رواية القادرة الفصل التاسع عشر 19 بقلم ميرفت السيد
#القادرة
{19}
#بقلم_مرفت_السيد
اتفاجئت سارة باشقاء نصر وزوجاتهم بانتظارها بالطابق الأرضي ويجلس معهم احمد وكل اولاد نصر
بقلم مرفت السيد
قالت سارة للمياءهامسة:الحرب ابتدت اطلعي فوق اتصلي بالمحامي ييجيلي ضروري دلوقتي ونيمي الاولاد
لمياء :مش هسيبك لوحدك
سارة:متقلقيش عليا
ودخلت سارة وجلست بثقة واضعة قدما فوق الأخرى ونظرت اليهم في صمت
قال سليم:في ايه ياجماعة ملمومين ليه كدة
قال سعد: عاوزين نتكلم مع ام حسن وحسين شوية
سارة بحزم:خير هو في ايه عشان نتكلم فيه اصلا
رد سامي :ايوة في طبعا حق ولاد اخونا
سارة:اه مش فاهمة
ياسر: انتي طول عمرك ذكية يعني الليلة دي هاتتقسم ازاي
سليم بعصبيه :وانتو مالكم بقولكم إيه انا من زمان وساكت انا والمرحوم اتنازلنا عن حقنا ليكم وانا بأبات بشقة ابويا اكني ضيف انما نصر وولاده ومراته ميخصكمش لان نصر....
قاطعته سارة :سيبهم ياسليم
المحامي بالطريق هو كلمني الصبح وعزاني وانا طلبت منه ييجي يوضح بنفسه الوضع
مروة بسخرية:وضع ايه ياحبيبتي احنا اتفقنا سعد جوزي عم الاولاد يبقى عليهم
سارة بغضب:انتي مالك بتنطقي ليه اصلا
ياسر :لا تتكلم براحتها
سارة:كلمة كمان ومش هعمل خاطر للمرحوم وهاطلب البوليس يرميكم برة
سعد:ليه هو كان بيتك
سليم بعصبية :حتى انت شحنوك وبتتكلم انتو ليه مصرين تقابلو معروف نصر معاكم بالاساءة
رد كريم احد الاشقاء:مش بيتك ولامحلاتك لوحدك ياام حسن
مروة:اه متعرفيش تطردينا
دخلت لمياء ووقفت بجوار سارة وهمست لها:الولاد ناموا وسبت معاهم الخدامة
جلست سارة وهي تستمع اليهم وابتسمت بثقة وقبل ان ترد
دخل المحامي وقال: لآ تقدر يامدام
اسمعو كلكم انا كنت هافتح وصية نصر بعد مرور ايام العزاء ولكن بما انكم استعجلتو لازم تعرفو الوضع الحالي وتسمعو وصية نصر ااي كتبها بعد ماقام من الغيبوبة بالمستشفى
سليم :اتفضل يااستاذ
سعد:ايوة كلنا سامعينك
المحامي فتح مظروف وأخرج منه وصية نصر
وقال:بسم الله الرحمن الرحيم
انا نصر نصرالدين وانا بكامل قواي العقليه ودي وصيتي بعد وفاتي
قبل اي حاجة اخواتي الاعزاء
انا وسليم اتنازلنا لهم ببيت ابونا عن طيب خاطر وموضوع انهم يورثو فيا دة محسوم
نظر اشقاء نصر لبعضهم البعض بصدمة
اما عن أولادي فاكبرهم 15 سنة واصغرهم حسن وحسين لذلك يلزمهم وصي
وانا اخترت سليم وصي على اولادي انا عاملهم وديعة كبيرة ومن ريعها سليم يصرف على أولادي
نظر الجميع الى سليم كان صامتا وجهه لايبدي اي ردة فعل
بقلم مرفت السيد
اكمل المحامي : اما عن باقي اموالي ومحلاتي وبيتي فانا اتنازلت عنهم كلهم لسارة زوجتي
وهي اهل ثقة انها هاتحافظ على مالي وهاتقف جنب اولادي وتربيهم وهتعرف تتصرف بحكمة وعقل
انا مش باثق غير فيكم انت ياسليم وانتي ياسارة محلاتي متتقفلش بيتي لايباع اولادي معاكم وأمانة حافظوا عليهم
احمد وباقي اولادي اسمعوا كلام سارة وسليم زي ماكنتوا بتسمعو كلامي
دعواتكم بالرحمة والمغفرة ولو زعلت حد ارجو منه انه يسامحني
باقي التعاملات مع المحامي وهو هايتصرف
بتوقيعه وتوقيع الشهود
بقلم مرفت السيد
انتهى المحامي ونظر اليهم الجميع صامتون وكأن على روؤسهم الطير
فقال مكملا :اظن كدة الكلام واضح
نهض سعد وقال :ياللا بينا على بيتنا ياجماعة
نهضوا جميعهم وهم صامتون وانصرفوا
سليم :قوم ياأحمد خد اخواتك واطلعو فوق
احمد:بس ياعمي واشار الى سارة هي سبب الي حصلنا كله
سليم بحزم :سمعت انا قولت إيه ابوك وامك ماتوا ومرات ابوك في السجن ذنبها إيه مين دلوقتي موجود هنا بيراعيكم لما كنت عند اعمامك وقت ماابوك كان بالمستشفى انت جيت حكيتلي انهم كانوا متضايقين من وجودكم
لينا كلام تاني بكرة
اخواتك ناموا وتعبوا واغلبهم ناموا معيطين بسبب انك بتسمع لاعمامك اتفضل طلع اخواتك فوق وخلي الستات الي سارة شغلتهم . هنا يحضرولكم الاكل
سارة:لمياء اطلعي على شقتي وارتاحي انا ليا كلام مع الاستاذ ومع سليم
انصرف اولاد نصر ولمياء
قالت سارة :انا ليه حاسة ان في كلام تاني عندك يااستاذ
المحامي 'فعلا في جواب باسمك يامدام سارةوباسمك ياسليم وبعد ماتقروه هاستنى منكم زيارة بمكتبي
البقاء لله استأذنكم انا
بعد انصرافه قال سليم وهو ينهض:انا رايح ابات في فندق قريب
سارة:لا خد دة مفتاح بيتي انت عارفه انا عملت شقة للضيوف تقدر تقعد فيها وانا هاتصل بالحارس عشان يدخلك
واتصلت سارة بالحارس واخبرته بقدوم سليم
سليم :شكرا ياسارة شدي حيلك انا اسف على كل الي حصل
سارة:مش ذنبك بس انت هاتقرا الجواب امتى
سليم:مش عارف وانتي
سلرة:مرهقة ومش عارفة
سليم : اوك انا هامشي بس هو في حاجة بكلام المحامي تخصنا سوا ولما نقراه هنعرفها
سارة:فعلا و شكرا على موقفك
انصرف سليم وقبل ان ينطلق بسيارته حاءه اتصال تليفوني من إخوته جعله يعود اليهم
ويجلس معهم ليستمع إليهم وهو بحالة صدمة مما قالوه عن سارة
🤔🤔🤔🤔🤔🤔
ياترى قالوله إيه
يتبع
#القادرة
#بقلم_مرفت_السيد
#M_s
