.jpeg)
رواية هربت لتسكن قلبي الفصل الثامن عشر 18 بقلم رحمه محمد
#هربت_لتسكن_قلبي. الثامن عشر
قاسم بعد ما سمع اسم عهد قام بسرعه وخرج من القصر كله.. ركب عربيته وساقها بسرعه عاليه جدا
ليله كانت بصاله بستغراب وعدم فهم من ردت فعله وبصت لداده فاطمه: هو في اي ي داده
داده فاطمه بنفس الاستغراب: والله ما انا عارفه يبنتي
ليله بستغراب: طب مسالتيهاش عايزه ايه
داده فاطمه: لا ي بنتي مردتش تقول حاجه غير انها فضلت تعيط وعايزه تشوف قاسم بيه
ليله لنفسها: مين عهد دي؟ ولي اول ما سمع اسمها جري كدا؟ وهتكون عايزه منه ايه يعني؟
كانت بتتحرك لبرا الجناح وبتهمس لنفسها بالاسئله دي
وداده فاطمه رجعت اوضتها
سماح راحت اوضة هيثم تطمن عليه بس وقفت مكانها وهي بتسمع صوت ضحكتهم طالعه من الاوضه وصوت الممرضه بتتكلم
: مش معقول بصراحه د.مك خفيف اوي
هيثم بغرو.ر: ايوه عارف اي حد بيقعد معايا بيقولي كدا
الممرضه: عندهم حق جدا
سماح اتغا.ظت واقتحمت الاوضه بسرعه خلت الاتنين يتخضو وبصولها بصد.مه: لا بالعكس دم.ك تقيل جدا وعمري ما حبيت هزارك د.م ا.سمم من السم بجد
الممرضه: لا ازاي بس دا عماله يضحكني من اول ما صحي
هيثم غمز للممرضه : قوليلها ي لولو
سماح رفعت حاجبها: نعم يخويا لولو.. لولو مين دي؟
الممرضه بإحرا.ج: خلاص يهيثم قولتلك متقوليش كدا قدام حد بتكسف
سماح بسخريه: اممم بتتكسفي... اهه فعلا اسم لولو وحش جدا حتي تقيل علي اللسان كدا سميها عبعال تحفه ولايق عليها
الممرضه: عبعال؟!!
سماح حركة راسها بالايجاب: اهه
هيثم تجاهل كلام سماح وبص للممرضه ببتسامه: طب ي لولو انا صاحي جعان ممكن تجبيلي اكل
سماح بغيظ وهمست: تطفحه ي شيخ
هيثم تابع كلامه: وانتي ي سماح ممكن تجبيلي اشرب عشان اخد العلاج معلش هتعب.ك معايا
سماح: اه هتتع.بني خلي لولو تجبلك الي انت عايزه بقا
وخرجت من الاوضه متجاهله نظرات الاستغراب بتاعت هيثم.. كانت حسه انها مضا.يقه ومتغا.ظه بس متعرفش ليه.. وليه اضا.يقت اصلا من طريقة كلام هيثم مع الممرضه: وانا مالي كا يو.لعو.. بس برضو يقولها لولو ليه ولحقو يتصاحبو (جزت علي سنانها بغ.يظ) ماشي ي هيثم انا غلطانه اصلا اني كنت جايه اطمن عليك خليك مع ست ز.فت
قبلتها بنت من الخدم: انتي بتكلمي نفسك ي سماح؟
سماح بغ.ضب: غو.ري من وشي انتي كمان (وبعدت عنها وهي بتمتم بكلام مش مفهوم والبنت بصالها بستغراب)
كانت سماح بتتحرك وهي مش بصه قدامها :البار.د قال لولو قال..لولو في عي...اااااههه
وفجاه خبطت في ليله بقوه
صرخة ليله بأ.لم : اهههه الله يخربيتك
سماح بصت ل ليله: لمؤخده ي بنتي العتب علي النظر برضو
ليله بسرحان : ماشي
ولسه جايه تمشي وقفتها سماح: مالك ي ليله سرحانه في ايه
ليله: انتي تعرفي واحده اسمها عهد؟ او جت هنا قبل كدا؟
سماح بتزكير: عهد.. عهد.. لا اول مره اسمعه منك بس ليه
ليله اتنهدت: داده فاطمه قالت ان في بنت جت هنا وفضلت تعيط عشان تقابل قاسم بس مكنش موجود واسمها عهد واول ما قاسم سمع اسمها اتصد.م ومشي بسرعه.. بس كان باين عليه يعرفها كويس عشان كدا مشي بالسرعه دي
سماح حركة كتفها: لا معرفش ممكن بنت بتشتغل في الشركه وحصل حاجه وكان لازم تقابل قاسم بيه
ليله بتفكير: مش عارفه بس انا مستغربه لي عيطت.. داده فاطمه قالتلي انها كانت منهاره وبتقول لازم تقابله عشان تقوله حاجه مهمه.. لو كانت من الشركه كانت هتستناه مثلا ومكننش هتعيط
سماح اتنهدت: مش عارفه لما يجي اسالي
ليله اتنهدت وحركة راسها بالايجاب: قوليلي بقا كنتي بتش.تمي علي مين وانتي ماشيه كدا مخليكي مش واخده بالك من الي حوليكي
سماح افتكرت هيثم والممرضه وجزت علي سنانها بغ.يظ: كنت بشت.م علي ابن عمك والنحنو.حه الي معاه
ليله بستغراب: هيثم! ونحنوحه! هي مين
سماح: الممرضه الملزقه الي قعده جنبه من ساعة ما جت مبتتحركش اكنها لازقه بأمير.. لا ومقضينها ضحك ومسخر.ه وبيقولها ي لولو بيد.لعها السهل
ليله انفجرت في الضحك: ومالك مضا.يقه لي كدا
سماح بغ.يظ: انا مضا.يقه.. وهضا.يق من مين من الملزقه دي لي ان شاء الله
ليله ولسه بتضحك: خلاص خليها جنبه ويضحكو انتي مالك
سماح بغ.ضب : يضحكو برا القصر.. القصر دا طاهر وهيفضل طول عمره طاهر افردي قاسم بيه سمعهم يقول عليهم ايه فاتحين كا.بريه في الاوضه.. وبعدين انتي بتضحكي علي ايه اظبطي ي بت
ليله كتمت ضحكتها وهي باصه لتعبير سماح: خلاص سكت اهو
سماح: ايوه كدا وروحي قول لابن عمك يل.م نفسه بلاش ق.لة اد.ب ولا هو بيهزر مع اي تاء تأنيث يقابلها
ليله: حاضر هقوله
سماح بعدتها من طريقها: شاطره يختي وسعي من وشي بقا
ومشيت وهي لسه بتمتم بغ.يظ
ليله فضلت بصالها وهي بتحاول تكتم ضحكتها بالعافيه واول ما اختفت من قدامها انفجرت في الضحك مره تانيه
سماح ظهرت تاني فجاه وبصت لليله بش.ر وغ.يظ : انتي لسه واقفه بتضحكي
ليله كتمت ضحكتها بسرعه: لا انا ماشيه اهو
سماح كانت ماسكه كوبايه مايه في ايديها... شدت ايد ليله ومسكتها الكوبايه: خدي ادي للاستاذ المايه دي عشان علاجه
ومشيت وهي لسه بتمتم.. ليله بصت للكوبايه بضحك: مجنو. نه
وتجهت ناحية اوضة هيثم ولما قربت فعلا سمعت ضحكهم..والممرضه بتتكلم بد.لع.. خبطت بهدوء ودخلت الاوضه
ليله ببتسامه بسيطه : ازيك ي هيثم
هيثم ببتسامه: الحمدلله ي ليله انتي كويسه
ليله كانت بتتفحص الممرضه: كويسه.. هي دي لولو بقا؟
هيثم بستغراب: عرفتيها منين دي
ليله افتكرت سماح وحاولت متضحكش وتجاهلة سؤاله : سماح بعتالك كوبايه المايه دي عشان تاخد العلاج
الممرضه قربت منها ببتسامه ود.لع: شكرا هاتيها وانا هبقي اديله العلاج
ليله بصت ليها بستغراب ولقاتها بتاخد منها الكوبايه وبتقرب من هيثم تعدله وتديله دواه
وهمست لنفسها: والله ليكي حق تضا.يقي ي سماح (وكملت بصوت مسموع) سلام ي هيثم اسيبك مع لولو وهبقي اجي اطمن عليك..(وكملت بسخريه) خدي بالك منه ي لولو باي
ومشيت ليله
هيثم: دي بقا يستي بنت عمي ليله
الممرضه: امم جميله
هيثم غمز ليها: دا انت الي جميل ي جميل
الممرضه ضحكت: طب وهي مين البنت الي جت قبلها
هيثم: قصدك سماح.. لا دي صاحبة ليله
الممرضه بستغراب: طب هو في بنكو حاجه يعني اصل حسيت من نظراتها انها غيرانه اننا معاك
هيثم : لا مفيش حاجه بنا وهي اكيد مش غيرانه
الممرضه حركة راسها بالايجاب.. وهيثم شرب شويه من كوباية الميه وفجاه رماها تاني: يعععع اي دا
الممرضه خدت منه كوباية الميه بستغراب وشرب شويه وتكلمت بصد.مه: دا فيها ملح
هيثم اتنهد وعرف ان سماح هي الي عملت كدا بس استغرب ليه.. واللممرضه جبتله ميه جديده
عدا اليوم وجه الليل
ليله كانت لسه قاعده مستنيه قاسم الوقت اتاخر وهو لسه مجاش كانت قل.قانه عليه جدا وبتحاول تتصل بيه بس مبيردش.. فضلت واقفه قدام باب القصر راحه جايه مستنايه يجي وكل شويه تبص في الساعه
مرت ساعه.. اتنين وهو لسه مجاش وهي لسه مستنياه
لغايت ما اخيرا الباب اتفتح ودخل قاسم كان باين عليه التعب
ليله جريت عليه بلهفه: قاسم انت فين طول النهار قلق.تني عليك اوي وبرن عليك مبتردش
قاسم متكلمش هو بس سحبها لحضنه واتنهد: انا كويس مت.قلقيش عليه ي ليله.. المهم انتي كويسه
ليله اتنهدت وغمضت عيونها براحه: بقيت كويسه دلوقتى
ظهرت ابتسامه بسيطه علي وش قاسم وغمض عينه وهو بياخد نفس عميق وبيطلعه تاني براحه اكنه ما صدق اترمي في حضنها.. كان باين عليه محتاج الحضن دا
ليله بهمس وهي لسه في حضنه: كنت فين.. ومين عهد دي
قاسم فتح عينه وبعد ليله عنه بهدوء: وحشتيني ي ليله
ليله اتكسفت وبصت في الارض وفجاه شهقت وقاسم بيشدها عليها وتكلم بهمس: اي موحشتكيش انا كمان
ليله بلعت ريقها بصعوبه وتو.تر من قربه منها: ها.. اه.. لا قصدي اه.. لا.. لا
ظهرت ابتسامه بسيطه علي وش قاسم: يعني اه ولا لا
ليله اتكسفت اكتر وهي بصه في عيونه: مش عارفه
قاسم ضم حواجبه بستغراب: مش عارفه؟ودي برضو اه ولا لا
ليله ابتسمت وبصت في الارض : اه ي قاسم
قاسم رفع وشها ليه بصوابعه وطبع ق.بله علي خدها: قلب وحياة قاسم ي ليله
ليله شهقت من الي عمله وتو.ترها زاد وهي بتحاول تبعده بس مش عارفه: طب انت كلت؟
قاسم كان مركز في وشها وسرحان في عيونها: ايوه
ليله بتو.تر: طب ممكن تبعد لحد يشوفنا
قاسم طبع ق.بله تانيه علي خد ليله التاني وهمس جنب ودانها: وفيها ايه
ودفن وشه في رقبتها يستنشق ريحتها
ليله حرفيا كانت وصلت لاعلي درجه من تو.ترها وكسو.فها بلعت ربقها بصعوبه وتكلمت بصوت ضعيف : قاسم ابعد لو حد شافنا هيقول علينا ايه
قاسم رفع عيونه وتلاقت عيونه بعيونها: محدش يقدر يقول حاجه ي ليله والي يفكر يجيب سرتك هقطع.له لسانه
ليله ابتسمت وبصت في الارض
وفجاه سمعو صوت باب بيتفتح وخطوات بتقرب عليهم.. استغلت ان قاسم باصص للجهه الي جاي من الشخص وبعدت بسرعه وجريت علي اوضتها
واول ما قفلت الباب اتنهدت وحاولت تاخد نفسها بصعوبه وهي حسه بدقات قلبها العاليه... ابتسمت وهي حطه ايديها علي قلبها: هووش اهدي ي ليله اهدي
وجالها صوت داده فاطمه من برا: حمدلله علي سلامتك ي بني كلت ولا احضرلك الاكل
قاسم وهو باصص لاثر ليله ببتسامه : لا ي داده كلت تصبحي علي خير
وتجه لسلالم عشان يطلع للجناح بتاعه
ليله جريت علي السرير وغطت وشها بكسوف وهي بتفتكر الي حصل من ثواني... سمعت صوت مسدچ من تليفونها ابتسمت افتكرته قاسم بس لقتو رقم غريب
استغربت واول ما فتحت المسدچ اتصدمت من الي شافته وفضلت متنحه ودمو.عها نزلت
في نفس الوقت
معتز : عملت الي قولتلك عليه
الشخص بخ. بث: تم ي معتز بيه وشافتهم كمان
معتز بخ.بث: كويس (وقفل معاه.. معتز قدر بطريقته يدخل تليفون صغير يقدر يتواصل بيه مع رجالته في اي وقت)
معتز بنظرات كلها ش.ر : بكرا تعرفي انك غلطتي يوم ما اخترتي قاسم ي ليله وانتي الي هتجيلي برجليكي تتاسفي ولو مجتيش انتي انا الي هجيلك ي حبيبتي
في صباح يوم جديد
قاسم فتح عينه بنعاس لمح ليله ابتسم وفتح عينه فعلا لقاها واقفه قدامه بس قام مخضوض من شكلها.. عيونها الوارمه والحمرا، وشها الاصفر و ملامحها البهتانه: ليله فيكي ايه
ليله فضلت بصاله وسكته
قاسم قام ووقف قدامها وبقا حضن وشها بإيده وتكلم بحنان باين في صوته: مالك ي ليله ولي بتعيطي
ليله كانت لسه ساكته هي بس بصاله ودمو.عها نازله بصمت
قاسم: ليله اتكلمي ي حبيبتي متقل.....
مكملش كلامها لقي ليله بعدت ايده بغ.ضب: حبيبتك؟؟؟ مين دي انا حبيبتك
قاسم: طبعا ي ليله انا معترفتش ليكي قبل كدا بس انا بح...
ليله بغ.ضب: اسكت متكملش.. لي ضحكت عليا ي قاسم؟
قاسم بستغراب: ضحكت عليكي؟
ليله رفعت التليفون وحطتو قدام وشه: طيب مين دي.. مين دي الي حضنها وبتبو.سها من جبينها وماسك ايديها كدا
قاسم بعد عينه من علي الصور وبص لليله: ممكن تسمعيني
ليله بصوت عالي وغ.ضب: اسمعك؟ هتقول ايه هتكد.ب عليا طلاما عندك حبيبه طب لي كنت بتعمل معايا كدا وعلقتني بيك
قاسم : اسمعي ي ليله
ليله بغ.ضب ودمو.عها كل متنزل تمسحها بسرعه: مش عايزه اسمع حاجه منك انا همشي ي قاسم ومش هتشوف وشي تاني
ولفت عشان تمشي اتفاجأت ان قاسم ممسكهاش وسابها تمشي فعلا وطلعت من الجناح وهي بتبص لصوره الي ظاهر قدامها في التليفون (الي بعتها الرقم الغريب) دمو.عها نزلت بحز.ن: لي كدا ي قاسم.. لي عملت معايا كدا لي
ومشيت من قدام الجناح بتاعه ونزلت لاوضتها كانت مجهزه شنطتها خدتها وطلعت برا الاوضه: جاهزه ي سماح
سماح: طب فهميني لي هتمشي فجاه واي الي حصل
ليله بحز.ن: مش وقته يلا
سماح اتنهدت: طب استني اطلع اقول لق...
قاطعها قاسم وهو نازل من علي السلالم: روحي معاها ي سماح
سماح بصتله ببتسامه... عدت دقايق وكان هيثم جاي ومعاه الممرضه وسماح وخرجو من القصر
قاسم: تعالو اوصلكم انا كدا كدا رايح الشركه
سماح بصت لليله ملقتش منها رد وبصه في الارض: ماشي
ركبو عربية قاسم كلهم بس هيثم جنب قاسم وليله رجعت مع البنات ورا
سماح وهيثم استغربو الي بيحصل بس سكتو
مرت فتره وكانو عربية قاسم واقفه قدام البيت بتاع ليله
وبعد ما نزلو كلهم ليله لسه هتنزل: اسمعيني ي ليله
ليله بصت لقاسم بدمو.ع: مش عايز اسمع منك حاجه
وخرجت من العربيه بسرعه.. قاسم فضل باصص ليها وووووووو....
يتبع. #بقلمي_رحـمـه_مـحـمـد.
