رواية حب خاطئ الفصل السابع عشر 17 بقلم شهد سيد
Part 17..
..:الرحم هي*تشال ومش هيبقالك خلفة
ياسمين بدموع: يعني خلاص مش هيكون عندي اطفال
محمد: اطفال مين؟
قفلت ياسمين الفون وبصتلو بتعيط ف كمل محمد:
اطفال مين يا ياسمين ردي
ياسمين:انت ازاي دخلت هنا
محمد:كنت قاعد عندك ف البلكونة،ردي علي سؤالي
مسحت ياسمين دموعها وقالت:انا كنت هقولك كل حاجة
محمد:انتي مبتخلفيش؟
ياسمين:انا هش*يل الرحم خالص
محمد بجمود:عشان كدا اجلتي موضوع جوازنا كنتي بتهربي
ياسمين:لا والله كنت عايزة اتأكد انا كويسة ولا لا عشان مظل*مكش معايا،،
من فترة حسيت بالو*جع ف المنطقة دي وكنت بطنش ولما روحت للدكتورة وعملت تحاليل قالتلي لازم يتشا*ل،هي دي كل الحكاية
هو انت هتكمل معايا؟
سكت محمد وبص بعيد عنها ف كملت ياسمين:
حقك انا هسيبك خلاص تقدر تتجوز او تحب وحدة تانية
محمد:تصبحي علي خير
ياسمين قلبها وج*عها من رده عليها وعيطت ف خرج محمد م الاوضة
____________________________
وادي يستي البرفان اللي انتي مش بطيقيه رميناه ف الزبا*لة
شهد بدموع:انا نفسي مسدودة وجيعانة
اسلام:مسدودة وجيعانة ازاي يعني!!
شهد بعياط:مش عارفة
شدها اسلام عليه وحض*نها وطبطب علي ضهرها وقال:
طب بتعيطي ليه يا حبيبي
شهد بشهقة:تعبانة اوي
اسلام:من ايه
شهد:مش عارفة
اسلام:طب نفسك ف ايه
شهد:مش عارفة برضو
اسلام:طب اي رأيك نطلع بكرا نفطر برا ف مكان رايق ويطل ع البحر،
يلا انا هاخد شاور واجيلك ياحبيبي
شهد:قولي حبيبي كدا تاني
ضحك اسلام وبانت غمازتو وباس*ها من خدها بعمق وقال:حبيبي
____________________________
قاعدة بتشرب قهوتها وبتقرأ روايتها المفضلة ف البلكونة وكل لحظة جميلة بتقرأها ف الرواية للبطل والبطلة بتتخيلها هي ويوسف وتبتسم لحد م حضنت الرواية واتأملت السما بعدها افتكرت انو ممكن لسة بيفكر ف ياسمين ف كشرت:
انا اكيد مش بك*ره ياسمين بس مش عارفة هو متعلق بيها اوي كدا ليه
لسة هتكمل الرواية سمعت صوت كشكشة ف قفلت الرواية وانتبهت للصوت بعدها لمحت ضل حد ف نزلت الجنينة تشوف مين
دورت وبصت يمين وشمال ملقتش حد بس لقت حد بيحاول يدخل م الشباك قربت ولقتو يوسف
جميلة: يوسف!!
يوسف:ششش وطي صوتك
جميلة:انت بتعمل اي هنا
يوسف:ملكيش دعوة اوعي كدا خوف*تيني بشعرك دا
جميلة:مالو شعري
يوسف:فكك دلوقتي عايزك تساعديني
جميلة:اساعدك ف ايه
يوسف:عايز اوصل ل ياسمين ف اسرع وقت
قربت منو جميلة وقالت:انت شا*رب؟
يوسف:شارب حبها
جميلة حست بغ*صة ف قلبها وقالت:
سيبها يا يوسف هي مش بتحبك هي بتحب محمد
قرب يوسف وهو بيميل وجسمو مش متوازن وقال:لا بتحبني اكيد محمد مخ*وفها بحاجة
جميلة:صدقني مش مخ*وفها والله هي ومحمد بيحبو بعض وهيتجوزو
يوسف:بس متقوليش كدا وصليني ليها وانا هتكلم معاها ساعديني
بصت جميلة ف الارض ونزلت دمعة ع الارض وقالت:حاضر تعالي ورايا
مشيت جميلة ويوسف وراها وهما وطالعين ع السلم لقو محمد واقف قدام بابها عايز يدخل بس بيمنع نفسو وف الاخر مشي دخل اوضتو بعدها طلعت ياسمين وكانت رايحة اوضتو بس سمعت صوت عند السلم وانتبهت ف نزلو جميلة ويوسف بسرعة
جميلة ويوسف واقفين قريب من بعض وجميلة بتتنفس بسرعة ف ركز يوسف وحط ايدو ناحية قلبها لقاه بيدق جامد ف بصتلو جميلة ولسة هتتكلم سمعو ياسمين بتقول:
حد هناا..ماما،،محمد
ياسمين ملقتش رد ف دخلت اوضتها تاني
ف غمضت عينها جميلة بارتياح ف اتكلم يوسف بهمس:
مطلعناش ليه
جميلة:مش عايزاها تشوفني معاك مش عايزاها تعرف اني بساعدك
يوسف: ليه
جميلة:مش حابة
يوسف:تمام انا رايحلها
جميلة:ماشي
حاول يفتح الباب يوسف لقاه مقفول بالمفتاح ف جات ياسمين وهي بتقول انا كنت لسة هيجيلك يا محم..يوسف!!!!
كتم يوسف بوقها ودخلها وقفل الباب وقال:وحشتيني
بعدت ياسمين وقالتلو انت مجنون اي اللي جابك هنا
يوسف:جي عشانك انا مش قادر انساكي
ياسمين:احنا مفيش حاجة م بينا ولا هيكون ف لو سمحت امشي ومتعملش كدا تاني
قرب يوسف وقال:قوليلي محمد هد*دك ب ايه،قولي متخ*افيش
ياسمين زقتو وقالت:مهدد*نيش بحاجة انا بمزاجي اختارت ابقا معاه
يوسف:متكدبيش عليا يا ياسمين هو انتي مش فاكرة ذكرياتنا مش فاكرة حاجة لينا مش فاكرة ايامنا الحلوة
ياسمين بجمود:ذكريات حلوة وعدت لكن انا دلوقتي اختارت ابقا معاه
يوسف:بس انا مختارك وعايزك انتي
قرب يوسف عشان يبو*سها مسكها من ايديها ولفها ورا ضهرها وقال:انا عايزك
ياسمين بدموع:انت شار*ب يا يوسف فوق ارجوك
لسة يوسف هيقرب دخلت جميلة وعينيها حمرا اوي وموجهة عليه مس*دس وقالت لو ممشتش دلوقتي هض*رب عليك
يوسف ساب ياسمين وراح لجميلة وقال:
انتي مفكرة اني هخا*ف يعني انتي متقدريش تعملي حاجة عارفة ليه لان الحب مخليكي ضعيفة انا فاهمك وعارف اللي جواكي بس مش مأثرة فيا بنات كتير حبتني وانتي وحدة منهم عادي انما هي (وشاور علي ياسمين)هي بس اللي خدت قلبي وانتي مش زيها
جميلة بعياط:واشمعنا هي اي اللي عاجبك فيها
يوسف:كبريائها،،
مشي يوسف ونزلت وراه جميلة بتعيط وقالت:طب ماشي رايح فين
وقف يوسف وقالها:يستي هو انا عشمتك بحاجة وخليت بيكي م تسبيني
جميلة:انا عارفة انك بتقول كدا عشان مش ف وعيك انت مش كدا يا يوسف بكرا تفوق ونتكلم ف الموضوع دا
زقها يوسف وطلع مشي
ف الصباح...
صوت البحر وزقزقة عصافير ونسمة هوا باردة ومنعشة
واقفة وشعرها بيتحرك وبتستنشق الهوا الجميل:
المكان هنا حلو اوي يا اسو
اسلام:ياقلب اسو لو عايزة اشتريلك المكان اشتريه
شهد:بجد
اسلام:اه بجد مفيش حاجة تغلي عليكي
شهد:امم طب م نشتري بيت احسن ويكون بيطل علي بحر كدا وجميل
اسلام:عنيا،هروح اجيبلك العصير واجي
شهد:هات اتنين
بصلها اسلام واستغرب ف كملت:
اييه؟انا واحد وبنتنا واحد
ضحك اسلام ومشي
شهد وهي واقفة حد خبط فيها ف بصتلو لقتو الدكتور اللي كانت عندو ف المستشفي لما س*قطت وقالت:
ازي حضرتك
الدكتور:انتي تعرفيني
شهد:ايوا حضرتك انا تبع محمد ابو المجد كنت عندك قبل كدا ف المستشفي
عقد الدكتور حاجبيه بعدها برق بعنيه واتوتر
شهد:حضرتك كويس
الدكتور:كويس اني لقيتك انا ضميري مش مخليني عارف ارتاح ولا ادوق النوم بسبب اللي عملتو
استغربت شهد وقالت:عملت اي
الدكتور:انتي مس*قطتيش بسبب الضرب محمد خلاني اعملك اجها*ض وخسر*تي الطفل
ايهه!!!!
#تبع
#شهد
#حب_خاطئ
