رواية احمد وحنين الفصل الثلاثون 30 بقلم هايدي احمد
#حنين 30
:بتكلمى مين يا ريهام
ريهام : دى دى فاطمه
محمد: امم وهى فاطمه مش كانت معاكى النهارده
ريهام : اصلى كنت.. كنت بطمن عليها روحت ولا لا
محمد بصلها بصه مش مفهومه ومتكلمش وسابها ومشى
ريهام : اووف الحمدلله ..الو اسمع يا ز.فت انت تانى مره مترنش انت استنانى اما ارن عليك يلا مع السلامه
_____________________
: تعرفى ..ده اجمل يوم فى عمرى
هنا : بجد
حسن : ايوه طبعا بجد انا مش مصدق انى بكلمك دلوقتى تعرفى انا مستغرب ازاى مكنتش شايفك قبل كده مع انك كنتى قدام عينى علطول
هنا : بصراحه وانا كمان مستغربه لعند ما شوفتك يوم الى حصل فى الكليه كأنها كانت اول مره اشوفك فيها كنت شايفاك حد تانى خالص ودى كانت نقطة البدايه بينا على فكره
حسن : ايوه فعلا طب بقولك ما تيجى نخرج بكره يعنى احتفالا بإنه خلاص اتخطبنا
هنا : طب هسأل ماما وأحمد واقولك
حسن : لااا ابوس ايدك بلاش احمد
هنا بضحك: مهو مينفعش لازم يعرف
حسن : امرى لله استأذنيه هو ومامتك اه على سيرة احمد هى حنين عامله ايه
هنا بإستغراب : كويسه بس ايي
حسن : ايه قولى ..احكيلى متقلقيش
هنا : بصراحه امبارح فى الخطوبه شوفتها مشيت فجأة معرفش كانت زعلانه من ايه وبعدين بقالها فترة مش كويسه وتعبانه
حسن : امم طب بقولك النهارده ان شاء الله تروحى تشوفيها وتتطمنى عليها
هنا بإستغراب : ليه بتقول كده فيه حاجه ولا ايه
حسن : لا لا مفيش بس اعملى الى بقولك عليه وانتى هتفهمى كل حاجه يلا اشوفك بعدين
هنا : ربنا يسهل سلام
حسن خلص مع هنا وقام يلبس عشان يروح الشغل
وهنا قامت تشوف حنين وتتطمن عليها لأن كلام حسن قلقها عليها
__________________________
:ها عملت ايه فى الى قولتلك عليه
:يا عم متقلقش قريب هتسمع الاخبار الحلوه
:انا عايزه ان شاء الله من تحت الارض فاهم
:خلاص اعتبره حصل سلام
______________________
حسن : ايه يا بنى بتكلم مين
احمد : لا مفيش ها قولى جاى متاخر ليه
حسن: مانا نايم متاخر بقى وكنت سهران
احمد خبطه فى كتفه : اه كنت سهران مانا واخد بالى طب اسمع بقى شغل التليفونات والمكالمات ده تخفه هه
حسن : يا اخى ده انا لسه بقول بسم الله ما تسبنى بقى اعيش حياتى
احمد : تعيش حياتك ماشى
حسن : طب بقولك ايه بقى انا عايز اخرج بكره مع هنا ده بعد إذنك يعنى ها
احمد : ههه يا حبيبي..لا
حسن : انت ليه بقيت عملى الاسود فى الحياه ها
_____________________________
:طب قوليلى طيب ايه الى مضايقك
حنين : مفيش بجد يا هنا انا كويسه اهو
هنا : كده كويسه امال لو مش كويسه هتبقى عامله ازاى
حنين : يا هنا بجد انا ..انا
هنا بقلق:انتى ايه قولى انا سمعاكى
حنين بدموع : انا تعبانه اوى تعبانه اوى يا هنا
حنين قعدت تعيط وهنا حضنتها وطبطبت عليها
هنا : مالك يا حبيبتي احكيلى فيه ايه بس مالك اهدى يا حنين واتكلمى
حنين بشهقات : هح..هحكيلك
______________________
:يعنى بعد كل الى عملته ده وفى الاخر تيجى تزعقيلى انا انا مالى انا عملت الى عليا وقولتلك الباقى عليكى
فاطمه : انتى قولتيلى انهم بعد الى عملتيه ده هيتطلقوا علطول .. ما يمكن كشفوا الموضوع
ريهام : لا متقلقيش هو ميعرفش الواد ولا هيعرف يوصله ثم الرقم الى بعت منه الصور كسره والرقم الى بعت منه الرسايل كسرته وبالنسبه لوشه الى فى الصور مش هيبان اوى ف عايزه ده كله وفى الاخر ميتطلقوش دى جبله بقى
فاطمه : معرفش بقى بس ده سابنى امبارح وطلع وراها يعنى لسه مهتم بيها يعنى كأنك معملتيش حاجه
ريهام : يووه بقى معرفلكيش بس موضوع زى ده مش سهل افهمى بقى بصى اقفلى دلوقتى اما اقوم اشوف الاكل عشان محمد زمانه جاى وبطلى افكار فى الموضوع ده
فاطمه : لا يا ريهام مش هرتاح برضه
ريهام : انتى حره انا عملت الى عليا يلا سلام
اووف اعملها ايه دى التانيه ده كفايه الى عملته
فجأة تليفونها رن برقم غريب اتضايقت وفتحت
:الو.. انا مش قولتلك قبل كده مترنش انا الى هرن عليك انت مبتفهمس الله
الشخص : اسمعينى انا فى ناس بتدور عليا واكيد بسبب الموضوع الزفت بتاعك انا قولتلك مظهرش فى الصور وده اكيد حوزها الى بيدور عليا
ريهام : وانت شغلتك ايه مش اخدت الفلوس عايز ايه تانى اعملك ايه واكيد مش هو يعنى
الشخص : اسمعى اما اقولك انا لو حصلي حاجه وطلع فعلا جوزها هدله عليكى انا مش ناقص مصايب
وقفل الخط
ريهام : اسم...الو الو ده ايه المصايب دى بس
سابت التليفون ولفت عشان تروح المطبخ بس اتخضت لما شافت محمد واقف على الباب وراها ومربع ايديه
ريهام : بسم الله الرحمن الرحيم مش تقول انك هنا انت جيت من امتى
محمد: من شويه كنتى بتكلمى مين
_______________________
هنا : معقوله كل ده حصل وازاى احمد يعمل كده
حنين ببكاء : صدقينى مش عارفه كأنه واحد تانى خالص غير احمد ده حتى مكنش راضى يسمعنى مصدق الشات ومش مصدقنى وفى حاجات غير الكلام للاسف
هنا : طب متعرفيش مين كتب الكلام ده على تليفونك ما يمكن حد مهك.ره
حنين : معرفش يا هنا معرفش مين عايز يأذينى مين من مصلحته يحصلى كده ومين ده الى بعت الصور وكان فى المطعم والله دى كانت اول مره اشوفه
هنا : طب استهدى بالله يا حبيبتي ان شاء الله هتتحل صدقينى خير والله ده اختبار من عند ربنا
حنين : بس انا تعبت تعبت بجد انا فى نظره متهمه وخا.ينه وانا والله ماعملت حاجه
قعدت حنين تعيط وهنا بتهديها وبتطبطب عليها لعند ما نامت
________________________
ريهام : دى فاطمه كنت بدردش معاها شويه
سابته وكانت خارجه رايحه المطبخ بس وقفها كلامه
محمد : وهى فاطمه قلبت راجل امتى
ريهام بتوتر: هه راجل ازاى بس انت بتهزر
محمد بصلها بغضب وبعدين مسكها من شعرها : وإحيات ام.ك انتى هتضحكى عليا فكرانى عبيط يا ريهام
ريهام كانت بتصرخ من الوجع وبتحاول تفلت منه بس هو اقوى منها
ريهام : انت اتجننت سيب شعرى يا محمد
محمد: انتى ليكى عين تتكلمى ده انا هدف.نك مكانك انا سمعت كلامك معاه امبارح كله من اول ما دخلت عليكى لعند ما سبتك وطلعت بس بشوفك هتوصلى لفين ولا تكونى فاكره هتاكلى بعقلى حلاوه زى كل مره ويكون فى علمك انا عرفت عملتك السوده ده انتى طلعتى بنت ....*ده كله يطلع منك انتى عايزه تخربى بيت اخويا يا بنت ال....* ده انتى ليلتك سوده
ريهام كانت بتصرخ : ايه ال. بتقوله ده انا معملتش حاجه سبنى يا محمد
محمد : بس اخرسي معملتيش حاجه امال مين الى عمل وكلامك مع فاطمه ده ايه نظامه برضه معملتيش حاجه
ريهام : لا ده كلام ستات ملوش دعوه بالى بتقول عليه
محمد : امم طب حيث كده نشوف كلام الستات ده نظامه ايه ولا ايه رايك
ريهام بصتله بعدم فهم: قصدك ايه
بعد عنها وساب شعرها وبصلها بصه مش مفهومه : يعنى طلاقك قصاد الكلام ده يا تحكيلى يا والله العظيم هتكونى مروحه على بيت اهلك النهارده وورقة طلاقك وراكى سااامعه
ريهام : انت بتقول ايه عايز تطلقنى يا محمد
محمد بعصبيه : يلا اتكلميييي
ريهام اتخضت : ح.حااضر هتكلم
____________________________
احمد رجع من الشغل وعدى على مامته : السلام عليكم عامله يا ماما
الام : بخير يا حبيبي اكلت ولا لسه
احمد : الحمدلله اكلت امال هنا فين
الام : جوه اهى يا حبيبي خير
احمد : اصل البيه عايز يخرجوا سوى وانا مش عايزهم يخرجوا لوحدهم
الام بصحك : الله فى مالك يا ابنى معرفش انك كده وبعدين ده حسن صاحبك مش واثق فيه
احمد بحزن : بعيد عنك مبقتس واثق فى حد نهائى يا امى المهم قوليلها انى موافق تخرج بس يا تاخد صاحبتها معاها يا اما هو يجيب اخته معاه غير كده مفيش خروج
الام : عين العقل يا حبيبي ماشى هقولها
احمد : تمام عايزه حاجه انا هطلع انا
الام : سلا يا حبيبي سلملى على حنين
احمد بصلها وبعدين سابها وطلع فوق دخل الشقه وبرضه حنين مكنتش موجوده دخل اوضة الاطفال وكانت نايمه فأستغرب : معقوله نايمه من امبارح ومصحيتش
قرب منها وشاف درجة حرارتها وكانت كويسه اطمن وبعدين قعد جمبها وفضل باصصلها شويه وبعدين سابها وراح الاوضه التانيه يغير وياخد شاور
_____________________________
ريهام : ده كل الى حصل
محمد : انتى ايه انا مش مصدق انك نفسها ريهام انتى ايه شي.طانه
ريهام : لا بس انتم السبب ايوه انتم كل حاجه حنين حنين حنين ايييه وانا فين ليه هى احسن منى ليه حماتى بتحبها اكتر منى حتى ولادى بيحبوها عنى انا امهم اشمعنا هى حتى جوزها بيحبها اكتر ما انت بتحبنى اشمعنى هى اشمع...وقفت كلام بسبب صفعه قوية من محمد
محمد : عارفه ليه عشان هى احسن منك فعلا وانضف منك على الاقل معندهاش السواد الى جواكى ده وبتحب الخير لغيرها وعمرها ما أذت حد حتى انتى لما كنتى بتعامليها وحش وبتعملى فيها مقالب سامحتك ومأذتكيش ولا ردتلك الى عملتيه بالعكس وفوق ده كله عايزه تأذيها مع انك قولتيها احنا السبب احنا الى فضلناها عليكى مش هى الى كرهتنا فيكى وده معناه انها احسن منك فعلا انا مصدق ان السواد ده كله جواكى مش مصدق
ريهام كانت حاطه ايديها على وشها وبتعيط وحاطه راسها فى الارض ومش قادره تبص فى عنين محمد
__________________________________
حنين صحيت من النوم وراسها بتوجعها من كتر العياط
قامت دخلت الحمام واخدت شاور وبعدين طلعت عملت كوباية نسكافيه وقعدت فى الصاله قدام التليفزيون
كانت أفكارها متلخبطه ومش عارفه تعمل ايه ولا الى هى فيه ده هيخلص على ايه خانتها دموعها كل ما تفكر فى الى حصل بعد شوية لمحت احمد وهو طالع من الاوضه وفى ايده الابتوب وقعد عشان يكمل شغل حنين اتجاهلته ومبصتلوش وبعدين خلصت النسكافيه وقفلت التليفزيون ودخلت الاوضه تانى من غير ما تبص لاحمد
احمد رفع راسه وبص نحية الاوضه بإستغراب منها وبعدين كمل شغله
حنين دخلت الاوضه وكانت خلاص اخدت قرارها وهتنفذه بعد تفسر طويل من
____________________________
:احم ازيك يا سلمى
سلمى : الله يسلمك طبعا لو قولت انا هنا الى جابتنى مش هتصدقنى صح
حسن: ده بجد
هنا : بصراحه ده كان شرط احمد يا انا جيب سلمى يا اما تجيب مريم
حسن : يا ابن ال ماشى مردوداله
سلمى: متقلقش خد راحتك انا جمبكم هنا ماشى
هنا : لا استن...سلمى
حسن : لا واضح ان ده شرط احمد فعلا
هنا اتكسفت وبصت فى الارض
حسن بضحك: طب خلاص خلاص انتى قلبتى فراوله كده ليه على راحتك انا معنديش مانع بالعكس ده الصح ها كلمتى حنين
هنا بحزن : للاسف ايوه وفيه مشكله كبيره اوى
حسن : امم ده الى اقصده
هنا : انت كنت عارف صح ..طب ليه مقولتش
حسن : اقول ايه بس مكنش ينفع وبعدين انا مقولتلكيش عشان انا وعدت احمد متكلمش فحبيت انتى تعرفى من حنين افضل
هنا : ويا رتنى ما عرفت انا مش مصدقه ده كله
حسن : ولا انا بس انا متاكد انى فيه حاجه غلط
هنا : ربنا يحلها من عنده حنين صعبانه عليا اوى
حسن : ايوووه احكيلى بقى حنين قالتلك ايه
____________________________
:بت يا فاطمه قومى شوفى الباب بيخبط وسيبك من المخر.وب ده بقى قومى
فاطمه : حااضر حاضر اووف.. ايوه حاضر احنا هنطير
فاطمه فتحت الباب واتفاجأت ب....
#يتبع
