رواية توامي الفصل الثالث 3 بقلم غرام
#بارت3
تاني يوم في الكافيه كيارا و ديلارا اتقابلو في الكافيه زي ما كانوا متفقين
ديلارا_هاا عملتي اي عرفتي حاجه
كيارا_ولا عملت ولا عرفت هو انا لحقت انا يا دوب وصلت طلع عليا واحد كده شبه عفروتو كان اسمه عيده بيده حاجه زي كده
ديلارا_قصدك حديده
كيارا_ايوه هو البتاع ده
ديلارا_بغيظ _وعملك اي الكائن ده
كيارا حكتلها للي حصل وازاي حديده اتعرضلها وبعدين يا ستي من التعب نمت زي القتي. له مصحتش غير الصبح وطبعا معرفتش افتش عن حاجه
ديلارا_يا ابن الورمه وانتي ازاي سكتيله مجيبتيش كرش امه نصين ليه
كيارا_وات
ديلارا_ازغط بط
كيارا_انتي بتقولي اي انا مش فاهمه حاجه
ديلارا _ولا هتفهمي المهم احنا هنعمل اي دلوقتي
كيارا_مش عارفه
كيارا و ديلارا كانوا قاعدين جمب بعض وفجأه ايديهم الاتنين قربوا من بعض بطريقه غريبه كيارا وديلارا عندهم وحمه في جمب ايدهم تحت الصوابع كده الوحمه دي عباره عن شكل نص جمجمه ولما كيارا وديلارا اديهم قربوا من بعض الجمجمه اكتملت وظهر نور غريب اوي من الجمجمه وفجأه اختفوا من الكافيه ولاقوا نفسهم في مكان غريب عباره غابه مليانه شجر في كل مكان ومفيش ولا بني ادم ولا بيوت ولا اي حاجه مكنش موجود غير قصر كبير لكن قديم ومليان بخيوط العنكبوت
كيارا بخوف_ديلارا احنا فين واي المكان ده واي للي حصل من شويه وازاي جينا هنا
ديلارا_اهدي انا زيك مش فاهمه حاجه بس تقريبا دي القوه الغريبه للي قالت عنها العرافه وسر القوه دي في الوحمه للي في ادينا
الجو بدأ يمطر بطريقه غريبه مع انه من ثواني كان في شمس والسما صافيه لكن الغريب انه كان بيمطر د. م
كيارا_ديلارا انتي شايفه للي انا شايفاها السما بتمطر دm
ديلارا_ولسه هنشوف عجائب وغرائب
ديلارا_تعالي ندخل القصر للي هناك ده عشان كده هنموt
كيارا وديلارا وصلو للقصر لكن الباب كان مقفول حاولوا يفتحوه بكل الطرق لكن بلا فايده والمطر والبرق والرعد بيزيد
كيارا لمحت في مكان جمب الباب كان منحوت فيه نفس صورة الجمجمه للي على ايد كيارا وديلارا
كيارا_ديلارا
ديلارا_هاااا عايزه اي دلوقتي هو ده وقته انا بفكر في طريقه نفتح بيها الزفت ده
كيارا_تعالي بس شوفي كده
ديلارا_يووووه اهو عايزه اي
كيارا_تعالي شوفي المنحوته دي
ديلارا_انا بحاول افتح الباب وانتي بتناديني عشان اشوف جمجمه على اساس اول مره اشوف شكلها
كيارا_اتغاظت من غباء اختها وهي بتقولها انتي اكيد عقلك ده مكانه بطاطس الجمجمه دي هي نفس الجمجمه للي على ايدينا
ديلارا هنا بدأت تاخد بالها وفهمت اختها عايزه توصلها اي وهي بتقولها
ديلارا_قصدك ان الباب ده معمول ب كلمة سر وكلمة السر دي هي الجمجمه للي على ايدينا
كيارا_الحمدلله اخيرا القرد بدأ يفهم
ديلارا _قرد مين يابت ما تتلمي
كيارا _طب خلاص اسكتي وقربي ايدك من ايدي الجمجمه للي على اديهم اكتملت ولما اديهم قربت من المنحوته.... المنحوته بقت باللون الاحمر الدم. وي والباب اتفتح
كيارا_الحقي الباب اتفتح
ديلارا_طب تعالي ندخل
كيارا وديلارا دخلوا القصر وكان عباره عن قصر كبير اوي و اثاث من الطراز القدبم والمكان كله عباره عن ستاير حمرا على الشبابيك بتحجب نور الشمس انه يدخل القصر والتراب كان في كل مكان كإن القصر متنضفش من سنين وباب ضخم للقصر وعلى جوانب القصر كان في تمثالين لمصاص دما. ء
_ صوت من وراهم نورتوني انا كنت منتظراكوا من زمان اتأخرتوا عليا ليه
كيارا وديلارا خافوا من الصوت والتفتوا وراهم بحذر عشان كانوا مفكرين ان القصر مهجور ومش هيكون في حد اصل ازاي حد هيعيش في المكان ده لكن اتفاجأوا من وجود ست عجوزه وماشيه على عكاز
ديلارا_انتي مين
العجوزه_ بصوت هادي ديلارا يا ديلارا ازاي مش فاكراني
كيارا وديلارا استغربوا انها ازاي عرفتهم من بعض الشبه للي بينهم كبير جدا لدرجة ان اهلهم مبيعروفش يفرقوا ما بينهم
كيارا بصدمه_انتي ازاي عرفت..
العجوزه_اي مستغربه اني ازاي عرفتكوا من بعض انا اعرف حجات عنكوا انتوا متعرفوهاش
ديلارا_معني كده انك عارفه سر الوحمه للي على ايدينا
العجوزه_طبعا عارفه وانا للي جيبتكوا هنا
كيارا_طب ارجوكي فهمينا اي الحجات الغريبه للي بتحصل معانا دي
العجوزه_هتعرفي كل حاجه بس كل شيئ ب أوان تعالوا ورايا
كيارا وديلارا مشيوا ورا العجوزه وطلعوا على سلم بيوصل ل تاني دور من القصر الدور التاني كان عباره عن اوض كتير اوي متداخله في بعض كإنها متاهه لكن للي يدخل جواها ميعرفش يخرج تاني
العجوزه_دخلتهم اوضه كبيره جدا وكان في سرير ضخم في الاوضه ونايم عليه راجل
كيارا_مين ده
العجوزه ده عمكوا
كيارا_عمنا ازاي يعني بابا ملوش اخوات
العجوزه _ده من ضمن الاسرار للي ابوكوا مخبيها عنكوا
وابوكوا هو سر اللعنه للي انتوا فيها
ديلارا_ازاي لعنه وانتي قولتي ان احنا اتولدنا ب قوه غريبه انا مبقتش فاهمه حاجه
العجوزه_ابوكي هو السبب انكوا تتفرقوا عن بعض وهو السبب انكوا تتلعنوا انتوا فعلا عندكوا قوه كبيره جدا لكن القوه دي انتوا مكنش ينفع تستعملوها غير في سن معين
كيارا_طب ازاي بابا هو السبب اننا نتلعن
العجوز_ابوكوا كان ملك مصاصي الدماء
كيارا وديلارا _بصدمه_نعم ازاي يعني
العجوزه _تعالوا معايا
دخلوا اوضه غريبه مليانه صور ومنحوتات وكتب وبلورة سحريه
تعالوا قربوا من البلوره
كيارا وديلارا اتصدموا من للي شافوه ومش مستوعبين للي عينهم شايفاه ده فعلا ابوهم وامهم لكن لما كانوا شباب ومعاهم الراجل للي نايم فوق
يتبع.........
#توأمتي
#غرام
