رواية عندما يعشق الصخر الفصل الثالث 3 بقلم نور محمد

 رواية عندما يعشق الصخر الفصل الثالث 3 بقلم نور محمد

#الفصل الثالث

#عندما_يعشق_الصخر

صخر بحزن وألم حقيقي عليها: انا اسف ياتالين سامحيني 

لكن تالين كانت في عالم اخر من ألم قلبها حتي استفاقت على كلمته تلك التي شعرت انها نابعه من قلبه حقا ولكن ماذا ستفيدها تلك الكلمه الأن بعد ماحدث ظلت على حالها وهي بين احضانه لانها الأن منهاره حقا وتحتاج هذا العناق حتي تستريح قليلا من ألم قلبها الذي ينزف بشده 

مر الوقت على هذا الحال حتي سمع صخر صوت الباب وواحد من رجاله ينادي عليه 

احد رجال صخر بخوف: صخر باشا كمال بيه وألفت هانم و مازن بيه وصلو حضرتك تحت 

سمع صخر تلك الكلمات حتي صدم بشده وقال:انت بتقول ايه طيب انت شوفهم وانا جاي فورا 

خرجت تالين من حضنه بعد ان هدئه قليلا لتقول: هو في ايه؟ ومين دول؟! 

صخر بتوتر وخوف: دول اهلي ومن زمان ماإجوش هنا بسبب تعب بابا انا لازم انزل ليهم فورا 

ثم اكمل بتحزير: وانتي لو حد منهم شافك هنا حتقولي انك الخدامه الجديده بس اوعي حد يعرف انك مراتي فاهمه وإلا مش حتشوفي ابوكي تاني في حياتك 

امالت برأسها للأمام عدت مرات: حاضر فاهمه بس بابا حيروح فين 

ضخر بهدووء: متخافيش انا حخبيه هنا في القصر ومتقلقيش عليه اوك 

تالين باطمئنان قليلا: تمام 

تركها صخر سريعا للمقابله عائله التي تنتظره في الأسفل الأن

 

****************بقلمي نور محمد *************

ألفت بضيق وهي تنتظر قدوم صخر لاستقبالهم: هو اتأخر كده ليه مش فوق زي ماقال الخادم هنا 

رد عليها مازن (اخ صخر الاصغر) ببرود: متقلقيش ياماما اكيد عنده شغل فوق بس 

كمال بشك لانه يعلم مايفعله صخر من خلف ظهره: شغل مش كده انا حشوف ده بنفسي بعدين 

نظرو جميع لصخر الذي يهبط السلالم بتوتر ظاهر عليه 

صخر بتوتر امامهم: حمدله على سلامتك يابابا ونورتي البيت كله ياماما 

كمال بشك وقلق: مالك ياصخر متوتر كده ليه يابني 

مازن بخبث لصخر: ايوه يابابا حتي شوف جبينه عرقان ازاي اكيد في حاجه حتي نسى يسلم علي اخوه الوحيد 

ألفت بمقاطعه لمازن: انت بتقول ايه يامازن عيب ده اخوك الكبير احترمه 

مازن ببرود: حاضر ياماما اسف ياصخر مقصدش انا الي قولته 

ثم اكمل بتعب: عن ازنكم بقى اروح ارتاح علشان هلكان من السفر.. اخذ حقيبه بسرعه وصعد لغرفته قبل ان يسمع لصخر حتي 

مسح صخر جبينه بتوتر وهو ينظر باتجاه مازن الذي فر سريعا منتظر ما سيحدث الأن وما يوقعه ايضا 

نظرت ألفت لصخر بقلق: في ايه ياحبيبي انت تعبان والا ايه 

رد عليها صخر بتوتر ظاهر في كلماته: انا انا كويس ياماما الحمد لله ادخلو ارتاحو انتو المهم 

كمال بتعب لالفت: ايوه يألفت انا تعبان اوي تعالي اسنديني ادخل جوه 

الفت ببتسامه: حاضر ياكمال بس استنا انادي على حد ياخد الشنط دي جوه

ثم نادت بصوت عالي: ياعماد تعال خد الشنط دي كلها فورا 

حضر عماد لاخد الحقائب لغرفهم ولكن توقف مكانه بعد ان سمعو جميعا  مازن الذي يصرخ بصوت عالي

*************بقلمي نور محمد*******************

في غرفه مازن فوق كان يقف بصدمه وغضب عندما وجد تالين تتسطح على سريره بتعب 

 فصاح مازن بغضب وصوت عالي: انتي مين وازاي دخلتي غرفتي هنا؟!! 

 نهضت تالين بتوتر وخوف منه: انا انا بس يعني 

قاطعها دخول صخر سريعا وباقيه اهله:دي تبقي الخدامه الجديده يامازن جبتها تساعد هنا بس 

مازن بشك وهو ينظر بتفحص لتالين: انت متأكد ان دي خدامه دي مش شكلها خدامه اصلا 

صخر بنفي وتوتر: ايوه خدامه انا جبتها هنا بنفسي 

نظر له كمال ومازن بشك لانهم يعلمو عنه الكتير 

ونظرت الفت لتالين بضيق من جمالها: انتي يابت تعالي هنا فورا 

تقدمت تالين منها بخوف ونظر صخر لامه بقلق: حاضر ياهانم 

الفت وهي تتفحصها ثم نادي بصوت عالي: فوزيه انتي يافوزيه تعالي فورا 

حضرت فوزيه فورا وهي تقول: نعم ياهانم تأمري بحاجه 

اشارت ألفت على تالين: خدي البنت دي عندكم تحت وعرفيها شغلها هنا ايه 

ثم اكملت بحده: وعملي الاكل بسرعه وكمان  عصير  تجيبه هي ليا في الغرفه بتاعتي 

امالت لها فوزيه وهي تمسك يد تالين: حاضر ياهانم 

خرجت واعين صخر تراقب تالين حتي اختفت من امامه ونظر مازن وكمال لصخر بترقب وشك 

كمال بتعب: تعالي ياصخر اسندني لتحت عاوز اتكلم معاك 

صخر بطاعه وقلق: حاضر يابابا 

اسند صخر والده للخروج وخرجت معه اللفت تاركه من يبحر في بحر افكاره بعد خروجهم نعم هو مازن الذي قد اعجب بتالين ولكن لديه شك بها وبي صخر اخاه ايضا 

*******************بقلمي نور محمد *************

في الاسفل في مكتب كمال المنشاوي جلس ليستريح قليلا وامامه يقف صخر باحترام 

كمال بشك وترقب لصخر: عاوز اعرف انت جبت البنت دي من فين 

ثم اكمل بثقه: علشان انا متاكد انها بنت ناس مش خدامه زي ماحضرتك بتقول 

نظر له صخر بتوتر حاول ان يخفيه قد المستطاع: لا يابابا هي مكنتش خدامه الاول بس حصلت ظروف عند اهلها علشان كده اشتغلت خدامه بس 

ثم اكمل بمكر: وانا عرضت عليها تشتغل هنا علشان صعبت عليا بس كده

حاول كمال تصديق ماقاله صخر ولكن في داخله ريبه من هذا الامر ايضا: تمام انا حصدقك ياصخر بس لو طلع في حوار تاني انت عارف انا حعمل ايه 

بلع صخر ريقه بخوف من والده لانه مهما كان فهو يهابه ايضا: متقلقش يابابا انا مش بكذب عليك عن ازنك اروح ارتاح بس شويه 

اشار له كمال بيده: تمام تقدر تتفضل 

خرج صخر من عند والده وهو يبحث بعينيه عنها في كل مكان 

****************بقلمي نور محمد*************

في المطبخ عند تالين كانت تقف بتوتر حتي اتت فوزيه بجانبها 

فوزيه بهدووء:مالك يابنتي انتي اول مره تشتغلي خدامه مش كده 

امالت لها تالين لتتابع فوزيه:متقلقيش العيله دي طيبه اوي واولهم كمال بيه ده انسان كويس اوي هو ومازن بيه زيه 

ثم اكملت بتحزير:بس خدي بالك من ألفت هانم دي عقربه هي وابنها صخر كمان زيها خدي بالك منه اوي كمان 

نظرت لها تالين بحزن عند ذكرها اسمه لتقول في نفسها:لا مانا عرفته خلاص ياخالتي بس وحيات ابويا لحاخد حقي منه بطريقتي 

قاطع تفكيرها صوت فوزيه:انتي روحتي فين تعالي نحضر الاكل بسرعه ليهم قبل ماألفت هانم دي تطين عشتنا 

ابتسمت تالين لها وساعدتها في تحضير الطعام سريعا 

***************بقلمي نور محمد *************

لاحقا على طاولة الطعام تجمعت العائله لتقدم لهم تالين الطعام سريعا لزهاب ولكن قاطعها صوته 

كمال بحنيه لتالين:اتفضلي يابنتي اقعدي  كلي معانا 

نظرت له الفت بضيق:انت بتقول ايه ياكمال دي خدامه ومكانها مش هنا 

نظر لها كلا من مازن وكمال وصخر ايضا بضيق من كلماتها تلك 

ليرد مازن بضيق لوالدته:ماما لو سمحتي انا وبابا مش بنعامل الناس هنا بطبقات كلنا بشر وده شغلها ومش عيب 

ثم اكمل وهو ينظر لتالين بأعجاب ظاهر في عينيه لها وقد لاحظه صخر لتشتعل نار الغيره في قلبه ولا يعلم لما 

:اتفضلي ياتالين تعالي هنا علشان تاكلي معانا..وهو يشير للمقعد بجواره 

نظرت له تالين بتوتر ثم الي صخر الذي اشار برأسه لها ان لا تجلس بجواره بغيره واضحه لتقول:لا شكرا يامازن بيه بس خالتي فوزيه مستنيه  اروح ليها علشان ناكل سوى

ثم انصرفت وهي تتوعد لهذا الصخر الذي يضايقها كتير 

نظر مازن بجواره لصخر الذي ظهرت ابتسامه صغيره على شفتيه بشك ثم نهض سريعا 

مازن بضيق من صخر:انا شبعت عن ازنكم 

الفت بعدم فهم:بس انت مأكلتش حاجه ياحبيبي ليسا حتي 

رد مازن بضيق قد فهمه كمال والده:لا انا مش عاوز اكل اكتر شكرا ياماما عن ازنكم  بقي...ثم رحل 

صخر بعدم فهم وشك:هو مالك اتضايق فجئه كده حد كلمه يعني 

كمال بخنقه لصخر:سيبه ياصخر هو عارف بيعمل ايه كويس 

************بقلمي نور محمد ***************

في المطبخ انهت تالين طعامها لتنظف الاطباق لاحقا حتي اتت هي 

حور بمرح وضحكه: ماما انا جيت انتي يافوزيه هانم 

نظرت لها فوزيه بضيق: في ايه يابنت متجيش هاديه ابدا 

حور بضحك: لا برضو ينفع بنتك الكيوت دي تبقى هاديه 

ثم تابعت بأعجاب بعد ان رأت تالين: الله مين المزه دي ياماما وبتعمل هنا ايه 

فوزيه ببتسامه لتالين: دي تالين حتشتغل هنا معانا من نهاردا 

جور بمزح: بقى دي خدمه انا والله قولت عليها هانم علشان  جميله اوي زيهم 

نظر لها تالين بخجل: شكرا ياقمر ده من زوقك 

فوزيه بضيق من حور: روحي يابت غيري هدومك دي علشان تساعدني هنا بقى 

حور بتزمر: يووه بقى حاضر 

ثم تابعت بغمزه لتالين: حرجع نتعرف على بعض اكتر  ياعسل اوك 

امالت لها تالين ببتسامه ثم قالت لفوزيه: بنت دي زي العسل ودمها خفيف اوي هي بتدرس مش كده 

فوزيه ببتسامه: ايوه ماهو الي موديه في داهيه دمها الخفيف ده ومطفشه كل العرسان بسببه واه بتدرس هندسه الحمد لله ديلوقتي

تالين بحزن عندما تزكرت حالها: ربنا يوفقها يارب 

فوزيه: وانتي مش بتدرسي كمان يابنتي 

تالين بحزن: لا كونت بدرس بس سبته علشان بابا تعبان والازم اشتغل علشانه

فوزيه بحزن على حال تالين: معليش ياحبيبتي بس انتي ممكن لو كلمتي كمال بيه اوي مازن بيه حيساعدوكي في ده زي حور كمان 

تالين ببتسامه حزن: ان شاء الله ياخالتي 

فوزيه: طيب انا حاخد القهوه دي لكمال بيه بسرعه وحرجع ليكي تاني 

امالت لها تالين لتخرج فوزيه من المطبخ وتتركها بمفردها 

************بقلمي نور محمد ***********

بعد قليل جلست تالين تفكر في خطه للانتقام من زالك الصخر وارجاع والدها والهروب من هذا المكان الذي يبدو كسجن لها قاطع خيط افكارها هذا دخوله هو 

مازن ببتسامه:عامله ايه ياتالين ديلوقتي 

تالين ببتسامه حزن:الحمد لله يامازن بيه تأمر بحاجه حضرتك 

مازن بحنيه:لا بس عاوز اتكلم معاكي ممكن 

امالت له تالين بتوتر ليجلس هو امامها وهو ينظر لها بتدقيق في ملامحها الجميله التي سحرته 

بدء مازن حديثه اولا:اول حاجه ممكن اعرف انتي مرتبطه او متجوزه يعني 

نظر له تالين بتوتر من سؤاله هذا وردت بسرعه:لا مش مرتبطه يابيه 

ابتسم مازن برضا:طيب ممكن بلاش بيه دي بينا انا مش بحب الالقاب دي قولي مازن بس 

تالين بخجل منه:حاضر يامازن 

اكمل مازن بسعاده: ممكن نتعرف اكتر يعني اهلك موجودين او لا يعني اسف لو بزعجك انا 

نظر له تالين بحزن عندما تزكرت والدتها ووالدها الذي لا تستطيع رأيته الان:انا ماما اتوفت من وانا عندي اربع سنين  وبابا الي اهتم بيا لاني وحيده 

ثم اكملت بحزن ودموع تكونت في عينيا:بس بابا تعبان دلوقتي علشان كده انا بشتغل هنا 

نظر لوجهها بحزن كبير:طيب انا اسف ممكن تهدي وهو ابوكي في مكان قريب من هنا والا في مكان تاني انا ممكن اساعد لو اقدر طبعا 

نظرت له تالين بدموع عندما تزكرت كلمات عمر والدها لها وماحدث لتقول بلا وعي حتي:بابا موجود معايا هنا محبوس في القصر ده 

سمع مازن ماقلته ليصدم بشده ويقول:انتي بتقولي ايه؟!!!

#يتبع

          الفصل الرابع من هنا

لمتابعة باقي الرواية زوروا قناتنا علي التليجرام من هنا

تعديل المقال