رواية قضية راي عام (كاملة جميع الفصول) بقلم محمد خلف
#قضية_راي_عام
الاولي
فتح امين الشرطه رمزى باب حجرة ضباط المباحث وهو يزعق ياباشا ياياشا
حضرتك تحب تلقى نظره على الدفعه الجديده؟
الضابط عونى وهو يضع قدميه على الطاوله وفى فمه سيجارة
فيه إيه يا رمزى؟؟
مجموعه جديده من فتيات الليل ياباشا بس ايه حاجه تخبل
الضابط عونى، إتلم يا رمزى؟
حاضر ياباشا!!
الضابط عونى __دورهم مكتب ودخلهم الحجز لحد ما يتعرضو على النيابه بكره
متأكد ياياشا انك مش عايز تلقى نظره؟
ولا تحقق معاهم وتنعنش الليله؟
رمزى أخلص، انت عارف انى بقرف من الأشكال دى!
خرج أمين الشرطه رمزى من مكتب الضابط عونى وهو يدمدم بأفكاره الخاصه وبيده مفاتيح الحجز
رمق الصف الطويل من الفتيات قبل أن يأمرهم بالتحرك
بكره الصبح هتتعرضو على النيابه، فى الحجز تلتزمو الصمت والهدوء واحمدو ربنا ان حضرة الضابط عونى رفض يحقق معاكم ويعمل معاكم زى بقية الضباط
واحده من الفتيات سمعت اسم الضابط عونى وبدأت فى نحيب خافت سرعان ما تحول لما يشبه الصراخ انتابتها صدمه وكانت على وشك ان تفقد وعيها
___اقترب منها امين الشرطه رمزى، إنتى هتستهبلى يابت؟
أتكونيش فاكره لما تستعبطى كده هنوديكى المستشفى زى الأفلام؟
ثم نظر تجاه الفتيات يسألهم من أين أتت تلك الفتاه، الكل نظر إلى بعضه وأكدو انهم لا يعرفونها وانها المره الأولى التى يرونها فيها
وضع امين الشرطه رمزى يده على ذقنه، يعنى البنت دى مكنتش معاكم فى الشقه؟
رد الجميع لا
دى كانت فى البوكس لما قبضو علينا
سأل الأمين رمزى بنبره نادرآ ما يستخدمها مع المتهمين
إنتى جيتى من فين؟
ردت الفتاه بأنكسار انا كنت ماشيه فى الشارع فى منطقة المطريه جنب بيتنا
والبوكس وقف جنبى ودخلونى فيه من غير ميسألونى اى سؤال
الظاهر لازم الضابط عونى بيه يحقق معاكى قال الأمين رمزى وهو يحرك قدميه ناحية باب الغرفه
إرتعش جسد الفتاه مره أخرى لسماعها إسم الضابط عونى وصرخت الفتاه، لا، أرجوك، بلاش، انا هتعرض على النيابه معاهم وكان عيونها غرقانه بالدموع!!
لكن الظاهر انك بريئه!؟
كمان ايه الى جاب المطريه عندنا هنا فى قسم الازبكيه
يا حضرة الضابط عونى، ياباشا؟
صرخ الامين رمزى مره أخرى
ألقت الفتاه بجسدها على قدمى الأمين رمزى، ابوس رجلك بلاش تدخلنى على الضابط انا عايزه ادخل الحجز
سمع الضابط عونى زعيق الأمين رمزى خارج الغرفه، سحق عقب السيجاره ونهض من مكانه و و واللي جاي تقيل 🔴
كتابة محمد خلف صالح
