.jpeg)
رواية صمم يجرحني الفصل الثالث بقلم مني محمد
كمال:أعرفك بِ ليلي خطيبتي
-بصيت و كلي قلق و توتر و عيني في الأرض مش قادره أبص علي محمود مش خوف لا بل مبقتش قادره أشوفه مش طيقاه هو كمان مصدوم و باصص عليا و بس
كمال:مالكم يا جماعه؟إنتوا تعرفوا بعض؟
محمود بص نظره إستحقار ليا و قال:
ليلي ممدوح الشريف مين في مصر ميعرفهاش يا كمال
كمال:و بتضحك علي إيه يا محمود؟
ليلي:يلا نروح بقي يا كمال الوقت إتأخر لو سمحت
-لقيت محمود قرب من كمال و بصله و راح عند ودنه وشوشه و قال بصوت واضح:
ليلي خطيبتك دي يا كمال شمال أنا قولت أعرفك إنك مختار غلط
و غمز محمود في وش كمال و ضحك ضحكه إستهتار و كل ده كمال مصدوم و واقف يبصلنا و مش عارف يتكلم
-قربت من محمود و ضربته بِ القلم و عيوني علي خدي تنزل و قولت:
أنا أشرف منك و من أهلك إنت لو فاكر نفسك راجل تبقي غلطان
-محمود لسه هيضربني بِ القلم كمال مسك إيده و قاله:
مفيش راجل يضرب بنت يا محترم نزل إيدك بدل ما أكسرها يا محمود
-سبتهم و جريت و عيوني من الدموع بحر مبيهديش أنا كنت خلاص قربت أعيش و كنت خلاص قربت أنساه و قولت الله علي عوض الله و ماسكه فستاني و بجري كان الجو ليل بعيط و حالتي كانت صعبه و بتدور في وداني جمله"شمال"بعيط و بمسح دموعي و فضلت أجري دخلت البيت و وقفت ورا الباب و ركنت عليه و أنا بعيط و قلبي موجوع إزاي يقول عليا"شمال"؟هو أنا عملت إيه غير إني حبيتك يا محمود؟أنا لو أعرف حقيقتك دي مكنتش حبيت خاين بياع كل همه تشويه سُمعه البنات هي دي إللي بيقولوا عليها النهايات أخلاق؟
ممدوح:بنتي حبيبتي مالك؟إيه إللي قطع هدومك كده يا ليلي؟و كمال فين؟حصل إيه يا بنتي؟
نسمه:مالك يا ليلي؟فوقي مالك؟
سعاد:بنتي بتضيع مني يا ممدوح الدكتور يا ناس
-ماما و بابا و نسمه كانت حالتهم سيئه لما لاقوني في الوضع المرعب ده إيجا الدكتور طمن أهلي علي حالتي و قال:
هي كويسه عايزه راحه بس و كمان محدش يعصبها هيبقي خطر عليها
ممدوح:هي بنتي بتبص للسما و مش بتتكلم ليه يا دكتور؟بنتي مالها؟
الدكتور:بنتك عندها صدمه عصبيه نتيجه تغيرات نفسيه الفتره الأخيره أدت إلي فقدان الكلام و إنها متبصش غير للسما لكن مع العلاج هتتحسن
ممدوح:أنا هتصل بِ كمال أشوف حصل إيه و لو هو السبب أنا مش هسكت يا سعاد إدخلي شوفي أختك يا نسمه
نسمه:حاضر يا بابا
-بابا إتصل بِ كمال و قال:
الو يا كمال حصل إيه؟و إيه إللي عمل في ليلي كده؟
رد حد علي بابا و قال:
البقاء لله
