رواية ماذا لو عاد معتذرا(كاملة جميع الفصول)بقلم زينب محمد

 

 ماذا لو عاد معتذرًا الفصل الاول بقلم زينب محمد

الفصل الاول

*تجلس شارده علي إحدي طولات مطعمها المفضل وامامها مشروبها الذي تعشقه وهو " الشوكولاته الساخنه " مع قطعه من "دوناتس الشوكولاته" تطاير خصلات شعرها الاسود متوسط الطول مع نسمات الهواء الآتيه بصُحبة صوت موجات البحر المحببه..تستفيق علي صوت نغمة هاتفها*

_" اجابت في بعض من الضيق "...

 ايه يا مريم انتي فين كل دا بقالي كتير مستنياكي

× عقبال مالبست ماانتي منزلاني بطريقه غريبه وكمان الطريق زحمه بس خلاص قربت اوصل للكافيه اهو ..

المهم اطلبيلي نسكافيه ساده وكيك عشان جعانه انا قربت خلاص

_ماشي اخلصي يلا 

× حاضر هطير فوق العربيات

_هيهيهيهي خفه اوي 

يلا سلام 

*اغلقت هاتفها مع صديقتها المُقربه وعادت لشرودها مره أُخري فيما حدث صباح هذا اليوم*

         (فلاش باك)

*الساعه العاشره والنصف صباحًا استيقظت ورد علي صوت هاتفها ولكنها تغافلت عنه عندما وجدته رقم مجهول الهويه ولكنها اجابت مُتأففه عندما ازعجها مره أُخري بإصراره عليها*

_ألو ..مين

=ازيك يا نسمة البحر

_" في غفوتها التي مازالت بداخلها "...الرقم غلط

=........

*اغلقت الهاتف وكأن شئ لم يكُن وكأنه حِلم عابر مرت بِهِ داخل منامها*

*بعد مرور عدة ساعات أُخري استيقظت ورد من نومها كالعاده واحضرت فطارها واثناء تناولها له اعلن هاتفها عن اتصال مره أُخري نظرت لهذا الرقم الغير مسجل لديها وفكرت ثواني لعدم الرد ولكن في نهاية الامر اجابت*

_ ألو

= نسيم البحر

_ " ماهذا لا يوجد احد يعلم بهذا الاسم " هذا ماحدثت بِهِ ذاتها قبل ان تُجيب

...الرقم غلط... 

*اغلقت الهاتف وهي تفكر اين سمعت هذا الصوت من قبل ولكن قبل ان تصل لنتيجة لهذا التفكير اعلن هاتفها عن اتصال آخر*

_ ألو مين معايا

= سَليم يا ..يا ورد 

_ " لا تستطيع الاجابه او اخراج نفسها الذي احتبس بداخل رِئتها "......

= انا عمري مانسيت صوتك يا ورد او يا نسيم البحر عمري مانسيت

ولما قولتي الرقم غلط استغربت مستحيل اتلغبط في صوتك

_ انت جبت رقمي منين

= انا مامسحتوش من عندي اصلا كل ارقامك معايا وكل حاجه تخصك معايا ماقدرتش امسحهم ولا انساهم ولا انساكي

حتي لو كنت ف يوم مسحتهم ف انا حافظهم ومحفورين جوا عقلي وقلبي 

_ هو انت عاوز ايه ياسَليم متصل ليه 

=جاي اقولك سامحيني انا بعتذرلك عن كل حاجه عملتها فيكي اخر فتره  كنت غلطان فيها

_ وبعدين

= ممكن تسامحيني انا اسف

_ طيب مسمحاك

= بجد !!

_اه والله مسمحاك 

مالك مستغرب ليه

=اصل ازاي سامحتيني بسهوله كدا 

_ عادي اعتقد فات وقت طويل جدا ع كلامك دا 5 سنين

وانا نسيته والصراحه كنت نسياك انت شخصيًا 

=نسياني !!

ونسيتي كل حاجه!!

نسيتي سنه كامله ازاي 

_ والله فعلا انا مش فاكره حاجه مش فاكره اي تفاصيل 

يمكن عشان الموضوع مش مستاهل ومش مهم

او يمكن كانت غلطه ليا من البدايه واحنا الاتنين غلطنا مش انت لوحدك وعشان كدا مسمحاك

عشان انا غلطت من البدايه اني سمحت بدخولك حياتي 

= انا بقا مانسيتش اي حاجه خالص ف كل يوم من 5 السنين دول 

مانسيتش صوتك وصورتك مانسيتش تاريخ ميلادك والحاجات اللي بتحبيها 

مانسيتش ضحكتك مانسيتش كل نصايحك ليا في وقت كنت بدمر كل حياتي

مانسيتش اللحظات اللي كنت بقرألك فيها قرآن وانتي تعبانه عشان تهدي 

مانسيتش اي كلمه قولتهالي ف يوم

حتي مانسيتش دموعك اللي نزلت بسببي 

_ مش فاكره اي حاجه من دي كل اللي افتكرته من كلامك هو الوجع اللي حسيته ف اخر فتره بسببك 

=انا اسف اني فكرتك بالوجع دا 

_ عادي ولا يهمك

= ايه اخبارك خلصتي جامعتك 

_ اه خلصت واشتغلت وخطوبتي كمان شهر

= " صمت لثواني بصدمه غير متوقعه ثم اجاب بغصه بحلقِهِ وبصوت ظاهر بالكاد "...

مبروك يا ورد ربنا يوفقك

_عقبالك قريب 

= ان شاء الله 

_ممكن سؤال انت راجع ليه وعاوز ايه 

=قولتلك جاي اعتذر عن اللي صدر مني 

_ يعني انت عاوز تقنعني انك جاي بعد 5 سنين عشان تعتذر وبس

= اه كنت بأنب نفسي طول المده دي 

ولو سمحتي مش عاوز حد يعرف اني كلمتك واعتذرت منك

_ليه !!

= عشان مش عاوز حد يعرف عني حاجه 

_ لا انت كبريائك هو اللي مانعك تعرف حد انك جيت تعتذرلي 

وواضح انك بذلت مجهود نفسي كبير اوووي عشان تكلمني وتقولي كلمة اسف وتعتذر

=" مع ضحكه بسيطه خرجت بالكاد من بين ضلوعه"..

طول عمرك فهماني ياورد حتي بعد السنين دي كلها ودا اكتر حاجه كانت محبباني فيكي فوق حبي ليكي

_ " كان الرد الوحيد هو الصمت لعدم مقدرتها علي العثور علي اجابه واضحه "........

=تخيلي يا ورد انا عمري ماحبيت حد قدك قبل كدا او علي مااعتقد ماحبتش حد اصلا غيرك حتي بعد ماسبنا بعض ماقدرتش احب حد بعدك ولا اشوف حد غيرك دايمًا صورتك كانت قدامي وضميري اللي بيقتلني كان بيقولي انت غلطت 

" وبصوت حزين اكمل حديثه .." 

انا حبيتك بس في وقت غلط ودي كانت اكبر غلطه اعملها في حياتي عارف اني خسرتك ودلوقتي اتأكدت اني خسرت وللابد 

بس انا بجد بعتذرلك ولو ماكنتيش سامحتيني كنت هفضل اتودد ليكي لغاية ماتسامحيني 

بس انتي زي ماانتي صافيه ومسامحه وعشان كدا سامحتيني

_ ماحصلش حاجه وانسي وانساني وامسح ارقامي وامسح اي حاجه تخصني لو فعلا كلامك صدق 

= حاضر ..رغم اني قولتلك كله محفوظ جوا عقلي وقلبي 

_ اتمنالك التوفيق

= وانتي كمان ..سلام

_مع السلامه

*اغلقت الهاتف ولكن علي الاتجاه الأخر يوجد شخص يرغب في البكاء حزنًا علي خسارته لهذا القلب الذي احبه بصدق ولكن نتيجه لغباءه ضيعه من بين يديه..جاء حتي يُصلح هذا الشرخ بينهم ولكن كان فات الأوان واصبح كسر عميق واصبحت هي لشخص آخر بالتأكيد يستحقها..اكمل طريقه متمنيًا لها التوفيق وطالبًا من الله ان يُزيل حبها من قلبه ويرزقه بحب آخر صادق*

*عادت من شرودها عندما استمعت لصوت هذا النادل الذي تشكره صديقتها وتعطيهِ ثمن مشترياتهم*

_"نظرت لها مستغربه "

جيتي امتي ؟!

× من شويه وانتي سرحانه وماحستيش بيا لدرجة اني اكلت وشربت النسكافيه وانتي في دنيا تانيه 

_اها

× تعالي نتمشي انا طلبتلك شوكليت تاني بدل اللي برد 

_ يلا

× مالك...

لكي يصلك البارت فور نزوله اكتب في بحث جوجل رواية ماذا لو عاد معتذرا عشاق الرويات وستصلك الرواية كاملة

 

لمتابعة باقي الرواية زوروا قناتنا على التليجرام من هنا 

جاري كتابه الفصل الجديد للروايه حصريا لعالم عشاق الرويات اترك تعليق ليصلك كل جديد أو عاود زيارتنا الليله

تعديل المقال