رواية احببت منتقبه الفصل الثاني عشر 12 الجزء الثاني بقلم ياسر الانصاري
" أحببت منتقبة الجزء الثاني الفصل الثاني عشر ♥️ "
الزهراء. طول منتا جمبي انا اسعد بنت ف الكون. بس قولي من امتي وانا بتحب العنف دا ؟
صهيب بضحكه. والله معرفش اينعم بحب الرومانسيه وكل مره بنتعامل بيها بس النهارده حبيت اعمل دا حبيت اكون معاكي ف معركه من شوق وحب ولهفه
الزهراء بكسوف. بس تصدق العنف دا طلع حلو اوووووووووووي
صهيب. اه يا جزمه وانا اقول البت مؤدبه 😂
الزهراء. لا والله !
صهيب. بهزر يا قلبي هو ف فادبك واحترامك
الزهراء. ايواه كدا
صهيب. متزقيش طيب. انا هقوم اخد شاور
قام صهيب اخد الشاور وطلع ...بس تعرفي يا الزهراء مش عارف اتخطي موضوع اسلام دا وع قد مهو ف الحجز بس بردو نار مولعه فيا كل لما افتكر اني انا لو كنت مكانه وانا الي وقعت كان زماني ميت
الزهراء. متقولش كدا تاني بالله عليك ربنا يخليك ليا ويبارك في عمرك واهو ف المكان الي يستاهله
صهيب. عندك حق. انا نازل اشوف الجماعه. نازله معايا ؟
الزهراء. آه طبعا يلا بينا
نزل صهيب والزهراء. وشاف أمه وأبوه وهدير ومحمود قاعدين
صهيب. دا الكل متجمع بقي
عائشه. كان ناقص انتا والزهراء بس قولنا نسيبكم ع راحتكم
صهيب. هو دا كلام يا ست الكل راحتنا معاكم طبعا
جمال. عامل ايه دلوقتي احسن !
صهيب. الحمدلله بخير يا بابا
محمود. بس مكنتش اعرف انك جامد كدا يا صهيب بصراحه ومتزعلش مني كنت فاكرك عيل سيس
صهيب. سيس ؟. تصدق انك عيل رخم ... الي متعرفوش يا سيس اني اخوك جامد من زمان وكان زماني دلوقتي ضابط جيش مش دكتور بس البركه ف ابوك بقي ( وبيضحك
جمال. كان لازم امنعك هنبقي انا وانتا بعيد عن البيت وامك واختك
صهيب. بس سعتها مكنتش اعرف انك ظابط ودا كان سبب زعل الي هو ليه يحرمني من حلمي لكن دلوقتي فهمت كويس ليه. فهمت بقي يا سيس
محمود بضحكه. دا انا الي طلعت سيس
عائشه. كفايه بقي كنتو هتبقي الثلاثه ظباط دا غير عمك كمان وابن عمتك لا دكتور أحلي
محمود. ايواه مهو البكري بقي ومن حقك تطبليله
جمال. احترم نفسك يلا تطبيل ايه
عائشه. لا يا اخويا دا كلامه معايا كدا ع طول عادي يعني ... رجعلك اهو الي هيربيك من اول وجديد
محمود. طب اطلع انا بقي قبل ما يتحفل عليا
صهيب. اترزع مكانك يلا
محمود. طيب
صهيب بضحكه. الحق دا خاف سلامتك يا حضرة الضابط
والكل فطسان ضحك
محمود. وبعدين بقي اسكت مش نافع اتكلم مش نافع. بقولكم ايه هدير قدامكم اهي واصغر واحده حفلو عليها بقي
جمال. طب الراجل يفكر يحاول كدا !
صهيب. احم. دا الراجل بقي .....والكل فطسان ضحك
فجاه الفون رن
صهيب. السلام عليكم
صفاء. وعليكم السلام. عامل ايه يا صهيب
صهيب. الحمدلله بخير. اخباركم انتو ايه
صفاء. صهيب عمك مصطفي تعبان وعاوز يشوفك انتا والزهراء ضروري
صهيب.. حاضر حاضر مسافه الطريق
قفلو المكالمه. الزهراء لازم نطلع نلبس عشان نروح الشرقيه
الزهراء بخضه. ف حاجه ولا ايه
صهيب. متقلقيش عم مصطفي تعبان شويه بس وعاوزك جمبه مش اكتر
طلعو هما الاتنين بسرعة غيرو هدومهم ونزلو
جمال اخد صهيب ع جمب. هو ف ايه يا صهيب
صهيب. معرفش يا بابا حماتي كلمتني بتقولي عمك مصطفي تعبان وعاوز يشوفك ويشوف الزهراء ضروري
جمال. طيب اتوكلو ع الله انتو واحنا وراكم ع طول
مشي صهيب ع الشرقيه وبعد حابه من الوقت كان وصل والزهراء نزلت جري ع بيتهم
الزهراء. بابا بابا حبيبي انتا كويس
مصطفي بضحكه. انا كويس يا بنتي متقلقيش سلمي ع امك واخوكي
والزهراء سلمت ع امها وأخوها وصهيب سلم عليهم وراح ناحيه عم مصطفي... مالك بس يا عم مصطفي الف مليون سلامه عليك
مصطفي. انا كويس يا صهيب. المهم الزهراء امانه في رقبتك متعرفش انا مبسوط قد ايه أنها مع راجل بيحبها ويحميها وديما ف ضهرها خلي بالك منها يا صهيب
صهيب. عم مصطفي ليه بتقول كدا منتا موجود اهو ويوم ما اقصر معاها كسر دماغي بايدك
مصطفي بابتسامه. ولا عمري اقدر أمد ايدي عليك لانك راجل ومحترم واكتر من ابني. المهم اوعي تكون زعلان من موضوع اسلام يا صهيب. حقك عليا انا يبني
صهيب. مش زعلان والله ولا اقدر ازعل كفايه أنه ابن اخوك يا عمي
مصطفي. ربنا يبارك فيك يبني. تعالي يا الزهراء قربي مني
الزهراء قربت من ابوها وايدها ع صدره. حاسس بايه يا بابا ف حاجه بتوجعك
مصطفي. حاجه واحده بس ممكن توجعني يا الزهراء يا بنتي
الزهراء. ايه هي يا بابا
مصطفي. انك تزعلي جوزك الراجل المحترم ابن الاصول
وهنا كان الكل دخل وبيطمن ع عم مصطفي
جمال. الف سلامه عليك يا راجل يا طيب يلا قوم كدا وشد حيلك
مصطفي بضحكه. ربنا يبارك فيك يا باشا بس خلاص شكلها مفيش قومه تاني وصاحب الامانه ياخد أمانته انا خلاص اطمنت علي الزهراء مع جوزها ومعاكم
صهيب. متقولش كدا يا عمي
مصطفي. قربي مني يا صفاء
صفاء. جمبك يا اخويا
مصطفي. متزعليش مني لو كنت قصرت في حقك وسامحيني ع اي حاجه زعلتك مني بدون قصد انتي نصي التاني يا صفاء ام عيالي ومراتي وحبيبتي واختي
صفاء. مقدرش ازعل منك يا حبيبي ربنا يباركلي فيك وتقوملي بالف سلامه
مصطفي. معلش سامحيني مش هيفرقنا غير الشديد القوي وأمر ربنا
فجاه تعب مصطفي ومش عارف ياخد نفسه. وصهيب بدأ يعمله حاجات تريح النفس معاه
لكن مصطفي مسك ايد صهيب وقاله. خلاص يبني عيشي خلص. اشهد ان لا اله الا الله واشهد أن محمد رسول الله
مات عم مصطفي. مات الاب الحنين والراجل الجدع مات القلب الطيب وتحول المكان الي اصوات مرتفعه من الصراخ والبكاء وحالات من الاغماء
الزهراء. بابا لا ابوس ايدك لا خليك معايا قوم يا بابا قوم
وبتحاول تمسك ايده وتقومه
صهيب بحزن ودموع. زهره كدا مينفعش الميت ليه حرمته وكدا انتي بتبهدليه اهدي يا بابا
اخدها ف حضنه عشان تهدي.
ومن الناحيه التانيه صفاء مغم عليها. وعائشه وهدير
بيحاولو يفوقوها وبدأت تفوق. مصطفي مصطفي فين
وقامت جري عليه ولحضنه ..قوم يا راجلي قوم متسبنيش لوحدي قوم يا اخويا وعشرة عمري قوم يا سندي وتاج راسي
عائشه. جماعه كفايه كدا مينفعش يلا كلو يطلع برا الاوضه بعد اذنكم لسا قدامكم حاجات كتير وبعدين إكرام الميت دفنه ولا إيه يا جماعه
جمال.. عندك حق لسا ف غسل ومقابر وعزاء وحاجات كتير يلا كله برا بعد اذنكم. ارتاح يا راجل يا طيب كلنا موجودين وخدامينك في حياتك وف وفاتك
خرجو كلهم وكل واحد راح بيعمل حاجه الي جاب الكفن والي جاب المغسل والي راح المقابر يجهز القبر
وجاءت اللحظه الصعبه لحظه خروج الجنازة
وسط صراخ وبكي ودموع تسقي الزراعات
دخل صهيب وجمال ومحمود وابن عم مصطفي يشيلو الكرب ووراهم حشد كبير من الناس ولا يقولون إلا ..... لا اله الا الله محمد رسول الله. لا اله الا الله محمد رسول الله..لا اله الا الله محمد رسول الله
ونلقاكم في الفصل القادم إن شاء الله ♥️
والسلام عليكم ورحمه الله وبركاته 💙
#م_ياسر_الانصاري
