رواية تخطي حدود العشق الفصل السابع 7 بقلم يارا عبد العزيز
تخطي حدود العشق
البارت السابع
نزلت صفـ..عة على نقابها من وائل من قوة الصـ..فعة نقاب ملك شبه اتفك ، بصيت بصدمة كبيرة و كذلك كل اللي فى الكلية اتجمعوا منهم اللي بصوا بشفقة على ملك و منهم اللي بصولها بشماتة و خصوصا روان اللي بصيت بشـ..ر و شماتة
بصيت ملك لكل الطلبة محستش بنفسها غير و هي بيغمى عليها
راحت واحدة صاحبة ملك نزلت لمستواها بخوف شديد
منار :- ملك يا ملك ردي حد ينادي دكتور اسر بسرعة حد يطلب الاسعاف
احد الدكاترة :- هاتيها بسرعة على غرفة العميد
منار ببكاء :- حد يطلب الاسعاف
وقتها اسر جيه على اللمة الموجودة ، بص بصدمة اما لاقى ملك مغمى عليها ، جري عندها بخوف شديد
أسر :- ملك ملك ردي
:- خدها يا دكتور اسر على مستشفى الجامعة هي قريبة من هنا
أسر شالها بسرعة و حاطها في عربيته فى الكنبة اللي ورا ، منار ركبت معاه العربية جنب ملك
أسر ساق بسرعه جنونية و وصل المستشفى في رقم قياسي ، حطوها على الترولي و دخلوا بيها عرفة الكشف
كان هيدخل معاهم بس الممرضة وقفته
:- ممنوع يا استاذ
أسر :- عايز اطمن عليها
:- الدكتورة هيشوفها و هيطمنك انتظر هنا
فضل رايح جاي فى طرقة المستشفى ، لحد اما خرجت الدكتورة
اسر :- هاا يا دكتوره مالها
الدكتورة:- انهيار عصبي انا اديتك مهدأ و لما تصحى ابعدوها عن اي ضغط
أسر سمع كلامها بصدمة لانه مكنش يعرف اللي حصل
دخل لملك بسرعة ، بصلها بحزن كبير و مسك ايديها ، بص لمنار و اتكلم بجدية
أسر :- ايه اللي حصلها
منار بدأت تحكي لي اسر اللي حصل مع ملك ، اسر كان معظمها بغضب مفرط
أسر :- خدي بالك منها مش هتأخر
منار :- ماشي
لا حول ولا قوة إلا بالله العلي العظيم 🤎
خرج اسر من المستشفى بغضب كبير ركب عربيته و راح الكلية
راح لاقى وائل قاعد فى الكافتريا ، راح عنده بغضب
مسكه من لاقية قميصه و وقفه
أسر :- تعال بقى يا حليتها بقى بتضـ..رب مراتي يالا انا هوريك
وائل :- انتوا مش مكسوفين من نفسكوا بعد اللي عملتوه مع روان
أسر :- وانت بقى اللي هتعلمنا الصح من الغلط
قال كلامه و نزل فيه ضـ..رب ، اتجمع حوليه امن الكلية و الدكاتره اللي بعدوا أسر بالعافية
أسر :- الواد دا لازم يتفصل من الكلية فورا ولا يتفصل دا انا كدا رحمته تعالي معايا بقى على القسم
وائل بخوف :- قسم خلاص يا دكتور انا اسف مش هتتكرر تاني بس بلاش الشرطة
أسر :- انت عايز تضـ..رب مراتي و اسكتلك يا زبا..لة و الله ما هسيبك
العميد :- خلاص يا دكتور اسر انا هعمله فصل اسبوعين
أسر :- اسبوعين سيادة العميد الولد دا يتفصل كليا من الكلية والا انا اللي هستقيل
العميد :- تمام هعملك اللي انت عايزاه
أسر ضـ..رب وائل اللي كان واقع على الارض و مش قادر يقوم بقوة فى بطنه
أسر :- اي حد هيتكلم مع ملك او هيغـ..لط فى حقها هيكون دا مصيره
قال كلامه وطلع من الكلية و راح عند ملك المستشفى
الدكتورة :- هو جوزها راح فين
منار :- مشي بس هو راجع تاني
الدكتورة:- انا عايزة حد يمضي على ورق حجزها لانها هتتحجز هنا انهاردة
منار :- انا ممكن امضي
الدكتورة:- لازم قرايب درجة اولى رني على حد منهم
منار :- تمام
مشيت الدكتورة و مفضلش غير منار مع ملك
منار :- انا مش معايا رقم دكتور اسر هرن على جدو عادل
منار رنيت على عادل اللي اترعب جدا على ملك و راح المستشفى مع مجدي ابنه
عادل بخوف شديد:- ملك يحبيبتي ردي هي مالها
منار بدأت تحكلهم اللي حصل
عادل بغضب :- ايه ازاي يعمل كدا و امن الكلية و العميد كانوا فين
منار :- معملوش حاجه بس دكتور اسر جابها هنا المستشفى
مجدي :- و هو فين دلوقتي
منار :- هو انا حكتله اللي حصل و هو تقريبا راح يضـ..رب وائل
عادل بغضب :- استغفر الله العظيم هو انا هلاقيها منين ولا منين بس يا رب
مجدي :- اهدى يا بابا
عادل :- رن على ابنك انت عارفه ممكن يرتـ..كب جريمة رن عليه خليه يجي
مجدي :- حاضر
أسر وقتها دخل ، بص لملك بحزن عيونه كانت مليانة بالحب و الخوف عليها لدرجة ان عيونه دمعت
عادل بغضب و هو بيقف قدام أسر :- ضـ..ربته ؟
أسر :- لو كانوا سابوني عليه كنت قتـ..لته بأيدي
عادل :- و تودي نفسك في داهية هو كله بالضـ..رب مفيش حاجه اسمها شرطة
استغفر الله العظيم الذي لا إله الا هو الحي القيوم و اتوب اليه 🤎
أسر بصوت عالي و حمقة :- ضـ..ربها و بتقولي شرطة بقولك ايه يجدي العالم دول مش عايزين غير كدا وانا جبت حق مراتي
ملك وقتها بدأت تفوق
منار :- ملك يحبيبتي انتي كويسة
راحوا كلهم عندها عادل قعد جانبها
عادل :- ملك يحبيبتي انتي كويسة
حضنت جدها بسرعة و فضلت تعيط بشدة و تتنفض
عادل :- اهدي يحبيبتي اهدي
ملك ببكاء :- خليك معايا يا جدو متسبنيش انا خايفة
عادل :- انا معاكي يحبيبتي حقك عليا يحبيبتي حقك عليا
أسر راح عندها و قعد قدامها مسك ايديها بحب
اسر بحنية :- خدتلك حقك و ضـ..ربته قدام الكلية كلها متعيطيش
ملك بشهقات :- بس هو هو كان معاه حق انا واحدة خا..ينة انا خـ..نت صاحبتي انا واحدة مش كويسة
وقتها دخلت روان و اتكلمت بشماتة و سخرية
:- كويس انك عارفة نفسك
عادل :- انتي ايه اللي جابك يا روان
روان :- جاية اطمن او اشوفها فى الحالة دي متتصوريش يا ملك بفرح اد ايه
أسر راح عندها و اتكلم بغضب :- امشي اطلعي برا
روان :- براحة على نفسك شوية يا دكتور اسر
ملك بدموع :- انا اسفة يا روان سامحيني
روان بغضب :- اسامحك انتي متستاهليش يا ملك انتي تستاهلي كل حاجه و حشة تستاهلي كل دا واللي حصل انهاردة دي بس البداية
أسر :- انتي اللي عملتي كدا
روان :- اه و لسه انتوا لسه مشفتوش مني اي حاجه مش هرحمها و هخليها تندم ندم عمرها على اللي عملته فيا
ملك ببكاء :- و الله كان غصبن عني احنا جوزنا مش حقيقي سنة و هنطلق و بعد كدا اتجوزيه
روان. :- دموع التماسيح دي مش هتدخل عليا انتي واحدة حقـ..يرة خاطفة رجالة متساهليش انك تعيشي معانا
أسر بغضب كان هيروح عندها :- انتي زودتيها اوي
عادل راح وقف قدام أسر :- خلاص اهدى امشي يا روان من هنا لو سمحتي
روان بصيت لملك بصة غضب و مشيت
عادل :- بطلي عياط يا ملك
ملك :- انا عايزة اخرج من هنا يا جدو مش طايقة المستشفي
عادل :- مجدي روح كلم الدكتورة و اقولها تكتبلها على خروج
مجدي :- ماشي
الدكتورة كتبت لملك على خروج بس منعت عنها اي ضغط عصبي ، روحوا البيت و طلعوا كلهم شقة ملك و أسر
مجدي : نقعد سارة معاكي يحبيبتي
ملك :- لا يا خالو انا كويسة مفيش داعي
خرجوا كلهم من البيت بعد ما اطمنوا عليها و مفضلش غير ملك و أسر
أسر :- اعملك حاجه تاكليها
مردتش عليه و قامت دخلت الاوضة التانيه و قفلت على نفسها ب المفتاح
اللهم صل وسلم وبارك على سيدنا محمد وعلى آله وصحبه اجمعين 🤎
أسر و هو بيخبط على الباب:- انتي كويسة يا ملك افتحي
ملك ببكاء :- سابني يا أسر عايزة ابقى لوحدي
أسر :- طب متعيطيش اهدي و افتحي الباب دا
ملك بشهقات :- انا مستاهلش اعيش انا واحدة خا..ينة
اسر :- متقوليش كدا انتي ست البنات
ملك ببكاء :- لا انت بتقول كدا عشان تصبرني بس روان معاها حق و وائل كلكم حتى انت كلكم شايفني وحشة حتى بابا برضوا
فضل يتردد فى دماغها كلام اسر ابوها روان و وائل و سوزي كلهم عليها بصيت لعلبة المنوم ، مسكتها و بصتلها بتفكير
فرغت كل حبوب المنوم الموجودة فى العلبة ، بصيت لحبوب المنوم
ملك ببكاء :- انا واحدة خا..ينة مستاهلش اعيش هخلصـ..كم كلكم مني و هروح عند ماما
يتبع.........
#يارا_عبدالعزيز
