رواية احببت منتقبه الفصل السادس 6 الجزء الثاني بقلم ياسر الانصاري
" أحببت منتقبة الجزء الثاني الفصل السادس 😊 "
( بدايه دخول الجحيم )
صهيب. نقول مع بعض
محمود. ابوك عايش
صهيب. الزهراء حامل
الكل اتصدم من كلمه محمود عايش عايش ازاي يعني 😲
صهيب. انتا بتقول ايه ؟
محمود. زي ما سمعت يا صهيب ابوك عايش
صهيب. انتا ضارب حاجه ياض انتا فوق وانتا بتكلمني
محمود. ضارب حاجه ! بلاش الأسلوب دا معايا يا صهيب وخلي الاحترام بينا
صهيب بزعيق. إحترام ايه وزفت ايه انتا مش واعي لكلامك
مصطفي. يا جماعه صلو ع النبي ف ايه بس تعالي اقعد يا صهيب اقعد يا محمود بقي
قعدو الاتنين وقدرو مصطفي
عائشه. محمود انتا عارف بتقول ايه ؟
محمود. اه عارف بقول ايه يا امي. والي متعرفهوش اني الي بقوله دا خطر عليا شخصيا ويعتبر سر عسكري
صهيب. لا دي باظت منك خالص وايه دخل ابوك با العسكريه يبني
محمود. مهي دي نص المفاجأة النص التاني بقي اني ابوك أبوك....وبيبص ناحيه مصطفي وصفاء
مصطفي. طيب انتو هديتو دلوقتي وهستاذن انا حمدالله ع السلامه يا صهيب يبني
صهيب. اقعد بس يا عم مصطفي
مصطفي. لا الخلافات العائلية دي لازم تتحل بينكم وبين بعض. سلام عليكم
خرج مصطفى ومعاه صفاء
صهيب. عاوز تقول ايه بقي يا حظابط !
محمود. ابوك كان بيشتغل ايه يا دكتور صهيب
صهيب. لا والله يعني متعرفش
محمود . يا عم خدني ع قد عقلي
صهيب. مهندس زراعى يا سيدي
محمود. ههههه دا الي احنا نعرفه الي متعرفهوش بقي بابا يبقي ضابط مخابرات عامه ويمكن أكفأ ضابط مخابرات في مصر كمان
صهيب. انتا بتهزر
محمود. للاسف لا دي الحقيقه
عائشه. كنت عامله حساب اليوم دا وخايفه منه
محمود اتحرك ناحيتة أمه. يعني كنتي تعرفي ومقولتيش ؟
عائشه. مكنتش اقدر ابوك واخد عليا وعد اني محدش يعرف السر دا. بس الي مستغرباه ازاي عايش اه كنت أعرف أنه ضابط مخابرات لكن معرفش أنه عايش
صهيب. انا مش فاهم حاجه
محمود.. باختصار ابوك مش مهندس لا دا ضابط وفي اقوي جهاز في الدوله وكمان مش ميت دا عايش
صهيب. انتا عرفت كل دا ازاي ومنين
محمود سكت شويه ... بصراحه كدا وبرغم اني ممنوع اقول حاجه بس أنا اتنقلت لجهاز المخابرات العامة
صهيب. مخابرات
عائشه. هتعيد مسيرة ابوك تاني يا محمود
محمود. اه يا امي والاهم من كل دا اني هقابله بعد سنين كنت فاكره ميت واعرف ايه السبب الي ممكن يمنع اب من ولاده
صهيب . هاجي معاك
محمود. تيجي معايا فين احنا رايحين مولد انا هقابله بحكم طبيعة شغلي انتا بقي هتقابله ع أساس ايه. خليني اشوفه الاول وبعدين نشوف هنعمل ايه. انا هطلع دلوقتي عشان هروح شغلي الجديد بكرا. اه الكلام الي قولته اوعو حد يعرفه اروح فيها وانا زي منا في المباحث
محمود طلع فوق وساب صهيب وأمه وهدير والزهراء في حيره ما بعدها حيره
عائشه. صهيب يبني اوعي تزعل مني بس مكنتش اقدر اقولك طبيعه شغل ابوك
صهيب بضحكه. لا يا ماما مش زعلان منك بس عاوزين نعرف هو بعد عننا كل دا ليه
عائشه. ع فكره يبني ابوك مش اول مره يغيب غاب قبل كدا وانتو عيال اكتر من خمس سنين ورجع بس المره دي غيابه طال وكل لما اروح اسال عليه ف الجهاز يقولو مفيش اخبار واخر مره مدير المخابرات العامة قالي اعتبريه مات عشان ترتاحي وفضلت متمسكه با الامل كتير لكن بعد ما عدي اكتر من عشر سنين ع غيابه فقدت الامل ... وبدأت تعيط
صهيب اخدها في حضنه. خلاص بقي يا ست الكل المفروض انك تكوني فرحانه دلوقتي اني بابا عايش ومحمود هيطمنا عليه ويعرف منه اكيد ليه أسبابه
تاني يوم. محمود خرج من بيتهم واتوجه لجهاز المخابرات العامة المصرية وبمجرد وصوله ع البوابه الف سوال والف وقفه لحد لما وصل لمكتب العميد سالم
محمود. صباح الخير يا فندم
سالم. صباح النور يا سياده الرائد.. اتفضل اقعد
محمود. اشكرك يا فندم. وقعد با الفعل
سالم. بص يا محمود انتا حاليا هتنزل تدريب مع بعض الضباط الكوادر هنا في الجهاز وانسي اي حاجه اتعلمتها في اي مكان تاني حتي لو ف الكليه نفسها أو ف جهاز المباحث انتا هنا في مبني المخابرات العامة يعني نقطه ومن اول السطر
محمود. اوامر معاليك يا فندم.
الباب خبط ودخل عليهم ضابط تقريبا برتبه عقيد ... صباح الخير سالم باشا
سالم. صباح الخير يا اسامه
اسامه. قالولي اني معاليك عاوزني
سالم. اعرفك الرائد محمود جمال ابو زيد
اسامه. ابو زيد الاسم مش غريب عليا ثواني اوعي يكون الي ف بالي يا فندم
سالم بضحكه. هو يا اسامه
اسامه. رجل المهام الصعبه ؟
سالم. با الضبط كدا رجل المهام الصعبه يبقي والد محمود
اسامه. يا اهلا بيك يا سياده الرائد انتا ابن استاذنا كلنا ومن أكفي الضباط الي عدت ع الجهاز هنا مع احترامي لسالم بيه طبعا ( بيضحك)
سالم. وأنا هنكر يعني اجي ايه انا ف راجل المهام الصعبه...يلا جاهز يا بطل
محمود. جاهز يا فندم
اتحرك محمود وري العقيد اسامه وعمال يفكر معقوله ابويا وصل للدرجه دي رجل المهام الصعبه مره واحده واستاذهم كلهم واخرتها معاك يا ابو محمود
كانو وصلو ميدان التدريب وبعد تدريب كبير لأيام كتير كان محمود جاهز يكون ضابط في المخابرات العامة
سالم. نتايجك كانت مشرفه يا حضرة الضابط واضح اني فيك من ابوك كتير
محمود. بعد الي سمعته عنه منكم انا مجيش حاجه في صباع رجله الصغير
سالم بضحكه. الحقيقه ابوك دا خلاص مفيش منه نسخ تانيه هو كان النسخه الوحيده والاخيره ...دلوقتي هتبدا في اول عمليه ليك وانتا تابع للجهاز
محمود. وانا جاهز يا فندم
سالم. هيكون معاك اربع ضباط كوادر ومجموعه ع اعلي مستوي من التدريب
محمود. تمام. وايه طبيعة العمليه ؟
سالم. تحرير أسير
محمود. يبقي مين الأسير دا ومهم للدرجه دي !
سالم. اكيد مهم لدرجه فوق ما تتصور كفايه اني اسمه رجل المهام الصعبه
محمود. ابويا 😲 ؟
ونلقاكم في الفصل القادم إن شاء الله ♥️
والسلام عليكم ورحمه الله وبركاته 💙
#م_ياسر_الانصاري
