رواية عروس برنس الصعيد الفصل السادس عشر 16 بقلم اسماء حبيب
#Part..16.
ابو رضا..... النهارده قرايه فتحتك علي البت بنتي رضااا والشبكه الاربع الجاي والدخله اخر الشهر.
صابر .... اه الف مبروك و....( وبعد ما استوعب وتصدم) ميييييييين العريييييس.
ابو رضا.... ايييييي هو ابوك مجبش ليك خبر.
صابر.. خبري دا هبقطع خبري... معلم لو بتعمل كدا علشان عايز تمن اللحمه بتاعه الشهر الي ضحكنا عليك فيها وعد شرف هجبهالك اخر اليوم.
ابو رضا.... وانا ههظر معاااااك انت.
صابر.... بذمتك انت راضي تجوز بنتك واحد زي انا راضي ضميرك يا معلم.
ابو رضا... ان جيت للحق لاء وخصاره فيك رضاااا الصراحه.
صابر... شفففت النصيب بقي يا معلم وان شاء الله هيجي الي يستاهلها.
ابو رضا... بس البت بنتي حسس ان دماغها لينه من نحيتك رضيااا عنك.
صابر... دا انا امي الله يرحمها مرضيتش عني بالشكل دااا.
ابو رضا... من الاخر كداا هتشرف باليل عندنااا واياااك تتأخر فاااهم.
ناصر... اناااا.
ايو رضا... اماااي امي.
ناصر... جايز وليه لاء مبحبش ادخل في حوارات عائليه الصراحه.
ابو رضا... مش تستظرف يا روح امك.
ناصر... الله يرحمها ماتت وسابتلي مرات اب رمتني للهلااااء لمؤخذه يا معلم.
ابو رضا... انا همشي وعلي المعاااد متتاخرش.
ناصر بشجاعه انااا منيش جاي والي عندك اعملو هييي عافيااا ولا اي ولااا بنخاف.
ابو رضا.... شلبيييي.
بعد دقايق كان كان ابو رضا معلق ناصر مكان اللحمه المتعلقه...
صابر... مش كدااا طيب طييييب نزلني ونتفاهم.
ابو رضا قاعد علي الكرسي... مش سااامع.
صابر... خلاااص جاااي والله جاي بس نزلني الله يسترك.
ابو رضا... شلباااااي.
شلبي.. نعمين يا معلمي.
ابو رضا.... نزله.
شلبي.. فخده ولا دراع.
صابر... لا الريش يا ظريف نزلنييي.
شلبي... صبرك بالله.
صابر... يااارب انا لا اسالك رد القضاء ولاكني اسالك اللطف فيه نزلني يااا شلبي.
شلبي نزله.... يلا يا معدل.
صابر... متشكر.
ابو رضا... يلا يا لزيز من هنا شد عجلك.
صابر... ماشي يا معلم.
صابر مشي ومخنوق وهو بيعدل هدومه.... هو انا النكد متراهن علياا ولا اي الصباح الي زي بعضه داااا.
عمر كان قاعد علي القهوه وشافه.... يااا برنس ازيك.
صابر بصله بقرف ومشي ومش كلمه.... معرفه تجيب النحس.
عمر.... يوه استنااااا ياض يااا صااابر استنااا.
صابر وقف بزهق... عااايز اي مني السعادي.
عمر.. هو صحيح الي اسمعته دة مظبوط.
صابر... اسمعت اي؟!
عمر.... منزلين علي الفيس صورتك وبقولو شبكتك يوم الاربع علي بنت المعلم اااه يا نمس ومش تعرفني طيب وايييي منشن صح.
صابر... عجباك.
عمر.... ومين يا صابر مش عينه من رضا بس سابتنا كلنا وراحتلك انت يا ابن المحظوظه.
صابر.... ههههههه انا محظوظ امشي يا عمر لسفلت وشك انا مش طايق الهدوم الي عليا.
صابر مشي وسابه و عمر بص ليه باستغراب.... ماله دا حد يخطب رضا بنت المعلم ويكون مضايق دا هيفطر لحمه ويتسلي بممبار اااه يا ابن المحظوظه.
صابر وصل عند النمساوي و دخل المخزن....
نمساوي... مالك وشك مقلوب كدا ليه.
صابر.... اصله مش عجبه حاله.
نمساوي... ههههه حلوه.
صابر بصله بملل. هو اي الي مطلوب مني النهارده.
نمساوي.... ليك شغلانه خطره بس لو تمت ليه خمسنايه.
صابر.... مش هتكفي اجيب بيها نص كرتونه بيض يا معلم.
نمساوي... ياض خمسين الف.
صابر... واي الشغلانه دي.
نمساوي... سمير باشا طالب مننا رجاله هتروح معاد التسليم الدفعه الجديده علي الساعه 12 باليل.
صابر... وفين دي يا معلم؟
نمساوي... هو محددش بس احنا مش علينا غير التنفيذ.
صابر باستغراب... امال انا هروح ازاي؟!
نمساوي... هتيجي هنا علي الساعه 10 علشان توصل بدري.
صابر...... مشكله يا معلم.
نمساوي... ليييه كدا.
صابر... اصل بعيد عنك رايح اخطب اقرا الفتحه النهارده.
نمساوي... كبرت ياض وهتتجوز.
صابر... لو كنت اعرف انها هي مكنتش مكنتش كبرت.
نمساوي... هي وحشه ولا اي.
صابر.... يعني حلوه كدا بس مش تسلك معاها يا معلم دي عمله رعب في المنطقه محدش يقدر عليها وليا قدره.
نمساوي... واي الي جابرك علي كدا؟!
صابر... ابوها راجل شراني ما تسلكش منه اعمل ايه بس اهو النصيب بقى الله يرحمني
نمساوي... لاشد حيلك كده احنا محتاجينك النهارده
صابر.. يا ترى مين اللي يعيش يا معلم
نمساوي.. المهم عندي ما تتاخرش تتصرف وتيجي
صابر... والخوط فين؟!
نمساوي... الله يرحمه برحمته الواسعه
صابر بصدمه... ايه ده مات
نمساوي... لا بس واخد ليه بشله في عينه قعدته في البيت مش عاد ينفعنا كده
صابر... اه الله يبشرك بالخير وانا بقى اللي مسؤول من رجالتك اللي هطلع الطلعه دي مش كده
نمساوي.. الله ينور عليك برافو يا شاطر.
صابر... يلا اهي موته والله اكثر ما عدتش فارقه
نمساوي.. حسك عينك تتاخر الشغل ده مش فيه هزار
صابر... عولم يا معلم وسوف ينفذ
نمساوي.. احبك المطيع
صابر.. واحنا لينااا غيرك يا معلم.
في الفيلا عند عز
عز وضحك... خلاص وقع في القفص و هه وعرفت مكان التسليم
الضابط.. قريب عز متاكد المره دي ولا زي المره اللي فاتت فشنك
عز.. عيب المره دي وقع ومحدش سمى عليه
ضابط.. ماشي عز بس انا بحذرك المره دي هتكون اخر مره ومش هدخل معاك في اي حوار تاني انا مش فاضيه لعب العيال
عز.. مين قال لك انه لعب عيال روح انت بقى وانا هكمل الباقي
الضابط.. يعني متاكد ان احنا هنروح المكان ده وهناخد البضاعه
عز.. وحلال الربع في البضاعه دي عليك بس عاوزك تشيلها ليه وانا هخلص الليله وكلمك.
الضابط بخبث... ماشي يا عز عن اذنك بقى عشان مش هتاخر
عز.. سلام
الضابط خرج من الفيلا من عند عز وعز طلع الموبايل بشر.
عز... الو شادي عايزك تجهز لي الرجاله وتقابلوني فورا في المكان اللي احنا اتفقنا عليه
شادي ويكون كبير البودي جارد.. تمام يا فندم عولم وسينفذ
عز قفل الخط وبصوت كل حقد وغل.. نهايتك على ايدي يا برنس ومن النهارده مش هيبقى فيه غير عز في السوق
اما في الفيلا عند البرنس كانت نور تقرا كتاب في البلكونه او عامله نفسها بتقرا كتاب عشان ما نكدبش على بعض وبتبص على البرنس وهو في الجنينه
البرنس وبيكلم عامر... جهزت كل اللي انا قلت لك عليه
عامر.. بالحرف الواحد يا برنس ما فيش حاجه الا وعملناها
البرنس.. عفارم عليك يا عامر اكده تروح دارك وشوف عيالك بقى ليك كثير ما شفتهمش
عامر.. واسيبك كيف يا برنس
البرنس.. وه هو انا عيل صغير ولا ايه يا عامر
عامر.. اللي عاش ولا كان يا برنس اللي يقول عليك ده
البرنس.. يبقى تسمع الكلام كيف ما قلت لك تروح وتشوف دارك
عامر.. حاضر يا برنس اللي انت رايده هيحصل
البرنس خرج مبلغ من جيبه... خذ يا عامر
عامر.. خيرك سابك يا برنس
البرنس... خد بقى وبطل غلبه
عامر.حاضر يا برنس انا مش عارف اودي جمالك دي فين
البرنس.. يلا بقى هم من هنه
عامر.. مشي والبرنس خد باله من نور اللي واقفه بتبص عليهم البلكونه وعامله نفسها ماسكه كتابه
البرنس... ايه يا مثقفه اللي موقفك اجديه في البلكونه والجو سقعه
نور.... اصل الكتاب حب يتشمس
البرنس... انزلي عشان تاكلي الغداء باينه جاهز
نور.... ابن حلال مصفي انا كنت واقعه من الجوع
البرنس... طب يلا
نور.. نزلت بسرعه قاعده البرنس يتغدوا
البرنس... اعملي حسابك كلها يومين وتكوني في دار اهلك
نور.... الله اخص عليك والعيال اللي يروحوا فين هتبعدهم عن امهم ايه يا اخي ما عندكش قلب
البرنس.... واه كمان عيال.
نور... هههه بس انا حبه اقعد هنا اوي مش عايزه اروح.
البرنس... معادش ينفع واظن صحتك بدت تكون حلوه.
نور... لاء انا صوبع رجلي اليمين متأثر لسه.
البرنس... بلاش استعباط.
نور... خلاص كدا يعني مش هشوفك غير في الكوابيس.
البرنس... اطفحي واني ساكته.
نور.... الله الوكيل الفاظك ديييي تفتح النفس على الاكل
البرنس... اه ما اني عارف كولي بقى
نور كانت بتاكل هي و البرنس واذ فجاه سمعوا صوت باب الفيلا بيتفتح وصوت ضرب نار
نور... بصدمه يا لهوي ثاني لا انا كده مش قادره استحمل
البرنس سحب المسدس من الجاكيت... تعالي وراي
نور... طب اصوت يمكن اي حد من الفيلا اللي جنبنا يسمع.
البرنس... بقول لك تعالي وراي لو مستغنيه عن عمرك ده انك اهنه
نور.. هو انا لاقيه عمري في بنك الحظ وراك يا سي البرنس
نور طلعت تجري ورا البرنس من باب الخلفي للفيلا خروجو بعربيه وتحركوا بسرعه و في اللحظه دي دخل عز الفيلا وبكلم شادي..
عز.. هما راحوا فين
شادي... الظاهر كده في باب تاني للفيلا من ورا
عزه بزعيق... هو انت بتخمن دلوقتييييي انت ازاي مش حطيت حرس على الباب التاااااني امال التعينات راحت فين؟
شادي... انا مش كنت اعرف احنا جينا فجاه.
عز بضيق... مشغل معايا انا شويه اغبيااات ورااااهم انت واقف مستني ايه يلااااااا.
العربيات بدات تتحرك باقصى سرعه ورا عربيه البرنس.
نور... يا لهوي يانا ياما دول ورانا هيعكشونا يا برنس كدااا سرع سرع خلينا نسبقهم.
البرنس... كله بسببك انتي. بس هما ازاي عرفوا يحصلونا و يصلوا لنا اكده بالسرعه دهين.
نور.... يكونش معمولنا عمل ومعاهم سحاحر.
البرنس بسرعه... بطلي هطلك ده وقوليلي انت لسه حاطاه في جيبك المحمول.
نور... اه.
البرنس بسرعه.... اخلاص ارميه.
البرنس كان بيمشي باقصى سرعه ودخل في اماكن زحمه
البرنس بصدمه... هما ازاي برضووو متابعينا اكده
نور... هو انت ليه مصمم اني ارمي الموبايل
البرنس... هو انت لسه مش رميتيه
نور.... بالصراحه العده تقيله وحلوه هتجيب ليه مبلغ محترم يعني اه الصراحه حلوه.
البرنس.. الطوم منك اخلصي ارميه
نور... طب فهمني بالراحه ارميه ليه ما انا لازم اقتنع بصراحه انا مش مغفله عشان ارمي العده دي
البرنس... يا مهفوفه المحمول دهون فيه جهاز تتبع
نور... اه قول ليه كده طب هو فين الجهاز ده عشان ارميه..... نور هنا طلعت الموبايل... اهو وريني.
البرنس اخذ الموبايل وراح حادفه من شباك العربيه
نور... يا لهوي الموبايل روح يا شيخ ربنا يسامحك كان عبده حلاوه هيبيعوا بتمن حلو قوي وهيكرمني فيه.
فجاه العربيه وقفت والبرنس بس لنور اللي خافت منه فجاه
نور.... استهدى و واحد الله في قلبك كده بلاش البصه دي.
البرنس فتح باب العربيه ونور اتصدمت مين اللي عمله
#Asmaa_Habib✍️.
#عروس_برنس_الصعيد..
