطي وانا لسه في حضنه
رفع راسي بإيديه عشان ابص ليه ساعتها لقيت عيونه مدمعة
_ انا مش هنكر اللي حصل بس عايزك تسمعي اسبابي... عايزك تساعديني... متسبنيش يا نورا
بعدت عنه وانا بمسح دموعي
_ لو سمحت اطلع برا
_نورا.....
_ اطلع يا خالد وجودك مخوفني
استسلم بسهولة وخرج كان في جوايا حاجة عايزة تقوله استنى سمعني اسبابك و في نفس الوقت مش طايقة وجوده بس برغم دا مكنتش خايفة زي ما قولتله
انا لسه مش مستوعبة انه حاول يأذ'يني
نـــــــــــــــــــــــــــــيــــــــــــــــــــــــرة وائــــــــــــــــــــــــــل
______________________
_ ماما انا عايزة امشي من هنا خلينا نرجع بيتنا
_نرجع ايه انتي عارفه لو مشينا من هنا مش هنطول ورثنا من عمك
_ ورث ايه اللي بتتكلمي عنه دلوقتي بقولك محمد كان هيقـ'تلني لولا عمي لحقني من ايده على اخر لحظة كان زماني ميـ'ـتة
_ حلال فيكي اللي كان هيعمله محمد
_ماما أنتي بتقولي ايه
_ انتي طالعة خا'ينة لمين يبت... انتي مش قولتي انك بتحبي محمد
_ انا محبتش محمد نفسه انا حبيت حبه ليا
كنت اول مره الاقي حد عايزني وبيحبني كدا... كان زي الخاتم في صوباعي
قاطع كلامها محمد اللي دخل وهو بيسقف
_ براڤو يا جنة.... عاش والله
_محمد..
_ هاااا.... ايه يا جنتي كملي عايزة تكملي الحكاية صح
يلا كملي ازاي كنتي بتخدعيني... كملي يلا سامع
_ محمد انت فهمت غلط ... كل ده كان قبل ما احبك بجد
قرب منها واتكلم وهو بيشد شعرها
_ اقسم بالله يا جنة لو رجعت و لقيتك في البيت هطلعك منه جثـ'ـة النهاردة
___________________________
نـــــــــــــــــــــــــــــيــــــــــــــــــــــــرة وائــــــــــــــــــــــــــل
كنت قاعدة في الجنينة بليل بفكر في كل اللي حصل
عايزة اهرب واسيب كل دا وامشي بس حرفيا مش لاقيه مكان اروحله
هو الانسان بيروح فين لما يحس ان كل الاماكن مش سايعاه
سرحت ببالي ليوم ما حاولت انتـ'ـحر في البحر وخالد انقذني
فضلت اسأل نفسي ليه مسابنيش يومها اغر'ق
على الاقل مكنتش حسيت بو'جع القلب دا كله
انقذ'ني يومها عشان يكمل عليا بطريقته
بس السؤال اللي بجد انا ايه ذنبي في كل دا..؟!
_ نورا
التفت لمصدر الصوت ولقيته محمد... دمو'عي نزلت غصب عني
_ انت بتعمل ايه هنا
_ جاي علشانك و عشان اصفي حساب قديم
_ و انا نازل اصفي الحساب
قالها خالد اللي كان واقف في البلكونه بصوت جهوري
_ ايه اللي بينك و بينه يا محمد... ايه الحساب اللي بينكم
_قولها يا دكتور... احكيلها ايه الحساب
كان صوت خالد اللي جه من ورايا و عنيه مش بتبشر بخير
_ هو في ايه....
مكملتش الجملة ولقيت خالد ضر'به بالرجل.. صر'خت وانا بجري على محمد اقومه لقيته بيبعدني و مستسلم لخالد و سايبه يضر'ب فيه
_ ضحكت على اختي... قولتلها انك بتحبها و خليتها تتعلق بيك
وفي الاخر خنتها و لبستها في العملية اللي جنة عملتها غلط
دمرت مستقبلها واتشطبت من النقابة بسببك
اختي انتحر'ت بسببك
كان بيقول كلامه وهو بيضر'ب فيه بعدها قرب منه و مسكه من ياقة قميصه
_ عارف انها كانت مستعدة تسامحك بعد كل اللي عملته فيها... دي كانت بتدافع عنك لحد اخر لحظة و في الاخر سبتها... كسر'تها و كملت حياتك عادي... هي ما'تت وانت كملت حياتك وعايش
ضر'به بالبوكس في وشه و طلع مسد'س من جيبه و وجهه ناحيته
_ بس مش هتعيش اكتر من كدا
وقفت قدامه وانا بعيـ'ـط
_ لا لا... لا يا خالد عشان خاطري ابوس ايدك سيبه
_ انا كنت عايش بتعذ'ب... مكنتش مكمل حياتي طبيعي زي ما انت فاكر... كان طيفها دايما معايا من يوم اللي حصل وانا مش بنام
انا ظلمتها هي ونورا عشان جنة و في الآخر جنة خا'نتني
جنة اخدت حقهم مني
"كمل كلامه وهو بيركع قدام خالد و بيعـ'ـيط"
انا جاي النهارده عشان اقولك اني اسف... جاي اطلب منك تسامحني
انا عارف ان ذ'نبي كبير اوي بس مش عارف اعمل ايه
اللي عملته في رهف مش هقدر اصلحه
نـــــــــــــــــــــــــــــيــــــــــــــــــــــــرةوائــــــــــــــــــــــــــل
محمد كان ندمان بجد... باين في عيونه الندم والقهر وقلة الحيلة
قلبي كان بيتقـ'ـطع عليه بس في نفس الوقت مش قادرة اعمله حاجه
_ نورا سامحيني انتي كمان ..... انا عارف اني ظلمـ'ـتك
كنتي نسخة رهف اللي دوست عليها للمرة التانية
انا عارف اني اناني .... بس تعالي معايا وانا هعوضك عن كل اللي حصل
هصلح كل اللي اقدر عليه...
قبل ما يكمل كلامه كان خالد بيضر'ب فيه مرة تانيه بس المرة ادخلت وبعدته عنه
_ سيبه انا مسامحاه.... ابعد عنه
_ سامحتيه بعد كل دا سامحتيه
هزيت راسي بخو'ف و انا بجري على محمد اللي واقع على الارض
سندته عليا و قومته
_ يلا بينا يا محمد
_ هتيجي معايا بجد
هزيت راسي ب ايواا
ابتسم ليا وقتها حسيت اني طوق النجاة الوحيد واخر امل عشان يقدر يعيش و يصلح ولو جزء من غلطه
انا لسه قلبي لمحمد...مقدرتش اتخطاه
بصيت على خالد مرة اخيرة قبل ما امشي
اتحركت كام خطوة انا ومحمد ناحية البوابة كنت فاكرة ان كل حاجه خلصت على كدا لحد ما محمد اضر'ب بالنا'ر و وقع من ايدي
