رواية احببت شخصيتها الفصل الثالث 3 بقلم رحمه محمد

 

رواية احببت شخصيتها الفصل الثالث 3 بقلم رحمه محمد

الفصل الثالث من #احببت_شخصيتها

مالك بصدمه: نعممممم انت بنت 

عائشه برقت بصدمه وحسست علي شعرها وبوقها 

وقالت في سرها يالهوي

اااااا انا لازم انزل 

مسكها مالك من ايديها وقال لها 

استنا فهمني ثم تحدث بسخريه وقال ولا اقولك استني بقا بما انك بنت 

سيب ايدي يجدع انت

مالك باصرار: والله ما انا سيبك غير لما تقوليلي ليه عاملة كده في نفسك 

رجعت عائشه وقعدت علي الكرسي وجيه مالك قعد جنبها علي الكرسي التاني 

 عائشه بحزن قالت: الظاهر كده مفيش مفر منك 

مالك: ايوه قوليلي انا سامعك

اتنهدت عائشه وقالت بعياط وشفايفها بتترعش

ماما لما ولدتني بابا كان عاوزني ولد وللاسف انو ماما بعد ما جابتني بقا عندها مشاكل ومكنش ينفع انها تخلف تاني وبابا بسبب انو بيحب ماما مرضاش يتجوز عليها عشان يجيب الولد ف كان بيعاملني ديما اني ولد حتي لبسي وانا  طفله صغيره كله بتاع ولاد عمي فضل يزعق لي بابا لانه بيلبسني كده وانا لسه عندي شهور بس بابا قاطع عمي ومبقاش يتكلم معاه وقاله ده ابني وانا البسه زي ما انا عاوز 

كبرت وبقا عندي خمس سنين وكنت بروح الحضانه كنت بشوف كل البنات لابسين فساتين وانا الوحيده اللي كنت بلبس تشيرتات وبناطيل وكنت بلبس كاب 

ده بابا كان مسميني ياسر 

انت عارف اصلا الحمدلله انو عمي هو اللي راح وسجلني عائشه المهم اني رجعت في يوم من الحضانه وقعدت اعيط  لماما كتير لانو صحابي اتريقوا عليا وفضلوا يقولولي عائشه الولد اهو جيه 

ماما اتحيلت علي بابا انو يخليني البس فساتين واكون بنت بقا زي ما ربنا خلقني بس هو كان رافض بس ماما جابت خالي الله يرحمه يقف قصاده وعمي كمان وقف قصاده لحد ما وافق بالاجبار بقيت بلبس فساتين وبسيب شعري الطويل علي ضهري كنت فرحانه انو اخيرا هبقي بنت ومحدش هيتريق عليا  وبعد سنه لما بقي عندي ٦سنين جيه يوم خلاني انا اللي اتمني ابقي ولد اا

مالك: متعيطيش كملي 

خدت نفس طويل وقالت 

سكن عندنا في العماره ناس جديده وفي اليوم ده بابا كان في الشغل مطول شويه وجم خبطوا علينا عشان يتعرفوا علينا وكده 

عمو اللي كان مع طنط كان بيبوصلي بنظرات وحشه انا كنت بعرف افرق بين النظره الكويسه والنظره الوحشه 

المهم جم قعدوا وهو طول الوقت كان عينوا عليا وانا كنت كل ما ابصله امسك ايد ماما جامد لاني كنت خايفه من نظراته 

النور قطع ساعتها ماما خرجت عشان تشوف العداد وطنط خرجت معاها وهو كان قاعد علي الكرسي وانا كنت قاعده علي الانتريه لقيته جيه وقعد جمبي وكان عمال يقولي انت جميله اوي ي عائشه عينك تحفه وحسس علي شعري وشمه وقال وشعرك حلو اوي مره واحده لقيته عمال يحسس علي دراعي 

بشكل قزر قومت جريت علي طول وصوت باسم ماما 

ماما رفعت العداد وجت جري علي صوتي هي وطنط 

قالت لي مالك ي عائشه بصيت علي عمو ده لقيته بيبتسم بسمه خبيثه انا خوفت منه ومقولتش لماما حاجه وقولتلها اني كنت خايفه من الضلمه 

كان كل يوم وانا راحه المدرسه يوقفني ويمدح فيا وفي جمالي وطول الفتره  ديه مخلتش من نظراته القزره اتخيل واحد كبير بيبوص لطفله صغيره 

وجيه بردو في يوم وانا راحه المدرسه راح شايني من علي السلم وانا فضلت ازعق واقوله عمو نزلي سيبني انا بعرف امشي نزلني وفضل يمسك شعري ويشمه بردو ويقولي انتي قمر اوي هو في بنات حلوه زيك كده ويشم شعري طلعت جريت علي بابا في ثانيه وحكتله كل حاجه وانا بعيط وقولتله اني انا هكون ولد وهلبس زي الولاد واسمي هيكون ياسر بس بالله عليك ي بابا نمشي من هنا وفعلا بابا راح ضرب الراجل ضرب الراجل تاب عليه وجينه هنا وانا بتعامل مع الكل علي اني ولد بابا مات وانا عندي ١٥سنه انا ساعتها سبت المدرسه بسبب التنمر اللي كان بيحصلي ومكملتش دراسه مع اني كان نفسي اكون مهندسه بس ياله بقا  

وماما حاولت تقنعني اني اكون بنت بقا واتصرف علي طبيعتي 

وجيبالي فساتين كتير جدا علي امل اني اصحي في يوم والبس واحد منها واكون بنت زي ما ربنا خلقني بس انا اللي حصل معايا مش سهل ومش سهل بعد ٢٦سنه اتعامل اني بنت تاني وغير كده انا لازم اكون راجل البيت عشان محدش يستجرا يقرب مني او من امي انت عارف انا والله نفسي اكون بنت مفيش وحده بتتمني تكون ولد بس انا خايفه انو حد يعمل فيا كده تاني او يبوصلي نظره خبث تاني عارف عمي كان كل فتره يجي ويضربني عاوز يخليني ارجع بنت واتصرف زيهم بس انا مبرضاش انا اصلا معرفش ازاي البنات بيتصرفوا ده حتي صوتهم رفيع كده انا بطخن صوتي ديما هو اه ده مش صوتي الحقيقي بس لازم اتكلم كده وبقالي مده كبيره بتكلم كده  ف خلاص اتعودت 

اتكلم مالك وهي عينه دمعت من كلامها ومن عياطها وقال

يعني انتي بقالك ٢٦سنه كتمه كل ده في قلبك 

عائشه بعياط هستيري: ايوه انا بجد تعبت حاااسه اني خلاص هموت وانا كده انا نفسي اكون بنت والله بس خايفه اوي 

حضنها مالك وفضل يطبطب عليها وقال لها عشان يخرجها من حزنها 

الله الوكيل اني من اول ما شوفتك وقولت استحاله  العيون ده تكون عين ولد 

الله الوكيل عيونك ما الها حل العيون الزتوني دوبتني 

ضحكت عائشه وسرعان ما افتكرت انه واخدها في حضنه 

بعدت عنه وقالته 

شكلك خت عليا علي فكره ابعد كده عني 

قال مالك بضحك

خلاص ي اخ عائش هبعد اهو 

انا هنزل 

عائشه صدقيني شخصيتك حلوه اوي ومتخافيش انا معاكي ولو هتغيري من نفسك فتكوني هتغيري من شكلك عشانك مش عشان حد 

تمام 

ونزلت عائشه ولاول مره في حياتها تفتح الدولاب بتاع الفساتين لبست فستان لونه احمر طويل وبكم وشعرها كان مفروض اصلا ف وقفت قدام المرايا وشافت نفسها 

كان شكلها جميل اوي عائشه لي لحظه كانت هتتضعف وهتحب شكلها كده بس افتكرت انو بسبب جمالها ده هتكون مطمع لكتير من الناس ف غيرت ولبست هدومها اللي كلها اسود في اسود

ونامت 

تاني يوم صحيت علي زعيق 

في اي ي ماما 

شدها من شعرها وقال 

تعاليييييي هناااااا ي بنت الجزمه لحد امتي هتفضلني كده قولتلك انتي بنت وهتتصرفي زييي البنااااااات انتي فاهمههههههه

 جميله: سيبها ي عاصم بالله عليك انا قولت انك عمها وهتيجي تتكلم معاها براحه 

عاصم: انا اتكلمت معاها كتير الظاهر هي مش بتفهم 

زقها علي الارض وقال 

يوم الخميس الجاي كتب كتابها علي علي ابني 

عائشه بصدمه.............. يتبع

 

صلوا علي شفيعكم يوم القيامه 

           الفصل الرابع من هنا 

لمتابعة باقي الرواية زوروا قناتنا على التليجرام من هنا

تعديل المقال