رواية نوران الفصل الثاني بقلم كريمة حماده

 

نوران الفصل الثاني بقلم كريمة حماده

الفصل الثاني

: ازاى مقدرتوش تخطفوها وتجبوها انتو بهايم 

_ يا باشا دى كانت وسطهم مقعدتش لوحدها خالص 

:غورو من وشى ، غوووورو

"قعد على الكرسى بإهمال وغضب وقال بحقد: هجيبك يا نوران هجيبك ، مبقاش بعد حب السنين دى كلها وفى الاخر اسيبك لابن نصران .."خرج صورتها من الجاكت بتاعه وبصلها ودموعه نزلت وقال بحزن: انا حبيتك يا نوران ، حبيتك اكتر من اى حاجة فى الدنيا دى ، بس انتى اللى عملتى فيا كدا ، رفضك ليا هو السبب ، خليتى امير واحد تانى خالص ..بس وحياتك عندى لجيبك واخليكى تسامحينى وتحبينى يا اما...اموت على ايدك ..

______________________& 

فى المول كانوا البنات بيلفوا واشتروا حاجات وكل ما يجيبوا حاجة لنوران مترضاش بيها وتقولهم معايا..

ملك:بقولكم ايه انا هاخد نوران ونروح محل الفساتين السواريه 

ميساء:مش كنا هناك يا بنتى راجعة تانى ليه 

ملك بخبث:اصل عايزة اصور كم فستان لواحدة صاحبتى خطوبتها قريب برضو 

البنات:ااااااااه طيب يلا روحى هنستناكى تحت عند مالك ومازن 

ملك:تمام ..وشدت ايد نوران ودخلوا اتيليه فساتين جميلة جدا

ملك بمكر:بم انك بقى يا ست نوران ليكى فى التصاميم والخياطة يلا ساعديني ننقى فستان لصاحبتى 

نوران:يمكن ميعجبهاش زوقى يا ملك 

ملك باستنكار:نعم؟معيجبهاش زوقك ازاى يعنى،هى تطول تلبس من زوقك اصلا. يلا يلا بس عشان منتاخرش 

نوران لفت حوالين الفساتين لغاية ما عينها وقعت على واحد جميل جدا عجبها وحبيته واتخيلته على نفسها ومحستش بدموعها اللى نزلت،مسكت الفستان ووريته لملك

_ايه رايك 

ملك بانبهار:ايه الجمال دا مش معقول جميل اوى 

نوران:يارب يعجبها

مالك:يعجبها ايه بس دا هتشبط فيه زى الاطفال 

نوران:طب يلا صورهولها

ملك بخبث:عينيا. اقفى بيه كدا 

_____________& 

تحت فى كافيه المول كانوا قاعدين بيتكلموا ويضحكوا الا مالك كان ساكت وبيفكر فى حاجة،وصلتله رسالة وكان محتواها صورة وقام فجأة

_انا طالع فوق لملك فى مشكلة معاها هحلها ونيجى،ومشى مستناش الرد منهم 

..فى ايه يا ملك 

نوران اتخضت من وجود مالك 

ملك:بص انا تعبت بقى من مراتك من سعة ما جينا مش عايزة تشترى حاجة بس عجبها الفستان دا وهى مش راضية تاخده 

نوران بصدمة: انتى بتقولى ايه انتى مش قولتيلى أن دا لصاحبتك يابنتى 

ملك ببرود:ما انتى صاحبتى عادى يعنى 

نوران سكتت ومعرفتش ترد وماسكة نفسها عن العياط بالعافية ومالك لاحظ..

مالك:ملك انزلى تحت وقولى لمازن يروحكم وانا هجيب نوران وراكم 

ملك بضحك:اوكى هكرفهوملك يسطا وجريت من قصادهم

مالك للكاشير:لو سمحتى جهزيلنا الفستان دا..وانتى تعالى معايا برة  

مالك بحدة خفيفة:مش عايزة الفستان ليه يا نوران 

نوران:واجيبه ليه وانا مهحضرش الخطوبة 

:السبب بقى اللى يخليكى متحضريش وكمان بتنامى فى اوضتك القديمة ومبتناميش معايا 

نوران:هو احنا مش متخانقين اصلا يبقى انام معاك ليه فى نفس الاوضة

مالك:بقى كدا طيييب..مالك اخد الفستان ومسك ايد نوران ومشيوا وركبوا العربية،بعد شوية وصلوا الڤلة وكانوا البنات بيتفرجوا على الحاجات واول ما شافوهم كانوا هياخدوا نوران معاهم بس مالك شالها وطلع بيها لفوق 

ميسون صفرت بحماس وصقفت والبنات كذلك،اما نوران فاتكسفت وحاولت تنزل معرفتش 

مالك قفل باب الاوضة وبصلها و:ابقى ورينى بقى هتنزلى تحت ازاى تانى غير باذنى 

نوران:افتح الباب يا مالك بيه خلينى انزل لحد يجى وميلاقنيش 

مالك بللامبلاة:وايه يعنى واحدة قاعدة مع جوزها ليهم دخل في ايه 

نوران بترجى:مالك بيه ارجوك افتح الباب خلينى انزل 

مالك حضنها وهى اتفاجئت وكان بيطبطب عليها ويهديها وهى ما صدقت وعيطت جامد  

مالك بحنان'اششش اهدى اهدى كل حاجة هتتحسن صدقينى 

نوران ببكاء:وانا تعبت بجد والله امتى هرتاح بقى 

مالك مسك وشها بين أيده الاتنين وقال:انا مش هسيبك الا لما اجيبلك حقك فاهمة خليكى واثقة فيا 

نوران:فى النهاية هتسبنى وكل واحد يرجع مطرح ما جيه 

مالك بمكر:دا عند ست الوالدة يا حبيبتى 

:ها قصدك ايه 

_قصدى يا نوران يا روحى طلاق مفيش رجوع البلد مفيش خروج من البيت دا مفيش فهمتى

نوران بحدة:بس دا مكانش اتفاقنا يا مالك بيه ولا نسيته 

مالك ببرود:لا منستش..منستش أننا متجوزين على ورق وباتفاق إن بعد ما تبان الحقيقة وبرائتك تظهر هطلقك،منستش انك رفضتى تيجى معايا هنا على انك مراتى وفضلتى على انك جاية من البلد تشتغلى وتحت اصرارك انا وافقت ها اقول تانى ولا كفاية 

نوران:وممكن افهم بقى حضرتك نقضت الاتفاق دا ليه 

مالك قرب منها وبصلها بعمق ومسك أيدها وهى اتكسفت جدا وكانت فاكرة هيقول كلمة رومانسية بس صدمها رده للاسف 

مالك بخبث:اصل..اصل انا مبحبش اكل غير من تحت ايدك اتعودت بقى سنة بحالها باكل منك 

نوران اتصدمت واضايقت وضربته على كتفه و:يا باااارد عاااااا هات المفتاح 

:تؤتؤ

_هات المفتاح يا مالك بيه ارجوووك عايزة انزل 

مالك عطاها المفتاح ببرود وهو بيضحك ضحكة خبيثة وهى فتحت الباب ولسة هتخرج وقفها 

:متنسيش تعملى رقاق على الغدا يا حبى 

نوران لفتله بضيق وخرجت وقفلت الباب جامد 

مالك بعد ما خرجت طلع تلفونه واتصل بحد وقال كلمة واحدة:نفذ

قفل معاه وبص قدامه بغموض و:هانت خلاص وساعتها محدش هيقدر يبعدنى عنك يا نوران قال طلاق قال دا عند ابوكى الحاج عسران 

_____________&

:طول ما هى فى بيت مالك نصران مش هنعرف نجيبها يا باشا 

_تتصرف انا عايزها قبل معاد المحكمة مفهوووووم

:مفهوووم يا باشا 

_انصرفوا...هانت يا نوران مش هخليكى تتهنى معاه يا تكونى ليا يا..يا مع السلامة فى حياتك بقى..

___________________& 

"كانوا قاعدين على السفرة مستنيين العشا وبيضحكوا ويتكلموا فى تفاصيل الحفلة ، الا مالك كان قاعد ساكت ..

نوران بابتسامة وهى بتحط الاكل : الف هنا عليكم 

ميسون: يلا اقعدى كلى معانا 

نوران بتوتر: لا انا اكلت بدرى 

ملك : اكلتى امتى يا بنتى ، دانتى من سعة ما جينا من المول واقفة بتعملى الاكل 

نوران : ما..ما اكلت جوة عادى ، مش جعانة يعنى...عن اذنكم 

"البنات بصو لمالك بهدوء وضيق ومرضيوش ياكلوا ، فاتنهد وقام دخل المطبخ لقيها بتغسل المواعين ، هز راسه بيأس منها وقرب شالها على غفلة وهى اتخضت 

نوران بخضة: مالك بيه ، فى ايه نزلنى 

"مالك مردش عليها ، وطلع بيها من المطبخ ...قعدها على كرسى السفرة جنبه وحط قصادها الاكل وقال بنبرة حازمة : متقوميش الا لما تخلصى اكلك 

"نوران بصت للبنات لقيتهم بيحاولوا يكتموا الضحكة ، وبعدين بصت عليه وهو متجاهلها ، بدأت تاكل وكان باين عليها الجوع ، فبصولها البنات بشفقة اما مالك بصلها بغموض..

_______________________& 

"فى اوضة مالك ..

مالك كان قاعد على السرير وباين عليه الغضب ، سمع طرق الباب وسمح بالدخول

دخلت بهدوء وتوتر ووقفت وراه وحمحمت ..قام مالك ومسكها من أيدها وقال بعصبية: انتى بتعملى فى نفسك وفينا كدا ليييه

نوران بوجع : م.مش فاهمة 

مالك بزعيق: لا فاهمة ، فاهمة يا نوران كويس انا بقول ايه 

نوران بألم: مالك بيه ايدى وجعتنى 

"مالك ساب أيدها واتنهد بغضب ، لف وشه وقال بجمود : اطلعى برة يا نوران ، روحى لاوضتك فى المطبخ 

نوران بغيظ : على فكرة يعنى احنا مكناش بنحب بعض ولا نعرف بعض عشان تتحمق وتتعصب عليا كدا ، وانا من الاول اتفقت معاك انى لو جيت هنا هاجى على انى خدامة مش اكتر 

"لفلها مالك وبصلها برفعة حاجب ، ابتسم بسخرية وهز راسه بيأس ومردش عليها ودخل الحمام وسابها..

نوران بتشنج : باااارد

قطعها رنة فونها وكان جدها اللى بيتصل ، ردت بلهفة واشتياق : جدو حبيبى وحشتنى اوى 

:وانتى يا عيون جدك عاملة ايه

نوران بدموع: انا ..انا كويسة يا حبيبى 

: عندى ليكى خبر حلو اوى 

نوران : خير يا جدو 

:امير 

"نوران اول ما سمعت اسمه قلبها دق بخوف ورعب ، بصت لمالك اللى خرج من الحمام وقعد على السرير ومسك اللاب ، فقالت برعشة: م.ماله

: المصنع بتاعه اللى هنا فى البلد اتفج.ر 

"عيونها وسعت بصدمة وبصت لمالك بشك ، لمحته وهو بيبتسم بهدوء وباصص فى اللاب ..قفلت مع جدها وفضلت بصاله شوية وبعدين خرجت من الاوضة..

"اما مالك فكان عارف انها بتكلم جدها وقالها الخبر ، وهو كان بيتفرج عليه على اللاب بخبث وقال : أول خطوة للانتقام اتنفذت خلاص..

الفصل الثالث من هنا

تعديل المقال