رواية توامي الفصل الثاني 2 بقلم غرام
#بارت #2
كيارا بصدمه_مش معقول ديلارا انتي لسه عايشه
ديلارا_انتي تعرفيني وازاي الشبه الكبير للي بينا ده انا مش فاهمه حاجه
كيارا من فرحتها مكنتش مستوعبه انها خلاص لقت اختها بعد السنين دي كلها كيارا حضنت ديلارا وهي بتقولها
كيارا_وحشتيني انتي مش عارفه احنا بقالنا اد اي بندور عليكي انتي كنتي فين كل السنين دي كلها
ديلارا_انا مش فاهمه حاجه
كيارا_طب اقعدي وانا هفهمك كل حاجه
وبالفعل كيارا حكت ل ديلارا كل للي حصل وازاي اختفت
ديلارا_بتوهان مش معقول طب طب الست للي ربتني دي ازاي مش امي لا لا مش معقول.
كيارا_ديلارا اهدي انا عارفه انها صدمه بالنسبالك بس انتي لازم ترجعي ماما هتمو. ت من غيرك
ديلارا_لا انا مينفعش ارجع غير لما افهم ازاي الست للي عايشه معاها دي مش امي وازاي انا ليا توأم انا لازم ارجع واعرف الحقيقه
كيارا_اقعدي يا مجنونه انتي كده بتخاطري بحياتك احنا فعلا هنعرف الحقيقه بس لازم يكون عندنا خطه
ديلارا_قولي
كيارا_اي رأيك نبدل الادوار ما بينا
ديلارا_ازاي مش فاهمه
كيارا_انتي اتحرمتي من بابا وماما واتحرمتي من الحياه للي المفروض كنتي تعيشيها دلوقتي احنا هنبدل مع بعض الهدوم انتي هتروحي عندنا البيت على اساس انك انا وانا هروح عندك البيت على اساس انتي و بحيث اننا نحاول قدر المستطاع نلاقي اي حاجه تعرفنا للي حصل ده حصل ليه والست دي خطف. تك ليه ومين للي وراها وعشان كمان لو انتي غيبتي عنها ممكن تشك فيكي ولو بابا وماما عرفوا دلوقتي اني لقيتك كده مش هيسمحولك انك ترجعي للست دي تاني وممكن تحاول تخط. فك تاني او الله اعلم اي للي ممكن يحصل
ديلارا _وانا موافقه
كيارا وديلارا دخلوا التويلت غيروا لبسهم وخرجوا
ديلارا_ مامتي او اقصد الست للي ربتني اسمها سمر وده عنوان البيت
كيارا_كده تمام اوي دلوقتي انتي هتخرجي هتلاقي عربيه رنج روفر سوده والسواق مستنيكي بره هتركبي معاه خليه يرجعك الڤيلا ولو في اي حاجه وقفت معاكي كلميني احنا هنفضل على تواصل وهنتقابل بكره في نفس المكان
في الفيلا
ساره_كيارا حبيبتي انتي جيتي اطلعي غيري هدومك وانزلي هيكون بابا خلص صلى ونتعشا كلنا
ديلارا(وهي متقمصه شخصية كيارا) حاضر
ديلارا طلعت الاوضه حسب الوصف للي وصفتهولها كيارا غيرت لبسها ونزلت لقت ساره وفاروق قاعدين ع السفره
ديلارا كانت متوتره جدا ومش عارفه تتصرف
ديلارا قعدت ع السفره وبدأت تاكل
ساره_كيارا انتي من امته وانتي بتاكلي مكرونه بشاميل ديلارا بس للي كانت بتحبها
ديلارا_بتوتر هااا عادي يعني يا ماما انا قولت اجرب مفيش حاجه
ساره _تمام يا حبيبتي بالهنا
خلصوا عشا وديلارا حمدت ربنا عشان تطلع الاوضه عشان هي مش عارفه تتأقلم ع الوضع وحست انها كده ممكن تخرب كل حاجه
ديلارا_انا هطلع اوضتي بقا ارتاح شويه
فاروق_ماشي يا حبيبتي تصبحي على خير
ديلارا كانت طالعه لكن صوت ساره وقفها وهي بتقولها
ساره_كياره فين الحضن بتاعي انا وبابا
كيارا_اسفه يا ماما بس يومي كان طويل ومتعب شويه ف ممكن اكون مش مركزه
ديلارا راحت حضنت فاروق وساره وهي في حضنهم حست احساس غريب اوي حست بدفا العيله حست بحبهم وحنيتهم فعلا هي متنكرش ان سمر كانت معوضاها عن كل حاجه لكن دول اهلها الحقيقيين احساسها بيهم مختلف
ديلارا سابتهم وطلعت اوضة كيارا
/////////عند كيارا
كيارا_وصلت مكان البيت وهي مستغربه وخايفه من المكان وبتكلم نفسها ازاي في ناس عايشه في المكان ده مره طلعلها حديده من زوقه صغيره وهو شبه مسطول
حديده_اي يا انسه دوبارا مش ناويه تحني بقا
كيارا_بخوف وصويت يا ماااااااااامي
حديده_في يا دوباره مالك هو انا جيت يامتك
كيارا_طب لو سمحت سيبني امشي
سنر طلعت في البلكونه على صوت كياره
سمر_مالك يا ديلارا يوه الله خيبك يا حديده الهم عايز اي من بنتي يا واد يا سكري يا ناقص
حديده_بسكر في اي يا خالتشي ام دوبارا انتي عارفه والمنطقه دي كلها عاااارفه اني بحب دوباره وعايزه في الحلال
سمر_الله نيلك يا موكوس يا ابن الموكوسه اطلعي يابت بدل ما انزله ابن الورمه ده
هنا كيارا اسوعبت ان دي الست للي مربيه ديلارا وطلعت فوق لقت سمر مستنياها على باب الشقه
سمر_مالك يابت لما المدعوق حديده ده اتعرضلك تاني مجيبتيش كرشه قدامه ليه
كيارا_اص اصل ان. انا
سمر_يقلب امك يابنتي ادخلي بابت في اي بتهتهي كده ليه في حد عملك حاجه
كيارا_لا ابدا انا بس تعبانه شويه ومحتاجه ارتاح
سمر_طب قومي يا ضنايا ريحي جتتك
كيارا_قامت متجهه للمطبخ
سمر_يوه مالك يا عين امك سلامة نضرك يا نضري انتي رايحه المطبخ مش الاوضه
كياره_اه اسفه مخدتش بالي (وهي واقفه مش عارفه تروح فين)
سمر_مالك يا عين امك في حد زعلك تايهه كده ليه ووشك اصفر شبه اللمونه تعالي اما ادخلك اوضتك
سمر اخدت كيارا على الاوضه وقعدتها ع السرير
سمر _مالك يا ديلارا
كيارا_هااا ابدا مفيش انا بس محتاجه ارتاح شويه
سمر_طب اجيبلك لقمه تروم عضمك
كيارا_لا متشكره
سمر_طب خلاص انا بره بسمع المسلسل الهندي لو عوزتي حاجه اندهي عليا
كيارا_حاضر
سمر خرجت وقفلت الباب وراها
هنا كيارا اخدت نفسها براحه وبتتلفت بنظرها في اركان الاوضه الهالكه جدرانها كاد تكون صالبه حيلها ودهان الجدران واقعه من الرطوبه كيارا هنا صعبت عليها اختها انها عاشت حياه صعبه وتقريبا عانت كتير في حياتها
كيارا_يا ترى شوفتي اي تاني في حياتك يا ديلارا واي الاسرار للي مرتبطه بوجودنا مع بعض واي القوه الغريبه للي جوانا للي مش هتظهر غير لما نتجمع
يتبع.......
#غرام
#توأمتي
