رواية تزوجت اختها الفصل الخامس 5 بقلم همس حسن
#تزوجت_أختها 🔥🔥
البارت الخااااامس ❤️✨
رفعت ايديها وغرزت السكينة في ضهر زهرة ( اللي هو بالتقريب جنبها)
***صرخت زهرة صرخة سمعها البيت كله***
مها طلعت السكينة من ضهرها وهي مليانة دم ورجعت لورا
عبير داخلة تجري شافت زهرة غرقانة في دمها
عبير : يانهار اسود يانهار اسود ايه اللي هببتيه دهههه يخربيتك 😱😱😱😱😱😱
زهرة بصوت واطي وتعب وبتغمض عينيها : الح.. الحقيني ياماما
وفي ثانية عاصم وفريد دخلوا ووراهم بدر بيزقهم بسرعة وبيجري علي جوا ..
**بدر واقف باصص لزهرة ومصدوم**
وكلهم واقفين مبرقين مش عارفين يعملوا ايه في المصيبة دي
عاصم : زهررررررة
بدر : لا يازهرة مش هتموتي احنا هنهزر ولا ايه
جري بسرعة شالها بطريقة مناسبة للجرح اللي في جنبها
بدر : فريد جهز العربية بسرعة هنروح علي أقرب مستشفى
عاصم بيقف قدامه : مش هينفع يا بدر
بدر : هو ايه اللي مش هينفع ياعمي ؟
عاصم : مش هينفع نروح بيها علي مستشفى
فريد : ازاااااي يابابا ايه اللي بتقوله ده البت بتموووت
عاصم : احنا لو روحنا بيها ااااي مستشفي دلوقتي انشاله تحت السلم هيبقى فيها س و جـ وحكومة ومحضر ومها اختك هتروح في الرجلين لازم نتصرف بعقل
بدر : نتصرف بعقل ازاااااي يعني عشان ست مها متتحبسش هنسيبها تموت !!!!!!!
عاصم بيمسك الفون : انا هتصل بالدكتور بتاعنا ييجي بسرعة بالمعدات بتاعته يشوف الجرح ولو مش غويط اوي وميحتاجش أوضة عمليات يتصرف هو
بدر : واحنا لسة هنستني الدكتور ييجي ؟
انا هتصرف
بيحط زهرة ع السرير وبيحط ايده يكتم الجرح عشان مينزفش
بدر : فريد تعالي بسرعة حط ايدك هنا كدا
فريد : بيكتم الجرح
عاصم : هتتصرف ازاي انت ؟؟؟؟؟
بدر بيقلع الچاكت وبيشمر ايده : انا كنت شغال مع دكتور قبل مااتخرج وهعرف اتصرف علي ماييجي الدكتور
**بيكتم الجرح مكان فريد **
: فريد أنزل هاتلي الحاجات اللي هقولك عليها من الصيدلية بسرررررعة .. وانت ياعمي كلم الدكتور ييجي
عبير : هي هتعيش طيب
بدر بيتلفت وايده علي الجرح : ممكن تاخدي بنتك وتطلعوا من الأوضة ؟؟
عبير : ايوة بس انا
بدر : بعدددد اذنك يا ام فريد الوقت مش مناسب للمناهدة خااالص دلوقتي خدي البت دي من قدامي واخرجي معاها ولما نخلص وتقوم بالسلامة ابقوا تعالو شوفوها
مها بتضحك : آل يعني هتموت بعد ده كله 😅
دي حلوفة بسبع أرواح متخافش عليها اوي كدا
بدر : ايه الغل ده ياشيخة أعوذ بالله من امثالك
اطلعي برااااااا بقوووول
عاصم حاطط الفون علي ودنه بيتصل بالدكتور .. وفي نفس الوقت بيشد مها من دراعها بيخرجها من الأوضة
عاصم : نخرج بس من المصيبة دي وحسابك معايا بعدين يابنت الك$$$ب .. أيوة يادكتور
**في الأوضة**
بدر واقف كاتم الجرح .. فريد دخل ومعاه الحاجات اللي قاله يجيبها
بدر : عقم ايدك بسرعة وتعالي ركز معايا عشان نلحقها
🔥🔥🔥🔥🔥🔥🔥🔥🔥🔥🔥🔥🔥🔥🔥
**بعد نص ساعة**
عاصم : تعالي يادكتور اتفضل
بدر واقف قدام زهرة بعد ما خيط الجرح .. زهرة شبه نايمة او مغم عليها وكلها عرق وبتتنفس بصعوبة
**الدكتور بيبص ع الجرح **
بدر : الجرح كان سطحي الحمدلله وانا عملت اللازم وخيطته زي ما حضرتك شايف بس عاوزك تشوف ايه مطلوب يتعمل تاني وتكتبلها ع الأدوية عشان حرارتها بدأت تعلى
الدكتور : تسلم ايدك الجرح متخيط كويس جدا وهو باين عليه سطحي فعلاً وده ستر ربنا .. بس الحرارة دي لازم تنزل قبل ساعتين عشان هتأثر عليها وعلي الجرح
**بيطلع روچيتا وبيكتب أدوية وبيديها لفريد ينزل يجيبها**
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
***في الصالة***
عبير ومها واقفين
عبير : انا عايزة افهم انتي مخك كان فين وانتي بتعملي اللي بتعمليه ؟؟؟؟؟
مها باصة في الارض وساكتة
عبير : ردددددي ع اللي خلفوني انا مش بكلم امي .. عايزة تقتلي اختتتتتك يابنت المتخ$$لفة
مها بزعيق : اااه عايزة اقتلها واخلص منها وياريتها كانت ماتت وغارت في داهية .. طول عمرها سارقة السعااادة والحب والاهتمام من ابويا ودلوقتي عايزة تسرق خطيييييبي
كان لازم اقتلها وده أقل واجب اقدر اعمله معاها ولو مماتتش المرة دي هحاول تاني وتالت وعاشر
فريد خارج بيسقف 👏 : لا بجد ابهرتيني ..
عملتيها ازاي دي ؟؟ قدرتي تجمعي ازاي الجحود والكره والغل والحقد والغباء وكمان الإجرام في كاس واحد وتشربيه لوحدك وتكوني الإنسان العظيم اللي واقف قدامي ده ؟؟؟؟
هتحاولي تقتليها تاني وتالت وعاشر صح ؟؟
ده لو لحقتي بقا عشان انا اللي هقتل اللي خلفو$$كي
** بيجيبها من شعرها وبينزل فيها ضرب بالايد والرجل وشتيمة ، عبير بتصوت : يافرييييد اختك هتموت في ااااايدك
فريد بيزق امه : اوووووعي ياما عشان مضربكيش انتي كمااااان
بيكمل عليها ضرب ومها بتصرخ بعلو صوتها ومناخيرها بتجيب دم من كتر الضرب **
عاصم وبدر خارجين يجروا علي برا يشوفوا في ايه وبيحوشوا فريد من علي مها
فريد بينهج : اللي زي لازم تموووووت مينفعش تعيش وسطنا دي حرباااااية يابابا
عاصم : خلاااااااص يافريد قولت
مها بتمسح الدم وبتعيط : بتضربني عشان خطافة الرجالة اللي جوا دي ، بكرا تعمل فيك زي ماعملت فيا ياغبي وتيجي تعيط بالدمووووع ، انا بكرهك وبكرههاااا .. بكرهكو كلكو اصلا منكو للللللله .. وانت يابدر وحياة امي لا اوديك في دااااهية
فريد بيحاول يزق ابوه : سيبني عليهاااااا يابابا دي عايزة تكسير دماغهاااااا
عاصم بيسيب فريد وبيروح يمسك مها من دراعها : شكلك مش هتجيبيها لـ بر بس انا عارفة دواكي فين
بيشدها وبيدخل بيها علي اوضتها بيدخلها وبيخرج يقفل عليها الباب من برا بالمفتاح
** بدر شد فريد دخل بيه عالبلكونة**
بدر : جرا ايه يافريد احنا من امتى بنمد ايدينا علي حريمنا ؟
فريد : لما يكونوا حريمنا عايزين يتربوا من اول وجديد نمد ايدينا عادي ، ولا انت عايزني استني لما تقتلها بجد المرة الجاية ؟
بدر : ده مش هيحصل يا فريد ولو انت سمحت بيه انا اللي مش هسمح بيه لأن زهرة تقريباً بقت في حكم مراتي بس كله بالعقل وبالدماغ يا فريد مش بالضرب والعافيه
فريد : كل ده حصل بسبب القرار الغرررريب اللي فجأة قررته انت وابويا وانا مش فاهم ليه وازاي يعني
بدر : مش وقته كلام في الموضوع ده يا فريد
عبير داخلة عليهم البلكونة : بتضرب اختك يافريد ؟؟
فريد : واكسر دماغها كمان
عبير : تكسر دماغ اختك شقيقتك عشان اختك اللي مش شقيقتك
فريد : لا والله! وهي عشان مش اختنا شقيقتنا نقتلها بقا صح ؟؟
بدر : استهدوا بالله ياجماعة مش هنسيب الموضوع الاساسي ونتخانق
عبير : انت بالذات مسمعش صوتك .. انت السبب في اللي احنا فيه أصلا ومتدخلش بيني وبين ابني
فريد : ماماااااا
بدر : بس بس يافريد خلاص .. هي عندها حق
عن اذنكو انا رايح ابص علي زهرة
سابهم ودخل راح علي اوضة زهرة يشوفها ...
لقى عاصم قاعد قدامها وهي نايمة باصصلها وعينه مدمعة
بدر بيطبطب عليه : قوم يا حج غير هدومك وخد دش كدا وانا هخليني جنبها متقلقش
عاصم : ماشي يابدر .. شوية وراجعلك
*********************************
قعد بدر قدامها وبصلها وهي نايمة وشها احمر وردي من التعب وشعرها الاسود الطويل مغطي جزء من وشها الصغير البرئ .. وفجأة لقاها بتشهق او شبه بتتشحتف
(تخريف نوم وتعب) قرب منها طبطب عليها وشال شعرها من علي وشها
بدر : متخافيش يازهرة .. من اول دلوقتي عيني مش هتتشال من عليكي ومش هسمح لحاجة في الدنيا تأذيكي
انا عارف إنك في النهاية مش هتكوني نصيبي وكلها فترة وكل واحد هيروح لحاله وهنتطلق بس من هنا لحد ما الفترة دي تخلص أوعدك مفيش مكروه هيصيبك وانا موجود بعد ربنا
**جسها عشان يشوف حرارتها **
بدر : الحمدلله الحرارة نزلت
**وهو بيتكلم لقى صوابعها بتتحرك .. مسك ايديها بسرعة وبدأ يفرك فيها ويفوقها **
زهرة بتفتح عينيها براحة وبتبدأ تفوق .. بتبص حواليها بتعب وبترفع عينيها بتبص لـ بدر
زهرة بخضة : في ايه يابدر انت قاعد قدامي كدا ليه
بتشد ايديها : وماسك ايدي كمان ليه اوعي يا بدر
وانا ايه منيمني لحد دلوقتي أصلا
بتحاول تقوم فجأة عشان تقعد ..الجرح وجعها جدا
زهرة بتحط ايديها علي جنبها : اااااااه
بدر بيسندها عشان تنام تاني : بس بس متتحركيش عشان الجرح
بدر : جرح ؟؟
جرح ايه
**بدر باصصلها وساكت **
زهرة بتبدأ تفتكر اللي حصل وهي نايمة لما اختها غرزت السكينة في جنبها
غمضت عينيها وكأنها حست بوجع داخلي اكتر من وجع الجرح اللي في جنبها .. بدأت دموعها تنزل ووشها يحمر اكتر من الحزن والعياط
بدر بيطبطب عليها : الف سلامة عليكي يازهرة
متعيطيش عشان العياط هيرفع حرارتك تاني وهتتعبي احنا ما صدقنا نزلت
زهرة بتبعد ايده : وانت مالك انت الحرارة تطلع ولا تنزل ما انت السبب في كل اللي احنا فيه
بدر : اهددددي يازهرة الزعيق هيتعبك تااني وممكن يفتح الجرح
زهرة : اطلع برا يا بدر انا مش عايزة اشوفك
فريد داخل الأوضة : متكلميهوش كدا يا زهرة .. لولا بدر كان زمانك الله اعلم فين ده هو اللي انقذ الموقف ولحقك لحد ما الدكتور جه
زهرة : ياريته كان سابني اموت احسن
فريد بيبوس دماغها : بعد الشر عنك يا حبيبتي .. حمدالله على سلامتك
مش عايزك تفكري في ااااي حاجة ممكن تدايقك دلوقتي ، خفي انتي بس واحنا هنصلح كل حاجة
**عاصم وعبير داخلين الأوضة**
عاصم : حمدالله على سلامتك يازهرة
حاسه بأيه دلوقتي ياحبيبتي ؟؟
زهرة بتعب : الحمدلله يابابا انا بخير متقلقش
بدر : طيب بما اننا متجمعين كلنا كدا انا عايز اكلمكو في موضوع مهم
عاصم : موضوع مهم دلوقتي يا بدر في اللي احنا فيه ؟
بدر : ماهو عشان اللي احنا فيه انا هكلمكو في الموضوع دلوقتي
فريد : خير يا بدر في ايه
بدر : بصراحة انا مبقتش متطمن علي زهرة وهي هنا في الوضع ده وشايف إننا نقدم الفرح شوية
فريد : تقدم الفرح ايه اكتر من كدا ما هو يوم الجمعة الجاية خلاص !
بدر : هنخليه بعد بكرا .. بكرا نجهز كل حاجة وبعده نتجوز تكون قدرت تقف علي رجلها
*** زهرة بتبرق ***
عبير بصدمة : يخربيت بجاحتك ياشيخ !!
ده انت مش هامك حاجة ولا حد بجد بقا ؟؟؟
عاصم : وانا موافق يا بدر
**فريد بيبصله باستغراب **
عاصم : أيوة موافق يا فريد ومتبصليش .. بدر بيتكلم صح وخير البر عاجله
بدر : تمام ياحج .. انا شقتي جاهزة وكل حاجة تقريباً جاهزة بس ممكن نلغي حجز القاعة ونعمل كتب الكتاب في مكان كويس بيننا وبين بعض ونروح ع البيت لأن زهرة تعبانة ومش حِمل أفراح دلوقتي
عبير بتبص لزهرة وبسخرية : وانتي رأيك ايه يا عروسة في الكلام ده ؟؟
زهرة : موافقة علي اللي هيتفقوا عليه أيا كان
عبير : بجد والله
زهرة بتغمض عينيها من التعب وانها مش قادرة ترد تاني
عاصم : خلاااص يا عبير خلصنا البت تعبانة مش قادرة تتكلم اصلا .. يلا نخرج ونسيبها ترتاح
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
** في أوضة مها **
مها : عايزين تحموها مني وتجوزوها خطيبي بعد بكرا ..
وانا بقى طير مكسور الجناح هيسيب أخوه ياكل اكله ويقف يتفرج عليه مش كدا ؟ 😅😂
بتطلع تليفونها بتطلب رقم وبتحط الفون علي ودنها وبعد الجرس ..
مها : أيوة ياشريف
شريف : قولتلك كام مرة متتصرفيش من دماغك ؟
مها : مقدرتش استحمل
شريف : زهرة لو كان حصلها حاجة وربنا المعبود لا كنت سففتك التراب
مها : واديها محصلهاش ياحنين وقامت زي القرد ، واللي حصل جه في مصلحتنا كمان وقدموا الفرح خلوه بعد بكرا سمعتهم وانا واقفة جنب الباب .. فرصتك بقى وريني شطارتك
شريف : حلو اوي الكلام ده
طيب ركزي معايا كويس بقى عشان اللي جاي أهم بكتير من اللي فات وبعد بكرا هيبقى مجزرة 💥💥💥
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
*** تاني يوم الساعة 12 الضهر ***
بدر رايح علي اوضة زهرة عشان يشوفها بقت عاملة ايه
وقف قدام الاوضة خبط ع الباب .. محدش بيرد
بدر : زهرة انتي جوا ؟؟
مبتردش ليه دي !!! معقول تعبت واحنا مش معاها ؟؟
بيفتح الباب وداخل ...
بص حواليه ملقاش حد في الأوضة!!
بدر بيدور يمين وشمال : زهرررررة
**مفيش اي اثر لـ زهرة **
....يتبع
