رواية عشقت برائتها الفصل العاشر 10 بقلم زولة وحيدة
في صباح يوم جديد
آسر كان نايم فاق وملقاش كيان جنبه قام بسرعة وهو بيفتش عليها بخضة
كيان دخلت وهي شايلة القهوة بتاعته وحطتها ع التربيزة
آسر بخضة :قلقتيني عليكي
كيان راحتله وحطت ايديها ع وشه برقة :آسر في ايه ليه بتقلق لما متلاقينيش جنبك
آسر بتوتر :لالا مفيش حاجة
كيان بابتسامة :متخفش مش هيجي يوم واسيبك وإذا انت مخبي عني حاجة قولي وانا هتفهمك
اسر بتوتر :لالا مفيش حاجة ياكيان القهوة هتبرد انا هشربها
كيان :اوكي
وطلعت وهي حاسة انه آسر بيكدب عليها
كيان في نفسها :يارب ميكونش بيكدب يارب شكي يكون مش في محله
وراحت عند روح وقعدت معاها لحد المساء
كيان :انا هروح آسر هيكون مستنيني
روح :بس لسة الساعة 4 بدري ع الحفلة
كيان :لا أصل احنا مسافرين بعد الفرح علطول ولازم نجهز حاجاتنا
روح بفرح :الله...حلو اوي
كيان :يابنتي تعب مش حلو
روح :ماهو التعب هيختفي اول ماتشوفي المناظر الجميلة في ماليزيا
كيان :مش مهم انا هروح بق
روح :طب متنسينش هاتيلي معاكي هدايا
كيان بضحك :ماشي وطلعت
عند آسر كان جهز كل حاجة
كيان بانبهار :الله جهزت كل حاجة
آسر :اه اصل انتي اتأخرتي ف قلت اسيبك مع روح براحتكم
كيان :امممم حلو طب نجهز للفرح
كيان راحت طلعتله قميص ابيض وبنطلون اسود وساعة فخمة بالاسود وجزمة بالاسود
آسر :ايه دة كلو ياحبيبتي
كيان :جبتهملك علشان الفرح محبتش اجيبلك بدلة علشان مش بحبها و.... فجأة قاطعها بقبلة عميقة انتهت بزقه
كيان :ممنوع تبوسني وانا بتكلم
آسر بابتسامة وهو بيقرب :وممنوع المقاطعة وانا ببوس
كيان :بطل يا آسر انا لازم اكويلك الهدوم كدا هتأخرني
آسر :طب اكوي ياستي وراح قعد ع الكرسي
كيان بدأت تكوي وهو بيبصلها
بعد وقت
كيان بضيق :متبصش كدا انا بس عملت ايلاينر وخططت حواجبي
آسر باستغراب:بجد
كيان :اه يعني انت مش ملاحظ
اسر :لا انا كنت ببص ع شفايفك
كيان عضت ع شفايفها بخجل
آسر :طب بقولك امسحيهم
كيان :لا
آسر :نعم
كيان :آسر الليلة فرح روح هي زي اختي يعني زي فرحي ولازم افرح معاها
آسر راح اخد منديل ومسحلها
كيان بضيق :كلهم هيكونو عاملين الا مرات الهواري ليه لأنه جوزها مش بيحب الحاجات دي
آسر :بالظبط كدا
كيان تأفأفت بضيق وقامت
الساعة 6
البيت كان كله حريم وطبعا الرجال برا وكانو الحريم فاكين شعرهم عادي لأنه الشباب مش مسموح ليهم يدخلو القصر
عند آسر وكيان كانت زي الملاك ولابسة فستان اسود طويل مفصل ع جسمها وعليه نقوش بالدهبي وطرحة بنفس اللون بس حاطها ع كتفها وشعرها الطويل منسدل ع ضهرها كان مديها منظر جذاب
آسر :اللهم صل ع النبي
كيان ابتسمت بخجل :اي رايك
آسر :حلوة أوي ياحبيبتي وراح مسكلها راسها وفضل يقرالها قرآن علشان محدش يصيبها بالعين
بعد م خلص باسها من جبينها بحب
آسر :ربنا يحفظك ليا ياحبيبتي
كيان :يارب ويحفظك ليا وميحرمنيش منك ياروحي
آسر :يارب بس انا مش عاجبني اللبس دة
كيان بضيق :آسر والله مش هخلي شاب يشوفني
آسر :طيب بس اذا حد شافك هيكون يومك اسود
كيان :حاضر
طبعا آسر كمان كان طالع حلو اوي بعد م لبس الهدوم اللي جابتهالو كيان
بعد مدة طلعو الاتنين
وأول ما نزلو كل الستات كانو بيبصولهم
كيان بغيرة :بقولك ايه يا آسر متكلمش ولا بنت تروح ع طول لبرا
آسر :مش هيحصل وراح ع بنت حلوة وقعد يضحك معاها تحت نظرات كيان الغاضبة ليه
وهو كان بيعمل كدا علشان يدايقها وكان بيبصلها كل شوية
بعد وقت ملقاهاش بص باستغراب وثواني وهي كانت قدامه
كيان بدلع :حبيبي مش هتعرفني ع البت دي
آسر وهو بيحاول يكتم ضحكته ع غيرتها:دي بنت عمي يا كيان
كيان :هاي ع فكرة آسر متجوز وعارفة مين مراته انا وانا بكره انه حبيبي يكلم بنات ف احسنلك تبعدي عنه اوكي
آسر بغضب ع تصرفها :كيان انتي ازاي تكلميها كدا دي بنت عمي بقولك مش حد غريب
كيان بصتله بحزن واختفت من قدامه
البنت :احم انا اسفة يا آسر لأنه بسببي مراتك زعلت بجد اسفة
آسر :ولا يهمك
وطلع من القصر وراح ع شقة محمد اللي هي قريبة من القصر كانو فيها الشباب
بعد مدة عند البنات كيان كانت نزلت ومعاها روح اللي لابسة فستان ازرق منقوش بالدهبي زي بتاع كيان وطرحة بنفس اللون وعاملين نفس التسريحة
(طبعا هي مش لابسة زفاف لأنه دي حفلة صغيرة ودة كان اختيار روح طبعا بعد ما تخلص الحفلة محمد هيجي ياخد روح ع شقته وكدا خلاص)
بعد شوية اشتغلت الاغاني في القصر والبنات كلهم بيرقصو
آسر راح ع القصر علشان ياخد فونه بس اتفاجئ لما شافها.....
#عشقت_براءتها
#بارت10
