رواية تخطي حدود العشق الفصل الثاني عشر 12بقلم يارا عبد العزيز
تخطي حدود العشق
البارت الثاني عشر
أسر :- تتجوزيني
شروق بصدمة شديدة: ايه
أسر :- بقولك تتجوزيني
شروق :- حضرتك متجوز !!!
أسر :- و فيه ايه يعني هو مش الشرع حلل للراجل اربعة
شروق :- ايوا بس
أسر :- مفيش بس انا عارف انك عينك عليا من زمان
شروق :- طب هو حضرتك عايز تجوزني ليه
أسر :- نبقى نتكلم في الموضوع دا بعدين انجزي عايز رد دلوقتي
شروق :- طب و مراتك و اهلك
أسر بضيق :- يواه بقى اسألتك كتير محدش فيهم هيعرف حاجه جوزانا هيبقى رسمي بس محدش هيعرف بيه هااا قولتي ايه
شروق ببأبتسامة:- ماشي
أسر :- تمام ادخلي البسي و تعالى معايا عند المأذون
شروق :- بالسرعة دي
أسر : اها و اخلصي
شروق :- تمام تعال اتفضل
دخل الصالة ، قعد بثقة و هو بيحط رجل على رجل ، دخلت شروق الاوضة بفرحة ، شروق بتحب أسر من ساعة ما ابتديت تشتغل معاه في الشركة و يعتبر اول حب ليها فكانت في غاية فرحتها
شروق بفرحة :- مش مهم مش مهم متجوز أو لا و مش مهم برضوا ان جوازنا هيكون في السر أو في العلن المهم اني هكون مراته و هكون مع الشخص اللي حبيته بس مراته اكيد هتضايق بس انا عارفه ان جوازهم مش حقيقي فهي اكيد مش هتضايق و كمان احنا مش هنقولها ، فضلت تدور بفرحة في الاوضة و الفرحة مش سياعها و تضحك بصوت
اسر من برا بصوت عالى:- ممكن بسرعة عشان منتأخرش
شروق :- حاضر حاضر
خلصت لبس و خرجت معاه راحوا للمأذون
المأذون:- مين وكيلك يعروسة
شروق :- انا معنديش أهل انا وكيلة نفسي حضرتك
اسر بصلها بحزن و هي صعبانة عليه ، اكتفى انه يبتسملها
تم عقد قران اسر و شروق و اصبحت زوجته شرعا ، أسر خدها و خرج من عند المأذون
شروق :- هو احنا هنعيش في شقتي صح
اسر :- ايوا بس من هنا و رايح انا اللي هدفع اجرها
شروق :- انتي هتروح معايا دلوقتي
اسر :- اه هبات عندك الليلية
شروق :- طب و مراتك
أسر ببأبتسامة : ملناش دعوة بيها خلينا في نفسنا احنا عرسان جداد
شروق بخجل :- تمام
وصلوا البيت في حوالي نص ساعة ، خدها اسر من ايدها و قعد على الكنبة و قعدها جانبه ، ميل عليها و فكلها الطرحة
اسر بتوهان في جمالها اتكلم بهمس :- شروق انتي بتحبني اد ايه
شروق بهمس و خجل :- بحبك اوي يا أسر بحبك لدرجة اني وافقت اتجوزك و اسمح لواحدة تانية تشاركني فيك عشان بس تبقى معايا
قالت كلامها و مقدرتش تتحكم في دموعها اللي نزلت
اسر و هو بيمسحلها دموعها و بيتكلم بحنية :- بتعيطي ليه
شروق :- انت بتحب مراتك صح
أسر :- قصدك ملك
هزت براسها بمعنى ااه
اسر :- لو كنت بحبها مكنتش اتجوزت عليها و بعدين ملك دي واحدة مقـ..رفة تخيلي رفضتني انا اسر زايد واحدة زي ملك اللي انا لامتـ..ها بعد ما مكنش حد عايزاها بعد طلاقها مش عايزيني
شروق : يعني انت اتجوزتني عشان هي رفضتك
أسر و هو بيحط سبابته على فمها :- هششش خلينا في نفسنا
دفـ..ن رأسه فى عنقها اتنفضت شروق بخجل و هي بتغمض عينيها و فجأة رن فون أسر
شروق :- تلفيونك بيرن
أسر :- سيبك منه
قال كلامه و هو بيشيلها و دخل بيها الاوضة ، حاطها على السرير و قعد جانبها ، حاول يقرب منها بس شروق بعدت بخجل
اسر بضيق :- فيه ايه
شروق :- خايفة تبعد عني و اكون كنت مجرد نز..وة في حياتك
أسر :- لا متخافيش انا مش هسيبك
قرب منها برغـ..بة و هي كانت حاسة بفرحة شديدة انها بقيت معاه و اخيرا ، و اصبحت شروق زوجة اسر قولا وفعلا
ملك كانت رايحة جاية في الشقة و هي ماسكة فونها و بتحاول ترن عليه
ملك بقلق و خوف :- يا تري راح فين دي الساعه بقيت اتنين يعني كان لازم تعصبيه يا ملك يا رب يكون بخير يا رب انا خايفة عليه طب انزل لجدو طيب اقوله يشوفه راح فين لا جدو ممكن يقلق و هيسألني ايه اللي حصل ما بينكوا و انا مش هعرف اقوله يواه بقى يا اسر رن و طمني عليك
فجأة فونها رن بصيت على فونها بلهفة و هي متوقعة يكون اسر بس لاقته رقم غريب ، رديت بسرعة و خوف على أسر احسن يكون حصله حاجه
ملك :- الو السلام عليكم الو الو مين معايا
فضلت تقول الو بس محدش رد قفلت المكالمة بأستغراب
ملك :- مين بيرن في وقت زي دا و كمان مش بيرد اكيد غلطان في الرقم يا رب أسر يكون بخير انا بجد خايفة عليه جدا انا الغلطانة احساس صعب ان تكون مراتك رفضك بس انا مش عايزة اكون مجرد رغـ..بة أو شهـ..وة مش هقدر احس دا مع أسر ممكن يكون راح الشركة الاحسن ارن على السكرتاريه بتاعته
شروق كانت قاعدة في حضن أسر و كان ماسك ايديها
شروق :- اسر هو انت مبسوط معايا
اسر :- فوق ما تتخيلي
مسكت فيه بقوة و توهان و حب كبير :- اتمنى اخليك مبسوط ديما يحبيبى
مسك ايديها و قبـ..لها بحب و فجأة رن فون شروق اتصدمت اما لاقت المتصلة ملك خافت بشدة و بصيت لاسر اللي كان دافـ..ن رأسه في عنقها و تايه فيها
شروق :- أسر
اسر :- همممم
شروق :- دي ملك
اسر بخضة:- ايه
شروق :- مش هرد عليها احسن
اسر :- لا ردي عشان متشكش في حاجه وافتحي الاسبيكر
شروق :- ماشي
ردت شروق بخوف شديد:- ا الو
ملك :- الو شروق معايا صح
شروق:- ايوا
ملك :- اسفة لاني رنيت عليكي في وقت زي دا بس كنت بسأل عن اسر هو انتوا في الشركة
اسر علق المكالمة بسرعة
اسر :- ردي عليها و قوليلها ان بشمهندس اسر في الشركة اه بس هو هناك لوحده انا روحت
شروق :- ماشي لو سألتني ايه اللى حصل دلوقتي
اسر:- ضغطت على زرار التعليق بالغلط
شروق بخوف :- تمام
ملك :- الو شروق انتي روحتي فين
شروق :- معلش ضغطت على زرار التعليق بالغلط بشمهندس اسر في الشركة بس انا مش معاه انا روحت
ملك و هي بتتنهد براحة:- تمام
شروق :- سلام
ملك :- سلام
في شركة ضخمة من اكبر شركات المعمار في مصر و الوطن العربي كان قاعد عمر على كرسي مكتبه و فرد جسمه و مرجع راسه لورا
ادم :- مالك فيه ايه باين تعبت انا بقول نروح الوقت اتأخر
عمر:- عايز تروح انت روح انا هعقد شوية عشان اراجع الملفات قبل اجتماع بكرة
ادم : لسه بتفكر في ملك
عمر :- مش قادر ابطل تفكير فيها حاسس ان طول ما هي بعيدة عني رو..حي بتر..وح مني
ادم :- انت بتحبها يا عمر
عمر :- مش عارف بس كل اللى عايزاه انها تبقى مبسوطة و بس وانا متأكد انها مش هتبقى مبسوطة مع اللي اسمه اسر دا بس انا بعشقها يا آدم مش هقدر انكـ..ر دا
ادم : انت بتحب واحدة متجوزة يا عمر خالتي لو عرفت كدا هتطـ..ربقها فوق دماغك
عمر :- ماما بتحب ملك
ادم :- طب هتعمل ايه
عمر :- مش هسبيها معاه محدش هيحب ملك ادي و محدش هيخلي ملك فرحانة غيري انا عارف ان جدها و خالها بيحبوها بس غلطوا غلطة عمرهم لما جوزاها أسر دا
ادم :- بس هو مش راضي يطلقها
عمر :- جرا ايه يا آدم على اساس انك متعرفش عمر الشافعي ولا ايه
ادم بخوف و هو بيبلع ريقه :- ربنا يرحمه
فجأة الباب خبط
عمر :- ادخل
:- اللي اسمه اسر اللي حضرتك طلبت مننا نراقبه راح عمارة في المعادي و خرج من العمارة و معاه واحدة و بعد كدا راحوا عند مأذون و قدرنا نعرف انهم اتجوزوا
يتبع........
#يارا_عبدالعزيز
