رواية لقاء القدر الجزء الثاني الفصل الثامن عشر 18 بقلم لمياء نبية
يزن :وانا كمان هتأخر يلا يااسر واه نسيت تميم متنساش تيجي بدري علشان نروح لعموا عز النهارده
تميم :لي هنخده معانا لي
يضحك يزن:هنأخد مين هنروحله علشان العروسه ياحبيبي
تميم : بأساس أن عمو عز يعرفها
تنظر حور الام و الجميع ليزن
يزن :اه طبعا يعرفها مش تبقي بنته حبيبه
تميم بص لوالده بصدمه : حـ اي حبيبه بابا انت بتهزر صح
عدي وقف جمبه هو واسر في نفس الصوت:اهدي ياتميم
يزن قرب منه حتي وقف أمامه:مبهزرش يا تميم وانا قررت خلاص جوازك من حبيبه اخر الاسبوع مع أسر
تميم:بس يا بابا دا ظلم
يزن :انا عارف مصلحتك والبنت دي واهلها فبص تميم لامه اللي بصتله وهزت رأسها ب لاء
يزن كمل : وأكد تاني مره أهلها لا يا تميم
تميم :حرام يابابا اتجوز واحده انا مش بحبها انا مش عارف اي سبب رفضكم بس اللي متاكد منه أنه بخصوص أهلها
يزن: شوف يا تميم انت اول ما رأت عيني و اول بابا كانت منك فنا اكتر حد خايف علي مصلحتك و بخصوص الحب فبعد الجواز كله يجي بالعشره ياحبيبي واه احنا منعرفش أهلها علشان نرفضها
تميم نفخ ومشي وهو متعصب
عدي واسر :لي كدا يابابا
يزن:اتفضلوا امشوا و محدش يدخل في قراراتي
عدي واسر بصوا لبعض وخرجوا
يزن بص لحور الام و الصغيره و الاء :اي انتم كمان عاوزين تكلموا
حور الصغيره بصت لـ باباها وبعدها لـ مامتها :انا راحه الجامعه
وقفت بره و بترن علي رحمه لاحظت أن عدي واقف بره بالعربيه علي أول الشارع فـ استغربت لاحظ نظراتها عدي
عدي :اي دا شافتني لازم امشي مشي عدي
حور الصغيره :عدي واقف لي مع أنه ماشي من مده
رحمه بابتسامه:بتبصي علي ايه من عندك ياجميل
حور الصغيره :نفسي مره تحترمي معادك وتيجي بدري
رحمه:يلا بس و يضحكوا و يمشوا يوصلوا للجامعه
في الكافتيريا
حور الصغيره :بصي انتي اصلا مش محتاجه عزومه اخويا أسر و تميم هيجوزوا اخر الاسبوع دا قاطعتها رحمه
رحمه:بالسرعه دي
حور الصغيره :بابا اللي عاوز كدا
رحمه :أما يزون دا عليه حراكات دحنا قدمنا حاجات كتير
حور الصغيره تضحك :زي اي
رحمه :هقولك ونروح نشتري بكره دا اخر الاسبوع لسه اربع ايام
حور الصغيره:تمام ياحبيبي
رحمه:امال مين اخوكي الاخير انا عمري ما شوفته
حور الصغيره تضحك:ازاي اخويا يبقي لتتذكر كلام عدي أن محدش يعرف أنه يبقي اخوها حتي رحمه
رحمه:اخوكي يبقي مين
حور الصغيره:هـ اعرفك عليه في الفرح
في مكتب
كان إبراهيم قاعد بيفكر في حور الصغيره و سامر أيضا يفكر فيها انها تأكد أنه يحبها لاكنه لا يقدر علي فعل هذا فهيا اخت صديقه و يعتبره مثل اخيه عز ليلتفت حوله ليجد ابراهيم سرحان
يخبط سامر علي كتف ابراهيم حتي ينظر إليه
سامر:سرحان في اي قلبك مال ولا اي
ابراهيم ابتسم ووقف:تفتكر
سامر بضحكه:اه افتكر
ابراهيم تذكر شئ:لكن انا مفتكرتش
سامر بص ليه:ساعات الماضي بيدلنا دروس علشان نتعلم مش علشان نقف
ابراهيم ابتسم :طب انا هجيب قهوه اجبلك معايا
سامر :ياريت
عند عز
جميله:ممكن اسالك سؤال
عز :لا
جميله ابتسمت:كنت عارفه انك هتوافق
عز ابتسم:انتي غريبه
جميله رجعت نضارتها لورا :عادي مش اول حد يقول كدا
عز: ازاي مين قالك
جميله : يووه حكايه كبيره اوي
عز :احكيهالنا
جميله ابتسمت :لما نبقي فاضين
عز بص حاوليه: تصدقي فعلاً الشركه الوقتي زاحمه و ورايا كام اجتماع
جميله ضحكت و عز اول مره يلاحظ ضحكتها
عز :انتي كدا علطول
جميله :كدا ازاي
عز :لا متخديش في بالك بقولك صحيح انتي عندك كام سنه
جميله:٢٠ سنه وانت
عز :دي خصوصيات انتي مالك عاوزه تعرفي سني ليه
جميله :هو اي بقا منتا سألتني و قولت
عز:انتي معندكيش خصوصيات
جميله :انا دنا محدش قالي قبل كدا سر وقولت بيه
عز :ياشيخه
جميله:اه قول بقا انت عندك كام سنه
عز :طب ما تخمني
جميله: والله الوقت بيعدي و بتضيع وقتك
عز:يا خراااااابي يا جدعااان حد يخدها
جميله حاولت تكتم ضحكتها
عز بصلها:اضحكي يـ اختي حقك
ضحكت جميله :انت بتقول لي انك معندكش وقت
عز كان هينفجر بس هادي: مفيش مخطوف
جميله:بجد مخطوف
عز:شوفتي المفأجأه
جميله:احلف كدا
عز :تصدقي بالله
جميله:اه
عز:انا لو مكنتش مربط كنت يلا
جميله :تعالي أما احكيلك بقيت روايه
عز: ابوس ايدك ارحميني
جميله :طب تعالي نسمع اغنيه جديده
عز :تركي ولا اجنبي ولا عربي
جميله :الست ياقمر
عز :اه صح النهارده الخميس يقطعني يارب انا اللي عملته في نفسي انا استاهل
لتشغل جميله اللاب توب علي ام كلثوم وتبدأ تسمع و دندن و عز معاها
عند الاء
راحت ل حور الام في المطبخ
الاء :طنط محتاجه مساعده
حور الام:لا ياحبيبتي بس تعالي اقفي اتعلمي لأن أسر لو حب يأخدك من هنا مش بيحب ياكل من بره
الاء ضحكت:بأساس اني هسيبك مثلا
حور الام:يابنتي كله هيسيب
الاء:طب ياطنط ممكن أسالك سؤال ومن غير زعل
حور الام بصت لها وبإبتسامه :العسل دا حد يزعل منه
الاء: طب ياطنط كلنا عارفين أن تميم بيحب حور زميلته لي مصرين علي حبيبه
تحاول حور الام تمالك أعصابها:الحب مش كافي يا حبيبي مش يمكن حبيبه احسن مش يمكن لما يجوز اللي بيحبها الحب مع الوقت بيروح مش يمكن اعجاب وهو مش عارف
الاء:تميم يا طنط في سن يفرق بين الاعجاب و الحب وعارف يختار احنا كدا بنقسي عليه
حور الام تصنعت الابتسامه:الاء حبيبتي انا عارفه انا بعمل اي وكله في مصلحتهم انا امهم وعمري ما اتمنا اني اشوف حد فيهم فيه حاجه
الاء:يعني انتي شايفه دا صح ياطنط
حور الام :اه ياحبيبتي و تكمل بضحكه بقولك اي ما تطلعي تكلمي آسوره
الاء تبتسم :مهو في الشغل
حور الام :لو كان كدا ماشي
عند وعد و عز
وعد كانت تطبخ ليهم الغدا ودموعها تنزل من فقدان ابنها
عز دخل وجها جهته ورفع رأسها عاليا لتناسبه :هيرجع ياحبيبتي هو بخير مسح دموعها وكمل متخافيش انا لولا عارف انه بخير لكنت قلبت الدنيا وهو بيكلمني كل يوم وابنك مش مخطوف دا تلاقي عامل فينا كدا
وعد عيونها استقرت في ملمح عيون عز :بجد
عز :ايوا بجد اصل تتدخل منين العقل يلا حضري الغدي اكون رجعت من الشغل
وعد :حاضر
عز مشي و هو يتالم زوجته و ابنه هو فقد يريد أن يطمئنها
في الجامعه
كانت حور الصغيره خارجه و بجوارها رحمه من المحاضره ليوقفها صوت
ابراهيم :انسه حور
لتقف حور الصغيره وبجانبها رحمه
ابراهيم يقف أمامهم :انا بعتزر جد علي اللي حصل امبارح مني
حور الصغيره :لا ولا يهمك يا دكتور
ابراهيم :يمعني مش زعلانه
حور الصغيره :لا يادكتور
ابراهيم :طب ياريت تكوني فطرتي لأن و راكي كمان محاضره بعد ربع ساعه من دلوقتي
رحمه:هيا الجامعه دي مفيهاش شاورما
ينظر لها ابراهيم و حور الصغيره
رحمه باستغراب :في اي يا جماعه هو انا قلت حاجه غلط
ابراهيم :انتي ازاي هتبقي دكتوره عندي فضول اعرف
رحمه :زي الناس حليت ونجحت و جبت مجموع الناس فرحوا و هوب دخلت جامعه هوب هنجح هو لـ يقاطعها
ابراهيم : هتنجحي انتي كده كدا شايله مادتي
تضحك حور الصغيره هي وإبراهيم
رحمه :وه
ابراهيم يضحك:بهزر
رحمه :اه افتكرتك بتكلم جد
ابراهيم همس بصوت يسمعه حور :هتشيل كله
تضحك حور و يبتسم ابراهيم علي ضحكتها
يعدي سامر ويلاقي حور الصغيره واقفه مع ابراهيم و بيضحكوا يحاول يسيطر علي غضبه
فـ يقترب منهم ف تخبط رحمه حور الصغيره برفق لـ تلاحظ قدوم سامر تنظر له حور الصغيره وترجع بعينها ل ابراهيم
ابراهيم :اهلا دكتور سامر اعرفك علي
سامر قاطعه:حور
ابراهيم :انت تعرفها
سامر :ايوا لأنها اخت دكتور زميل هنا
رحمه بصت لحور بصدمه:دكتور زميل
حور الصغيره بصت لـ سامر و تشاور ب لاء
ابراهيم باستغراب : مين
سامر لا يفهم ويكمل :دكتور عدي اي يا دكتور ابراهيم منتش ملاحظ الشبه
رحمه تنظر لحور بصدمه:دكتور عدي اخوكي
#يتبع.....
