.jpeg)
رواية وقعت فى غرام صعيدي الفصل الرابع 4 بقلم شاهنده امام
الفصل الرابع
عند داليدا
داليدا دخلت البيت التاني مع خالد وياسين كان البيت حلو ومترتب وذوقة جميل
خالد بصوت عالي: يا أمي يا أمي
خرجت أمه وتُدعي وفاء المطبخ وكانت ست كبيرة في السن وباين عليها الطيبة وكانت لابسة حجاب
وفاء: ايوه يا خالد بتنادي عليا
خالد: ايوه يا أمي أهي داليدا اللي عايزه تشوفيها
وفاء قربت من داليدا بطيبة
وفاء بطيبة: انتِ بقا داليدا
داليدا بذوق: ايوه أنا يا طنط
وفاء: ما شاءلله عليكِ زي القمر
داليدا: شكراً يا طنط ربنا يخليكي
وفاء: تعالي أقعدي يا داليدا وأحكيلي ايه حكاية خالد مرضيش يحكيلي أي حاجه
خالد: ماهو لازم تسمعي منها يا أمي
ياسين: خالد معاه حق لازم نسمع منك وأنا سمعت منها
وفاء: لو مش عايزه تتكلمي دلوقتي براحتك
داليدا: لا يا طنط هو بصراحه خالد اللي هيتكلم مش أنا
ياسين: هي حكتلي حكايتها وأنا عايز اسمع من خالد
خالد: أحكي يا داليدا ولا انتِ عايزه تتكلمي
داليدا بإبتسامة: لا أحكي يا خالد عادي
خالد حكي ليهم من أول الحكايه تاني
وفاء بزعل: ياعيني عليكِ يابنتي ازاي دا عمك
خالد: الحقد بيعمل كتير يا أمي
وفاء: إن شاءلله ربنا هيعوضك خير
وفاء وخالد هونوا علي داليدا ماعدا ياسين مكنش بيتكلم خالص إلا لو الكلام موجهه ليه ودا ضايق داليدا
وفاء: طب وانتِ هتعملي ايه دلوقتي
داليدا: ياسين وعدني أنه هيدور علي صاحبتي دي
ياسين: وأنا عند وعدي هدور عليها إن شاءلله ومن النهارده وهقولك لو وصلت لحاجه جديدة
داليدا: شكراً ومعلش هتعبك معايا
ياسين: لا مفيش تعب ولا حاجه
وفاء: عارفه أنا هعملك أكل انما ايه تاكلي صوابعك وراه
داليدا بضحك: وانا هساعدك كمان يا طنط
عند فريد ابن عم داليدا
فريد وصحابه قاعدين في شقة واحد من صحابهم
فريد وهو بيشرب سجاير وفي أيده كاس خم"را
واحد من صحابه يُدعي ساهر
ساهر وهو بيشرب سجاير: وهو ابوك هيفضل مقلل منك كدا
فريد بضيق: مش عارف حاجه تضايق الخُلق
رؤوف: هو ابوك كان عايز يرمي بت عمك للراجل الغريب دا ليه ما أنت موجود وكدا تبقي ضامن المصنع أكتر
فريد: في سر ان ابويا مش راضي خالص قولت قبل كدا إني اتجوز داليدا الغريب انه رفض
ساهر: حاجه غريبة صح
رؤوف: ياعم هو ابوه نفسه اوضاعه غريبة كدا
فريد: ابويا خايف مني مش عارف ليه حاسس ان انا ممكن أغدر بيه عشان كدا مشغلني معاه بس من غير ما امسك حاجه
ساهر: مش للدرجادي ياعم غدر ايه بس
فريد: بكلمك جد والله بس عادي مش مهم دماغي هتجبلي قدهم واكتر منهم
رؤوف: عارف انا زعلان من حاجه واحده خسارة بنت تروح لواحد غريب
فريد بضيق: ما تحترم نفسك ياض دي بنت عمي برضو
ساهر: ياعم احنا مش قصدنا ما بنت عمك في الاخر هربت لامواخذة
فريد: هربت من عمايل امي ومن عمايل ابويا أكتر فيها
رؤوف: ابوك وامك بيكرهوا عمك ومراته كدا ليه ياعم دا حتي بنت عمك برضو بيكرهوها
فريد بشرود: عشان كدا بقولكم فيه سر والله غريبة انهم يكرهوا حد بالطريقة دا سر كبير كمان ومسيره هيتعرف
