.jpeg)
رواية انت سندي الحقيقي الفصل السابع 7 بقلم نور محمد
#انت_سندي_الحقيقي
وخرجت الحبوب علشان تحطها في العصير بس فجئه لقت الي بيمسك ايدها بقوه وبيقول
انت بتعملي ايه يازبال'ه
هبه اتخضت ووقعه الحبو'ب منها مسكها حسن الي برق اول ماشافاها
هبه بخوف منه:حسن افهم انا انا بس
وقبل ماتكمل كان كف قوي من حسن نزل على وشها وقعت على الارض من قوته وشفتها نزف'ت
حسن بغضب:انتي ايه ياحيوا'نه بتحطي حبو'ب لمراتي علشان متخلف'ش ياهبه
هبه كانت بتترعش من الخوف قدامه ومريم دخلت على صوتهم لقت هبه على الارض جرت عليها بخوف:هبه انتي كويسه مالك انت ضربتها ياحسن
حسن بضيق:ايوه ضربها يامريم وانتي متدخليش في الموضوع ده احسن
مريم زعلت منه لانه اول مره يكلمها باطريقه دي وسماح طلعت فوق تشوف في ايه انصدمت وجرت على هبه
سماح بغضب:انت اجننت ياحسن بتضرب اختك ليه؟!!
حسن ببرود:يعني مش عارفه ليه ياماما اكيد بتعمل كده وانتي عارفه
سماح بتوتر ظاهر:هي هي عملت ايه يعني!
حسن بغضب:بنتك ياماما بتحط حبو'ب لمراتي علشان متخلف'ش والله اعلم من امتى بيحصل ده
بصت عليه سماح بخوف ومريم بصدمه كبيره
هبه بدموع:انا عملت كده علشانك انت بس
حسن بنرفزه:انتي تخرسي خالص لو سمعت صوتك حموت'ك فاهمه
سماح بغضب:انت بتهدد اختك كمان ياحسن وعلى فكره هي عندها حق في الي بتعمله في مراتك
حسن بصدمه:انتي ياماما عاوزه تأزيني في مراتي كمان ليه هي عملت ليكم ايه؟!! انا لولا اني نسيت الفون ورجعت علشانه فدخلت المطبخ علشان حسيت بالعطش مكنتش كشفت بنتك الزبال'ه دي
سماح ببرود:روح اسئل مراتك الي مغفلاك وعاوزه تجيب عيل منك علشان تخلص منك بعدين وتاخد كل حاجه
بص حسن ومريم بصدمه من كلام سماح ومريم مش فاهمه حاجه ودموعها خانتها ونزلت بقهر
حسن بص على مريم وقال بضيق:انتي بتقولي ايه اكيد هبه كذابه انا مراتي مستحيل تعمل كده ابدا ياماما
سماح بسخريه:ماهو حبك ده الي عاميك عن الحقيقه ياحسن ومصيرك حتعرفش يابن بطني
هنا اتكلمت مريم بدموع ووجع:ماما انتي بتقولي ايه انا عملتلك ايه علشان تتهميني بطريقه الوحشه دي حرام عليكي والله
حسن بحزن على مريم وقرب وحضنها قدامهم:متزعليش ياحبيبتي انا واثق فيه اكتر من نفسي وانتي ياماما انا
متخيلتش انك ممكن تأزيني باطريقه دي وانا الي بقول اهلي الي حياخدو بالهم من الأمانه الي ربنا عطهالي طلعتو اكتر ناس بتأزيني فيها انا حمشي انا ومراتي ومش حتشوفي لينا وجود تاني
انصدمت سماح من كلام حسن:لا ياحسن استنا يابني متمشيش علشان خاطرى انا معنديش غيرك انت واختك بس
بس حسن اخد مريم وطلع وتجاهلها راحو على اوضهم ولمو حاجاتهم علشان يمشو من العماره كلها
وسماح بصت على هبه بغضب وقالت:مبسوطه اهو اخدت اخوكي مننا وحتمشي بيه بسببك
بصت عليها هبه بدموع وقالت:ماما انا اسفه انا بس
وقبل ماتخلص سماح سبتها وقامت وهبه فضلت تبكي على الي حصل قامت بعدها وخرجت من العماره كلها
ووصلت لعنوان تاني قدام شقه وخبطت عليها
فتح ليها خالد الي كان قاعد بابنطال بس ونصدم منها وقال:هبه حبيبتي مالك حصل ايه معاكي
هبه بدموع:وسع الاول وانا ححكيلك كل حاجه
خالد بتوتر:تمام ادخلى وقولي حصل ايه
دخلت هبه الشقه وخالد قفل الباب بسرعه قبل ماحد يشوفه وقرب من هبه وهنا كانت صدمه هبه في خالد اكبر ياترى حيحصل ايه فيها
#البارت_السابع
