رواية نعم ومازلت احلم الفصل السادس 6 بقلم ايات الرحمن
لقيت بابا بيرد وبيقول اي اللي بتقوله دا يا انس يا ابني يعني اي ملهاش دعوه بإبنك اومال هي متزوجاك من الاول لي مش عشانه
وماتنساش ان ابنك دا يبقي ابن فريده بنتي اللي هي اخت ياسمين ومفيش اي حاجه تديك الحق تمنعها تتكلم معاه انت صحيح ابوه لكن هي بتتعب معاه اكتر منك
وانا هريحها يا عمي اهو وبص ليا وقال انتي عارفه البيت وافقتي علي شروطي كان به ما وافقتيش يبقي اللي بينا منتهي
هو دا انس بجد اللي عمره ما قصر في حقي هو اتغير اوى كدا لي طب اعمل اي ارجع ولا ابعد لا انا لازم ارجع لو مش عشاني عشان حتي الطفل اللي لسه مجاش ع الدنيا دا مايتظلمش وييجي يوم يعاتبني
اني مااتحملتش عشانه بعد اقناع كبير مني لبابا وماما رجعت البيت تاني سيبت شغلي في السوبر ماركت عشانه زي ما اهلي خلوني سيبت كليتي عشانه وتعليمي
وبعدت عن صحباتي لكن ما قدرش يمنعني من خدمته هو وابنه بقي يسافر بالشهرين ويسيب مبلغ مايكفيش اكلنا ولو حد تعب او حاجه كملت لحد ما وصلت للشهر التاسع علي الحال دا
معامله مش حلوه واليومين اللي بييجي فيهم بشم في ملابسه ريحة برفان بنات وف يوم مايعلم بيه غير ربنا كنت مرهقه جدا
دخلت اخد شاور وقفلت الباب وسيبت ساجد ابنه نايم ومااعرفش ان هو هيصحي دخلت وبعدها سمعت صوت ساجد بينادي رديت عليه فضل يلعب في الباب لحد ما قفله عليا من برا وما عرفش يفتحه وف الوقت دا
كان انس مسافر ما كملش اسبوعين وقدامه كمان اسبوعين ويرجع والمشكله الاكبر ان نقلنا من العماره اللي كنا فيها لبيت علي الطريق ومفيش حوالينا اي جيران
نعم ومازلت أحلم 6
بقلمي أيات الرحمن
