.jpg)
رواية احببت وكيل النائب العام الفصل السابع 7 بقلم اسماء عطا الله
#احببت وكيل النائب العام
البارت السابع
احمد: انا بقول تدعيلنا بالجواز يكون افضل بردوا
اسماءبزعل:بعد اذنك انا لازم اقفل
احمد بسرعة:لا استني عاوزك في موضوع بخصوص الرسمة
اسماء بغضب:مالها
احمد: بصراحة وقعت الماية عليها غصب عني وكدا
اسماءبزعل:والمطلوب
احمد برجاء:ترسميلي واحدة غيرها
اسماء: حاضررر
احمد: هتخلصيها امتي
اسماء: اما اشوف
احمد:يريت يكون في اقرب وقت
اسماء:انا هقفل عشان عاوزة انام بعد اذنك وقفلت علي طول وقعدت تلوم نفسها ان هي اتكشفت قدامة وتقول لنفسها غبية غبية متسرعة زمانوا بيقول عليكي مدلوقة علية وبعدين قامت وجابت اسكيتش الرسم وطلعت في البلكونة وقعدت ترسم احمد
وبعد شوية حوالي تلات ساعات كانت خلصتها ودخلت. ونامت
صباحا في بيت احمد
كان صحي من نومة وبيلبس رن عليها
اسماء كانت لسة نايمة
فضل يرن كتيير لحد ما ردت
اسماء بنوم:نعععم
احمد:ياساتر مالك في اي
اسماء:والله انت اللي في اي نازل رن في ناس نايمة
احمد: اممممم اسف خلصتي الرسمة
اسماء:ايوا عشان اخلص من الزن دة واشوف مذاكرتي بقا امتحاني كمان شهر
احمد: ماشي هقابلك في الكافية فاضية امتا
اسماء:الساعة6 بعد الدرس
احمد:ماشي سلام
اسماء:سلام
وقمت من نومي ودخلت اتوضيت وصليت وبعدين قعدت افطر مع ماما وبابا ومش جايبين غير سيرة الامتحانات وخلاص الحكاية بيتكتب سطورها الاخيرة وانا خوفي من الامتحان بدأ يزيد اكتر قمت دخلت قعدت اذاكر لحد ما تعبت واتهد حيلي من المذاكرة وبعدين لبست ونزلت اروح دروسي واخدت طبعا معايا الرسمة اللي هديها لاحمد باشا اللي انا مش طايقة اشوفة بعد مجرجرني في الكلام وعرف اني بحبة ومدلوقة علية ومستمتع جدااا بنفسة بصراحة معاة حق هو حلو ووسيم وشيك ومز وقمر بس دا ميمنعش انوا لو عمل اي كداا عمري ماهسامحة وروحت الدروس وخلصت وطلعت علي الكافية وقعدت استنيتة وبعد شوية كان وصل وقعد وقالي تشربي
اسماء:شكرا اتفضل الرسمة ويارب تحافظ عليها وكنت هقوم وامشي مسك ايدي وقالي مالك في اي
بيسأل في اي كأنة معملش حاجة طب انا سبت الموبايل علي المكالمة مفتوح مش كان المفروض هو قفل صح ولا لاء
رديت وقولتلة:مفيش وطلعت وسيبتوا
طلع وراية وشدني من دراعي وقالي بقولك مالك
اسماء فتحت في العياط وقولتلة زعلانة منك انت السبب
احمد:انا السبب في اي
اسماء.بعياط:مش عارف يعني قعدت تعمل وكيل نيابة عليا امبارح وجرجرتني في الكلام وعرفت ان انا انا وسكتت كمل وقال: اة عشان عرفت انك بتحبيني طب واي يعني مش قولتي اللي جواكي واللي حاسة بية وبعدين ما انا كمان قولتلك اني بحبك علي فكرة ولسة عند كلامي وبعيون كلة حب وحنية انا فعلا بحبك
اسماء بدموع وحب:قول والله
احمد بابتسامة وعيون كلها حب:والله
اسماء وهي بتشهق:يعني مقولتش عليا مدلوقة وكدا
احمد بابتسامة: لا والله
اسماء بكسوف ووجها بقا شبة الطماطم: طب انا عاوزة امشي عشان عندي مذاكرة كتييرة
احمد بابتسامة:لا لازم اصالحك الاول
اسماء شهقت وفتحت بوقها:لا يابابا انت بتقراء روايات ولما البطلة تزعل يقولها البطل. تعالي اصالحك ويتصالحوا بطريقة مش كويسة
احمدبابتسامة ظهرت وسامتة:طريقة مش كويسة ازاي
اسماء بتوتر: يعني مش عارف
احمد:لا و بعدين مش بقراء روايات اصلا
اسماء بتنهيدة:طب الحمدلله
احمد بغمزة:بس هفكر اقراء شكلهم بيصالحوا بطريقة حلوة
اسماء بعصبية:انت طلعت قليل الادب
احمد بصدمة:انا قليل الادب يبت طب تعالي وطلعوا يجروا وراء بعض في الشارع
#يتبع.....
