رواية معلمة من الصعيد الفصل الحادي عشر 11 بقلم مريم شعبان
بسم الله الرحمن الرحيم
(بارت¹¹)
ف منزل هيام ف وقت الشروق كان حاتم نازل القسم بسبب مكالمة اني ف مشكلة كبيرة و لازم يروح دلوقتي حاتم و هو خارج يسمع صوت من المطبخ
حاتم باستغراب: الساعة ٦ مين صاحي دلوقتي و يروح و كانت موده واقفة
حاتم: انتي بتعملي اي علي الصبح
موده: يا بني خضتني
حاتم: واقفة ف المطبخ بدري كده ليه
موده: بعمل كيكة
حاتم باستغراب: دلوقتي
موده: اه عشان عز
حاتم: عشان عز قولتلي
موده: احم هو جاي ف حبيت اعمله حاجة حلوة
حاتم بابتسامة: ربنا يحفظكم لبعض
موده: يارب المهم رايح فين
حاتم: القسم لازم اروح دلوقتي
موده: ليه ف حاجة
حاتم: مش عارف لسه هروح اشوف انا بقالي يومين قاعد أخدت أجازة عشان خطوبة الهانم
موده: حبيبي ربنا يحفظك خلي بالك من نفسك ربنا يستر طريقك
حاتم: يارب يلا سيبي قطعة من الكيك ليا تمام
موده: من عيوني حاضر
حاتم: يلا السلام عليكم و يخرج
موده: وعليكم السلام ف رعاية الله و تكمل الكيك
****
ف فيلا سليم الكل كان صاحي علي الفطار ماعدا جاد طبعا
سليم: فين جاد
سهام: نايم يا بابا
سليم: انا قولت كذا مرة الفطار بيكون الساعة ٨
نبيل: معلش يا بابا عشان بيكون عنده مذاكرة بس
سليم: ماشي لما نشوف اخرتها معك انت و عيالك
كاظم: يا حاج هم شباب بيحبوا السهر خليهم براحتهم
سليم: ده نظام و الكل لازم يمشي عليه
عز: اه انا هبدا ف الجناح بتاعي بعد اسبوعين بإذن الله
سليم: جناح
عز: اللي اتجوز فيه
سليم: هي اوضتك مالها يعني مش فاهم جناح ازاي يعني تعمل مطبخ و حمام و صالة صغيرة
عز: بظبط كده هعمل كده ف الدور التالت
سليم: ليه تعمل كده
عز: عشان موده تكون براحتها تعمل اللي نفسها فيه ف الجناح بتاعها براحتها
سليم: ازاي يعني هي غريبة دي حفيدتي يعني احنا اهلها تعمل اللي عايزه ف المطبخ اللي تحت و اوضتك تكون زي ما هي
عز: لا يا جدو موده اه من العيلة بس اكيد هتكون مكسوفة و كمان البيت ف شباب كتير و موده عايزة تكون براحتها ف احسن اعمل كده فوق بقي لها مطبخها و حياتها فوق تنزل وقت ما هي عايزة
سليم: قصدك انكم تقعدوا فوق علي طول مش هتنزلوا وقت الاكل
عز: لا ليه هنزل بس لو موده عايزة
سليم: افتكر يا عز اني ده كله عشان موده تقعد معايا
عز: هتقعد معك يا جدو اكيد بس هي مراتي و اكيد لينا حياتنا الخاصة موده مختمرة اكيد لمي تكون عايزة تقف تعمل اكل مش هتقف بالخمار و الفستان لازم تكون براحتها
سليم: و انت بتاخد قرارات من دماغك كده
عز: حضرتك عارف من الاول اننا هنعمل كده
سليم: انا قولت هتكبر الاوضة مش هتعمل ده كله
عز: أهو بقي دي طلبات موده
سليم: و انا مش موافق عليها
عز: تمام بس دي حياتي انا و مراتي لو مش موافق هروح اخد شقة برة و اقعد فيها انا و هي
سهام: لا لا انت بتقول اي يا عز
عز: يا اعمل الجناح يا من بكرة هشوف شقة لينا انت قولت الاول نتجوز و الكل وافق بس دلوقتي مش هوافق علي حاجة تزعل موده تاني و يقوم
سهام: عز عز
سليم: اقعدي مكانك شوفتوا ابنكم بيرد عليا ازاي دي التربية يا نبيل حتي مسمعتش صوتك و هو بيكلمني كده
نبيل: عشان هو الصح يا بابا هم ليهم حياتهم الخاصة
سليم: انت كمان طيب مفيش جناح هتعمل انا عارف ابنك عايز يعمل الجناح ده ليه عشان يقعد علي طول فوق و ياكلوا فوق و يعيشوا فوق و يحرمني من حفيدتي
كاظم: اكيد لا يا بابا هو هيكون عريس و عايز يكون لوحده و يفرح مع عروسته بلاش تخليه ياخد شقة برة خليه وسطنا هنا الدور التالت فاضي و كبير خليه ياخد جزء و يعمل جناح لوحده
سليم: كلكم موافقين يعني
سهام: بالله يا بابا انا مش عايزة ابني يبعد عني
سليم: ابنك مش بيسمع الكلام
سهام: ده كله مش بيسمع الكلام انا شبعت الحمدلله و تقوم و تقوم وراها زهراء و بيري اللي اسماء حاولت تخليها تقعد بس بيري راحت وراهم و الكل يقوم ماعدا اسماء و نبيل و كاظم
اسماء: يا بابا احسن تخليه يجيب جناح هنا عشان موده تكون جنبك حضرتك عملت ده كله عشان تكون جنبك
سليم: اه
اسماء: خلاص وافق بقي
سليم: انا مش عايز كلام ف الموضوع ده و يقوم
نبيل: انا تعبت بجد
كاظم: معلش يا اخوي خير باذن الله
****
عند عز كان ف العربية بتاعته و موبايله يرن و كانت موده
عز: السلام عليكم و رحمه الله بركاته عاملة اي
موده: وعليكم السلام و رحمة الله بركاته الحمدلله بخير و انت
عز: تمام الحمدلله
موده: صوتك ماله
عز: مفيش عادي
موده: مالك بجد
عز: خناقة مع جدك عادي
موده: ياربي ليه تاني
عز: بعدين اقولك المهم بقي انا هيجي شوية
موده: منتظرك يا زوجي العزيز
عز: تمام يا وصية الرسول
موده: وصية الرسول
عز: اه انا مسجل علي الفون كده عشان لو في يوم اكون متعصب و انتي كلمتني افتكر انك وصية الرسول و اهد من العصيبة و أكلمك براحة
موده: يا سيدي يا سيدي اي الجمال ده
عز: شوفتي ربنا يحفظك ليا يارب
موده: يارب يلا بقي عشان اقوم البس لحد ما تجي سلام
عز: سلام و يقفل اه يا موده انتي كنز و انا مستحيل اسيبك هتفضلي مراتي طول عمري و ف الجنة بإذن الله يارب احفظها ليا و خليني صالح عشانها يارب
******
ف القسم عند حاتم قاعد ف مكتبه و معه زميله مصطفي و متهم واقف قدامهم
حاتم: ما تتكلم يا بني
:ما انا قولت كل حاجة يا باشا
حاتم: اتكلم يا عوض
:يا باشا
مصطفي: صدقني الواد ده مش هيجي بالطريقة المحترمة دي
حاتم: اصبر يا مصطفي اتكلم يا بني هسيب الباشا عليك مين الكبير بتاعك يا بني انطق ف شباب صغيرة بتروح ف داهية بسبب الزفت المخدرات
:اقسم بالله ما اعرف الكبير احنا حد بيجي البضاعة ف عربية و يسيب العربية و يمشي و احنا ناخد البضاعة نوزعها و بعد كده بنحاول الفلوس و كده بس عمرنا ما شوفنا اي حد منهم يا باشا والله
مصطفي: طيب عرفتهم ازاي
:من واحد صاحبي قالي تعال ف مصلحة حلوة و قالي اننا هنوزع مخدرات قولتله عرفتهم من فين قالب ملكش دعوة انت لكي تأخد فلوسك و بس
مصطفي: اه اسمه اي صاحبك ده
:ابراهيم ابراهيم يا باشا
حاتم: تمام خدوا يا بني
:اي ده يا باشا ما انا قولت كل حاجة
حاتم: لا انت هتشرف عندنا شوية خدوا يا بني و ياخده العكسري و يخرج
مصطفي: الواد ده بيكدب
حاتم: ظاهر أوي
مصطفي: لو سيبتني عليه كنت خليته يقول كل حاجة
حاتم: مصطفي انا اكتر طريقة أكرها الضرب و انت عارف
مصطفي: طيب يا سيدي هنعمل اي
حاتم: روح الحارة شوفلي ابراهيم ده
مصطفي: تمام يا كبير
حاتم: مصطفي من غير ضرب
مصطفي بضحك: انت تعرف عني كده
حاتم: مصطفي
مصطفي: يا عم اقسم بالله مش هعمل حاجة هيجيبه بهدوء و اجي بس روح انت سوف اللواء ممدوح كان عايزك
حاتم: تمام و يخرجوا مصطفي راح الحارة و حاتم راح عند اللواء ممدوح و يخبط و يدخل
ممدوح: تعال يا حاتم
حاتم: نعم يا فندم
ممدوح: بقالك يومين مش هنا و مصطفي شايل كل حاجة ف القضية
حاتم: معلش يا فندم كتب كتاب بنت خالي و كان لازم اقعد
ممدوح: مبارك عقبالك
حاتم: الله يبارك فيك
ممدوح: اي اخبار القضية
حاتم: عوض بيكدب علينا و بيقولوا قصص خياليه اساسا بس مصطفي: دلوقتي راح يجيب ابراهيم ده مش هسيبه غير لمي اطلع منه كل المعلومات
ممدوح: تمام القضية دي مهمة أوي دي حياة شباب بتروح يا حاتم لازم نواصل للناس دي ف اقرب وقت انا كمان عرفت انهم بيشغلوا بنات معهم بنات صغيرة أوي ١٠ سنين
حاتم: بإذن الله يا فندم هنقدر نجيبهم
ممدوح: بإذن الله
حاتم: بعد إذنك يا فندم
ممدوح: أتفضل
*****
ف فيلا سليم
ف اوضة زهراء كانت قاعدة هي و صحبتها هاجر و سهام كنت قاعدة معهم
سهام: برضو كده متجيش كتب كتاب
هاجر: غصب عني والله يا سوسو كنت جاية بس ماما تعبت أوي
سهام: الف سلامة عليها هي عاملة اي دلوقتي
هاجر: كويسة الحمدلله بقيت احسن
سهام: طيب الحمدلله
هاجر: اي الخطوبة كنت حلوة
زهراء: اه أوي كان نفسي تكوني موجودة
هاجر: بإذن الله ف الفرح اكون عايزة اشوف العروسة
زهراء: خدي الموبايل شوفها
هاجر: تمام و تاخده
هاجر: ماشاء الله جميلة
زهراء: عقبالك
هاجر: يارب عشان عايزة اخلص بقي
زهراء بضحك: ربنا يرزقك
هاجر: يارب
*****
عند موده جهزت
رحاب: اي الجمال ده
موده: شكلي حلو
رحاب: اه جدا ماشاء الله
موده: أنتوا رايحين فين
رحاب: نازلين احنا و ماما نجيب كام حاجة كده
موده: و انا هقعد مع عز لوحدي
رحاب: عمتو هنا
موده: تمام
رحاب: عايزة حاجة
موده: كلمني قبل ما تجي عشان افتكر انا عايزة اي
رحاب: خلاص تمام و تخرج و موده تكمل لبس
موده: بس كده قمر يا بت يا موده و الباب يخبط و تروح تفتح و كان عز
عز: السلام عليكم
موده: وعليكم السلام أتفضل
هيام: تعال يا عز يا بني أتفضل
عز: ازيك يا طنط
هيام: الحمدلله يا بني أتفضل و يقعدوا
هيام: اي عامل اي
عز: الحمدلله بخير
هيام: روحي يا موده هات عصير لجوزك
موده: حاضر
هيام: و هاتي الكيكة اللي من الصبح واقفة تعملها عشان خاطر عز موده بصتلها
عز: الله بجد
هيام: اه يا بني والله واقفة من الساعة ٦ بتعمل كيكة عشانك
عز: ده انا محظوظ
هيام: ربنا يحفظكم لبعض يا حبيبي و تجي موده
موده: أتفضل
عز: شكرا
هيام: اسيبكم بقي انا و اقوم اعمل الغدا اعمل حسابك مش هتمشي قبل الغدا تمام
عز: تمام يا ست الكل و تمشي هيام
عز: الله طعمها حلو أوي
موده: بجد
عز: اه جدا تسلم إيديك واقفة بجد من الصبح تعملها عشاني
موده: اه
عز: ليه
موده: عشان جوزي و لازم اهتم ييك
عز: تمام يا وصية الرسول فين السلسلة
موده: أتفضل و يلبسها السلسلة و بعد كده ماسك ايديها
عز: اوعدني اني عمرك ما هتقعلها
موده: اوعدك شكرا
عز: مفيش شكر بينا
موده: صح كنت مالك الصبح ,عز قالها كل حاجة
موده: هتعمل اي دلوقتي
عز:هاخد شقة صغيرة برة
موده: تمام
عز: موافقة يعني
موده: اي مكان عادي مش مهم يعني بس بلاش مشاكل
عز: انا عملت حاجة هو اللي عايز كلامه يمشي علي طول هو خليني اتجوزك عشان تفضلي جنبه محدش ياخده منك بس انا مستحيل اسيبك انا بحمد ربنا انه عوضني بيكي اروح اسيبك
موده: اي الكلام الكبير ده
عز: انا مرتاح معكي يا موده مبسوط مش عايز السعادة دي تروح
موده: مش هتروح لو انت حفظت عليها
عز: هحطها ف عيوني بس هي تفضل معايا
موده: هتفضل و ده غصب عنك المهم بقي
عز: خير
موده: انا عايزة اروح اشوف المدرسة قبل ما تبدا
عز: هو كده كده بيكون ف يوم قبل المدرسة بيومين عشان نتعرف علي الطلاب و كل طالب يعرف مكانه و كده
موده: طيب كويس ثواني انت قولت قبلها بيومين يعني بعد بكرة
عز: بظبط كده
موده: علي خير باذن الله
عز: بإذن الله
*****
و يمر يومين بدون احداث جديدة رحاب و اهلها سافروا و هيجي قبل الفرح عز و ماهر مشغولين ف تجيهز المدرسة
***
ف بيت هيام عند موده كنت بتجهز
هيام: يلا يا موده الفطار
موده: حاضر جاية و تأخد شنطتها و تخرج
موده: السلام عليكم
الكل: وعليكم السلام
صابر: اي الجمال ده
موده: حبيبي يا بابا
حاتم: ساعة عشان تجي عايزين نفطر
موده: ما تفطر انا كلمتك
حاتم: رخمة اخلص عشان اوصلك
موده: عز جاي
حاتم: احسن بردو
موده: قصدك اي
صابر: انا مش عايز خناق عايزين ناكل ف هدوء
موده: خليه يسكت يا بابا
صابر: بس يا حاتم انت الكبير
حاتم: حاضر يا خالي انا خلصت اساسا و يقوم يغسل ايده و بعد كده يمسك كوباية الشاي
موده: الحمدلله اقوم اغسل ايدي
هيام: هتجي بدري انهاردة يا حاتم
حاتم: مش عارف والله
صابر: ربنا معك يا بني
حاتم: يارب يا خالي و موبايل موده يرن
حاتم: موده العشق الممنوع بيرن
هيام: اصبر تغسل ايدها و تجي
حاتم: انا هرد
هيام: حاتم عيب لا ،حاتم يرد
عز: السلام عليكم خلصتي يا حبيبتي
حاتم: وعليكم السلام لا حبيبتك بتغسل ايدها معك اخوها
عز: اوف يا بني انت بتطلع مننا
حاتم: حبيبتك اي ازاي تقولها حبيبتك
عز: زوجتي
حاتم: ماشي تقول يا حبيبتي ليه يعني
عز: براحتي هي فين
حاتم: مش موجودة عايز اي
عز: انا تحت لما تخلص خليها تنزل
حاتم: طيب ما تطلع
عز: لا تسلم عشان مستعجل
حاتم: طيب ثواني موده موده ابو لهب عايزك
عز بصدمة: ابو لهب
حاتم بضحك: اسف مش قصدي
موده: هات يا رخم و تأخد منه الموبايل و تدخل البلكونة
موده: اي فينك
عز: انا تحت أهو
موده: مش شايفك
حاتم: عند بلكونة ام محمد اهو
عز: قولي لضرتي ده يبعد عنك
حاتم: اختي و لو مش عجبك نفركش كل حاجة
عز: اسف يا استاذ حاتم ممكن بقي تنزلي عشان هطلع أضرب الحيوان اللي جنبك ده
موده بضحك: حاضر نازلة سلام يا حاتم
حاتم: خلي بالك من نفسك ف رعاية الله
موده: حاضر سلام
******
ف فيلا سليم
سهام: يلا يا جاد
جاد: انا خلصت يا ماما أهو الباص برة
سهام: تمام خلي بالك من نفسك و ركز بالله عليك
جاد: حاضر سلام و يمشي و ينزل ماهر و معه نورسين و سند اللي اول يوم مدرسة ليهم
سهام: ماشاء الله حبايب قلبي
نورسين بفرحة: هروح المدرسة
سهام: خلي بالك من نفسك و اسمعي كلام الميس
نورسين: حاضر
سند: متخافيش يا سوسو انا هخلي بالي منها
سهام: جدع يا سند
ماهر: فين جاد و عز
سهام: جاد راح بالباص و عز راح يجيب موده
ماهر: تمام عايزة حاجة يا ست الكل
سهام: لا يا حبيبي تسلم
بيري: صباح الخير
:صباح النور
بيري: فين جدو
سهام: مشي هو و كاظم و نبيل من بدري
بيري: اي ده انا اول يوم ليا ف المدرسة انهاردة و قالي هيروح معه
سهام: خلاص روحي مع ماهر
بيري: لا يا طنط هروح لوحدي عادي
ماهر: لا استني انا كده كده رايح تعالي معايا
اسماء: ما تروحي مع ابن عمك يا حبيبتي
بيري: مش عايزة اتعبك
ماهر: ولا تعب ولا حاجة يلا
بيري: تمام شكرا و تروح تمسك سند و نورسين و يمشوا و ماهر يمشي وراهم
اسماء: شوفتي بتحب نورسين و سند ازاي
سهام: ربنا يحفظها و تفرحي بيها
اسماء: يارب
****
عند موده و عز ف العربية
عز: اي يا بني خلاص قربت
غيث: يلا الكل هنا ماعدا انت و ماهر
عز: تمام خلاص خمس دقائق و اكون عندك
غيث: تمام سلام و يقفل
عز: مالك قاعدة ساكتة ليه
موده: عادي بفكر
عز: مالك بجد
موده: توتر شوية عشان اول مرة اروح المدرسة
عز ماسك ايدها و باسها: متخافيش طول ما انا جنبك
موده مسكت ايده: ربنا يحفظك ليا
عز: يلا عشان وصلنا
موده: تمام و تنزل
عز: يلا و كان يمسك ايديها
موده: لا احنا داخلين المدرسة
عز: تمام طيب امشي جنبي
موده بضحك: يلا و يدخلوا
يوسف: جاد جاد
جاد: اي ف اي
يوسف: مش دي موده
جاد: اه ما هي هتكون ميس هنا
يوسف: اه
تيا: مين موده دي
جاد: مرات عز
فيروز: اي ده امت عز خاطب اساسا عشان يتجوز
جاد: لا ده كتب كتاب لسه الفرح بعد شهرين
رويدا: شكلها لطيفة
مروان: جدا والله
تيا: أنت عارفها
مروان: اه أخدت مني عبلة السجائر لما كنت عند الزفت ده
فيروز: يخربيتك و انت من امت بتدخن عند عز
مروان: مكنيش ف حد غير زهراء ف اوضتها و دي جات علي حظنا
تيا: شكلها صعبة
يوسف: جدا دي جاية علينا
موده: صباح الخير يا شباب
الكل: صباح النور
موده: عاملين اي يا شباب
يوسف: الحمدلله
موده: مين البنات دول
جاد: تيا فيروز رويدا
موده: تشرفت بيكم
تيا: الشرف لينا
مروان: نورتي المدرسة بجد
موده: بنورك يلا اسيبكم دلوقتي لينا لقاء تاني سلام و تمشي
مروان: لينا لقاء تاني
جاد: سيبك منها يلا عشان نروح الفصل
عند موده كانت ماشية و شافت ماهر و نورسين و سند و بيري داخلنا سند و نورسين يجروا عندها
موده: حبايبي عاملين اي
سند: الحمدلله
نورسين: انا كبرت و جات المدرسة
موده: حبيبتي ربنا يحفظك
بيري: نحن هنا
موده بضحك: معلش بقي عاملة اي
بيري بابتسامة: الحمدلله بخير
موده: اي جاين مع بعض
بيري: اه جدك سيبني و مشي ماهر ربنا يوفقه خليني اجي معهم
ماهر: تسلمي يلا بعد إذنكم يلا يا نورسين و سند عشان نروح الفصل يلا و يمشوا
موده: جدك بيلعب لعبة جديدة
بيري: شوفتي سيبني و يمشي عشان اجي مع ماهر
موده: اه هو انتي اي رايك ف ماهر
بيري: مش عارفة يعني من زمان بيقولوا ماهر ل بيري بس انا سافرت ف ماهر اتجوز واحدة تانية انا مش عارفة بجد انا بحبه ولا ده عشان من وانا صغيرو بيقولوا نفس الكلام و غير كده ماما علي طول خلي بالك من ماهر لازم تاخدي ماهر و الكلام ده
موده: بصي لو انتي عايزة ماهر أدعي ربنا انما انا ملاحظة انه اعجاب عشان و أنتوا صغيرين
بيري: انا بقول كده برضو بس ماما
موده: انتي عايزه اي
بيري: انا عايزة حد بيحبني و يحفظ عليا
موده: هيجي بإذن الله
بيري: انتي طيبة أوي يا موده
موده: حبيبتي مفيش اطيب منك
عز: انا بقالي ساعة بدور عليكي انتي فين
موده: بتكلم مع بيري
عز: واقفين كده ليه يلا علي شغلكم
موده: ف اي يا بني لسه بدري
عز: يلا يا بت انتي وهي يلا واقفين بتقولوا اي
بيري: بنتكلم عادي
عز: طيب يلا كل واحدة علي الحصص بتاعتها
غيث: عز عز عز
عز: نعم
غيث: تعال عايزك
عز: تمام يلا كل واحدة علي الحصص بتاعتها و يمشي
عز: عايز اي
غيث: دي بنت عمك صح
عز: اه
غيث: هي هتكوت معنا هنا
عز: اه ليه
غيث: لا عادي بيسال
عز: تمام يلا ورايا
موده: مين ده
بيري: ده صاحب عز
موده: عرفتي ازاي
بيري: شوفته يوم خطوبتك كان جاي معنا
موده: اه طيب يلا كل واحدة تروح تشوف شغلها أشوفك شوية
بيري: تمام سلام
*****
ف فصل جاد كانوا قاعدين هم ٦ فقط ف الفصل
تيا: اول حصة علم نفس
جاد: اكيد تامر اللي علينا
فيروز: اوف تامر تاني
رويدا: ماله تامر يعني
تيا: طبعا انتي مش بتحبي حد يغلط فيه
رويدا: اه ومحدش يتكلم عنه وحش
مروان: ليه ان شاء الله
رويدا: عادي يعني
جاد: اي الزهق ده
تيا: انا عايزة امشي
يوسف: ما تجوا نخرج بعد المدرسة
فيروز: اه ياريت
جاد: خلاص بعد المدرسة نرخح شوية
الكل: تمام و تدخل موده
موده: السلام عليكم ياريت كل واحد يقعد مكانه
جاد: انتي جاية هنا ليه
موده: موده صابر معلمة علم النفس و فلسفة الجديدة بتاعتكم
الكل بصدمة: اي
تبع .....
#معلمة_من_الصعيد
#مريم_شعبان
