.jpeg)
رواية تزوجتها غصبا الفصل السابع 7 بقلم حياة رحيم
تزوجتُها غصباً # (7)
روح بهدوء و تحدى : خلاص عادى مانسافرش بس هتقول لبابا انت ما قبلتش هديته ليه وعلى فكره هو جى هو وأهلك بالليل يباركو ممكن تبلغه انك مش هتسافر .
يونس بحده : ان شاء الله لما يجى هبلغه انا اصلا مش فاضى امال مين الى هيشرف على التصليحات الى هتبداء بكره فى الحى .. و بعدين يعنى عشان يكون فى علمك انا ما فيش حد هيخلينى اغير رئي...........مين .
روح : ده اكيد ولعه افتحله لحد ما اجي .
يونس : ازيك ياولعه عامل ايه .
ولعه : الحمد لله يا بشمهندس قالولى ابله روح عيزانى .
روح : ايوه يا ولعه امسك الورقه ديه فيها حجات جبها من الصيدليه ماشى .
ولعه : هوا يا ابله ..........
يونس بغضب : ممكن افهم ايه الى حصل ده .
روح : مش فهمه بعته يجب حجات ايه الغريب فى كده .
يونس بغضب : هو حضرتك مش شايفه انك طالع بوشك عادى كده هو انتى مش منقبه.
روح : انا منقبه مين قالك كده هو صحيح النقاب ده حاجه تشرف بس فى نفس الوقت حاجه كبيره جدا وانا مش قدها حاليا ،لاكن انا محجبه .
يونس : امال ...امال امبارح فى الفرح انتى كنتى مغطيه وشك كله ليه انا افتكرتك منقبه .
روح : ابدا انا غطيت وشى عشان انا مش بخالي غير القريبين منى بس هما الى يشوفوني .
يونس : انا مش فهمك مدام مش منقبه طيب ليه مش بتبينى وشك عادى زى باقى الناس .
روح : عشان بكره نظرات الناس ليا .
يونس : لاء مش فاهم هى الناس بتبصلك ازاى قصدك يعنى المعاكسات و كده من الشباب .
روح : هههههههه هو انت بجد مش واخد بالك ولا ايه .
يونس : هو انتى بتضحكي على ايه واخد بالى من ايه انا مش فاهم انتى تقصدى ايه .
روح : انت مش واخد بالك ان لون شعرى مختلف و لون عينى و رموشى و حواجبى و لون بشرتى فاتح اوى انا .....انا ...
يونس : ايه عايزه تقوليلى انك ألبينو او زى ما بيقولو اعداء الشمس .
روح : طيب ما انت عارف و أمال ليه محسسني انك مش فاهم حاجه .
يونس : انا فعلا مش فهمك انا كل الى انا فهمه انك انسانه عديه زى زيك بس مشاء الله جميله و مميزه .
روح بدموع تلمع فى عينها : لان الى انت شيفه جميل و مميز غيرك شايفه شاذ وغريب و مخيف و بيبصله بنظرات خوف و اشمئزاز ، ارجوك انا مش عايزه اتكلم فى حاجه لو سمحت ممكن نقفل الموضوع .
يونس : حاضر مؤقتا بس انا عايز اقلك انك فعلا جميله وما تخليش النا...
روح ببعض من الغضب : ارجوك انا قلت نقفل الموضوع كفايه كده ...... انا هروح افتح ده اكيد ولعه .
.................................
مساء بعد العشاء.
روح : ازيك يا بابا وحشتنى اوى يا حب .
ممدوح : الحمد لله يا روحى بس ايه البكش ده انا لسه سيبك امبارح لحقت اوحشك .
روح : ولو برده وحشتنى كفايه انى ما شفتكش الصبح .. ازيك يا طنط .
منى : الحمد لله يا حببتى بس بلاش كلمت طنط ديه مش بحبه قوليلى ماما ولو مش عايزه قوليلى يا منمن.
يونس : اه ده بقى هو كل من هب ودب تسيبيه كده يقول لك يا منمن عادي شو يه دكتور على و دلوقتى ست روح على فكره انا الى ابنك وانا الى من حقه يقولك يا منمن بس انا دلوقتي عايز حقى مش هينفع كده .
منى : بس يا واد ايه رخمتك ديه و بعدين روح دلوقتى باقت هى كمان بنتى و غلوتها باقت من غلوتك و يمكن اكتر كمان تعالى يا حببتى فى حضنى .
يونس : بقى كده انتى كمان بتطلعيلي لسانك يا استاذه روح ماشى يا ست الحبايب ابقى خالى بنتك بقى تجبلك الكنافه الى انتى بتحبيها .
روح : اجبلها و ما جبلهاش ليه و كمان انا اعملها لها احسن من اى محل حلويات .
منى : رورو انتى بجد بتعرفى تعمليها حلو انا كل ما احاول اعملها بفشل .
روح : لا انا هعملهالك ان شاء الله يا منمن و هتعجبك اوى حتى اسئلى بابا و سعاد .
سعاد : ايوه فعلا يا طنط ابله روح بتعملها حلو اوى .
ممدوح : روحى عليها صنيه كنافه تكلى صوبعك وراها .
يونس : ازيك يا حج صالح عامل ايه .
صالح : انا كويس يا حبيبى طول ما انتم كويسين .
روح : طيب ياعمى تحب تشرب القهوه ايه .... وانتى يا منمن .... طبعا بابا مظبوط ......
....................
روح بتنادى : يونس ..يونس تعالا ثوانى .........
يونس : خير يا روح فى ايه .
روح : امسك الصينيه تقيله طلعها .. بقلك صحيح انت مش هتقول لبابا ان احنا مش هنسافر .
يونس بتردد : ايوه .. ايوه اكيد هقله شويه كده هفتح الكلام و هقله .
.......................
منى : تسلم ايدك يا روح الكيك ده هايل و القهوه تحفه .
سعاد : ايوه يا طنط روح مشاء الله شاطره جدا فى الحلويات و عليها فنجان قهوه بيسهرنى طول الليل.
روح : الله يخليكم يا جماعه بتكسفونى .
صالح : لاء فعلا مشاء الله عليكى يا روح .
روح بخبث: الله يخليك يا عمى ،صحيح يا بابا يونس كان عايز يقلك حاجه كده .
ممدوح : طيب ما تقول يا يونس يبنى انت مكسوف منى ولا ايه ده انا دلوقتى يعتبر ابوك التانى .
يونس وهو بيبص لروح بصه غضب : احم لا طبعا يا عمى هتكسف من ايه انت طبعا زى بابا بس هى روح بتحب تساعد عمى ...... عمى بصراحه كده يا عمى احنا مش هنقدر نسافر .
ممدوح : ليه يابنى اوعى تكونى انتى ياروح الى مش عايزه تروحى .
يونس : لاء يا عمى انا الى مش فاضى ومش هينفع اروح و اسيب الحجات الى ورايا هنا .
ممدوح : مش فاضى ايه يابنى ده انتم عرسان ومن حقكم تروحو تتفسحوا و تقدوا يومين مع بعض حلوين ولا ايه رئيك يا صالح .
صالح : صحيح يا بنى انت عريس و عروستك من حقها انك تفسحها و تفرحها و مشاغل ايه الى وراك هنا الشغل و اخد منه اجازه مشاغل ايه بقى .
يونس : يا بابا يا عمى أهدو لو سمحت انا فعلا واخد اجازه من الشغل بس الحى الشغل هيبدأ فيه بكره فا مش هينفع اسافر دلوقتى .
ممدوح : لو على الحى فا متقلقش انا عامل حسابى وكان فى مهندس انا اعرفه كلمته يجى يتابع الى بيحصل لحد ما انت ترجع فا متشغلش بالك ... ولا انت مش عايز تقبل بقى هديتى .
يونس : ايه لاء طبعا انا بس عشان كنت قلقان على الشغل هنا مش اكتر .
صالح : لاء ما تقلقش يابنى كلنا موجودين و هناخد بالنا كويس .
روح : طيب مدام المشكله اتحلت يبقى احنا كده هنسافر ان شاء الله يا يونس .
يونس وهو يجز على اسنانه : اه اه يا روح هنسافر ..
سعاد : رورو انا كنت عايزاكى فى حاجه لو ينفع لوحدنا .
روح : طيب تعالى ندخول القوضه عن اذنكم يا جماعه لما اشوف الاستاذه عايزه ايه .
سعاد بسؤال و غضب : هو ايه الحكايه انا من الصبح. انا حسه ان فى حاجه مش تمام انتى وشك الصبح مكنش مظبوط هو الراجل الى بره ده عملك حاجه قولى لو عملك حاجه اخرج اخرشملك وشه دلوقتى انتى عرفه انا نفسى استخدم دول من زمان .
روح : اهدى طيب يا ختى وخلى ضوفرك ديه بعيد ولاء ما فيش حاجه .
سعاد : عليا انا برده يا رورو ده انا اختك الصغيره بير اسرارك وشك الصبح ما كنش طبيعى و دلوقتى نظرتكم الغريبه الى من تحت لتحت لبعض .
روح بابتسامه : يا بنتى ما فيش حاجه نظرات ايه بس الى من تحت لتحت انا بس كنت بلعبه شويه .
سعاد : بتلعبيه يبقى اكيد عملك حاجه ديقتك طيب محتاجه اى مساعده انا ممكن اخرج دلوقتى ادشمله .
روح : لا يا سوسو انا مخلياكى للتقيل يالا نخروج بقى اه وابقى طمنى بابا وقوليله ان كله تمام عشان عنيه كانت كلها قلق .
......................................
روح : يونس ....يونس ... يونس قوم بدل ما اوقعك زى امبارح .... برده مش عايز يقوم طيب اقومه ازاى مش هو قال بلاش اوقعه يبقى اغرقه ............ يونسسسسسسس .
يونس : ايه ده ايه ده فى ايه ..ايه المايه ديه .
روح بأبتسامه: صباح الخير .
يونس بغضب : صباح الخير هو فين الخير ده بعد ما بليتي وشى وكل هدومي مايه وبعدين هى الساعه كام دلوقتى .
روح بأبتسامه : الساعه 3,30 .
يونس بصدمه : الظهر معقوله انا نمت كل ده انا كمان ما صليتش الفجر .
روح بأبتسامه و برائه : الساعه 3,30 الفجر مش الظهر انا قلت اصحيك عشان تلحق تفوق كده عشان تلبس و ننزل انا ما يرضنيش انك يفوتك الفجر .
يونس يحاول كتم غضبه و يجز على اسنانه : طيب يا ستى شكرا بس ما فيش حد بيصحى حد يغرقه وهو نايم لو سمحت نقى طريقه احسن من كده شويه وانتى بتصحينى .
روح : طيب اوك ادخل بقى خد شور و البس عقبال ما انا كمان البس عشان ننزل .
يونس : تلبسى و تنزلى تروحى فين معلش الساعه 3.30 الفجر .
روح : هقولك انت بس ادخل خد الشاور ولما تخروح هقولك على كل حاجه .
..................................
كتابه حياه رحيم #
