رواية غرام تركي الفصل الثالث عشر 13 بقلم لؤلؤه محمد
رسلان قرب من الوحش وهيض'ربه بالبو'كس الوحش وطى ورسلان ضر'ب في الفاضي
الوحش بصوت باين عليه البرود / ما بلاش
رسلان بصله بغضب وقرب منه يض'ربه بالرجل في ركبته لكن الوحش اتشقلب لورا فرجل رسلان جيت في الفاضي
الوحش / افتكر اني قولتلك بلاش وقرب من رسلان بسرعه يض'ربه بالبو'كس في وشه لكن رسلان مسك ايده الوحش رفع ايده التانيه رسلان مسكها برضه راح الوحش ضر'به بالرجل في بطنه ف رسلان زقه بعيد عنه بألم وقرب يض'رب الوحش بالرجل في بطنه بس الوحش سند بإيده على كتف رسلان وبسرعه ومرونه كان اتشقلب وراه وضر'به بالرجل في ركبته من ورا رسلان رجله اتلوت ووقع على ركبته قرب الوحش عشان يض'ربه بالبوكس على راسه لكن رسلان مسك ايده بسرعه وقلبه قدامه فالوحش وقع على ضهره ورسلان لف دراعه حوالين رقابته بحركة خن'ق ولف رجليه حواليه عشان يش'ل حركته راح الوحش عشان يفك نفسه ضغط على شريان التنفس في رقابة رسلان فرسلان سابه لما حس بتنفسه قَل
قعد الوحش على ركبه واحده متنيه على الأرض والرجل التانيه مفروده ورسلان قعد نفس القعده والإتنين بيحاولوا يستردوا أنفاسهم اللي ضاع'ت ورجعوا بصوا لبعض ورسلان كانت عيونه مليانه بالتحدي وإعجاب بإنه بغض النظر عن جسمه لكن فعلاً متفوق في القوة
قاموا تاني ووقفوا الإتنين قدام بعض زي الوحوش اللي مستعده للهج'وم وكانوا لسه هيبدأوا وصلة هج'وم تانيه لكن وقفهم صوت إبراهيم / كفايه كده انتوا الإتنين لو فضلتوا كده اسبوع محدش هيغلب التاني ماشاء القوه متماثله نشوف شغلنا بقى يا شباب كل واحد على مكتبه يلا وخرج راح مكتبه وكل واحد راح على مكتبه يشوف شغله
وفضل الوحش والقيصر
القيصر بنظرة إعجاب / بصراحه بغض النظر عن حجمك بس أرفعلك القبعه على قوتك وشجاعتك دي
الوحش / دي أقل حاجه عندي ومشي لكن رجع وقف تاني وضهره لرسلان/ وانت كمان شجاع وقوي ربنا يباركلك ومشي تاني
____________________
في البيت رسلان وصل وكانوا قاعدين في القاعدة اللي في بوابة البيت / السلام عليكم
الكل / وعليكم السلام
رأفت / تعالى يابني يلا عشان تاكل حاجه انت مكلتش حاجه من الصبح
رسلان / حاضر يا خالتي هغير بس عن اذنكم
طلع رسلان غير وطلع الصاله كانت رأفت وإلهام حطوا الأكل على السفره لتلات أشخاص
إلهام / علي كان مستنيك ياكل معاك يا حبيبي
رسلان وهو بيخبط علي كتفه / والله فيك الخير ياض يا علي
علي بمرح / خير ايه وشر ايه أنا استنيتك عشان لو كنت كلت لواحدي أمي مكنتش هتديني كوم عدل في اللحمه فقولت أستناك عشان تتكسف منك وتكرمني
رسلان وإلهام ضحكوا عليه جامد
رأفت / وحيات أمك أقومك من على الأكل كل وانت ساكت
علي بتمثيل الخوف / الطيب أحسن يا ست الكل هاكل وأنا ساكت
إلهام / هنادي لغرام تاكل معاكم هي كمان أحسن من وقت ماجيتوا مع بعض من بره وهي في أوضتها مخرجتش وراحت تنده غرام
رأفت / واد يا علي أنا عاوزه أفهم انت بتبقى تخرج تروح فين من الضهر لبعد العشا
علي بتوتر / ه ه هروح فين يعني يا ماما بروح المكتب أشوف القواضي اللي عندي وبجهز للمرافعه الجايه
رأفت / من الضهر للعشا مش مرتحالك يا ابن بطني
علي بص على رسلان ورجع بص لمامته/ يا ماما هو أنا يعني هروح فين ماهو من المكتب البيت للمحكمه أنا حتى مبخرجش مع صحابي بعد اذنك بس ياست الكل تعمليلنا شوية شاي على أما نخلص أكل
رأفت / ماشي
رسلان بص على علي وهو بيضيق عيونه / هو انت بجد بتروح المكتب
علي بتوتر / أومال يعني هكون بروح فين
رسلان كان لسه هيتكلم بس قاطعهم صوت غرام وهي بقول بصوت عالي / خيااااناااااااه أخويا وابن عمي واللحمه وفي الصاله ومن غيري مكنتش أعرف انكم غدارين كده وكملت وهي بترفع ايدها/ لا لا لا مكنتش متوقعه الضربه تجيلي من أعز الناس
علي ورسلان بصولها بملل علي / Drama Queen تعالي كلي بصمت مش ناقصه صداع
رسلان / والله يا علي معاك حق ملكة الدراما فعلاً
غرام / ايه اللي على رقابتك ده يا علي
علي بصلها بتوتر وحط ايده على رقابته/ ايه اللي على رقابتي يعني
غرام / كأن حد كان بيخنقك انت كنت بتتخانق مع حد والا ايه
رسلان بصله بصدمه وهو بيحاول يكذب إحساسه
علي / لا خناقه ولا حاجه يا غرام فيه ايه هو تحقيق عن اذنكم وقام بسرعه دخل أوضته
غرام بصت على طيفه/ هو فيه ايه هو أنا قولت حاجه غلط
أما رسلان بص على باب أوضة علي بشرود وتفكير وبعدين قام / أنا هدخل أنام لأني هلكان تصبحي على خير يا غرام ودخل نام
غرام / ايه الناس دي مالهم وفجأه أمها مسكتها من قفاها
غرام / ايه يا ماما هو انتي ماسكه حرامي غسيل
رأفت / كنت محبوسه في أوضتك يابت من الضهر ليه
غرام / تقريباً كنت طالعه من فيلم أكشن وجري وعوم وحوارات وكنت عاوزه أنام أول ماحطيت راسي على المخده محسيتش بنفسي
إلهام / اه صح أنا حتى خبطت عليها ولما مردتش قلقت عليها ودخلت لاقيتها نايمه يا حبيبتي مرديتش أصحيها
رأفت وهي بتطبطب على غرام / طب اقعدي كلي بقى وابقي لمي الأطباق احنا داخلين ننام
غرام / ايه ده يعني محدش هيسهر معايا
رأفت / انتي نايمه طول النهار لكن احنا لأ تصبحي على خير
كل واحد دخل أوضته ينام
______________
عند رسلان كان قاعد في أوضته وهو بيفتكر لما كان بيخنق الوحش بدراعه ورجع افتكر العلامه اللي على رقابة علي وكلام غرام ( كأن حد كان بيخنقك انت كنت بتتخانق مع حد والا ايه )
رسلان / معقوله الوحش يبقى علي بس ازاي مش نفس الصوت صوت الوحش تخين أوي
خبط راسه بإيده / أكيد حاطط مايك مغير الصوت ماهو مش معقوله فيه صوت راجل تخين أوي كده لازم أعرف مين هو الوحش
______________
أما عند علي كان رايح جاي بخوف وتوتر / يخربيت كلامك يا غرام رسلان طبعاً مش غبي وأكيد هيعرف اني مكنتش في المكتب بتاعي ولو حد في البيت عرف مش هيسكتوا طب أعمل ايه بس ياربي
لمتابعة باقي الرواية زوروا قناتنا ع التليجرام من هنا
