رواية حب بدون ارادتي الفصل العاشر 10 والاخير بقلم يارا عبد العزيز

رواية حب بدون ارادتي الفصل العاشر 10 والاخير بقلم يارا عبد العزيز 

 

البارت العاشر

الأخير 

روحوا شقتهم وانصدموا اما لاقوا عادل قاعد فى الريسبشن

فارس بعصبية وغضب : انت بتعمل ايه هنا 

بضحكة سخرية 

: جاى اديها محاضرات انهاردة اصلها مجتش

اتجه ناحية نور 

: اتفضلى يحبيبى

الدم جرى فى عروقه واتعصب جامد راح عنده وضر.به 

عادل بثقة

: احنا فينا من كدا دا انا حتى فى بيتك واحنا صعايدة زى بعض وعارفين ان اكرام الضيف واجب

: كويس انك فكرتنى بالصعايدة

طلع مس.دسه وحاطه فى راسه

نور بخوف 

: فارس انت هتعمل ايه

عادل 

: خايفة عليا يحبيبتى متخافيش ميقدرش يعملى حاجه هو أضعف من كدا بكتير

فارس بسخرية

: وليه معملش كدا انت فى بيتى يعنى انا ممكن اخ..لص عليك دلوقتي وهقول دفاع عن النفس وانت اصلا اكتر واحد مجرب الموضوع دا 

: لو كنت عايز تق..تلنى كنت قتل.تنى من زمان بس انت عايزنى عايش قدامك عشان ت.موتنى بالبطئ واخترت نور عشان تعمل كدا 

بعصبية شديدة ومسكه من لايقة قميصه 

: اسمها ميجيش على لسانك

: نور تبقى حبيبتى انا وانا اللى فى قلبها انت اللى غصبتها على الجواز زى ما هددتنى بيها كدا عشان اطلقها

نور بصتله بأستغراب وهى بتحاول تستوعب أو تفهم حاجه من اللى بيتقال

: نور دلوقتي مراتى انا انت مكنتش ولا هتكون حاجه فى حياتها

: طب ما نسيبها هى اللى تقول هى بتبحب مين فينا كمل وهو بيبص لنور نور قوليله ان انا اللى حب حياتك

نور بعصبية وعياط 

: كفاية بقى حرام عليكوا هدمتوا حياتى دمرتونى عملتونى لعبة ما بينكوا انتوا الاتنين انا ذنبى ايه طيب فى كل دا ذنبى ايه أطلق وانا لسه مكملتش العشرين سنة ذنبى ايه اللى يسو وميسوش يتكلم عليا ذنبى ايه توجعولى قلبى اوى كدا 

فارس جرى عليها

: والله العظيم انا عمرى ما عرفت اذيكى ااه اتجوزتك عشان انتقم منه بس معرفتش معرفتش والله كنت بتوجع على كل دمعة بتنزل منك بسببى

بصتله بجمود 

: انت عارف انك السبب الاكبر فى كل وجعى ليه ليه تعمل فيا كدا

بص بغضب 

: عشان احر.ق قلبه زى ما ح.رق قلبى على قمر عادل هو اللى قت..ل قمر 

نور بصدمة

: ايه 

عادل : انا مقصدتش انى اق..تلها انت اللى كنت المقصود بس هى اللى اخدت الرصاصة بدالك انا اكيد مش هق..تل اختى يعنى

نور بصدمة: اختك !!!! قمر تبقى اختك

فارس : ايوا قمر تبقى اخت عادل انا وقمر كانا بنحب بعض من واحنا اطفال بس لما كبرت قروروا يجوزوها لابن عمها بس انا مقبلتش بكدا وخدتها واتحوزتها من وراهم كلهم ولما قمر بقيت حامل كانت مبسوطة اوى وقررت تروح تفرح عيلتها يمكن قلبهم يحن عليها انا كنت رافض بس هى اللى اصرت ولما روحنا هناك عادل حاول يض..ربنى بس قمر هى اللى اخدت الر.صاصة وقتها ولما عرفت بعدها أن عادل اتجوز قررت اوجع قلبه زى ما وجع قلبى بس معرفتش اذيكى برئتك وطفولتك وكل حاجه فيكى كانت بتمنعنى بس انا مش هسيب حق مراتى وه..خلص عليه دلوقتي

رفع المس.دس ناحيته

نور بخوف 

: فارس انت هتعمل ايه لا يا فارس متوديش نفسك فى داهية

: مش هودى نفسى فى داهية هقول انه كان دافع عن النفس زى ما هو قال كدا وطلع من قضية ق..تل مراتى بس انا اللى دلوقتي هاخد حقها بأيدى وكان لسه هي.ضرب بس نور وقفت قدامه واخدت الر.صاصة بص بصدمة مش مستوعب اللى حصل دقات قلبه بدأت توقف شكل قمر قدامه وكل اللى حصل فى الماضى

عادل بخوف 

: نور نور ردى عليا يا نور 

فارس جرى عليها بخوف واتكلم بصوت عالى

: انت مش دكتور اعمل اى حاجه بسرعة

بدأ يوقفلها الن..زيف ورنوا على الاسعاف تاخدها

فى المستشفى

عادل دخل معاهم غرفة العمليات شاف نور قصاد عينه وهى فى الحالة دى كان بيعمل العملية وهو حاطط كل تركيزه فيها بدأ يدوها البنج لتهتف بضعف 

: فارس فارس انا بحبك

ثم فقدت وعيها كليا سمع الكلام دا وحس ان قلبه بي..تقطع مليون حتة معقول لدرجة دى بتحبيه يا نور يا رب تشفيها يا رب انا اشفيها يا رب وانقذها وانا مش هعترض طريقها تانى وهسبها لى اللى بتحبه بس انقذها يا رب 

فى الخارج

كان رايح جاى قدام غرفة العمليات بيقرأ بعض السور الصغيرة وبيدعى ربنا وهو حرفياً قلبه مي..ت من خوفه عليها ادرك فى اللحظة دى انه بيعشقها قرر انه هيدى لحياته فرصة تانية معاها بس ربنا ينقذهوله

مر تلت ساعات على عادل وفارس بخوف كبير خرجوا من غرفة العمليات

فارس بخوف: نور نور هى كويسة صح 

عادل : عدت مرحلة الخطر متخافش

فارس : طب هى فاقت

عادل : شوية وهتفوق

دخل اوضتها وفضل قاعد جانبها وماسك ايدها

نور بضعف : اااه

فارس : نور انتى كويسة 

نور بأببتسامة: انا تمام متقلقش

فارس : انا اسف يا نور انا اللى وصلتك للمرحلة دى

نور : انت مكنتش تقصد زى ما عادل برضوا مكنش يقصد يعمل كدا فى قمر قمر اخته يا فارس انت مفكر انه مثلا عايش مبسوط ديما كنت بشوف الحزن فى عينه صدقنى وجعك على مراتك مش هيكبر اكبر من وجعه على اخته كفاية انه هيفضل طول عمره عايش بالذنب دا متزودهاش عليه لو سمحت

فارس : هو هو انتى لسه بتحبيه

نور : والله لا انا بس مش عايزكوا تفضلوا كدا 

فارس : نور انا عايز اقولك حاجه

نور : اتفضل

قاطعه دخول عادل 

: انتى كويسة

: ايوا الحمد لله 

عادل : انا اسف والله العظيم ما كنت اقصد بس حط نفسك مكانى ان اختك اللى كنت بتثق فيها تهرب يوم فرحها مع اعز صديق ليك والله كنت متعصب وغضبى خلانى مش عارف اعمل ايه

فارس : فكرة انى اسامحك دى هتبقى صعبة عليا انا عمري ما هنسى انك قت..لت مراتى وابنى احسنلك تطلع من حياتنا خالص

عادل : تمام عن اذنكوا

حجزوا نور اسبوعين

فى بيت فارس 

فارس وهو بيقعدها على السرير 

: على مهلك

نور : انا كويسة والله 

فارس : عايز اقولك حاجه

نور : قول

فارس : انا بحبك

قلبها طار من الفرحة لاقت نفسها بتحضنه بسرعة 

: وانا كمان والله 

فارس وهو بيطلعها من حضنه 

: بجد يا نور 

: بجد يا عيون نور 

بعد مرور أسبوعين

: انت فين يا فارس

: يحبيبتى رنتى عليا لحد دلوقتي بتاع عشر مرات وبقولك فى الطريق

: طب يلا بسرعة

وصل البيت ولاقى النور مطفى شغله ليجد لوحة كبيرة متعلق عليها صورة طفل صغير ومكتوب عليها انا جاى يا بابى

ضحك بفرحة كبيرة لتظهر نور وقتها

: ايه رأيك

: اجمل والطف واحلى حاجه اسمعها فى حياتى انتى حامل صح انا فهمت صح

: ايوا صح

حضنها بفرحة 

: مبروك يا عمرى

: عليا وعليك يحبيبى

تمت

لمتابعة باقي الرواية زوروا قناتنا ع التليجرام من هنا 

تعديل المقال